Lliteratura Presentóse una nueva versión d«El Principín» en llingua asturiana by asturnet 4 de mayu, 2009 Anque lasturianu tien una versión dEl Principín dende los años ochenta (de Xosé Lluis García Arias y Marta Suárez), el llibru presentáu estos díes en Lleón tien la peculiaridá de tar tornada a una variedá del asturianu de La Cabreira (Lleón). El clásicu dAntoine de Saint-Exupéry espublizáu estos díes ye frutu del trabayu de dellos mozos del llugar, que nun cursu nel que coincidieron fueron tornando la obra, teniendo como fontes más fiables de la so variedá llingüística, a los más mayores de les sos families. La obra, na que puen lleese fragmentos como esti «Cuando you tenía seis años, vi una vé un dibuxu mui guapu ñun llibru sobre la selva virxen que se chamaba Historias vividas . Éste representaba a una culuebra, una boa, que xambriaba a una fiera», usa variedaes estremaes pa cada personaxe, asina, nesta versión espublizada pola editorial El Búho Viajero, la culiebra fala na variedá de La Cabreira Baxa, el Principín na de La Baña, y les roses, na de la Cabreira Alta Los traductores, coordinaos por Xosepe Vega, son Jonatan Rodríguez Bayo, Juan González Pérez, María José Madero Nieto, Belén González Pérez, Cristina Lordén Nieto, Patricia Alves García y Sandra González Carracedo. 4 de mayu, 2009 0 FacebookTwitterPinterestEmail
Lliteratura Llanera arranca les actividaes dedicaes a les Lletres con un emotivu actu poéticu dedicáu a Héctor Pérez by asturnet 1 de mayu, 2009 Esti xueves 30 dabril, a les 18,30 hores, nel Salón dActos de la Casa Municipal de Cultura de Llanera arrancaben los actos qu’a lo llargo de toa Asturies van dedicase a celebrar el Día de les Lletres Asturianes con una riestra d’actividaes que tienen al conceyu de Llanera como referente. Lescritor Héctor Pérez Iglesias (Arlós, 1978) presentaba les sos obres caberes Lamarga cazumbre y Como crecieres tu, editaes por TRABE nun salón d’actos onde nun cabía un alfiler y arropáu por Esther Prieto, en representación de la editorial Trabe, la profesora María Xesús Álvarez y los poetes Xuan Santori y Pablo Texón, xunta la conceyala de cultura Belén Rodríguez. L’actu foi enforma emotivu y cuntó cola participación de dos alumnes de llingua asturiana del conceyu, Rosa y Marisa, que dieron llectura a dellos poemes del autor. Esti poeta tien algamaos dellos premios ente los que s’alcuentren lAsturies Xoven de Poesía de la Dirección Xeneral de la Mocedá ol Teodoru Cuesta del Conceyu de Mieres. Tamién ganól Premiu Nené Losada Rico de poesía nel añu 2006, col poemariu Lamarga cazumbre, y con Como crecieres tu el Teodoro Cuesta en 2007. 1 de mayu, 2009 0 FacebookTwitterPinterestEmail
Lliteratura David Artime gana’l segundu premiu Arbidel de cuentos eróticos by asturnet 1 de mayu, 2009 David Artime ganaó’l segundu premiu Arbidel de cuentos eróticos n’asturianu, y Pablo Rodríguez fízose col áccesit d’un premiu que l’añu pasáu ganó Xosé Nel Riesgo. El cuentu ‘Ella y Ariel’, del candasín David Artime Coto, foi’l ganador d’esta segunda edicición del concursu lliterariu Arbidel de cuentos eróticos n’asturianu, que convoca l’Ayuntamientu de Ribeseya dientro les actividaes de la Selmana de les Lletres Asturianes. El xixonés Pablo Rodríguez Alonso algamó l’áccesit, col cuentu ‘El confesor’, presentáu baxo l’alcuñu de Guillaume de Vielhà, sigún el comunicáu col qu’esti xueves asoleyaben el fallu del xuráu, compuestu por Ana Luz Prieto Vega, Roberto González-Quevedo González y Xandru Martino Ruz, faciendo de secretariu con voz, pero ensin votu, el Conceyal de Cultura del Ayuntamientu. La entrega diplomes va ser esti prósimu miércoles, 6 de mayu, a les 19hores, na Casa de la Cultura de Ribeseya, nun actu incluyíu dientro de la programación de la Selmana de les Lletres. 1 de mayu, 2009 0 FacebookTwitterPinterestEmail
Convocatories Vicente Díaz presental so discu Montes cantábricos en Xixón by asturnet 30 d'abril, 2009 Vicente Díaz ye la propuesta del Casinu de Xixón pa la nueche del vienres. Una actuación onde va interpretar munchos de los sos temes más célebres xunto coles novedaes del so discu últimu, Montes cantábricos, onde lartista, fiel al so estilu, ufre nuevos temes a los sos abondantes siguidores. El conciertu entama a les diez de la nueche na sala Acapulco. 30 d'abril, 2009 0 FacebookTwitterPinterestEmail
Lliteratura Héctor Pérez Iglesias presenta les sos últimes obres en Llanera by asturnet 30 d'abril, 2009 Esti xueves 30 dabril, a les 18:30 hores, nel Salón dActos de la Casa Municipal de Cultura de Llanera lescritor Héctor Pérez Iglesias (Arlós, 1978) va presentar les sos obres caberes Lamarga cazumbre y Como crecieres tu. Esti poeta tien algamaos dellos premios ente los que s’alcuentren lAsturies Xoven de Poesía de la Dirección Xeneral de la Mocedá ol Teodoru Cuesta del Conceyu de Mieres. Tamién ganól Premiu Nené Losada Rico de poesía nel añu 2006, col poemariu Lamarga cazumbre, y con Como crecieres tu el Teodoro Cuesta en 2007. 30 d'abril, 2009 0 FacebookTwitterPinterestEmail
Lliteratura El ciclu de conferencies Reinu de Lleón trata güei la lliteratura medieval by asturnet 29 d'abril, 2009 El Conceyu de Lleón, al traviés de la conceyalía de cultura lleonesa, organiza per segundu añu consecutivu, el Ciclu de Conferencias Reinu de Lleón, que va tener güei como conferenciante al catedráticu de Lliteratura Española na ULE, José Mª Balcells Doménech. Lactu va ser a les siete y media la tarde nel Palaciu Don Gutierre, asitiáu na ciudá de Lleón, y nél va falase de Lliteratura medieval lleonesa. Programa completu del ciclu de conferencies 29 d'abril, 2009 0 FacebookTwitterPinterestEmail
Lliteratura El Garrapiellu organiza un concursu infantil de cartes a Obama by asturnet 28 d'abril, 2009 La tertulia cultural El Garrapiellu organizal primer Concursu de redaición escolar nasturianu pa neños dente 10 y 12 años, quhan escribir una carta al presidente los Estaos Xuníos d’América, dente 300 y 600 pallabres, enantes del 8 de mayu. El ganador va consiguir cien euros en tarxeta dEl Corte Inglés y dos entraes pal partíu Sporting-Recreativu del 31 de mayu. El segundu premiu va constar de setenta y cinco euros en tarxeta d’El Corte Inglés y el terceru de 50 . Amás, los tres primeros premios publicaránse na sección de llingua asturiana d”El Comercio”. Les cartes a Obama han mandase al corréu lletrónicu vicente_miguel_villazon@merck.com o en papel, a EL GARRAPIELLU, apartáu de correos 8133, Xixón. 28 d'abril, 2009 0 FacebookTwitterPinterestEmail
Convocatories Convócase’I Premiu Alfonso Iglesias de cómic by asturnet 27 d'abril, 2009 La primer edición del Premiu Alfonso Iglesias de comic en llingua asturiana tien abiertul plazu pa presentar trabayos. La convocatoria que les obres han ser inédites y non premiaes enantes, pudiendo ser una hestoria única o un conxuntu dhestories, con o ensin rellación ente elles, presentaes nun formatu mínimu dA4 y non superior al A3, enantes del 31 dagostu desti añu. Los trabayos han llevase, presencialmente o per corréu, al Rexistru de la Conseyería de Cultura y Turismu, asitiáu na cai Eduardo Herrera “Herrerita” dUviéu. Les obres han dir en sobre zarráu col nome del premiu per fuera, dientro ha dir otru sobre colos datos del autor y un curriculu curtiu. Pal ganador, la Conseyería de Cultura y Turismu ufre 7.000 euros y el compromisu dedición, quedando los drechos pa la edición notres llingües, en manos del autor. 27 d'abril, 2009 0 FacebookTwitterPinterestEmail
Lliteratura La 30 Selmana de les Lletres tien yá programa dactos by asturnet 23 d'abril, 2009 La Selmana de les Lletres Asturianes qualgama esti añu trenta ediciones, va nesta ocasión a la figura de la narradora y periodista Enriqueta González Rubín y yá tien programa dactividaes pa los díes 4 al 8 de mayu, y sobremanera nos conceyos de Ribeseya y Llanes. El llunes 4 van presentase los actos na Casa Cultura de Llanes, amás de la edición del llibru Enriqueta González Rubin, el sinciu dua escritora del XIX, volume ilustráu al rodiu de la escritora que va repartise de baldre nes llibreríes dAsturies, el vienres 8, Día del Llibru Asturianu. Esi mesmu día va presentase la esposición Viaxe al tiempu dEnriqueta González Rubín, que va tar abierta al públicu hastal 16 de mayu, nhorariu d11 a 13 y de 18 a 20 hores, na Casa Cultura de Ribeseya. El martes 5 va presentase na Casa Cultura de Llanes la edición facsimilar de la obra atopada lañu pasáu, y hasta entós perdida, Viaxe del tíu Pacho el Sordu a Uviedo, amás de celebrase una conferencia de la escritora Ángeles Caso col títulu Las olvidadas: una historia de mujeres creadoras. El miércioles 6, los actos treslládense a Uviéu, onde los políticos asturianos van facer una llectura pública de testos nasturianu nel Salón Europa de la Xunta Xeneral. Yá pela tarde, a partir de les 19 hores, va entregasel Premiu Arbidel de cuentos eróticos en Ribeseya. El xueves 7 de mayu va ocupalu lactu escolar questi añu va tener por sede Ribeseya y onde van entregase dellos premios infantiles. De tarde y tamién na villa del oriente, va celebrase la conferencia Laguya y la pluma: vida y obra dEnriqueta González Rubín, a cargu de Taresa Fernández Lorences. La xornada cabera desta Selmana de les Lletres va celebrasel vienres con un actu institucional nhomenaxe a Enriqueta González Rubín quinclúi la inauguración duna plaza conmemorativa y una ruta lliteraria pelos paisaxes de la obra de Rubín, amás de la presentación de la Obra completa de la escritora. Amás, a lo llargo de tol día la mayor parte de les llibreríes dAsturies celebren el Día del Llibru Asturianu, con un descuentu del 10% y regalu del llibru yá citáu. El sábadu la RPA va ufrir un programa sobre la vida dEnriqueta González Rubín dientro del espaciu Nomes dAsturies. Programa completu de la Selmana de les Lletres 23 d'abril, 2009 0 FacebookTwitterPinterestEmail
Convocatories Mieres entrega mañana miércoles el Premiu Teodoro Cuesta de poesía by asturnet 22 d'abril, 2009 Lalcalde de Mieres va entregar mañana, miércoles 23 dabril, el XVIII Premiu de Poesía Teodoro Cuesta. El ganador foi esti añu Xosé Anxelu Gutiérrez Morán y va recibir 4000 euros, pol poemariu Diversa Memoria. 22 d'abril, 2009 0 FacebookTwitterPinterestEmail