Convocatories Corvera celebra les Xornaes de los países Celtes esta selmana by asturnet 10 de febreru, 2014 Corvera vive esta selmana, del martes 11 al vienres 14, les Xornaes audiovisuales y culturales de los países celtes con esposiciones, proyeiciones, actuaciones y alderiques que van desendolcase nel Centru Socio-cultural de Les Vegues y nel Teatru El Llar. Amás de delles actividaes de temática asturiana, destaca nesta primer edición la presencia de conteníos irlandeses, gallegos y bretones que van dibuxar el mapa célticu na nuesa cultura. Esti martes abriránse les xornaes cola proyección de Bruxes y los cuentos Celetes qu’ufrirán el Grupu de Mueyeres Mayores de Corvera enantes del Conciertu del gaiteru Bras Rodrigo. Les Xornaes cuenten amás con dos esposiciones, na Sala d´Arte del Centru Socio-Cultural de Les Vegues pue visitase hasta’l miércoles 19 MITOLOXÍA FEMENINA. Amuesa pictórica de Marta Granda. Recorríu peles femes de poder del arcu atlánticu. Na antoxana del TEATRU EL LLAR del 11 al 14 de febreru ta instalada NA GAITA TRAIGO ASTURIES (Muestra de gaiterinos de la colección privada de Bras Rodrigo), del 11 al 14 de Febreru. Amás de les esposiciones, el programa de les xornaes ye’l siguiente: Martes 11 TEATRU EL LLAR 18h. Proyección de BRUXES (Eire/Asturies) 20´ Un soberbiu recorríu pela maxa dende presupuestos etnográficos y etnolóxicos. 19h. Cuentos celtes (Grupu de Teatru de Muyeres Mayores de Corvera) 19:30h. Conciertín de Bienvenida del Gaiteru BRAS RODRIGO Miércoles 12. Sala d´Arte del CS 18h . CAMÍN DE CANTARES (Asturies) (60´) Antolóxica del programa de cultu de Ramón Lluis Bande y Ambás. 19h. EL DIAÑU N´ASTURIES (45´) de BERTO ÁLVAREZ PEÑA 20h. Charra-coloquiu sobre CULTURA ASTURIANA; ENANTES Y AGORA, participen dos de los meyores especialistes de la cultura tradicional n´Asturies: RAMÓN LLUIS BANDE y BERTO ÁLVAREZ PEÑA Xueves 13 Salón d´Actos del CS 18h .Celtivideos (Galiza). (30´). Curtios audiovisuales producíos en Galiza que recueyen cuentos y tradiciones del arcu atlánticu. 18:30h EL SECRETO DE LA ISLA DE LAS FOCAS de John Sayles (Eire) (103 min) John Sayles, ún de los enfants terribles el cine anglosajón, perfizo una maraviosa fábula nel 1993 que sigue siendo exemplu de cine xuvenil. TEATRU EL LLAR 20:30h. Actuación de Jacky Molard & Jean Michel Veillon (Breizh) Dos de les referencies de la música bretona, lo que ye lo mesmo que decir que tamos énte un dúu que representa lo meyor de la música celta. 10 de febreru, 2014 0 FacebookTwitterPinterestEmail
Comunicación El profesor de la UAB Emilio F. Peña conviértese nel primer asturianu en dirixir un MOOC na plataforma Coursera by asturnet 6 de febreru, 2014 Embaxo’l títulu “The Olympic Games and the media”, el profesor de periodismu de la Universidá Autónoma de Barcelona, Emilio F. Peña conviértese nel primer asturianu en dirixir un MOOC (cuursu masivu per internet) na plataforma internacional Coursera. El cursu, que se va impartir dafechamente n’inglés a lo llargo de 5 selmanes dende la primera de xunu, enfotase na contribución que la televisión y otros medios de comunicación ufren a la difusión del mayor espectáculu deportivu mundialÇ: los Xuegos Olímpicos. Esti cursu va empobináu a estudiantes que quieran enxertase nel universu de los medios de comunicación y la so función na construcción de los Xuegos Olímpicos, l’acontecimientu deportivu más grande en tol mundu. El cursu, como tolos de la plataforma Coursera ye de baldre y los interesaos namái tienen que rexistrase pa poer recibilu. Dempués d’apurrir un contestu xeneral al respective de lo que los Xuegos Olímpicos modernos representen pa la nuesa cultura y lo que ye’l Movimientu Olímpicu nel so conxuntu, el cursu afonda na hestoria de medios de comunicación y los Xuegos Olímpicos, los derechos de televisión y programes de patrociniu, amás de cómo los medios de comunicación operen demientres la celebración de les olimpiaes. La producción de televisión de los Xuegos Olímpicos y les audiencies, les ceremonies d’apertura y pieslle o los símbolos y rituales de los Xuegos, son otres cuestiones que van vese nel cursu. Esti cursu sobre los Xuegos Olímpicos y los Medios de comunicación ye un proyectu d’enseñanza promovíu pel Centru d’Estudios Olímpicu de la Universitat Autònoma de Barcelona, un centru universitariu apuntó d’investigación del fenómenu Olímpicu y deportivu al que pertenez el pernomáu profesor asturianu y que lu dirixe dende que nel mes de marzu de 2010 se-y nomara pa sustituir a Miquel de Moragas. El director del CEO-UAB, Emilio Fernández Peña (Uviéu, 1971) ye profesor titular del Departamentu de Comunicación Audiovisual I de la Universidá Autónoma de Barcelona y dirixía nel momentu del nomamientu un trabayu d’investigación per encargu del Comité Internacional Olímpicu sobre redes sociales n’Internet y el movimientu olímpicu. Coles mesmes, investiga’l sistema de medios audiovisuales y los nuevos medios nos Xuegos Olímpicos d’iviernu de Vancouver y trabaya sobre la evolución de los derechos audiovisuales nel financiamientu del movimientu olímpicu na redolada de los nuevos medios. El Centru d’Estudios Olímpicos de la UAB ye un centru universitariu dedicáu a la investigación, la documentación, la formación y l’espardimientu sobre’l fenómenu olímpico y deportivo, creáu en 1989 ante’l retu de la nominación de Barcelona como see de los Xuegos Olímpicos de 1992. Dende l’añu 1995 xestiona la Cátedra Internacional d’Olimpismu, creada como alcuerdu de collaboración ente la UAB y el Comité Internacional Olímpicu. Direición web en Coursera del Cursu “The Olympic games and the media” 6 de febreru, 2014 0 FacebookTwitterPinterestEmail
Educación Los colexos puen participar yá na Axenda Didáctica de 2014 by asturnet 6 de febreru, 2014 Los centros educativos qu’imparten les asignatures d’Asturianu o de Gallego-Asturianu y que tean interesaos en participar na Axenda Didáctica Escolar d’anguaño van poder formalizar les sos solicitúes hasta’l día 15 de febreru del 2014. Na sección d’Educación de la páxina web pue atopase los proyectos escoyíos y les fiches de caún d’ellos, que tamién se puen descargar na páxina d?Educastur. ACTIVIDAES PA LOS CENTROS D’EDUCACIÓN PRIMARIA Programa completo (pdf) LLITERATURA GRUPO CULTURAL “SAN FÉLIX” (Xurde Fernández y Marián García) L’árbol de la verdá: lleendo y creando MÚSICA ALMA DE LA MELODÍA L’alma de la melodía ANABEL SANTIAGO Y XULIO ARBESÚ Qué de canciones ANABEL SANTIAGO Y SARA CANGAS El conciertazu HÉCTOR BRAGA El soníu de la música asturiana LEE WOLFE CONCERT PROMOTION (Michael Lee Wolfe y Mari Paz González) Asturies ensin fronteres XUACU AMIEVA Instrumentos musicales asturianos, conciertu didácticu TALLERES TREBEYOS (Mª Ángeles Rodríguez Tuñón) Xuegos antiguos TREBEYOS (Mª Ángeles Rodríguez Tuñón)Arqueoloxía del xuegu TREBEYOS (Mª Ángeles Rodríguez Tuñón) Xabones de llana TREBEYOS (Mª Ángeles Rodríguez Tuñón)Rastrexando la naturaleza ASOCIACIÓN CULTURAL “EL SANTO MILAGRO” (Pablo Quiroga y Pablo de María) El cine y l’audiovisual n’asturianu GRUPO CULTURAL “SAN FÉLIX” (Alejandra Fernández) Darwin y l’orixe de les especies TEATRU PRODUCCIONES NUN TRIS El pelegrín valiente PRODUCCIONES NUN TRIS Runa PRODUCCIONES NUN TRIS L’audición HIGIÉNICO PAPEL Árbol HIGIÉNICO PAPEL Arriba’l periscopiu HIGIÉNICO PAPEL Una hora na cocina HIGIÉNICO PAPEL Una casa HIGIÉNICO PAPEL El viaxe de Covaletti FACTÓTUM TEATRO Pebides MAR ROJO PRODUCCIONES (Mar Porras y Francisco Javier Rojo) Nina Cocinamieos FACTORÍA NORTE La Bruxa Llara FACTORÍA NORTE Vendedora de pallabres FACTORÍA NORTE Nora QUIQUILIMÓN Una lluna ente dos cases QUIQUILIMÓN Cuentu del día y de la nueche CARLOS ALBA “CELLERO” Llázaro de Tormes ASOCIACIÓN POLA RECUPERACIÓN DE LOS SIDROS Y LES COMEDIES “EL CENCERRU” (Valdesoto-Siero) Mazcaraes d’iviernu n’Asturies CUENTACUENTOS CARLOS ALBA “CELLERO” Mio güelu y yo CARLOS ALBA “CELLERO” Ecolocuentos CARLOS ALBA “CELLERO Mitoloxíes TÍTERES TRAGALUZ TÍTERES (José Joaquín Hernández García) Una historia con munchu cuentu YHEPPA TÍTERES As, os, @s (asturianu y gallego-asturianu) YHEPPA TÍTERES ¿Cómo te lo cuento?/¿Cómo cho conto? (asturianu y gallego-asturianu) ÓPERA PRODUCCIONES NUN TRIS Los amorinos de Bastián y Bastiana ACTIVIDAES PA LOS CENTROS D’EDUCACIÓN SECUNDARIA Y BACHILLLERATU Programa completo (pdf) LLITERATURA GRUPO CULTURAL “SAN FÉLIX” (Xurde Fernández y Marián García) Aeropuertu: camín a dos MÚSICA GOXE PRODUCCIONES Rock nes aules ALMA DE LA MELODÍA L’alma de la melodía PRODUCCIONES TIERRA (Diego Pangua / Xosé Antón “Ambás” / Lisardo Prieto) Música tradicional: un viaxe pela xeografía llingüística d’Asturies PRODUCCIONES TIERRA (Diego Pangua / Xosé Antón “Ambás” / Lisardo Prieto) Xénesis de la música folk n’Asturies d’anguaño. De la etnomusicoloxía a los escenarios XUACU AMIEVA Y PAULA AMIEVA Instrumentos musicales asturianos, conciertu didácticu HÉCTOR BRAGA El soníu de la música asturiana LEE WOLFE CONCERT PROMOTION (Alberto Varillas y Michael Lee Wolfe) La historia reciente d’Asturies nos cantares ANABEL SANTIAGO Y XULIO ARBESÚ Qué de canciones ASOCIACIÓN CULTURAL BATULAX (Les pandereteres de Fitoria) La muyer na música tradicional asturiana ASOCIACIÓN CULTURAL “LA PANERA-UNDERGRAO” ¿Qué me tas cuntando? TEATRU PRODUCCIONES NUN TRIS L’audición HIGIÉNICO PAPEL Una hora na cocina CARLOS ALBA “CELLERO” Llázaro de Tormes TALLERES GRUPO CULTURAL SAN FÉLIX (Alejandra Fernández) Asturies n’otra dómina. Los bailles y les dances TREBEYOS (Mª Ángeles Rodríguez Tuñón) Xuegos del mundu TREBEYOS (Mª Ángeles Rodríguez Tuñón) Xuegos antiguos TREBEYOS (Mª Ángeles Rodríguez Tuñón)Arqueoloxía del xuegu TREBEYOS (Mª Ángeles Rodríguez Tuñón) Xabones de llana TREBEYOS (Mª Ángeles Rodríguez Tuñón)Rastrexando la naturaleza ASOCIACIÓN CULTURAL “EL SANTO MILAGRO” (Pablo Quiroga y Pablo de María) El cine y l’audiovisual n’asturianu ASOCIACIÓN CULTURAL “EL SANTO MILAGRO” (Pablo Quiroga y Alfredo González) ¿Cómo facemos pa sacar un discu al mercáu? Llabores discográfiques y de management MONÓLOGU CARLOS ALBA “CELLERO” El Pola torna al institutu FACTÓTUM TEATRO Trés personaxes, trés FACTÓTUM TEATRO Tribulaciones d’un pelegrín ÓPERA PRODUCCIONES NUN TRIS Los amorinos de Bastián y Bastiana Páxina web d’Educastur colos talleres y proyectos d’esti añu 6 de febreru, 2014 0 FacebookTwitterPinterestEmail
Educación Llanera abre’l plazu pa un Cursu de Llinguaxe de signos by asturnet 6 de febreru, 2014 El Conceyu de Llanera abre’l plazu d’inscripciones pal II Cursu de Llinguaxe de signos en Posada de Llanera, un 2º nivel que va amplia-yos vocabulariu a los que yá tienen un nivel básicu pero, que si ye’l vuesu primer contactu, nun va ser problema yá que los primeros díes van dedicase a repasar lo básico. El cursu va desenvolvese ente’l 24 de febreru y el 16 d’abril de 2014, na aula de formación de Posada de Llanera (Avda. Uviéu, 6), tolos llunes y miércoles, de 19:00 a 20:30 hores, con un preciu de 38,20 . Puedes faer la to inscripción en cualesquier de les Oficines d’Información Xuvenil de Llanera (en Llugo: Telecentro y en Posada: Casa Municipal de Mocedá). 6 de febreru, 2014 0 FacebookTwitterPinterestEmail
Educación Los estudiantes de Viesques van seguir ocupando’l Campus by asturnet 5 de febreru, 2014 Esti miércoles l’Asamblea d’Estudiantes del Campus de Viesques aconceyó cola Vicerrectora Paz Suárez Rendueles; col direutor de biblioteques de la Universidá, Ramón Rodríguez Álvarez; la xerente Marta González Prieto, y colxefe de serviciu de la biblioteca, Fausto González González. L’esmantelamientu de la biblioteca asitiada nel edificiu polivalente d’Inxeniería, nel Campus de Viesques, yera’l fechu que provocó la so ocupación polos estudiantes, que van caltener la so actitú ante la decisión de la Universidá de nun reabrir la biblioteca. El coleutivu estudiantil desixó nesta xunta la reapertura de les instalaciones nes sos condiciones anteriores, debío a que l’alternativa supón qu’un campus con más de 4.000 estudiantes, y conformáu por cinco edificios alloñaos, quedare con namái una biblioteca. Como la Universidá caltuvo la so decisión, l’Asamblea d’Estudiantes decidió caltener indefinidamente la ocupación de la biblioteca, hasta’l momentu nel que se cumplan les sos desixencies mínimes: la restauración de la biblioteca en llibros, personal y horarios, amás d’aparar cualquier otra midida de retayu de les ferramientes educatives a les espaldes de la propia comunidá. 5 de febreru, 2014 0 FacebookTwitterPinterestEmail
Educación IX sofita’l manifiestu de la comunidá universitaria en defensa d’una universidá pública, laica y democrática by asturnet 4 de febreru, 2014 Izquierda Xunida fizo públicu esti llunes el sofitu na so totalidá del manifiestu de la comunidá universitaria en defensa d’una universidá pública, laica, democrática, de toos y toes y pa toos y toes, nuna intervención d’Enrique Díez, coordinador de la Área Federal d’Educación d’IX, na que señaló que n’IX entendemos perfectamente que frente a la próxima reforma que prepara’l Gobiernu del PP, de nuevu col ministru Wert como instigador y executor, la comunidá universitaria faiga un llamamientu a la sociedá en forma de manifiestu pa venceyala nesti compromisu. Izquierda Xunida, al traviés de la so Área Federal d’Educación, diz sofitar na so totalidá’l denomináu Manifiestu de la Comunidá Universitaria llanzáu por estudiantes, profesoráu, investigadores y personal de les universidaes públiques y nel que desautoricen les propuestes del ministru José Ignacio Wert y alviértenlu de que nun van acatar la so reforma de la educación cimera. Un garapiellu de persones pertenecientes a tolos ámbitos universitarios, dende’l profesoráu y l’alumnáu hasta’l personal d’alministración y servicios de les universidaes públiques, llanza agora públicamente esti Manifiestu tres meses de trabayosu trabayu p’afigurar el so compromisu cola defensa d’un modelu d’Universidá Pública, laica y democrática. Enrique Díez, coordinador de la Área Federal d’Educación d’IX, señala que dende la nuesa formación entendemos perfectamente que frente a la próxima reforma que prepara’l Gobiernu del PP, de nuevu col ministru Wert como instigador y executor, la comunidá universitaria faiga un llamamientu a la sociedá en forma de manifiestu pa venceyar a toa ella nesti compromisu polo público, por una Educación y una Ciencia al serviciu y al algame de toos. Nel Manifiestu rebatense una por una les propuestes llanzaes pola denominada Comisión d’espertos constituyida pol Ministeriu, que’l so informe parte d’un diagnósticu erróneo y poco encontáu de la realidá de les universidaes públiques. Díez comparte que d’esta forma afigúrense unes idees marcaes por una fonda ideoloxía autoritaria, neolliberal y mercantilista, que va asitiar a les nueses universidaes, la nuesa investigación y el nuesu estudiantáu na sienda del subdesarrollu educativu y científicu. 4 de febreru, 2014 0 FacebookTwitterPinterestEmail
Educación La Cultural XIxonesa sofita a los estudiantes d’Inxeniería by asturnet 3 de febreru, 2014 La Sociedá Cultural Xixonesa facíase ecu esti llunes de la llucha entamada polos estudiantes d’Inxeniería de Xixón, zarraos na biblioteca del Edificiu Polivalente pa evitar el so pieslle definitivu. Los estudiantes de la nuesa Universidá d’Uviéu nun solamente sufren los ataques del Ministeriu d’Educación, n’opinión de la sociedá, “col amenorgamientu de beques y la xubida de tases, que fae que munchos fíos de trabayadores tean siendo obligaos a abandonar los estudios superiores, sinón que tamién se conxelen nunes aules ensin apenes calefacción. Amás, apocayá tuvieron qu’arrenunciar a bona parte de los servicios de reprografía”. Sigún la Sociedá Cultural Xixonesa “lo último per parte del Gobiernu de la Universidá ye desaniciar esta biblioteca ensin siquier consultar al alumnáu y ello tuvo la rempuesta contundente de los estudiantes, que lleven zarraos dende’l vienres torgando la salida de los fondos bibliográficos”. La Sociedá Cultural Xixonesa, como entidá comprometida con Xixón, quier comunicar el so refugu total al pieslle d’un serviciu que puede ser esfrutáu por cualisquier ciudadanu de la nuesa ciudá y sofitar a estos estudiantes que nos tán dando un exemplu de ciudadanía al defender de forma seria y comprometida un equipamientu cultural. 3 de febreru, 2014 0 FacebookTwitterPinterestEmail
Educación La coordinadora Estudiantil critica a Wert by asturnet 3 de febreru, 2014 La Coordinadora de Representantes d’Estudiantes d’Universidaes Públiques (CREUPP) reprochaba esti día nuna nota de prensa al ministru d’Educación, Cultura y Deporte, José Ignacio Wert, qu’esixa un nivel altu d’idiomes (B2) pa optar a les beques pal programa Erasmus Plus, dempués de qu’esaniciare les ayudes pa cursos nel estranxeru. Nel comunicáu, la Coordinadora critica que’l ministru siga “pel camín de la política espectáculu” anunciando cambios ensin tratalos primeramente nos órganos correspondientes, como l’Observatoriu de Beques. No que cinca a la esixencia del nivel B2 n’idiomes, la Coordinadora dulda que’l ministru fixera un analís previu de qué nivel ye necesariu. 3 de febreru, 2014 0 FacebookTwitterPinterestEmail
Educación L’Atenéu N’Alfoz anuncia “Cursu Avanzáu de Llingua Asturiana” by asturnet 3 de febreru, 2014 L’Atenéu N’Alfoz anuncia l’apertura del plazu pa inscribise nel “Cursu Avanzáu de Llingua Asturiana” que va comenzar les sos sesiones el martes 25 de febreru. Hasta esi día la xente adulto interesao va poder inscribise nel mesmu, tanto nel Centru Tomás y Valiente como nel Centru Sociocultural de Les Vegues (Corvera). Dende l’Atenéu despliquen qu’esti cursu “quier ser un mecanismu dafondamientu nel conocimientu y deprendimientu de la gramática asturiana y otres cuestiones más del idioma pero tamién una manera dacercase a la cultura y a la historia asturiana, va ser impartíu pol técnicu responsable del Serviciu de Normalización Llingüística de Corvera”. Poro, esti cursu, de calter gratuitu y con una duración de trenta hores, va desarrollase en sesiones de dos hores tolos martes, nhorariu de 18 a 20 hores. Les sesiones del cursu van facese nel Aula 2 del Centru Sociocultural de Las Vegas/Les Vegues. Los conteníos del cursu son los que sindiquen de siguío: -Repasu de les normes ortográfiques; -Gramática de la llingua asturiana; -Léxicu; -Situaciones comunicatives, escrites y orales; -Acercamientu a la historia de la llingua asturiana; -Actitúes y prexuicios llingüísticos, qué son y cómo funcionen; -Manifestaciones artístiques nasturianu. 3 de febreru, 2014 0 FacebookTwitterPinterestEmail
Comunicación La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica by asturnet 31 de xineru, 2014 La XDLA presenta un requerimientu énte la Conseyería de Presidencia pa que se cumpla la llegalidá vixente en materia toponímica, al tiempo que denuncia como exemplu más dun centenar dincumplimientos nel BOPA y na web del Principáu. Esti vienres 31 de xineru la Xunta pola Defensa de la Llingua Asturiana (XDLA) presentó nel Rexistu Xeneral Central del Principáu dAsturies un requerimientu formal instando a la Conseyería de Presidencia al cumplimientu de la llegalidá en materia toponímica. Nel escritu de la XDLA, recuérdase que la Llei dUsu y Promoción del Asturianu, aprobadal 28 de marzu de 1998, recueye nel so artículu 15, Capítulu V, que «los topónimos de la Comunidá Autónoma del Principáu dAsturies han tener el nome oficial na so forma tradicional». Un decretu posterior, del 4 dabril del 2002, regula la Xunta Asesora de Toponimia del Principáu dAsturies, y otru del 18 de xunetu desi añu, establez el procedimientu de recuperación y fixación de la toponimia asturiana. Lartículu 5.2 desti decretu diz qua partir del momentu de la entrada en vigor del Decretu pol que se determinen los topónimos correspondientes, les denominaciones o topónimos que nél se recueyan tendrán la consideración de denominaciones oficiales. Cumpliendo estes normes aprobáronse yá entel 2007 y el 2012 50 decretos cola denominación oficial de los topónimos dotros tantos conceyos. La XDLA denuncia nel requerimientu quen cuasi tola documentación xenerao dende les conseyeríes del Principáu dAsturies nun sutilizal nome oficial na so forma tradicional, inclumpliéndose polo tanto la llexislación y vulnerándosel principiu de llegalidá consagráu nos artículos 9 y 103 de la Constitución Española de 1978, ún de los principios fundamentales dun Estáu de Derechu. Amás, nel casu de la toponimia, lactuación de lAlministración nun requier tomar más midíes que la del so propiu cumplimientu. Argumentos comol de la gradualidá de laplicación de la norma, les más de les veces cola sida de la escasez de recursos, podríen entendese, siempre con unos plazos razonables, pa la renovación de lletreros de carretera y mapes, pero nunca pal so usu normal nos escritos que lAlministración produz a diario. Hai que recordar quhai topónimos que son oficiales dende hai siete años y el Gobiernu asturianu, el mesmu que los oficializó, nun los usa. La XDLA esixe de lAlministración del Principáu dAsturies ladopción de les midies necesaries pa correxir esta situación porque nos alcontramos «ante un claru incumplimientu duna Llei dictada pola mesma Alministración, que la incumple de manera sistemática y reiterada». Pídese, polo tanto, quen tola documentación que se xenere se cumpla estrictamente la llegalidá toponímica. Nel requerimientu, la XDLA pon como muestra sesenta resoluciones o anuncios publicaos nel BOPA no que va dañu quincumplen la llegalidá toponímica y unos exemplos de secciones de la web del Principáu onde susen topónimos que tiene una forma yá oficializada dende va años y que siguen ensin respetase. En casu de que nun se dea respuesta al requerimientu, la XDLA valora la posibilidá dimpugnar de manera individualizada cualquier tipu de procedimientu alministrativu procedente de cualquiera de los organismos del Principáu dAsturies quincumplan les formes toponímiques oficiales aprobaes pol mesmu Principáu. 31 de xineru, 2014 0 FacebookTwitterPinterestEmail