Música Radio Sele va tresmitir el festival Liet Lavlut esti sábadu by asturnet 29 d'ochobre, 2009 Radio Sele va tar en directu y en vivu nel festival Liet Lavlut, en Frisia, Holanda. Esti sábadu 31 d’ochobre a les 20:00 hores va facese la retresmisión dende’l país de los tulipanes con Dani Vallina, Carlos Pulgar y Felix Lillo. La candidatura dAlfredo González col so cantar “La nada y tú” va representar a Asturies nesti certame. CNN Internacional va emitir amás les imáxenes del Festival dende la so web. Radio Sele 29 d'ochobre, 2009 0 FacebookTwitterPinterestEmail
Conceyos La Xunta denuncia larrequexamientu de la llingua en Xixón by asturnet 28 d'ochobre, 2009 La Xunta pola Defensa de la Llingua Asturiana denunciaba esti día en rueda de prensa larrequexamientu de la llingua asturiana nes campañes de promoción entamaes pol Conceyu Xixón, “lo que non solo incumple lo previsto na Ordenanza Municipal sobre lusu de la Llingua Asturiana sinón, inclusive, la toponimia oficial aprobada cuantayá pol Conceyu y pol Gobiernu Asturianu”. Según la Xunta “campañes como Gijón de Sidras, destinaes, figurámonos, a la promoción turística y del sector hosteleru dedicáu a la sidra, asalten ámbitos dusu del asturianu onde lidioma mantién una presencia fuerte y normalizada pa sustituir por una terminoloxía ayena y más averada a otres cultures como la del vinu”. Na Xunta Pola camienten que larrequexamientu de la llingua asturiana nestes campañes “non solo ye un fechu quhai que denunciar no quafecta al usu del idiomanespacios públicos, sinón tamién no negativo que ye paquellos productosque se quieren promocionar, porque-yos quiten el valor despecificidá quaporta lidioma propiu y les palabres coles quel nuestru pueblu nomó y identificó esos productos”. La Xunta pola Defensa de la Llingua Asturiana va volver a proponer, otra vez, al gobiernu del Conceyu de Xixón quafite les midíes previstes na Ordenanza Municipal sobre lUsu de la Llingua Asturiana, y que se dean a la Oficina de la Llingua capacidaes tresversales pa poder llevar alantre un llabor efectivu, xeneralista y non sectorizáu de visualización y usu de la llingua asturiana. 28 d'ochobre, 2009 0 FacebookTwitterPinterestEmail
Convocatories Lasociación zamorana Furmientu convocal IV concursu de vocabularios tradicionales by asturnet 27 d'ochobre, 2009 Furmientu, organización zamorana favoratible al asturlleonés, convoca esti certame col envís de recoyer toes aquelles palabres y espresiones característiques de los nuesos pueblos y comarques, que recuerden tópense en grave peligru de desapaición, polo quel so caltenimientu precisa de la collaboración de toos. Nel concursu pue participar cualesquier persona con un vocabulariu recoyíu en dalguna zona xeográfica de la provincia de Zamora. El vocabulariu ha tar inéditu dafechu y con polo menos 60 vocablos, definíos con una pallabra o frase. Ha constar la fecha, aproximada, de recoyida del material. Los vocabularios participantes nes ediciones anteriores pueden concurrir de nuevo n’esti, siempres quel material apurríu contenga dalguna aportación nueva. Xunto a cada vocablu ha indicase la llocalidá na que se recoyó, nel casu de que non tolos vocablos o topónimos procedan d’un mesmu pueblu o conceyu. El xuráu va valorar el númberu de vocablos recoyíos (xunto a otres cuestiones), y tendrá en cuenta estyi númberu en rellación a la zona o zones nes que se recoyó’l material. Tamién se va valorar positivamente que’l vocabulariu contenega información complementaria de los vocablos o del fala llocal en xeneral, como por exemplu frases quexemplifiquen l’usu de los vocablos, o información sobro la so vixencia, según la descripción d’estructures llingüísticu propies de la fala llocal. Otru tipu d’información complementaria de gran interés son les recopilaciones toponímiques, siempres y cuando los nomes de los pueblos seyan tomaos directamente de la tradición oral. Igualmente va valorase positivamente l’aportación d’otros datos complementarios, como tou tipu d’información etnográfica rellacionada colos vocablos. Los vocabulario pueden ser apurríos escritos a mano, n’archivu informáticu de testu (preferiblemente) o impresu en papel. Los materiales presentaos han contener el nome y apellíos del autor de la recopilación, según el so llugar de residencia y un teléfonu de contautu. Pa concursar bastar con ponese en contautu cola asociación cultural Furmientu a través de los nos de teléfono 669 322 834 o 695 515 386, o unviar per corréu ordinariu los vocabulario a la viniente dirección: Asociación Cultural Zamorana Furmientu, na cai Grijalva 6 2uA. 49021 Zamora. El período de recepción de material d’esta cuarta convocatoria terminal 31davientu de 2009 El ganador recibirá un premiu consistente nun llote de llibros. Tolos concursantes recibirán un pequeñu regalu. Ganadores d’otres ediciones del concursu 27 d'ochobre, 2009 0 FacebookTwitterPinterestEmail
Música Dixebra presenta Amor incendariu el domingu 1 de payares en Llanes by asturnet 26 d'ochobre, 2009 Yá hai fecha pa la presentación del discu nuevu de Dixebra, el domingu que bien, 1 de payares pela nueche, nos actos de Llanes al cubo. Nel evento, el grupu va interpretar dellos de los temes del so repertoriu habitual y muchos de los cantares inxertaos nel nuevu trabayu discográficu. Pola mor de lo especial d’esti conciertu, el grupu va cuentar cola collaboración de dellos músicos convidaos como Lisardo Prieto al vigulín (Felpeyu), Toño Gómez al trombón (La Bandina) y DJ Pin colos platos (Campeón estatal dScratch). Esa mesma nueche quién tea interesáu podrá mercar en primicia una copia d”Amor incendiariu” asina como les nueves camisetes del grupu. D’otra miente, la data va ser tamién una perbona oportunidá pa escuchar al gran tocador de cora Toumani Diabaté. 26 d'ochobre, 2009 0 FacebookTwitterPinterestEmail
Convocatories Últimes selmanes de plazu pa presentase al Concursu de Cómic nasturianu Comarca la Sidra by asturnet 23 d'ochobre, 2009 Tovía hai plazu, hastal 13 de payares, pa presentase a la séptima edición del Concursu de Comic nAsturianu Comarca de la Sidra. Nél pueden participar persones de cualquier nacionalidá, mayores de 14 años, con obres orixinales de tema y técnica llibre, con testos escritos nasturianu. Los trabayos han entregase nel Serviciu de Normalización Llingüística de la Mancomunidá de la Comarca de la Sidra o nes Oficines dInformación Xuvenil de la comarca. Bases completes podéis atopales en 23 d'ochobre, 2009 0 FacebookTwitterPinterestEmail
Música Toli Morilla presenta en Llangréu diez cantares de Bob Dylan nasturianu by asturnet 22 d'ochobre, 2009 El vienres 23 dochobre a les 20:15 hores el Nuevu Teatru La Felguera va acoyer la presentación del quintu discu de Toli Morilla, Diez cantares de Bob Dylan n’asturianu, un discu con versiones autorizaes personalmente por Bob Dylan. Toli Morilla ye pa la música asturiana d’anguaño la figura del cantautor na so más amplia espresión, l’estilu desti autor ye un cruce ente la música acústica de raigañu americanu, la canción d’autor, el folk y el llau intimista del rock. Toli Morilla espublizó’l so primer discu en solitariu Nunca des la espalda en 1998, entamandol so camín como ún de los meyores compositores asturianos. En 2003 edital so segundu discu en solitariu, Entre el barro y las preguntas. En 2004 publica Nueche d’insomniu, un discu que recibie les meyores crítiques y qu’usa testos de grandes poetes en llingua asturiana. Col cantar Azul y gris, incluyíu nel álbum Entropía (2007), gana’l premiu al Meyor Cantar en Llingua Asturiana d’esi mesmu añu y ye nomináu pa los Premios de l’Academia de les Artes y Ciencies de la Música. El so nuevu discu Diez cantares de Bob Dylan n’asturianu fai honor al so títulu con diez magnífques versiones n’asturianu autorizaes personalmente por Bob Dylan. Contién canciones mítiques como Hurricane, Knockin’ On Heaven’s Door o Don’t Think Twice It’s All Right y ayalgues escondíes como The Man In Me o Sara, arropaes por una gran variedá de músicos y instrumentos. Nel conciertu van participar Toli Morilla (voz, guitarres acústiques y armónica), Jorge Otero (guitarres, mandolines y coros), Pablo Bertrand (pianos, órganu y coros), Ángel Miguel (baxu y contrabaxu) y Alejandro Blanco (batería, caxón y percusiones). 22 d'ochobre, 2009 0 FacebookTwitterPinterestEmail
Música El Conceyu dUviéu convoca otra vuelta’l premiu de folclor Eduardo Martínez Torner by asturnet 20 d'ochobre, 2009 El Conceyu dUviéu vieno acabante convocar otra vuelta’l premiu nacional de folclor Eduardo Martínez Torner, que se convoca dende 2005 en conmemoración del investigador nacíu nUviéu en 1888. El premiu distingue cada añu a “persones físiques, asociaciones o fundaciones que destacaren nel mundu de la música folclórica, danza tradicional, etnomusicoloxía, cultura tradicional y investigación del folclor, dientro del ámbitu nacional”. Les candidatures tienen que presentales asociaciones de carácter folclóricu que tengan la sé social nel conceyu dUviéu, o miembros del xuráu o profesores de la Escuela de Musica Tradicional dUviéu. El plazu final 6 de payares. 20 d'ochobre, 2009 0 FacebookTwitterPinterestEmail
Convocatories Últimos díes pa presentase a El Garrapiellu y Los bilordios de Pinón by asturnet 19 d'ochobre, 2009 Dos de los concursos de cuentos curtios más prestixosos de la lliteratura asturiana tán a piques de pesllar la recepción dorixinales. El convocáu pola Tertulia Cultural El Garrapiellu, pa cuentos dhasta 12 fueyes, tará abiertu hastal 22 dochobre, mientres quel que convoquen dende lAsociación de Vecinos San Esteban de les Cruces, nel que nun se pueden superar seis fueyes, tien el plazu abiertu hastal 28 dochobre. Bases completes del concursu d’El Garrapiellu 19 d'ochobre, 2009 0 FacebookTwitterPinterestEmail
Música Llanes al cubo 2009 inclúi a Hevia, Dixebra y Macaco nel so programa by asturnet 19 d'ochobre, 2009 Llanes al cubo, la folixa del tardíu, regresa a la so cita de seronda con una prestosa propuesta festiva y cultural. La industria cultural asturiana sigue siendo la so base principal, pero, como cada añu, continua incorporando nuevos matices y señes d’identidá. Dientro del intensu programa d’actividaes, destaca na presente edición l’homenaxe al gaiteru llocal Ignacio Noriega, cola participación del gaiteru asturianu más internacional, Hevia. Lactu va celebrase na xornada del vienres, 30 d’ochobre. El momentu culminante d’esti actu llegará cola interpretación del Pericote de Llanes a cargu de Hevia, amigu y discípulu de Noriega, que fadrá danciar de forma masiva a decenes de triaes (2 muyeres y 1 home). Amás dHevia, nel programa del Festival tán confirmaos Despistaos, Macaco, Dixebra y Oysterband en más d’una decena de conciertos de los más estilos más estremaos, de lo llocal a lo universal ensin escaecer el folk como esencia de Llanes al cubo. Llanes al cubo 2009 inclúi a Hevia, Dixebra y Macaco nel so programa Llanes al cubo, la folixa del tardíu, regresa a la so cita de seronda con una prestosa propuesta festiva y cultural. La industria cultural asturiana sigue siendo la so base principal, pero, como cada añu, continua incorporando nuevos matices y señes d’identidá. Dientro del intensu programa d’actividaes, destaca na presente edición l’homenaxe al gaiteru llocal Ignacio Noriega, cola participación del gaiteru asturianu más internacional, Hevia. Lactu va celebrase na xornada del vienres, 30 d’ochobre. El momentu culminante d’esti actu llegará cola interpretación del Pericote de Llanes a cargu de Hevia, amigu y discípulu de Noriega, que fadrá danciar de forma masiva a decenes de triaes (2 muyeres y 1 home). Amás dHevia, nel programa del Festival tán confirmaos Despistaos, Macaco, Dixebra y Oysterband en más d’una decena de conciertos de los más estilos más estremaos, de lo llocal a lo universal ensin escaecer el folk como esencia de Llanes al cubo. 19 d'ochobre, 2009 0 FacebookTwitterPinterestEmail
Música Llanes al Cubo homenaxea al gaiteru Ignacio Noriega con un conciertu conxuntu d’Hevia y la Banda de Gaites Llacín by asturnet 16 d'ochobre, 2009 El Festival Llanes al Cubo, que va celebrase esti añu del 30 d’ochobre al 1 de payares en na villa oriental asturiana tien como actu cimeru nel so programa un homenaxea al gaiteru Ignacio Noriega con un conciertu conxuntu d’Hevia y la Banda de Gaites Llacín, onde van danzar amás vecinos de de pueblos del conceyu y representantes de los tres bandos de la Villa. Dientru del completu programa d’actividaes del Llanes al Cubu d’esti añu, destaca esti homenaxe al gaiteru local Ignacio Noriega, que va desendolcase na xornada del vienres, 30 d’ochobre. El momentu culminante d’esti actu que va inxeríu nel conciertu d’Hevia, nelq ue tamién va participar la Banda de Gaites Llacín, va llegar cola interpretación del Pericote de Llanes a cargu del propiu Hevia, amigu y discípulu de Noriega, que va danzase de forma masiva por decenas de tríades (2 muyeres y 1 home) compuestes por vecinos de pueblos del conceyu y representantes de los tres bandos de la Villa (La Magdalena, San Roque y la Guía). Por mor d’esto y col objetivu de poer axuntar al mayor númberu de participantes posibles, faise un llamamientu pa que toos aquellos a los que-yos pruya, independientemente de la modalidá de Pericote que conozan, puena danzar en homenaxe a Ignacio Noriega. Nun va facese necesario vestir el traxe de porruano y llanisca, bastará con dir con ropa de cai. A lo llargo los tres los díes de conciertos, van tocar más d’una decena de grupos ente les carpes de La Bombilla y el Muelle. Xunta hevia y dellos grupos locales esti añu van tar en Llanes Frigg, Dixebra, Despistaos, Macaco, Oysterband, Toumane Diabaté y Tush. Namái que van ser de pagu los tres conciertos de La Bombilla y a un preciu simbólicu de 5 euros. La reserva d’entraes pue facese na Oficina de Turismu: 985 40 01 64. Web oficial de Llanes al Cubo 16 d'ochobre, 2009 0 FacebookTwitterPinterestEmail