Sociedá Asturianizar la matrícula tien un altu preciu by asturnet 18 d'agostu, 2011 L’organismu antirrepresivu asturianu Sofitu denunció una nueva multa a un mozu independentista. El motivu de la multa foi llevar la “AS” asturiana en llugar de la “E” española nel so coche, polo que la policía municipal d’Uviéu, tres llevar el so coche al depósitu, fizo al mozu pagar non sólo la multa pola retirada por mal aparcamientu, sinón tamién otra sanción de 90 euros impuesta pol “axente” númberu 610, qu’amás amenazó al mozu con nun dexalu sacar el coche d’ellí si nun quitaba la “AS”, según espliquen dende la organización denunciante. Dende Sofitu denuncien que ye la primer vegada que la policía municipal impón una sanción d’esi tipu,ya que ye vezu que los responsables de diches sanciones seya la Guardia Civil española, por ello dende Sofitu llamen a la “insumisión a España”. 18 d'agostu, 2011 0 FacebookTwitterPinterestEmail
Sociedá El Congresu Internacional dOnomástica va cuntar con una amplia representación asturiana en Barcelona by asturnet 16 d'agostu, 2011 El XXIV Conceyu Internacional d’ICOS sobre Ciencies Onomástiques va celebrase en Barcelona del 5 al 9 de setiembre de 2011 y dientro de les sos ponencies y comunicaciones va cuntase con dellos representantes asturianos, que van dedicar les sos comunicaciones a la toponimia del país dende estremaos puntos de vista. La profesora de la Universidá dUviéu y presidenta de lALLA, Ana María González Cano va participar nesti congresu cola comunicación Lantroponomía asturiana y el procesu de castellanización. Xosé Lluis García Arias, caderalgu de la Universidá dUviéu va llevar a cabu un taller nel que va presentar les publicaciones sobre toponimia de lAcademia de la Llingua Asturiana. Amás va presentar un volume de toponimia que coordinó y ta acabante espublizase. El tamién profesor de filoloxía, Xulio Viejo va dar llectura a la so comunicación Tipoloxía toponímica y hestoria del territoriu nAsturies. Pela so parte, el filológu lleonés, afincáu nAsturies, Héctor García Xil, va llevar alantre la llectura de Exonimia nasturianu: los nomes de los países. La ex xefa de la Oficina de Política Llingüística dAsturies, María Antonia Pedregal, va dar llectura a la comunicación “El procesu doficialización toponímica nel Principáu dAsturies”. Núltimu llugar, Inaciu Galán y González, escritor y periodista, va dar llectura a la comunicación El procesu de oficialización de la toponimia asturiana (1974-2010). Les sesiones van desenvolvese nel aulariu nuevu de la facultá de Filoloxía de la Universidá de Barcelona, que va ser la sede central del congresu. Los actos d’inauguración y de clausura van tener llugar nel Paraninfu d’esta universidá asitiada nel centru de la ciudá de Barcelona. El primer congresu de ICOS celebróse en París en 1938 anque nun sinstituyó la celebración de manera periódica hasta’l segundu, celebráu na mesma ciudá en 1947. De magar, y cada trés años, asocediéronse los distintos congresos hasta esti XXIV congresu que se va celebrar en Barcelona en setiembre de 2011. ICOS axunta a los principales estudiosos ya interesaos n’onomástica de tol mundu. El so campu d’investigación y estudiu son los nomes de persona, o antropónimos, nomes de llugar, o topónimos, y tou tipu de nomes propios. Los sos idiomes oficiales son l’inglés, el francés y l’alemán. Pal congresu de Barcelona los idiomes oficiales ampliáronse, col catalán y laranés como llingües propies y oficiales de Cataluña, y col español, tamién oficial nel territoriu catalán. LAcademia de la Llingua Asturiana sofita y amiéstase al referíu conceyu como institución participante. 16 d'agostu, 2011 0 FacebookTwitterPinterestEmail
Sociedá Furmientu tien abiertul plazu pal so concursu de vocabularios de Zamora by asturnet 11 d'agostu, 2011 LAsociación Cultural Zamorana Furmientu tien abiertul plazu pa esti concursu que tien por oxetivu la recoyida del máximu númberu de pallabres y espresiones característiques de los pueblos y contornes de la provincia lleonesa. Puede participar cualesquier persona, ensin distinción de nengún tipu, presentando caún un vocabulariu inéditu. Los vocabularios tienen de contener polo menos 60 vocablos. Cada vocablu tien de tar definíu con una pallabra o frase, constando la fecha averada de recoyida del material. Los vocabularios participantes nes ediciones anteriores pueden allegar de nuevu nésta, siempres que’l material apurríu contenga delles aportaciones nueves. Al par de cada pallabra tien d’indicase la llocalidá na que se recoyó, nel casu de que non tolos vocables vengan duna mesma llocalidá. Si tol material vien de una única localidá, va bastar con indicar una sola vegada’l so nome. El xuráu va valorar el númberu de vocablos recoyíos (al par dotres cuestiones), y va tener en cuenta dichu númberu en rellación a la zona o zones nes que se recoyó’l material. Tamién se va valorar positivamente que’l vocabulariu contenga información complementaria de los vocablos o de la fala llocal polo xeneral, como, por casu, frases que exemplifiquen l’usu de los vocables, o información sobre la so vixencia, según la descripción d’estructures llingüístiques propies de la fala local. Los vocabularios pueden ser apurríos escritos a mano, n’archivu informáticu de testu (preferiblemente) o impresos en papel. Los materiales presentaos tienen de contener el nome y apellíos del autor de la escoyeta, según el so llugar de residencia y un teléfonu de contactu. Pa concursar va bastar con ponese en contactu cola asociación cultural Furmientu al traviés de los teléfonos 669322834 o 695515386, o unviar per corréu ordinariu los vocabularios a lAsociación Cultural Zamorana Furmientu, na cai Grijalva 6 2u A. 49021 Zamora. El períodu de recepción de material d’esta sesta convocatoria entiende tol añu 2011. El ganador va recibir un premiu consistente nun llote de llibros. El fallu del xuráu, formáu por socios de l’asociación cultural Furmientu y por llingüistes especialistes na materia, va ser comunicáu por escritu a toos los participantes y va ser inapelable. Un fragmentu del vocabulariu ganador va ser publicáu na publicación trimestral de l’asociación: El Llumbreiru. 11 d'agostu, 2011 0 FacebookTwitterPinterestEmail
Sociedá La Feria Internacional de Muestres entama un añu más en Xixón by asturnet 5 d'agostu, 2011 Esta selmana entama en Xixón la Feria Internacional de Muestres dAsturies, un eventu que lleva más de mediu sieglu celebrándose y que trai a cientos de miles de persones de toa Asturies. Con una tradición que superó’l mediu sieglu, la Feria Internacional de Mueres d’Asturies ye unu de los referentes económicu y empresarial desti país. La cita d’agostu, una de les más llonxeves de la rodiada y ye puntu d’alcuentru, foru d’intercambiu y escaparate de novedaes. Cada añu, nun mesmu espaciu y mientres 16 díes. La vocación comercial de la Feria Internacional d’Amueses complétase con una amplia y variada programación d’actividaes que pretende reflexar el día ente día de la sociedá asturiana. Cada xornada dedicar a una tema específica: el comerciu, el medioambiente, les actividaes institucionales, el tresporte, les inxenieríes técniques y nocasiones a dalgún conceyu, como Llangréu o Carreño. Cuasi 700.000 persones visiten la Feria mientres los 16 díes de duración. El certame, amás d’una inexcusable cita empresarial, ye pieza clave del ociu branizu n’Asturies, incluyendo una montonera dactividaes. Sedrá a partir de mañana, sábadu 6 dagostu. 5 d'agostu, 2011 0 FacebookTwitterPinterestEmail
Sociedá La Biblia va espublizase na variedá mirandesa del asturianu by asturnet 4 d'agostu, 2011 Lescritor de Miranda del Douro, Amadeu Ferreira tornó los cuatro evanxelios al mirandés, variedá del asturianu falada en Portugal, anque tovía nun fizo lo mesmo col Vieyu Testamentu. Enantes de fin dañu la Sociedá Bíblica va espublizar esta nueva versión de los testos sagraos de los cristianos. 4 d'agostu, 2011 0 FacebookTwitterPinterestEmail
Sociedá Nast y Bloque denuncien el casu de la bandera asturiana retirada a Juan Muñiz by asturnet 3 d'agostu, 2011 Pa lasociación Nast, lagraviu de la sub-19 amuesa una vuelta más la necesidá de desendolcar seleiciones esportives asturianes. La organización afirma que nun pue caltenese callada énte lagraviu a la bandera asturiana realizáu por cuenta de la celebración de la victoria de la selección española de fútbol sub-19 na Eurocopa. La realidá, afirmen dende Nast, ye que preste o non, tamos énte un nuevu reflexu del conflictu nacional asturianu, comu consecuencia de quel nacionalismu españolista dominante nun tolera que los asturianos espresen siquier de manera sentimental la so identidá nos ámbitos internacionales. Bloque por Asturies pide la dimisión del seleccionador Pela so partel Bloque por Asturies calificó los fechos dofiensa y pidió la dimisión del responsable, el seleccionador Ginés Meléndez. Amás, piden al Conseyeru de Deportes que pida esplicaciones por esti fechu. 3 d'agostu, 2011 0 FacebookTwitterPinterestEmail
Sociedá Neto espón la so obra dientro de les actividaes de la UABRA by asturnet 2 d'agostu, 2011 Dientro de les actividaes de la Universidá Asturiana de Branu (UABRA), organízase esti añu una esposición dhumor gráficu protagonizada por tires de Neto, Ernesto García del Castillo, que lleval nome de Na punta (la llingua). Lamuesa va tar abierta al públicu na Casa Cultura de Cangas del Narcea hastal 12 dagostu recoyendo una escoyeta de les tires que, a lo llargo d’un cuartu de sieglu, l’humorista gráficu Neto foi espublizando acerca d’un tema nel qu’amuesa una especial sensibilidá: la llingua asturiana. Neto ye ún de los más nomaos dibuxantes humorísticos y de cómic asturianos que vien trabayando na nuesa llingua dende los sos entamos nel ámbitu de la tira cómica periodística. Espubliza tira diaria en La Voz de Asturias y selmanal en Les Noticies. En 2009 fízose col Premiu Mingote 2009, que concede ABC, por una viñeta sobre la crisis financiera mundial. Información de la esposición 2 d'agostu, 2011 0 FacebookTwitterPinterestEmail
Sociedá N’Ast califica la Semana Negra d’aculturación, escurantismu y feria by asturnet 1 d'agostu, 2011 Con motivu de la nuea edición de la Semana Negra lAsociación Cultural NAst, lAtenéu Cultural Xuan María Acebal y el Coleutivu dEstudiantes escontra la Semana Negra, queremos manifestar la nuesa refuga a esti peculiar festival. La Semana Negra tien un calter cultural más que cuestionable, y lo que rescampla ye que nin recueye nin respeta la realidá cultural y llingüística desti País. Y acullá del cosmopolitismu astractu que tien por bandera pa xustificar la so nula representatividá cultural y social col pasu de los años vien convirtiéndose cada vuelta más nuna gran feria que provoca protestes vecinales allá por onde sinstala y que se caracteriza por una estraña y pocu nidia organización financiera. Poro en N’Ast quieren esixir que se publiquen toes y caún de les cuentes de la Semana Negra a lo llargo destos años, asina como la fin del fuerte y privilexáu tratu de favor que recibe del Ayuntamientu de Xixón tantu nel aspeutu económicu como nel loxísticu. Consideren amás quel nuevu gobiernu municipal del conceyu de Xixón tien una coxuntura más que favoratible pa zarrar esti espilfarru y esti insultu a la cultura asturiana. Esperemos que nun esbardie esta ocasión decepcionando a una amplia mayoría ciudadana. 1 d'agostu, 2011 0 FacebookTwitterPinterestEmail
Sociedá El nacionalismu bretón llega a la Tertulia Enrique García-Rendueles by asturnet 28 de xunetu, 2011 Esti xueves la Tertulia Enrique García-Rendueles va consistir nuna charra-alderique a cargu de Xesús Nel García Muñiz, músicu y activista cultural, sobre la realidá cultural y musical del país bretón. Faciendo amás un percorríu pela hestoria del so movimientu de lliberación nacional. Como siempres sedrá a les 8 la tarde nel Centru Social LAyalga, nel baxu númberu 11 de la cai Prendes Pando de Xixón. 28 de xunetu, 2011 0 FacebookTwitterPinterestEmail
Sociedá Repás al llabor del Conceyu Universitariu pol Asturianu na Tertulia Enrique García-Rendueles by asturnet 21 de xunetu, 2011 Esti xueves la Tertulia Enrique García-Rendueles va cuntar cola presencia dInaciu Galán, presidente del Conceyu Universitariu Pol Asturianu (CUPA), miembru de la Comisión de Normalización Llingüística de la Universidá dUviéu y ex-representante destudiantes nel Claustru, quien va esplicar el trabayu realizáu por esta asociación a lo llargo de los caberos años al rodiu de la normalización de la llingua asturiana nel ámbitu universitariu, dende la introducción del asturianu nos estudios reglaos de Filoloxía y Maxisteriu nel añu 2008 hastal conflictu de les tesis doctorales. La Tertulia celébrase, como ye vezu, a les 8 la tarde, nel Centru Social LAyalga, nel baxu númberu 11 de la cai Prendes Pando de Xixón. 21 de xunetu, 2011 0 FacebookTwitterPinterestEmail