Patrimoniu Recuperose dafechu la fiesta de “Os Reises” del Valledor by asturnet 7 de xineru, 2009 El Sábadu 3 de xineru la tradición féxose otra vuelta realidá. Nel Conceyu dAyande, nos pueblos de San Salvador, Fonteta y Villalaín desendolcóse una reisada como nun había dende hai 46 años. Dos comparses de mozos mazcaraos pidieron lagulandu pelas casas que dende primera hora de la mañana taben abiertes y los sos vecinos naguando pola llegada de los guilandeiros. Los choqueiros abrieron camín pel pueblu faciendo ruxir las chocas y los músicos tocaron pal baille y pa cantar en cada casa. Nengún vecín quedó ensin visisitar y foron espléndidos col guilandu que dieron. Dempués, na plaza del pueblu de San Sanvaldor féxose el saludu de los choqueiros blincándo coles sos piértigues y engarrándose nuna griesca ritual que nos remontó polo menos un par de miles daños na historia, cultura y tradición dAsturies. A mediu día féxose una xinta en comuña pa tolos vecinos y veceros desta tradición nes escueles de Fonteta y armóse una bona folixa tola tarde, pandereteros, gaiteros, tamboriteros y curdioneros ayudaron a quel baille aguantara hasta la nueche. Nun podemos dexar de señalar amás la presencia de los estremaos medios de comunicación y sobro manera destudiosos de la etnografía que se treslladaron nun solo dende Asturies, sinon tamién dotres provincies, fotógrafos como Carlos González Ximénez, (http://flickr.com/photos/ximenez/) con estudios de les mascaraes diviernu de tola península ye quiciaves el más nomáu, pero tamién rexistraron esta tradición etnógrafos llegaos de Portugal a la gueta de los reises hermanos de les cellebraciones propies del norte desti país, sobro manera en Tras Osmontes, rexón de la que nun podemos escaecer los llazos culturales que mos xuncen. La recuperación desta reisada foi posible pol enfotu destremada xente: los vecinos de Fonteta, Villalaín y San Salvador que acoyeron los reis y revivieron una tradición casi desaniciada, el propiu ayuntamienu dAyande que con esti apueste empobina los sos esfuerzos al resurdimientu de los sos pueblos y de les vieyes tradiciones, tamién dellos investigadores del folclor como Xosé Antón Ambás que collaboró activamente na preparación de la reisada con material etnográficu y como gulandeiro o Naciu iRiguilón tamién como guilandeiro que se xuntaron a esta recuperación de forma desinteresada lo mesmu que músicos nomaos como Diego Pangua o otres persones arreyaes a la cutura asturiano como Lisardo Lombardía. Núltimu llugar el Conceyu de Cultura tradicional Vezos Astures que foi quien a iguar dos comparses completes (24 persones) colos traxes que los vecinos más vieyos recordaben, mázcares de piel, caretes de yelsu, lluecas, basoira, rodalo, y llevalo al llugar onde la tradición tien sentíu, tantu facela como recibila, porque la cultura por definición ye la xuntura del que desendolca una actividá y del que la disfruta, la entiende y la reconoz como propia. 7 de xineru, 2009 0 FacebookTwitterPinterestEmail
Patrimoniu UNA encamienta la proteición de la casa máquines del Pozu de L’Entregu by asturnet 2 de xineru, 2009 La organización Unidá Nacionalista Asturiana (UNA) presentó esti día una alegación al catálogu d’elementos protexíos del Ayuntamientu de Samartín del Rei Aurelio, pa que s’incluya nel mesmu a la casa de máquines del Pozu de L’Entregu. UNA atalanta que “nun incluyir esti elementu nel mencionáu catálogu contradiz la Llei de Patrimoniu Cultural del Principáu d’Asturies”. Nun comunicáu, la organización entiende que ye “un error grave incluyir como elementu protexíu namás que’l castillete del pozu, porque ye una unidá cola casa de máquines y si nun se fai una protección integral del elementu, taría afeutándose ensin remediu a ún de los meyores exemplos del patrimoniu industrial d’Asturies, fecháu en 1909”. 2 de xineru, 2009 0 FacebookTwitterPinterestEmail
Política Una manifestación y un conciertu sofitarán esti sábadu a Fer, el nacionalista asturianu que va ser xulgáu pola Audiencia Nacional by asturnet 1 de xineru, 2009 Esti prosimu Sabadu 3 de Xineru el Muerganu antirrepresivu popular SOFITU tien convocada una manifestación y un conciertu escontral xuiciu a Fer, laudiencia nazional española y la llei antiterrorista. La manifestación tién salida a les 17:30 de la plaza lHumedal y faera un percorríu peles cais de Xixón. Darreu, a les 19 hores, SOFITU entama un conciertu antirrepresivu pa facer frente a los descomanaos gastos que representa defender a Fer na audiencia nazional despaña y tolos gastos que vién teniendo. 1 de xineru, 2009 0 FacebookTwitterPinterestEmail
Patrimoniu Vezos recupera el día “Dos Reises” en conceyu Ayande by asturnet 1 de xineru, 2009 El Conceyu de Cultura Tradicional Vezos Astures, dedicáu y enfotáu dende hai años a la recuperación y espardimientu de la cultura traicional, entama lañu 2009 cola recuperación del día Dos Reises nos pueblos de San Salvador y Fonteta nel Valledor, Conceyu dAyande. La reisada va desendolcase el día 3 de xineru de 2009 dende les 11 de la mañana. Habrá dos comparses (grupos de mozos mazcaraos) encabezaos por personaxes propios desta mascarada, choqueiro (figura del cartelu), basoira, gocha, etc que pidirán el guinaldo pelos dos pueblos, dempués fadrase una xinta en comuña colos veceros que vaigan disfrutar de la tradición viva. Los Reis son una de les mueses más antigües de les mazcaraes diviernu quentá anguaño se caltienen en casi tol occidente peninsular. Tan venceyaes a cellebraciones precristianes dentamu del añu y enguedeyaes nos ritos naturales de dómines bien antigües. Los reises nel Valledor pidíense tolos años unos díes enantes del 6 de xineru, día que se xuntaben les estremaes comparses de mozos, dempués de tener percorríos tolos pueblos de la redolada pidiendo el guinaldo, na ilesia parroquial, aonde sentamaba una griesca ritual ente los choqueiros. Los mozos diben mazcaraos, unos con pelleyes, representando lo vieyo y la natura (los tolos) y otros con ropa bueno, representando la modernidá, madamas, valencianos, soldaos (los guapos). Recupérase esta tradicón dempués de 50 años gracies a los testimonios de los vecinos del Valledor y al so enfotu na recuperación de les braeres señes didentidá cultural, asina como pol sofitu necesariu del Ayuntamientu dAyande, asociaciones de vecinos ya investigadores del folclor, que desinteresadamente van collaborar nesta tradición, empobinada nel marcu y contestu onde braeramente tien xeitu y sentíu: nos llugares que lo caltuvieron hasta anguaño y dientro desi universu que dende hai milenta años vien iguando la tradición. 1 de xineru, 2009 0 FacebookTwitterPinterestEmail
Comunicación La TPA emite les campanaes dende Torazu, Pueblu Exemplar desti añu by asturnet 31 d'avientu, 2008 Como vien siendo habitual dende lentamu de les emisiones de la TPA, el Pueblu Exemplar, nomáu pola Fundación Príncipe dAsturies, va ser el llugar escoyíu pa la emisión de les campanaes de fin dañu pela cadena autonómica. En Torazu, nel conceyu de Cabranes, van tar como presentadores María del Cueto, de Conexión Asturias y el personaxe de Terapia de Grupo, Samba. El programa va entamar a les doce menos cuartu y va durar hasta les doce y media, del yá día 1 de xineru. Otra cita reseñable de la programación de la TPA va ser a les diez y media la mañna del día 1 de xineru, cuando va retresmitise la ceremonia na que sentreguen los Premios de la Crítica 2008 RTPA, que se ficieron nel Auditoriu Teodoro Cuesta de Mieres. Amás, nel añu 2009 va haber novedaes na parrilla de la TPA, quelimina les emisiones del magacine de la mañana Con dos de azucar y quacurtia la duración diaria de Terapia de grupo. Sicasí, la programación nasturianu va continuar ensin novedaes, cola emisión diaria dAl aldu y los programes selmanales Nós, Camín de cantares y Pieces, que pel momentu nun sufren cambios. 31 d'avientu, 2008 0 FacebookTwitterPinterestEmail
Comunicación Lleón celebró esti martes el III Día de la Llingua con dellos actividaes na rede by asturnet 31 d'avientu, 2008 Con motivu de la celebración del III Día de la Llingua Lleonesa entamáu pola Conceyalíade Cultura Lleonesa del Conceyu de Lleón, a lo llargo desti martes 30 davientu desenrrolláronse una riestra d’actividaes al traviés d’Internet, que se pudieron siguir na páxina web puntulli.org A les 10 de la mañanal Conceyal d’Educación, Cultura Lleonesa y Nueves Tecnoloxíes, Abel Pardo Fernández, abrió lactu con unes pallabres institucionales. A les doce, celebróse una mesa redonda col títulu El Llïonés na alministración llocal empobinanda namás pa emplegaos del Conceyu de Lleón. Les actividaes de la tarde entamaron a les cuatro con La Llingua Llïonesa y la costrución de páxinas web, a cargu de Xairu Llópez, diseñador de páxines web. A les seis, La Llingua Llïonesa y l’asociacionismu tuvo al cargu d’Adrianu Martín, presidente de l’Asociación Berciana en defensa de la llingua lleonesa “El Toralín”. A les ocho la tarde Héctor Villazala, presidente de l’Asociación de la Llingua Llïonesa “El Fueyu”, faló del ensiñu de la Llingua Llïonesa n’adultos. El pieslle de la Xornada, tuvo llugar a les 22 hores con Abel Pardo, que dio llectura a la conferencia Llingua Llïonesa guei: autualidá y programas de futuru. Les charres siguíense al traviés del programa messenger en directu. 31 d'avientu, 2008 0 FacebookTwitterPinterestEmail
Política La collecha de sidra seleicionao va superar el millón de llitros by asturnet 30 d'avientu, 2008 La sidra de mazana seleicionao, sidra natural avalao por un certificáu de calidá, va superar esti añu que fina’l millón de llitros de producción. Esta sidra ta ellaborao con 20 variadaes de mazana autóctono por Sidra Trabanco, El Gobernador, Muñiz, La Nozala, Peñón y Foncueva. Estes son les previsiones de los seis llagaraes que participen nesta marca de calidá y que mayaron más de 1,5 millones de kilos de mazana collechao n’Asturies. D’esta manera, los llagareros produciríen 1,12 millones de llitros de sidra, superando nun 12% la collecha del 2006, la última que taba fecha pola tradicional vecería. Por embargu, ye un 44% inferior a la collecha 2007, un añu récor pa la sidra de Mazana Seleicionao al superase los 2 millones de llitros. 30 d'avientu, 2008 0 FacebookTwitterPinterestEmail
Política El Principáu nomó esti llunes caberu d’Avientu a José Marcelino Menéndez Cuervo nuevu director xeneral de Pesca by asturnet 30 d'avientu, 2008 José Marcelino Menéndez Cuervo, de 41 años y natural de Lluanco (Gozón), ye’l nuevu Direutor Xeneral de Pesca del Principáu d’Asturies, dientru l’organigrama de la Conseyería de Mediu Rural y Pesca. Menéndez Cuervo sustitúi nel cargu a José Ignacio Cabrera Calvo-Sotelo, depués de que se-y propunxere’l cargu a José Antonio Madiedo y qu’esti renunciare por motivos personales. José Marcelino Menéndez Cuervo ye téunicu especialista na rama Martítimo-Pesquera pola Escuela Náutico Pesquera de Xixón y, dende 1992, trabaya como axente d’Inspeición y Vixilancia Pesquera del Principáu d’Asturies. 30 d'avientu, 2008 0 FacebookTwitterPinterestEmail
Política Jesús Iglesias fala n’Avilés de la Oficialidá como “recursu” by asturnet 29 d'avientu, 2008 El coordinador xeneral d’IX Asturies, Jesús Iglesias, llamentóse güei n’Avilés de nun tener reconocida la oficialidá de la llingua asturiana, porque díbe”mos tener otru argumentu dende Asturies” pa negociar el nuevu sistema de financiación pales comunidaes autónomes. Iglesias dixo tamién que’l sistema tien de garantizar la suficiencia pal caltenimientu de los servicios públicos y les prestaciones sociales. El dirixente d’IU, nuna rueda de prensa ofrecida n’Uviéu, sorrayó que la introducción de criterios sobre población, avieyamientu o espardimientu, son importantes, pero non definitivos. “La clave que va determinar si’l modelu va tener recursos abando va ser l’emponderamientu de caún de los criterios”, señaló. “Oxalá tuviéremos reconocida la oficialidá de la llingua asturiana, porque teníemos otru argumentu dende Asturies”, dixo. 29 d'avientu, 2008 0 FacebookTwitterPinterestEmail
Política Mercédes Álvarez asume la presidencia de la Fundación Laboral Centru d’Arte y Creación Industrial by asturnet 29 d'avientu, 2008 La nueva conseyera de Cultura y Turismu del Principáu d’Asturies, Mercedes Álvarez González, asumió esti llunes, a propuesta del actual Presidente y cola unanimidá de tolos patronos, la presidencia de la Fundación Laboral Centru d’Arte y Creación Industrial (Xixón). Mercedes Álvarez ye llicenciada en Filolosofía pola Universidá d’Uviéu y foi conceyala de Cultura y Universidá del Conceyu de Xixón ente 1999 y 2007, añu en que foi elixida diputada autonómica. Los patronos de la Fundación agradecieron al Presidente saliente, Jesús Manuel Hevia-Aza Fernández, el so trabayu y dedicación. El Patronau de la Fundación quedó integráu cola nueva incorporación como vien darréu: Mercedes Álvarez González (Presidenta), Jorge Fernández León (Vicepresidente), Nicanor Fernández (Vicepresidente segundu); José Pedreira (secretariu) y Juan Cueto Alas y Agustín Tomé Fernández, xunta los representantes del Ministeriu de Cultura, l’Ayuntamientu de Xixón, l’Autoridá Portuaria, Caxastur, Fundación Telefónica, Sedes S.A. (vocales), amás d’Alcoa (miembru corporativu estratéxicu) y Constructora San José, Dragados, Duro Felguera y FCC (miembros corporativos asociaos). 29 d'avientu, 2008 0 FacebookTwitterPinterestEmail