Sociedá Areces afirma qu’énte l’Estatutu catalán a Asturies interésa-y qu’haya un Estáu fuerte by asturnet 9 d'ochobre, 2005 El presidente del gobiernu del Principáu Vicente Álvarez Areces afirmó en declaraciones a la emisora territoria de Radio Nacional d’España qu’énte la situación planteada pol nuevu ‘Estatut’ catalán “a los asturianos interésa-yos qu’haya un Estáu fuerte, capaz de redistribuir la riqueza”. Areces enfotóse na capacidá de José Luis Rodríguez Zapatero pa reconducir l’apuesta soberanista de les instituciones catalanes. Pal xefe del executivu autonómicu definiciones como les conteníes nel testu del ‘Estatut’ referentes a la identidá nacional de Cataluña “podíen interpretase como inconstitucionales”, inda considere más importante p’Asturies l’asuntu de la financiación autonómica tres la posiblie aprebación nel Congresu de la nueva llei de lleis catalana. Areces manifestó que nun “cabe admitir esa idea de la recaudación de tolos tributos, los del Estáu y los autonómicos, nuna sola Comunidá y después, al través de relaciones bilaterales en Comisiones Mixtas redistribuir” y considera qu’a los asturianos, nesi sen, “interésa-yos una Administración central fuerte y sólida”. 9 d'ochobre, 2005 0 FacebookTwitterPinterestEmail
Sociedá El Muséu Olímpicu de Lausanne va cede-y parte de la so colección a la Fundación Príncipe d’Asturies by asturnet 9 d'ochobre, 2005 Representantes de la Fundación Príncipe d’Asturies caltuvieron el pasáu 7 d’ochobre un alcuentru colos responsables del Muséu Olímpicu de Lausanne col oxetu d’organizar una amuesa dientro los actos comemorativos del venticinco aniversariu de la institución cultural. El Muséu Olímpicu va ceder temporalmente una parte representativa de la so colección, qu’ inclúi medalles, antorches, fotografíes y recuerdos de deportistes que nunca salieron de les sos sales. Amás, la esposición va contar cola antorcha de los Xuegos Olímpicos de Barcelona92, y equipamientos deportivos que pertenecieron a deportistes como Jesse Owens y a dalgunos de los galardonaos col Premiu Príncipe d’Asturies de los Deportes. 9 d'ochobre, 2005 0 FacebookTwitterPinterestEmail
Sociedá Izquierda Xunida pide aprovechar el puxu del ‘Estatut’ p’aumentar l’autogobiernu d’Asturies by asturnet 6 d'ochobre, 2005 Izquierda Xunida considera que’l puxu del Estatu catalán tien valir pa qu’Asturies s’enfote n’aumentar el so techu competencial col fin de nun quedar nuna posición d’inferioridá respective a otres comunidaes. El cabezaleru de la coalición, Jesús Iglesias, afaló a los políticos del país a nun quedar “viéndoles venir” na nueva configuración autonómica del estáu. Pa Iglesias si de la nueva situación resultante hai perxuicios pa la nuestra comunidá la culpa “nun va ser de los catalanes sinón de los asturianos”. El coordinador xeneral d’IX d’Asturies afirmó que “Hai que aprovechar estos meses de debate del ‘Estatut’ nel Parlamentu español pa dir articulando propuestes ente les fuerces polítiques asturianes pa intentar avanzar na busca de consensu y consiguir que’l modelu resultante nel Estáu nun seya lesivu y nun nos asitie nuna posición de subordinación con otres comunidaes”, argumentó. 6 d'ochobre, 2005 0 FacebookTwitterPinterestEmail
Sociedá Les Diapositives de Montaña ‘Memorial María Luisa’ expónense en Cangas by asturnet 6 d'ochobre, 2005 La Sala d’Exposiciones del Ayuntamientu de Cangas del Narcea va acoyer ente los díes 10 y 24 d’ochobre la exposición de semeyes del Certame Internacional de Diapositives de Montaña “Memorial María Luisa”, organizada por Cajastur cola collaboración de la Conceyalía de Cultura del Ayuntamientu de Cangas del Narcea. La temática d’esta muestra aborda tanto la montaña y la naturaleza nel sentíu más ampliu, como’l mundu de la escalada. El certame premia a aquelles semeyes que se consideren especialmente representatives de los valores humanos y de les ayalgues naturales de la montaña. Esti certame garra’l nome n’homenaxe a la deportista piloñesa Maria Luisa Alvarez, fallecía n’accidente de montaña en 1990. 6 d'ochobre, 2005 0 FacebookTwitterPinterestEmail
Sociedá Chus Pedro pieslla mañana nAvilés lalcuentru de servicios municipales de normalización by asturnet 6 d'ochobre, 2005 Aviles, l’últimu conceyu n’abrir un serviciu de normalización llingüística, va ser la se mañana d’un alcuentru de responsables de les oficines de normalización nel que va elaborase’l Plan pel que se guíen estos departamentos nun futuru. La xornada va ser tamien la presentación pública de la oficina avilesina y va cuntar como pieslle cola actuación del cantante Chus Pedro. ELLICTA ye’l nome del nuevu serviciu municipal, un acrónimu de Estaya Llingüística d’Aviles, que coordina dende va unes selmanes el filólogu Cesáreo García. La última oficina de normalización abierta nun conceyu va ser tamien la qu’organice esti alcuentru de tolos servicios integraos na rede de normalización nel que se pongan en común les estremaes esmoliciones y propuestes de los tecnicos responsables de los mesmos. N’acabante l’alderique, l’encargáu de pesllar l’alcuentru va ser el cantante Chus Pedro, vocalista del grupu ‘Nuberu’. Nel conciertu que va dar mañana na Casa Cultura avilesiana a les ocho y cuartu la tarde va tar acompañáu, ente otros, polos músicos Julio Sánchez Andrade, Gabino Antuña y la percusionista Ines Toca. 6 d'ochobre, 2005 0 FacebookTwitterPinterestEmail
Sociedá PSOE ya IX-BA lleguen a un alcuerdu sobre’l Salariu Social Básicu by asturnet 5 d'ochobre, 2005 Un informe de los lletraos del parlamentu asturianu sobre’l proyectu de llei de Salariu Social Básicu dexa conformes a PSOE ya IZquierda Xunida-Bloque por Asaturies nun asuntu pol que veníen enfrentándose nes últimes selmanes. La eliminación del conceptu “derechu suxetivu” y del artículu qu’obligaba a poner topes másimos nes cantidaes asignaes nes cuentes autonómiques ponen d’alcuerdu a les dos formaciones polítiques. La traslación consideración del salariu social como derechu suxetivu y la definición del catálogu de prestaciones solventa l’enfrentamientu ente los socialistes y la coalición d’izquierdes pero nun pieslla dafechu’l debate. Agora correspuénde-y al gobiernu redactar esti catálogu y aprobalu como decretu. Izquierda Xunida nun tien mieu al respective pos un decretu nun puede contravenir una norma de rangu superior, como ye la propia llei del salariu social. 5 d'ochobre, 2005 0 FacebookTwitterPinterestEmail
Sociedá Sigue abiertu’l plazu pal cursu de llingua asturiana del Ayuntamientu d’Uviéu by asturnet 5 d'ochobre, 2005 La Conceyalía d’Educación del Ayuntamientu d’Uviéu caltién abiertu’l plazu de matriculación pa los dos cursos de llingua asturiana programaos nel conceyu. La ufierta inclúi dos niveles educativos: d’iniciación y d’afondamientu. Les inscripciones pueden facese na sé de la conceyalía, na cai Quintana, 6-8, n’horariu de 11.00 a 13.00 hores. El númberu de places ye limitáu: 30 por cá cursu, y van adxudicase por orden de matrícula. Les clases pal cursu d’ iniciu escomiencen el 13 d’ochobre y pal de afondamientu el 16 d’avientu. Los horarios de les clases van ser de 17.00 a 20.00 de la tarde de llunes a viernes. 5 d'ochobre, 2005 0 FacebookTwitterPinterestEmail
Sociedá L’Ayuntamientu de Santiso d’Abres refuga la galleguización del conceyu by asturnet 5 d'ochobre, 2005 El plenu del Ayuntamientu de Santiso d’Abres aprebó una moción contra cualaquier intentu d’oficializar el gallego nel conceyu. La iniciativa presentada pol PP cuntó col apoyu de los otros grupos políticos y ye la primera cola qu’un conceyu asturianu manifiesta’l so refugue al espardimientu de la llingua de la comunidá vecina pela nuestra comunidá. L’alcadesa d’Abres, María Goretti Quintana, del Partíu Popular, amosó el determín del Ayuntamientu en refugar la oficialización de la llingua gallega “venga d’onde venga”. La moción aprebada nel conceyu estremo-occidental surde tres l’admisión a trámite nel Congresu de los Diputaos d’una propuesta d’Esquerra Republicana de Catalunya na que se contempla la posibilidá de facer oficial l’usu del gallegu en dellos conceyos d’Asturies. 5 d'ochobre, 2005 0 FacebookTwitterPinterestEmail
Sociedá Andecha presenta una propuesta nos conceyos del Navia-Eo pa que pidan la so esclusión de la candidatura pa la UNESCO by asturnet 4 d'ochobre, 2005 Andecha Astur presentó una propuesta de resolución nos conceyos asturianos incluíos poles instituciones de Galicia y Portugal na so candidatura al patrimoniu oral inmaterial de la UNESCO. La formación nacionalista pide nesta iniciativa que s’escluyan de la candidatura a les fasteres del nuestru terrotoriu. La propuesta qu’Andecha presentó nos dieciocho conceyos occidentales afectaos cuida que la candidatura a la UNESCO parte de los gobiernos gallegu y portugués pero al pesar d’incluir una parte d’Asturies nun tuvo en cuenta nin a los propios ayuntamientos nin al gobiernu del Principáu. Pa la formación nacionalista nin Galicia nin Portugal tienen xurisdición sobre territoriu asturianu y poro piden a los conceyos del Navia-Eo que soliciten la so esclusión de la candidatura. Andecha critica la posición nel asuntu del PSOE y el PP “tres comprebar que detrás de les sos aparentemende indignaes declaraciones nun había nenguna voluntá d’actuación” frente a lo que la formación nacionalista considera “propuesta colionalista gallega”. Pa la formación asturiana si a la fin la candidatura galaico-portuguesa acaba siendo aprebada pola UNESCO nos términos que ta anguaño redactada “el patrimoniu cultural occidental d’Asturies quedaría integráu oficialmente bel patrimoniu cultural de Galicia y Portugal”. 4 d'ochobre, 2005 0 FacebookTwitterPinterestEmail
Sociedá Mieres falla los premios Aula de Paz by asturnet 4 d'ochobre, 2005 La coordinadora Aula de Paz Camín de Mieres concede añalmente los sos premios ‘Aula de Paz’ qu’esti añu, na so XXVI edición, reconocen el llabor de persones como la catedrática de derecho internacional, Paz de Andres Sáenz de Santamaría; l’Ayuntamientu d’Avilés; el catedráticu d’Historia, Carlos Prieto; l’escritor Eugenio Torrecilla; o’l Museu de Belles Artes d’Asturies, ente otros. Dende 1978 esta distinción tien sío entregada a entidaes, instituciones o personalidaes que pola so contribución socio-cultural, artística o formativa, favorecieron la compresión y educación internacional, asina como al fomentu de la paz y los valores humanos. El xuráu d’esta XXVI edición falló esti día los premios, recayendo nes siguientes persones y entidaes: Jose Ignacio Álvarez Sánchez, presidente de l’Audiencia provincial d’Uvieu; l’Ayuntamientu d’Aviles, ciudá milenaria, preside l’alcalde D. Santiago Rodríguez Vera; Paz de Andres, catedrática de derechu de la Universidá d’Uvieu; Julio Maese Guisasola, director xeneral del diariu El Comercio; Juan Manuel Martín Caso, xerente d’ADA Asturies; Javier Pelletán, medicu ciruxanu del hospital Cabueñes de Xixón; Ramiro Vázquez Iglesias, director empresariu; Ángel Garralda, maestru y párrocu de San Nicolás de Bari; Vidal De La Madrid Álvarez, catedráticu d’Historia del Arte de la Universidá d’Uvieu; Carlos Prieto González, catedráticu d’Historia del Derechu de la Universidá d’Uvieu; Francisco Martín Del Buey, catedráticu de Psicoloxía na Universidá d’Uvieu; Manuel Contreras, teniente coronel xefe de la comandancia la marina de Xixón; la Cofradía de la Balesquida d’Uvieu, fundación centenaria; AMICOS, Asociación Mierense de la Cocina Solidaria; Carlos Hernández Lahoz, medicu, neurólogu xefe del Hospital Central d’Asturies; El Museu de Belles Artes d’Asturies, director Emilio Marcos Vallaure; Camino Tartiere Barthe, presidenta d’Asturies de l’Asociación contra el cáncer; y Eugenio Torrecilla Iglesias, medicu, escritor fundador de la tertulia lliteraria de Llangreu. Amás de los premios ‘Aula de Paz’, tamien se fallaron los premios ‘Emilio Alarcos Llorach’, que nesti añu 2005 fueron pa: Jose Luis García Martín, catedráticu de Lliteratura de la Universidá d’Uvieu; Rufino Roces, miembru xestor d’actividaes culturales de La Felguera; y Antonio Fernández Velasco, miembru xestor d’actividaes culturales de La Felguera. Otra manera, los premios ‘Severo Ochoa’ son p’Agustín Herrero Zapatero, medicu, catedráticu emeritu d’anatomía patolóxica de la Universidá d’Uvieu; y Mercedes Prada Blázquez, xefa de sección del llaboratoriu de bioquímica del Hospital Central d’Asturies. Mentes que’l premiu ‘Asturies pol Deporte’ recayó n’Alberto Hevia, pilotu campeón d’España de Rallies d’asfaltu. 4 d'ochobre, 2005 0 FacebookTwitterPinterestEmail