Educación La formación de la mocedá asturiano allugase un venti por cientu penrriba la media estatal by asturnet 5 de febreru, 2009 El nivel de formación de la mocedá asturiano supera nun venti por cientu penrriba la media nacional, según los datos espublizaos esti día por Maxisteriu. Mentantu la formación de los mozos (Youth Education Attainment Level, ún de los cinco oxetivos principales de Lisboa 2010) queda n’España nel 60,0 por cientu, n’Asturie allúgase nel 2008 nel 72,8, lo que supón tamién un axorrecimientu de 8,3 puntos en comparanza col 2003. L’indicador mentáu, que coloca a Asturies en tan cabezalera posición, ye’l porcentaxe de mozos d’ente 20 y 24 años qu’algamaron polo menos el títulu de secundaria superior (Bachilleratu o FP de grau mediu n’España). L’informe destaca que mientres la media de la UE (27 países) yera nel 2007 del 78,1% y l’oxetivu marcáu pal 2010 ye llegar al 85%, España nel 2007 queda atascada nel 60%. L’informe caltién tamién que la metá del norte d’España (menos Cataluña y La Rioxa) algama indicadores claramente meyores que la metá sur. Na clasificación entamen País Vascu y Navarra, siguíes por Asturies, Cantabria, Aragón, Castiella y Lleón, Galicia, Madrid, toes ente’l 65% y el 73%. 5 de febreru, 2009 0 FacebookTwitterPinterestEmail
Educación CC.OO apoya que les places de profesor de llingua seyan plantiya orgánica by asturnet 3 de febreru, 2009 El sindicatu Comisiones Obreres d’Asturies, al traviés de la so Federación d’Enseñanza, dio’l so preste de primeres a “los rumores llanzaos dende la Cosneyería d’Educación sobre la intención d’incluyir les places d’asturianu na plantiya orgánica de los centros”, pero siempre y cuando se cree la especialidá y se convoquen les oposiciones ocrrespondientes pa cubrir los puestos. Al traviés d’un comunicáu, el sindicatu se refirió al “malestar xeneráu ente los docentes d’Asturianu”, por esti tema, esplicando que “mos alcontramos ante un proyeutu que desconocemos, nun existe nengún documentu escritu que lu esplique, nin hubo negociación nenguna, sólo conversaciones informales o rumores”. Sicasí, CC.OO entiende que la decisión merecía “una valoración positiva, pero nun debe distrayer l’alderique d’otros aspeutos igual o más importantes”. “A CC.OO”, continúa la nota, ” preocúpa-y qué cambios provocaría la nueva situación na provisión de dichos puestos, ¿quién y cómo los ocuparía nel futuru?”. Pal sindicatu, “el tratamientu debe tratase de manera global, la normalización de la llingua debía pasar, amás de pela dotación de les places, pela creación de la especialidá de Llingua Asturiana y Gallegu Asturianos cuerpos de maestros y profesores d’Enseñanza Secundaria y pela convocatoria d’oposiciones, ufiertándose’l mayor númberu de places posibles, pa que los interinos puean acceder a la fucnión docente nes mesmes condiciones que’l restu d’especialidaes”. Comisiones criticó “la manera d’actuar de la Conseyería”, y reclamó “claridá de tou esti asuntu, puesto qu’afeuta a les condiciones de trabayu del profesoráu y hai munchos emplegos en xuegu”. CC.OO pide a l’Alministración que ponga’l so proyeutu per escrito mediante un documentu que puea ser oxetu de negociaicón sindical. A lo último, dende CC.OO s’exixe “la oficialidá, que diba arreglar toes estes cuestiones, y diba dotar a la llingua del estatus xurídicu que se merez, pero ésta nun debe vese como escusa per parte de l’Alministración pa nun crer la especialidá, puesto que l’Alministración tien capacidá pa creala o pidila al MEC ensin la oficialidá, y normalizar la so situación igual que’l restu d’especialidaes”. 3 de febreru, 2009 0 FacebookTwitterPinterestEmail
Educación La Xunta pola Defensa de la Llingua solicita una reunión col Conseyeru d’Educación by asturnet 3 de febreru, 2009 El motivu fundamental pol que se solicita la reunión ye’l de recibir información de manes del conseyeru sobre les iniciatives que piensa adoptar pa garantizar la formación de los futuros mayestros de Llingua Asturiana, y pa reconducir la situación xenerada énte la intención espresa de la dirección actual de la Escuela de Maxisteriu d’escluyir los estudios d’asturianu del nuevu proyectu de planes d’estudiu, qu’han aprobase pa la so adaptación al marcu européu de Bolonia. 3 de febreru, 2009 0 FacebookTwitterPinterestEmail
Educación Fai! amuesal so contentu por ver refugada la propuesta que condenaba a la llingua asturiana by asturnet 30 de xineru, 2009 Fai! amuesal so contentu por ver claramente refugada la propuesta de grau de maxisteriu que condenaba a la llingua asturiana a salir de la escuela. La organización, presente con estudiantes nel Claustru de la Universidá dUviéu, insta agora a la escuela de Maxisteriu, Rector y al Gobiernu asturianu a que reconduzan la situación de la única manera posible: dándo-yl rangu de mención al asturianu al mesmu nivel que les otres árees docentes. Fai! quier felicitar, per mediu desta nota de prensa, a los axentes sociales universitarios que refugaron lintentu de sacar, otra vegada más, al idioma asturianu de les aules. Nesta ocasión impúsose la razón frente a la radicalidá de los mofientos postulaos anti-llingua asturiana, que namás buscaben eliminar tou rastru del idioma dAsturies na formación del profesorau denseñanza primaria nun xestu que demuestra la so intolerancia, auto-odiu y despreciu pola cultura asturiana. Asinamesmo, Fai! insta otra vuelta al Rector a cumplir les sos promeses electorales, meses dempués de quun miembru del claustru perteneciente a esta organización-y lo recordare na primer reunión del másimu órganu de debate universitariu. Pa los y les estudiantes de Fai!, Vicente Gotor nun puede mirar pa otru llau mentres nes escueles y facultaes de la universidá quél gobierna se faen propuestes abiertamente illegales en referencia a la non propuesta de la mención de llingua asturiana presentaes como supuestamente democrátiques, polo que facemos una crítica abierta al so silenciu nestos díes previos a la votación de la Xunta dEscuela de Maxisteriu. Pa la xente de Fai! agora yel momentu de que dean la cara lo mesmo la Conseyería dEducación, Gobiernu asturianu y el Rector pa da-y una salida digna al conflictu, dexando al marxe soluciones intermedies, insuficientes a toles lluces, que nun lleguen a los mínimos almisibles como pa Fai! quedó demostrao tres de la crisis de filoloxía que culminó cola aprobación dun probetayu Mínor. Pa la organización, la movilización firme y ensin concesiones, de denuncia y desenmazcaramientu de postures dimposición y anti-asturianes, ye lúnicu camín que puede llevar a la llingua asturiana al sitiu que-y correspuende nes instituciones y na universidá nalusión clara a la exitosa concentración entamada pola Xunta pola Defensa de la Llingua Asturiana y Xunta Moza esti mañana, na que participaron un centenar dalumnos y profesores y que foi sofitada por dellos miembros de Fai!. 30 de xineru, 2009 0 FacebookTwitterPinterestEmail
Educación El Seminariu de Filoloxía Asturiana felicítase pol posicionamientu de la Xunta dEscuela de Maxisteriu by asturnet 30 de xineru, 2009 El Seminariu de Filoloxía Asturiana de la Universidá dUviéu emitía esti día un comunicáu col que quier “faer pública la so satisfacción pol posicionamientu de la Xunta dEscuela de Maxisteriu con relación a la propuesta de nueves titulaciones y felicita a los sos miembros pola so decisión al respective del status nelles de los estudios de Llingua Asturiana”. Coles mesmes, fai votos pa que, na nueva situación agora creada, “sía posible retomar la propuesta sobrel particular del Departamentu de Filoloxía Española, ampliamente sofitada por tolos sectores implicaos, consistente nuna mención específica, de 30 creitos ECTS, necesarios y llegalmente requeríos pa la formación del profesoráu dasturianu na eduación primaria. Esta carga docente, coherente colos 48 creitos ECTS del Minor acabante aprobar na Facultá de Filoloxía, conformaríen un marcu dignu pa los estudios universitarios dasturianu y un primer pasu necesariu nel camín de la definitiva normalización del llabor docente ya investigador na nuesa disciplina na Universidá dUviéu”. Otra manera, el Seminariu de Filoloxía Asturiana “tampoco nun puede dexar despresar el so pesar más fondu pol fallecimientu, nesti mesmu día, de don Emilio Barriuso Fernández, gran investigador y conocedor de la llingua marinera dAsturies, a la que dedicó la mayor parte del so llabor académicu y una retafila de trabayos y publicaciones memorables ya indispensables pa toos aquellos que, anguaño o nel futuru, pretendan averase al so conocimientu o a la Filoloxía Asturiana como conxuntu”. 30 de xineru, 2009 0 FacebookTwitterPinterestEmail
Música Les Pandereteres de Fitoria toquen nel escenariu del Tierra Astur de Cualloto by asturnet 29 de xineru, 2009 Güei, xueves 29 de xineru, a les 21:30 hores, lescenariu de Tierra Astur de Cualloto va acoyer lactuación del grupu Pandereteres de Fitoria, agrupación etnomusical formada por Guadalupe Villanueva y Lorena Älvarez de La Pola Siero, Yolanda Menéndez de Granda (Siero), Verónica González dUviéu, Silvia Rodríguez y Laura Ruiz, de Fitoria y Florentina Cuadriello (asesora vocal y musical) de Corvera. 29 de xineru, 2009 0 FacebookTwitterPinterestEmail
Educación Consensu nes crítiques a les torgues de Maxisteriu pa col enseñu del asturianu by asturnet 29 de xineru, 2009 Énte la votación que va llevase alantre güei na Escuela de Maxisteriu de la Universidá d’Uviéu pa que nun sincluya l’asturianu ente les especialidaes de los futuros planes europeos, organizaciones y personalidaes de la vida pública asturiana amosaron la postura contraria estos díes. El voceru del Bloque por Asturies, Pablo Fernández, consideró güei “llamentable” esti fechu que vien con “cambiu de filosofía sobre’l conceutu de la Universidá” qu’al so xuiciu ta introduciendo’l llamáu Plan Bolonia. “L’Asturianu”, señaló, “ye una llingua que sufre una serie de torgues nel ámbitu políticu, y denunciamos que tamién esto tenga una prollongación nel ámbitu de la Universidá”. “Dientro d’esta discriminación, en Maxisteriu creemos que l’asturianu va tener qu’acabar nun ‘máster’, que ye una forma refinada de discriminación, porque’l que quiera estudiar asturianu nel meyor de los casos va tener que pagar un pastón”. El diputáu dIX-BA-Verdes, Francisco Javier García Valledor, considera incomprensible que la Escuela Universitaria de Maxisteriu pretenda non incluyir la llingua asturiana como una mención más. Pa Valledor “la posibilidá de que la Escuela de Maxisteriu proponga un marcu de titulaciones nel que nun se recueya la llingua asturiana y el gallego-asturianu resulta dafechu imcomprensible, yá quesiste una llexislación na que la llingua asturiana simparte de forma voluntaria en tolos graos y niveles. El Conceyu Universitariu pol Asturianu amosó tamién el so descontentu pola decisión de Maxisteriu y espera questi xueves la cordura llegue a la Escuela de Maxisteriu y los sos dirixentes sepan dar marcha atrás nesta decisión contraría a la llegalidá vixente y que recuerda al pasáu agora que la llingua asturiana va tar homologada coles demás llingües na Facultá de Filoloxía. 29 de xineru, 2009 0 FacebookTwitterPinterestEmail
Educación Los 5 sindicatos denuncien la propuesta de Maxisteriu by asturnet 29 de xineru, 2009 Esti xueves día 29 a les 11.30, facíase una concentración delantre de la Escuela Universitaria de Maxisteriu en protesta pola votación que llevaba alantre na Xunta de la Escuela y na que la dirección del centru pretendía que l’asturianu quedra fuera de los estudios reglaos. SUATEA, CCOO, FETE-UGT, ANPE y CSIF aprovechaben pa denunciar lo qu’atalanten ye una pergrave actuación. La concentración taba convocada por la Xunta Moza y la Xunta pola Defensa de la llingua Asturiana delantre de la Escuela Universitaria de Maxisteriu esti xueves a les 11.30, ante l’ataque a la llegalidá que se plantega facer dende instancies universitaries, incumpliendo tolos mandaos llegales que piden espresamente una titulación d’asturianu na carrera de Maxisteriu. Na concentración participaron representantes de los cinco sindicatos de la enseñanza n’Asturies que caltuvieron una Xunta cola Direutora del Centru y asoleyaron un comunicáu nel que SUATEA, CCOO, FETE-UGT, ANPE y CSIF denuncien l’actitú de la Direición de la Escuela de Maxisteriu al enfotase en “dexar fuera de los nuevos planes d’Estudiu que se diseñen pa l’adaptación al Plan Européu de Bolonia a la llingua asturiana y a la educación musical”. Sigún la nota de los sindicatos “col Plan Européu espediríense dos titulaciones xenériques (infantil y primaria) y caúna d’estes diría acompañada d’una menciónq ue se correpondería, más o menos, con loq ue tradicionalmente s’entendía como especialidá. Una vegada algamada la titulación podría proseguise estudios de postgráu medianteMáster, pero nestos tampoco figuren les especialidaes mentaes”. Pa los sindicatos, “la Direición de la escuela de Maxisteriu pretende que s’apreben cola mayor urxencia los cambios, hasta’l puntu que la votación de la Comisión de Docencia de la Escuela de Maxisteriu s’adelantara a esti xueves”, cuando hai munchos miembros de la Xunta d’Escuela favoratibles a la mención de llingua asturiana que s’alcuentren fuera del país como Xosé Anton González Riaño o Aquilina Fueyo, no que paez un intentu de facer votaciones de decisiones fundamentales ensin cuntar cola sensibilidá mayoritaria de la Xunta de la escuela. 29 de xineru, 2009 0 FacebookTwitterPinterestEmail
Educación La Dirección de Maxisteriu perdió por más del doble de votos la votación escontra la llingua asturiana by asturnet 29 de xineru, 2009 La dirección de la Escuela Universitaria de Maxisteriu perdió por un gran marxe la votación del so proyectu d’adaptación al plan de Bolonia col que pretendía imperdir una titulación reglada d’asturianu na carrera. Durante la mañana una concetración entamada pola Xunta Moza y a la qu’asistieron más de cien persones, ente les que taben representantes de FETE-UXT, CCOO, SUATEA, USO, amás de profesoráu y alumnáu de la Escuela reclamó la necesidá de contar con una titulación reglada d’asturianu. Los planes de la dirección de la Escuela Universitaria de Maxisteriu viéronse rechazaos por mayoría amplia. El programa presentáu imcumplía tolos mandaos llegales que desixen l’enseñu d’asturianu. Nel conceyu de la Xunta d’Escuela varies intervenciones, feches por profesores y por representantes d’alumnos, amosaron el profundu malestar xeneráu pola dirección del centru y la so achaplante intención de dexar a la llingua asturiana fuera de los planes d’estudios al nun incluyir una mención específica. El fechu de presentar un programa diseñáu pa da-y gustu a los sectores más retrógrados y nostálxicos del búnker universitariu quedó nidiamente destináu al fracasu porque la sociedá asturiana superó fai bien de tiempu, como amosaba la Xunta Pola Defensa de la LLingua nuna nota de prensa esta tarde estos prexuicios y como demostraron l’alumnáu de la Escuela, el profesoráu y los sindicatos d’enseñanza que tuvieron presentes na concentración qu’entamó a les 11:30. Dende la Xunta pola Defensa de la Llingua faise “un llamáu a tolos axentes implicaos n’iguar esta situación. Rector, Conseyeru d’Educación y Gobiernu del Principáu tienen la obligación d’intervenir na defensa de les lleis poles que se rixen los derechos educativos de los asturianos que tuvieron a piques de ser conculcaes pola dirección d’una Escuela Universitaria que piensa colos preceptos del franquismu sociolóxicu” . La xunta va siguir de cerca tou esti procesu, y nos prósimos díes falará colos másimos representantes del Gobiernu Universitariu y siguirá faciendo la campaña que tien entamada en collaboración colos estudiantes de la escuela y colos sindicatos d’enseñanza. 29 de xineru, 2009 0 FacebookTwitterPinterestEmail
Educación La Xunta convoca una manifestación esti xueves delantre Maxisteriu by asturnet 28 de xineru, 2009 La Xunta Moza y la Xunta pola Defensa de la llingua asturiana convoquen una concentración delantre de la Escuela Universitaria de Maxisteriu esti xueves a les 11.30, ante l’ataque a la llegalidá que se plantega facer dende instancies universitaries. Esti xueves día 29 a les 11.30, va facese una concentración delantre de la Escuela Universitaria de Maxisteriu en protesta pola votación que se quier llevar alantre, na que la dirección del centru pretende que l’asturianu quede fuera de los estudios reglaos, incumpliendo con ello tolos mandaos llegales que piden espresamente una titulación na carrera. 28 de xineru, 2009 0 FacebookTwitterPinterestEmail