Educación LALLA celebra esti sábadu la Prueba de conocencia de la llingua asturiana by asturnet 27 de mayu, 2011 L’Academia de la Llingua Asturiana celebra la Prueba de Conocencia de la llingua asturiana esti sábadu na Facultá de Ciencies de la Educación dUviéu, sabiendo’l fondu interés de munches persones de llograr que se reconoza la so conocencia de la llingua y manifestar asina’l so fondu amor al idioma asturianu. La prueba va tener dos partes, una escrita (dictáu, torna, exercicios gramaticales, redaición) y otra falada (conversación). A les persones declaraes aptes nes pruebes citaes, l’Academia dará-yos un documentu onde s’afite la conocencia nel nivel 1 o básicu según calces siguíos por esta Institución. Les persones que nun superen les pruebes del nivel 1 podrán presentase a nueves convocatories toles vegaes que-yos pruya. Bases de la Prueba de Conocencia 27 de mayu, 2011 0 FacebookTwitterPinterestEmail
Escéniques La música y los bailles de Bollywood arriben a Xixón by asturnet 26 de mayu, 2011 El baillarín y coreógrafu Sunny Singh propónnos que mos metamos nel espíritu de les películes de Bollywood. Al traviés de les sos azogosos ya hipnótiques dances, vamos lespectáculu amuesa los tópicos argumentales que la industria cinematográfica hindú supo esplotar tan bien. La heroína, guapa y humilde, oxetu del amor del héroe de la hestoria; el villanu, malváu y bien ricu, que de toes toes quier consiguir los favores de la moza interponiéndose ente los dos namoraos. Y como siempres, tres delles vicisitúes, l’amor siempres trunfa. Esti musical Bollywood, el viaje, va tar en La Llaboral de Xixón, los díes 27 y 28 de mayu. Una hestoria más vieya que’l mundu, que sirve de hilatura a unos númberos musicales llenos de lluz y color col so suntuosu vestuariu (600 traxes), 18 baillarinos n’escena y una banda sonora de rabiosa actualidá. Descuentu: los socios del Club La Llaboral Ciudá de la Cultura tienen un descuentu del 20% pa dos entraes aplicable hasta 90 minutos enantes del entamu de la función. Les llocalidaes pueden mercase nel Centru de Recepción de Visitantes y Tienda de La Llaboral Ciudá de la Cultura y nel Puntu d’Información en Campu Valdés, Xixón. El pagu de les entraes ha facese en metálicu y el sociutendrá d’acreditar la so pertenencia al Club amosando la so tarxeta personal y DNI. 26 de mayu, 2011 0 FacebookTwitterPinterestEmail
Educación Entréguense los diplomes del I Cursu dAsturianu del CUPA y lAcademia de la Llingua Asturiana by asturnet 24 de mayu, 2011 El Conceyu Universitariu pol Asturianu (CUPA) y lAcademia de la Llingua Asturiana (ALLA) dieron anuncia de la entrega de los diplomes acreitativos del I Cursu Básicu dAsturianu del CUPA, que va celebrase esti miércoles 25 de mayu a partir de les 20 hores, nel Salón dActos del Conseyu de la Mocedá de Xixón (Avenida Manuel Llanez 68, baxu), cola participación de los alumnos, el profesor del cursu y un representante de lAcademia, que va dar los diplomes a los más de venti alumnos que participaron nel cursu y lleer dellos discursos. Amás va sacase la semeya de grupu de los alumnos que consiguen el diploma del cursu. El CUPA valora mui positivamente esta esperiencia formativa quentamó en collaboración cola Academia de la Llingua Asturiana y la financiación de Caxa Rural y que, afirmen tuvo una perbona acoyida ente universitarios y ciudadanos de dellos conceyos dAsturies. Nel cursu cuntóse, recuerden dendel CUPA, con una charra informativa, a mou de clas maxistral, del colectivu Softastur, dedicáu al desenrrollu y promoción de software llibre nasturianu. El variáu perfil del alumnáu Dendel CUPA amosaron el so contentu pola varidada procedencia del alumnáu del cursu, nel que participaron más de 20 persones dUviéu, Xixón, Corvera o Avilés, cuntando, con un alumnu catalán recién llegáu a Asturies, quagora convirtióse yá nun falante dasturianu más, comenten, amás dun alumnu brasileñu. Ente les profesiones de los alumnos, amás de dellos estudiantes, un bomberu, un psicólogu, una enfermera, delles ames de casa, un cocineru, una técnica en prevención, maestros de dellos niveles o una apareyadora, ente otros exemplos. 24 de mayu, 2011 0 FacebookTwitterPinterestEmail
Educación LALLA convoca la Prueba de conocencia de la llingua asturiana by asturnet 20 de mayu, 2011 L’Academia de la Llingua Asturiana convoca la Prueba de Conocencia de la llingua asturiana sabiendo’l fondu interés de munches persones de llograr que se reconoza la so conocencia de la llingua y manifestar asina’l so fondu amor al idioma asturianu. La Prueba va facesel sábadu 28 de mayu y el plazu de matrícula ye del 16 al 26 de mayu. La prueba va tener dos partes, una escrita (dictáu, torna, exercicios gramaticales, redaición) y otra falada (conversación). A les persones declaraes aptes nes pruebes citaes, l’Academia dará-yos un documentu onde s’afite la conocencia nel nivel 1 o básicu según calces siguíos por esta Institución. Les persones que nun superen les pruebes del nivel 1 podrán presentase a nueves convocatories toles vegaes que-yos pruya. Bases de la Prueba de Conocencia 20 de mayu, 2011 0 FacebookTwitterPinterestEmail
Escéniques Les 16 Xornaes de Llingua y Cultura Asturiana rematen con un festival de monólogos by asturnet 17 de mayu, 2011 Les Xornaes de Llingua y Cultura Asturiana lleguen a la so décimosesta edición, y per primer vegada les actividaes ábrense al públicu, con cine nasturianu, monologuismu, teatru y música. El martes 17, un Festival de monólogos n’asturianu organizáu pola Asociación dIntérpretes de la Canción Asturiana (AICA) pieslla los actos d’estes Xornaes cola participación de Ludivino Díaz Pin de la Cotolla, Marcelino Díaz Losada, Luz Mari del Sol, Armando Felgueroso Min de les Pieces y la presentación de Fernando Ruiz. Amás, del 3 al 17 de mayu, na Biblioteca Municipal d’El Natahoyo ta celebrándose la esposición Lenigma del Palaciu Bao. Programa completu d’actividaes de les Xornaes 17 de mayu, 2011 0 FacebookTwitterPinterestEmail
Educación Los retayos n’infantil y primaria entamen afectar a la demanda de places escolares n’Asturies by asturnet 16 de mayu, 2011 El sindicatu SUATEA vieno acabante esti día d’asoleyar un comunicáu nel que dexa afitao que “la falta de compromisu de l’alministración asturiana cola escuela pública, traducida anguaño nun brutal retayu de plantiyes, col desaniciu de places por xubilación y la cicatera ufierta d’empléu públicu docente ta afectando seriamente a la ufierta de places escolares como serviciu públicu esencial”. En concretu, yá se ta anunciando la creación d’importantes llistes d’espera na almisión d’alumnos y alumnes en colexos d’infantil y primaria. Según SUATEA “convien recordar que’l gobiernu del Principáu desanició directamente 96 places de maestros y maestres de les plantiyes de los colexos públicos asturianos, y que de 523 docentes d’infantil y primaria xubilaos o prexubilaos que s’esperen pal presente curso, namái tan dispuestos a cubrir un 10 %”. Estos díes yá se recueye na prensa cómo 9 colexos públicos de primaria y 3 d’infantil de Xixón tán nesta situación, por poner namái un exemplu. Según SUATEA si tenemos de referinos a Uviéu, “otros 13 centros públicos atopar nes mesmes, especialmente en places d’infantil, y n’Avilés son 7 centros públicos más. Polo xeneral, puede vese cómo esiste una demanda creciente (especialmente n’educación infantil) que l’alministración paez non dispuesta a atender, y tou apunta a que va dar en derivar a una gran parte del alumnáu afectáu a centros ensin solicitar de primeres, y que en dalgún casu nel pasáu intentó ser inclusive a centros alcordaos, cola torticera escusa de que ye la mesma rede”. 16 de mayu, 2011 0 FacebookTwitterPinterestEmail
Educación Abiertul plazu de les pruebes daccesu a enseñances artístiques cimeres by asturnet 12 de mayu, 2011 La Conseyería d’Educación y Ciencia convocó les pruebes d’accesu a les enseñances artístiques cimeres de Grau pal añu académicu 2011-2012. Trátase de los estudios de Grau n’Arte Dramáticu, Grau en Música, Grau en Caltenimientu y Restauración de Bienes Culturales y Grau en Diseñu. El plazu dinscripciónva del 23 de mayu al 9 de xunu y les pruebes van celebrase a partir del 20 de xunu. Más información 12 de mayu, 2011 0 FacebookTwitterPinterestEmail
Escéniques El Ballet Real de Suecia presenta dos pieces coreográfiques nueves en Xixón by asturnet 11 de mayu, 2011 El Ballet Real de Suecia llega al Xovellanos el miércoles 11 de mayu. La visita del potente equipu suecu a Xixón, trai a Christian Spuck, unu de los más interesaos y completos ceadores de la escena del ballet internacional. Fundáu en 1773, el Royal Swedish Ballet forma, xunto col de París, Copenhague y San Petersburgu, el cuartetu de balléts nacionales más antiguos y prestixosos del mundu, con un elencu que ye a responder a les más difíciles esixencies virtuoses. El programa que presenten nesta ocasión consta de dos pieces: Tableau Perdu, obra de Christian Spuck, y Rättika, una creación de Mats Ek. Tableau Perdu (23 min.) Estrenada en 2007 pol mesmu Real Ballet de Suecia y basada na Sinfonía númberu 4 de Felix Mendelssohn, Christian Spuck diz sobre la so obra: Esta sinfonía ye guapa ya intensa. Coles mesmes puedes esperimentala como daqué superficial, como daqué que foi creáu pa gustar Nun se trata de visualizar la música. Quiero amosar la so cualidá interna, tolo qu’esiste ente les notes La mio inspiración visual pa Tableau Perdu vien de la gran fascinación que siento pa cola pintura del Rococó francés, más concretamente les dAntoine Watteau. Neses obres, veo a families acomodaes posando con un paisaxe de fondu. Deseaba captar les sos posiciones y el so llinguaxe corporal nel mio ballet Trato de crear una ilusión del Ballet clásicu utilizando tutús de tul y zapatielles de punta a manera de cita. Anque dacuando les llínees pures del sieglu dieciocho se desmoronen . Rättika (35 min.) Esta pieza ta enllena de sentíu del humor. Mats Ek inspírase na grabación qu’Anne-Sophie Mutter realizó en 1997 del Conciertu Pa Violín en Re Mayor de Johannes Brahms. La interpretación de Mutter atrapó al coreógrafu: Mutter llega al estremu. Ye una música enllena de puxanza que reafita la vida ensin ser romántica… La mio ambición foi crear un conciertu, una interpretación coreográfica de la música. 11 de mayu, 2011 0 FacebookTwitterPinterestEmail
Escéniques Asturmitomanía actúa nes Xornaes de Llingua y Cultura Asturiana by asturnet 9 de mayu, 2011 L es Xornaes de Llingua y Cultura Asturiana lleguen a la so décimosesta edición, y per primer vegada les actividaes ábrense al públicu, con cine nasturianu, monologuismu, teatru y música. Mañana, martes 10 de mayu, a les seis de la tarde, el grupu Asturmitomanía llega al Atenéu La Calzada con Vamos a contar un cuentu, una prestosa, tienra y orixinal historia, na que toos deprienden que, pa vivir en paz, ye obligao respetar yaceutar a los demás tal como son, por bien distintos que seyan. El xueves 12, a les siete y media la tarde, el grupu folk Gueta na fonte toca dientro de les Xornaes, zarrándoles el martes 17, un Festival de monólogos n’asturianu organizáu pola Asociación dIntérpretes de la Canción Asturiana (AICA) cola participación de Ludivino Díaz Pin de la Cotolla, Marcelino Díaz Losada, Luz Mari del Sol, Armando Felgueroso Min de les Pieces y la presentación de Fernando Ruiz. Amás, del 3 al 17 de mayu, na Biblioteca Municipal d’El Natahoyo ta celebrándose la esposición Lenigma del Palaciu Bao. Programa completu d’actividaes de les Xornaes 9 de mayu, 2011 0 FacebookTwitterPinterestEmail
Educación Terminal plazu pa presentar obres al XII Premiu Alberto Vega de poesía pa escolinos by asturnet 9 de mayu, 2011 El Centru Cultural y Recreativu «Belarmina García» de La Nava (Llangréu) convocó’l XII Premiu «Alberto Vega» de poesía pa escolinos de les cuenques mineres. La participación ta abierta a tolos alumnos y alumnes matriculaos que seyan menores de 18 años. Va haber un ganador absolutu y otros premios en delles categoríes, según les edaes. El plazu d’almisión de los trabayos, qu’han presentase por triplicáu nel centru cultural, acaba esti martes, 10 de mayu. Los poemes han dir firmaos con nomatu, pero acompañaos d’un sobre colos datos de los participantes. La estensión mínima ye de 14 versos y el poema tien de ser inéditu. Nel 2010, la ganadora del certame foi Verónica Sánchez, del IES Bernaldo de Quirós. La estudiante presentó la obra «Metrópolis», nel que describe una ciudá. Nesti concursu participen escolinos d’Ayer, Casu, Llangréu, Llaviana, L.lena, Mieres, Morcín, La Ribera, Riosa, Samartín del Rei Aurelio y Sobrescobiu. Bases completes del concursu 9 de mayu, 2011 0 FacebookTwitterPinterestEmail