Música Mieres acueye la Muestra del Folclor de Santa Marina by asturnet 14 de payares, 2008 Mieres acuye esti vienres la Muestra del Folclor de Santa Marina, que na so quinta edición va desendolcase nel salón d’actos de l’Asociación de Vecinos de Santa. L’actu, que se inclúi dientro la selmana cultural de la sociedá, va tener llugar a les ocho la tarde y va cuntar cola participación de José María García, María José García, José Manuel García y el Che de Cabaños. 14 de payares, 2008 0 FacebookTwitterPinterestEmail
Música El teatru de La Llaboral de Xixón acueye esti sábadu un conciertu by asturnet 13 de payares, 2008 El sábadu 15 de payares, a les ocho y media la tarde, nel Teatru de La Llaboral de Xixón, The Matthew Herbert Big Band presental so discu nuevu, Theres me and theres you. 13 de payares, 2008 0 FacebookTwitterPinterestEmail
Cine Cenizas del cielo llega a los cines de tol estáu esta fin de selmana by asturnet 12 de payares, 2008 Una nueva película rodada nAsturies llega a les pantayes de los cines de tol estáu. El filme ye Cenizas del cielo y ta dirixíu por José Antonio Quirós y protagonizáu por Gay Piquer, Beatriz Rico y Celso Bugallo, ente otros. Na película participen amás artistes asturianos como Xuan Bello, que fizo la lletra de la banda sonora, Anabel Santiago, que la interpreta y Ramón Padra quadaptó la lletra a la so música. La película presentóse yá nAsturies y en Madrid y recibió dellos premios, ente otros sitios, nel Xapón o nel Festival de Cine de Mediu Ambiente. La película tien un tresfondu ecoloxista y cuenta la historia de los vecinos dun valle asturianu que ven alteriaes les sos vides pola instalación duna central térmica nel territoriu onde viven. «Cenizas del cielo» supón la segunda incursión de José Antonio Quirós nel cine de ficción dende quhai cuasi diez años llevara a les carteleres «Pídele cuentas al rey». Como anécdota, na película apaez Carlos Madera faciendo un caméu. Nel momentu de la grabación Madera yera Director Xeneral de Cultura. Esta ye la lletra de Xuan Bello escrita pa la película: La Caricia de los árboles Lletra: Xuan Bello (adaptación: Ramón Prada) Música: Ramón Prada Medra la hedra, madre, Medra la hedra abrazándome, Ensin medrana, madre, abrazándome. La hedra que m’afuega Esguila aduces hacia la lluz Pa que nun escaeza’l raigame. Abrazo la nublina y abrazo nada. Abrásome nel suañu de cada día. Abrazo la nueche y ello m’abraza Soi dafne: alluma la melanconía. Medra la hedra, madre, Medra la hedra abrazándome, Ensin medrana, madre, abrazándome. Abrazo la nublina y abrazo nada. Abrazo la nueche y ello m’abraza. Abrásome nel suañu de cada día. Soi Dafne: alluma la melancolía. 12 de payares, 2008 0 FacebookTwitterPinterestEmail
Música El segundo trabayu discográficu del músicu y cantante asturiano Héctor Braga ya s’atopa na cai by asturnet 8 de payares, 2008 Esti mes de Payares sal a la venta TRAD.YE, el segundo trabayu discográficu del músicu y cantante asturiano Héctor Braga. El trabayu foi concebíu pa espeyar los sos conciertos individuales, recoyendo por primera vegada’l so pergrande rexistru vocal y tolos instrumentos qu’emplega. Braga reinterpreta les asturianaes clásiques de l’entamu del sieglu venti, actualiza romances de orixen medieval, revive l’arte de cantar y tocar la gaita al mesmu tiempu, ellabora cantares del aire del más pícaru Mester de Xuglaría o recrea la xenuina lliteratura popular de cordel. Nesti nuevu discu, Héctor Braga ufre numberoses aportaciones artístiques a la tradición musical qu’interpreta ya investiga y acueye collaboraciones de les Bandines Tradicionales “Los Ciquitrinos” & “Principado”, los músicos asturianos Pepín de Muñalén y Alberto Ablanedo, y la collaboración especial del gran músicu castellanu Luis Delgado. Pue atopase más información sobre’l disco na web d’Hector Braga, onde tamién se puen descargar dellos temes musicales.Páxina Web d’Hector Braga 8 de payares, 2008 0 FacebookTwitterPinterestEmail
Música Toli Morilla actua nel centru municipal Pumarín-Xixón Sur esti martes a les 19:30 by asturnet 4 de payares, 2008 El Salón dactos del Centru Municipal Integráu de Pumarín Xixón-Sur acueye una actuación de Toli Morilla y dellos musicos collaboradores nesti martes, 4 de payares, a les siete y media la tarde. La entrada ye de baldre. Nel conciertu van poder sentise los temes desti cantautor, quusa lasturianu como llingua principal, pero que tamién tien cantares grabaos en castellán. Toos ellos nun estilu que va dendel rock acústicu al pop, con delles referencies al folk. 4 de payares, 2008 0 FacebookTwitterPinterestEmail
Música El tríu folk DRD tien el so segundu discu nes tiendes del país by asturnet 30 d'ochobre, 2008 LAguañaz, el sellu discográficu de Publicaciones Ámbitu, va sacar nos próximos díes el trabayu nuevu de DRD, el tríu de folk formáu por Borja Baragaño (flautes), Dolfu R. Fernández (voz, violín y viola) y Rubén Bada (guitarra, bouzuki y viola). El discu llámase tamién DRD y los títulos de cada cantar correspuende, según espliquen, coles partes del molín. Esti yel segundu discu del grupu DRD, un tríu que según comenten dende la discográfica sigue pela sienda del llamáu «folk de cámara» y onde saxunten tres nomes bien conocíos de la música de raigón asturiana: Rubén Bada pertenez a la banda del gaiteru irlandés John McSherry, amás de ser miembru de Dixebra; Dolfu R. Fernández ye ún de los componentes de La Bandinal Tombo, y Borja Baragaño, lúltimu nincorporase al grupu, forma parte del grupu Llangres. Na so páxina web, Ámbitu ufierta la posibilidá de sentir el corte númberu 4 de DRD, «Raidoiru». Esta pieza ábrese col perconocíu «La farola de Tazones», a la que sempata «Lamudar», un baille corríu del conceyu Degaña, y ciárrase con un saltón «a la manera de Rubén». 30 d'ochobre, 2008 0 FacebookTwitterPinterestEmail
Música Llacín abre esti vienres Llanes al Cubo con más de 100 músicos enrriba l’escenariu by asturnet 30 d'ochobre, 2008 Esti vienres 31 dochobre de 2008 a les 22 hores y nel marcu de la programación del festival LLANES AL CUBO, la Banda Gaites LLACÍN va presentar el conciertu XIDECES, un espectáculu que va aconceyar a un gran elencu dartistes invitaos, que xunto colos propios miembros de la Banda, sumarán un númberu perriba de los 100 músicos nescena, pa tratar de reflexar en directu lúltimu trabayu discográficu quacaba de sacar a la lluz la formación del Conceyu Llanes. Con esti conciertu entamen les actividaes d’esta programación musical y cultural en conceyu Llanes que lleva algamando l’interés de toa Asturies nel mes de Payares de cada añu. Nel llinguax de los teyeros de Llanes, la «xíriga», Xideces, vien a dicir «les coses buenes de la vida, les coses guapes, les cosines prestoses» Baxo estes premises preséntase lespectáculu XIDECES de la Banda Gaites LLACÍN. El discu garral títulu duna de les pieces compuestes pol direutor Vítor Carbajal, onde puede notase la fusión ente una banda gaites y un grupu folk. A esti tema, hai que suma-y diez temes más, nos quapaeen delles pieces tradicionales asturianes del mundu de la tonada («Lloraba una cabraliega», «En la gaita traigo a Asturies»), del baille y de les dances («Trillu», «El Ramu Vibañu», «La h.oguera») y otres igües de pieces bretones, irlandeses y escoceses. 30 d'ochobre, 2008 0 FacebookTwitterPinterestEmail
Música La Banda Gaites Llacín presentará “Xideces” con más de 100 músicos enrriba l’escenariu de Llanes al Cubo by asturnet 25 d'ochobre, 2008 El prósimu vienres 31 dochobre de 2008 a les 22 hores y nel marcu de la programación del festival LLANES AL CUBO, la Banda Gaites LLACÍN va presentar el conciertu XIDECES, un espectáculu que va aconceyar a un gran elencu dartistes invitaos, que xunto colos propios miembros de la Banda, sumarán un númberu perriba de los 100 músicos nescena, pa tratar de reflexar en directu lúltimu trabayu discográficu quacaba de sacar a la lluz la formación del Conceyu Llanes. Nel llinguax de los teyeros de Llanes, la «xíriga», Xideces, vien a dicir «les coses buenes de la vida, les coses guapes, les cosines prestoses» Baxo estes premises preséntase lespectáculu XIDECES de la Banda Gaites LLACÍN. El discu garral títulu duna de les pieces compuestes pol direutor Vítor Carbajal, onde puede notase la fusión ente una banda gaites y un grupu folk. A esti tema, hai que suma-y diez temes más, nos quapaeen delles pieces tradicionales asturianes del mundu de la tonada («Lloraba una cabraliega», «En la gaita traigo a Asturies»), del baille y de les dances («Trillu», «El Ramu Vibañu», «La h.oguera») y otres igües de pieces bretones, irlandeses y escoceses. La Banda Gaites LLACÍN ufre un nuevu espectáculu onde saprecia la so evolución musical, dexando dun llaul traxe tradicional asturianu, y con una puesta nescena como una formación musical más: una banda gaites, pero na compañía de músicos de diferentes grupos asturianos como Felpeyu, Tejedor, Tuenda, Corquiéu, Niundes, Blima, Vaudi, Danzaina, DEscarpinos, y Tutu E., arriendes de dellos componentes de la Bagad Kemper, la campeona Banda bretona cola que la banda caltién una bona relación dende fai tiempu. El formatu que se presenta esta nueche na villa llanisca, sedrá únicu pola so complexidá y poles circunstancies que tienen que dase paxuntar a tolos artistes que van facer posible esti eventu . Poro, pa que nun sescaeza y pa que seya un sofitu pala promoción de la banda, va grabase con vistes a la un futuru DVD que dexe constancia del mesmu. Esti nuevu conceptu amestando per un llau la idea de banda a la que tamos avezaos, y per otru, la banda como gran formación descenariu, presentose yá los pasaos díes 19 de xunetu en Porrúa y el 5 de setiembre nel Festival Internacional Folk de Getxo onde pudieren disfrutalu más de dos mil persones. Agora, pa LLANES AL CUBO, la Banda Gaites LLACÍN fai un apueste tovía más fuerte, esperando que-y preste al publicu que vaiga al conciertu y cuenta con dar continuidá a esti nuevu proyeutu que ye un retu que motiva enforma a los sos miembros pa siguir disfrutando y trabayando pola gaita. La Banda Gaites LLACÍN ñació nel añu 1998 con 28 miembros al entamu. Agora son yá 86 los integrantes del coleutivu, colo que güei ye una de las bandes más numberoses dAsturies. Nestos 10 años de funcionamiento la banda sacó al mercáu dos discos (Tornallás y esti Xideces que se presenta nesti festival), y fizo munches actuaciones por varios países. Podemos destacar pente elles: el Festival Intercelticu de Lorient 2006, el Festival de Cornouaille (Quimper) en varies ediciones, el Filets Bleus (Concarneau) 2005 en Bretaña, ol Festival del Día de San Patriciu 2007 en Dublín (Irlanda), onde la banda algamó les distinciones a la meyor banda de la so categoría y el premiu Best Overall Band a la meyor banda del festival de les manes dun xuráu especializáu. La banda tamién tuvo lhonor de compartir escenariu nesti periodu de tiempu con dellos grandes nomes de la música folk como Carlos Núñez, Hevia o Tejedor. 25 d'ochobre, 2008 0 FacebookTwitterPinterestEmail
Música Felpeyu actua en Bual dientro’l Outono Cultural by asturnet 24 d'ochobre, 2008 El grupu xixonés Felpeyu va actuar esti sábadu a les 23:30 en Bual. Lactuación ye la primera del programa del Outono Cultural, una actividá entamada pola Asociación Xuvenil Mezá y el Conceyu de Bual, que va desenrrollase nos meses dochobre, payares y avientu. Ente los grupos participantes destes xornaes van tar Verdasca o Tuenda. 24 d'ochobre, 2008 0 FacebookTwitterPinterestEmail
Música ‘L’Alborada de los Premios Príncipe d’Asturies’, de Xuacu Amieva, estrénase esti sábadu nel Hotel Reconquista by asturnet 24 d'ochobre, 2008 La composición pa bandes de gaites ‘L’Alborada de los Premios Príncipe d’Asturies’, de Xuacu Amieva, va ser la protagonista esti sábadu de la visita de los Príncipes d’Asturies, con ana actuación nel patiu del Hotel reconquista na que participen un total de 28 xóvenes músicos asturianos, pertenecientes a les bandes de gaites Naranco, d’Uviéu, La Reina’l Trúebanu, de Navia, y Villa de Xixón,. L’estrenu de la obra compuesta por AMieva pa la Fundación Príncipe d’Asturies va tener llugar a les 10.00 hores nel Patiu de la Reina del Hotel de la Reconquista d’Uviéu. El proyeutu nació del alcuentru ‘Meyores Gaiteros del mundu’, que la Fundación Príncipe d’ASturies organizó n’Uviéu’l pasáu mes de xunetu y qu’aconceyó a seis destacaos solistes del folk internacional. 24 d'ochobre, 2008 0 FacebookTwitterPinterestEmail