Música Esti miércoles fina’l plazu pa presentase al concursu de maquetes “Apple Rock” en Villaviciosa by asturnet 30 d'abril, 2008 Esti miércoles 30 d’abril fina’l el plazu pa presentar trabayos al primer concursu de maquetes del festival Apple Pop. Esta iniciativa ta organizada pola Conceyalía de Xuventú de Villaviciosa y ye una oportunidá perbona pa que los grupos d’esta fastera de la rexón, esín contratu discográficu, puedan dar los primeros pasos nel negociu musical. El premiu ye la grabación d’un discu y la edición de 1000 copies del mesmu. La mayor peculiaridá d’esta convocatoria ye que ta reservada namái palos coxuntos que toquen rock n’ roll nes sos variaes modalidaes: garege, surf, punk, power-pop, indie, etc ya que la idea de los organizadores ye que los ganadores puedan participar na prósima edición del festival Appel Pop, dedicáu precisamente a esi estilu musical. 30 d'abril, 2008 0 FacebookTwitterPinterestEmail
Música Gueta na Fonte van abrir les Xornaes de la Llingua y la Cultura Asturiana nel Atenéu de La Calzada by asturnet 30 d'abril, 2008 Esti miercoles 30 d’abril, a les 19:00 hores, entamen les XIII Xornaes de la Llingua y la Cultura Asturiana nel Ateneu de La Calzada de Xixón, cola actuación del grupu Gueta na Fonte. La banda del compositor, productor y músicu asturianu Mento Hevia axunta, na so propuesta, la tradición foll celta coles sonoridaes que dan los instrumentos modernos pa ufrir una surte de folk progresivu. En Gueta na Fonte toquen Dani Álvarez Mora, na gaita, la flauta y les percusiones; Luis García, al violín; Juan Povedano, cola flauta; Vanesa Vez Caraduje, na voz, los teclados y la percusión; Mento Hevia, nel violonchelu, percusión, arpa celtica y los teclaos; Jose Frances, a la guitarra, el bouzuki ya’l baxo pedal y Nancy Quintáns de la Pridam, nel violín. 30 d'abril, 2008 0 FacebookTwitterPinterestEmail
Música Tuenda toquen nel Café Trisquel de Xixón by asturnet 30 d'abril, 2008 Tuenda, banda na que militen el cantante Xose Ambás xunto Elias García y Pepín de Muñalen, miembros de Llan de Cubel y La Bandina’l Tombo, van tocar esti miñercoles 30 d’abril en Xixón. El conciertu va tener llugar nel Cafe Trisquel de magar les 21:30 hores y va ser una perbona oportunidá de volver a disfrutar en directu del llabor de recopilación ya investigación musical que fae esta banda nel terren de la música tradicional asturiana. 30 d'abril, 2008 0 FacebookTwitterPinterestEmail
Música Tierra Astur ufre otru xueves musical con La Bandina la Curuxa by asturnet 30 d'abril, 2008 Tierra Astur, negociu hosteleru bien comprometíu cola difusión y promoción de la cultura asturiana, ufre una nueva selmana mas otra edición de los xueves musicales cola participación, nesta ocasión, de La Bandina La Curuxa. Los ovetenses van amenizar la velada, dende les 21:30 hores, a los comensales que s’averen al restaurante de Cualloto colos temes que componen el so primer trabayu discográficu que lleva por nome “De camín”. La Banda La Curuxa trabaya sobre manera’l repertoriu tradicional pensáu pal baille. 30 d'abril, 2008 0 FacebookTwitterPinterestEmail
Música El Conservatoriu del Valle del Nalón va celebrar la II Semana de la Flauta travesera by asturnet 28 d'abril, 2008 La selmana del 5 al 9 de mayu, el Conservatoriu “Valle del Nalón” va celebrar la “II Semana de la Flauta travesera” con un completu programa nel que van incluyise cursinos, talleres, un alcuentru de xiblateros y una esposición. Ente los cursos, unu dIngri Elise Engeland, que va ufrir un Cursín de perfeccionamientu técnicu, un Taller introductoriu al Repertoriu y Técniques de Música Contemporánea pa Xiblata Travesera por Peter Pearse. El Gabinete DEFAMILIA va facer un Taller de Prevención y Control del mieu escénicu y les actividaes van completase con un alcuentru de xiblatises que va incluyir un conciertu dorquestes de xiblates, nel que van participar los conservatorios d’ Uviéu, Avilés y Vale del Nalón. 28 d'abril, 2008 0 FacebookTwitterPinterestEmail
Música 4.000 persones participaron nes dos xornaes del XX Conciertu pola Oficialidá en Xixón by asturnet 28 d'abril, 2008 Representates de la Xunta pola Defensa de la Llingua Asturiana declaron quel XX Conciertu pola Oificialidá foi tou un ésitu, con una asistencia de más de 4.000 espectadores nos dos díes de conciertu, nos que participaron grupos como Dixebra, DRD, Nuberu, Llan de Cubel, Skanda, K-Nalón, Xera, Skama la rede o Gomeru. 28 d'abril, 2008 0 FacebookTwitterPinterestEmail
Música El Conciertu pola oficialidá va tener güei nel escenariu a Los Berrones, Dixebra, La Bandina, DRD, La Col.lá Propinde, Tejedor y Chalaneru Sound by asturnet 26 d'abril, 2008 Güei sábadu de magar les siete la tarde va celebrase la segunda y última xornada del XX Conciertu de la Oficialidá. Un festival reinvidicativu que se ta celebrando nel Pabellón de les Naciones de la Feria de Muestres dAsturies, en Xixón. La nueche va entamar con DRD y va siguir con La Col.lá Propinde y los hermanos Tejedor, que van presentar el so discu Música na maleta. Más tarde van ser los hestóricos Los Berrones y la banda que se fizo célebre col tema Mexé na caleya, La Bandina. El pieslle van echalu Dixebra y lesperimentu musical Chalaneru Sound System, agrupación de músicos quatoparon nel ragamuffin y nel ska la so forma despresión y reivindación. 26 d'abril, 2008 0 FacebookTwitterPinterestEmail
Música La soprano Begoña Calleja va dar un taller de técnica vocal dedicáu al folk by asturnet 25 d'abril, 2008 La soprano Begoña Calleja va tar dando un taller de música vocal dirixíu a pandereteres ya interpretes de canción asturiana, el sábadu 26 d’abril, a les 18:30 hores nel Auditoriu de Cámara del Conservatoriu Valle del Nalón (Plaza Adaro, S/N de Sama). El preciu d’inscripción ye de 15 euros y puen facese nel númebru de telefonu 985 67 71 13. 25 d'abril, 2008 0 FacebookTwitterPinterestEmail
Música El XX Conciertu pola Oficialidá llega a la Feria de Muestres de Xixón by asturnet 25 d'abril, 2008 El XX Conciertu pola Oficialidá va facese nel Pabellón de les Naciones de la Feria de Muestres dAsturies en Xixón y va entamar na tarde del vienres a les siete con dos escenarios independientes quevitarán los tiempos muertos ente grupu y grupu. Los dos escenarios, de gran superficie, van tar equipaos colos meyores equipos de lluz y soníu, garantizando con ello la calidá del espectáculu tamién na parte técnica. Na parte musical, el vienres 25 van tar ellí: Nuberu, Llan de Cubel, Skanda, K-Nalón, Xera, Skama la Rede y Gomeru. El sábadu 26 serál turnu pa: DRD, La Col.lá Propinde, Tejedor, Los Berrones, La Bandina, Dixebra y Chalaneru Sound. La xente de la Xunta ta espardiendo los materiales de propaganda per toa Asturies. Tamién les entraes, que tarán a la venta en: Xixón: Café Trisquel, El Barucu, Llibrería Alborá ; Uviéu: La Casa Posafuelles, Isla de Cuba, La Deva; Avilés: El Cafetón ; Candás: La Gueta ; Gráu: LAblugu ; L.luarca: Panadería Aldín, Estancu La Cachona; Tinéu: Mesón Cervantes ; Salas: El Cobertizo; La Puela dAyande: Café Centro; Cangas del Narcea: Bar Azul; Mieres: La Buraka; La Pola Llena: La Xarrina; La Felguera: Llar de Keko; LEntregu: Tom Mallory; La Pola Llaviana: El Riscar; La Pola Siero: El Diañu; Nava: La Posta. El preciu de les entraes ye: Bonu de 2 díes anticipáu: 14; Bonu 2 díes na puerta: 16. Entrada 1 día anticipada: 8; Entrada 1 día na puerta: 10. El Conciertu pola Oficialidá ñació va venti años como una iniciativa solidaria pa la financiación de les movilizaciones de la Xunta pola Defensa de la Llingua Asturiana. Aína, la participación de los meyores grupos asturianos y lasistencia masiva de públicu añu tres añu, convirtiéronlu nun referente ineludible nel panorama musical asturianu. Anguañu, pa la cellebración desti vixésimu aniversariu la Xunta entama una presentación más ambiciosa, tou un festival de dos díes que de xuru va valir parrancar con fuerza pal restu dactividaes y movilizaciones que van llevase alantre nes siguientes selmanes. 25 d'abril, 2008 0 FacebookTwitterPinterestEmail
Música Luar na Lubre presenten el so últimu discu nel Teatru Xovellanos de Xixón by asturnet 25 d'abril, 2008 Los gallegos Luar na Lubre, un de los grupos de la escena folk que más reconocenci tienen a nivel internacional, can tarpresentando en directu “Camiños da terra”, el so últimu trabayu, esti sábadu nel Teatru Xovellanos de Xixón. El conciertu va entamar a les 20:30 hores. Luar Na Lubre, cola voz de Sara Vidal como filu conductor, emplega instrumentos como la gaita, el bouzouki, la flauta, l’acordión ya’l djimbek xunto con otros instrumentos ellectricos más convencionales como la guitarra y los teclaos 25 d'abril, 2008 0 FacebookTwitterPinterestEmail