Conceyos Andecha Astur vuelve a pidir la supresión de la Feria dAbril de LInfiestu by asturnet 20 d'abril, 2010 Dende la organización política Andecha Astur creen que lentamu de la Feria dAbril de Sevilla en LInfiestu nun ye casual, nin muncho menos deriváu duna demanda popular, sinón quobedez a una determinada concepción ideolóxica, de marcáu calter españoliegu. PAA la celebración busca sofitar un procesu dhomoxeneización cultural que va suponer pAsturies consecuencies pergraves, a mediu o llargu plazu, consistentes na perda didentidá comu pueblu y desapaición de les tradiciones culturales asturianes. NAndecha Astur tamién opinen que la cellebración duna Feria dAbril en LInfiestu yel determín políticu más vergoñosu, ablucante y antiasturianu, tomáu pol Ayuntamientu Piloña, a lo menos no que cinca a la estaya cultural. Pafitar la so protesta y facela llegar al Ayuntamientu, Andecha Astur presentó una moción, con fecha 16-04-2010 y númberu de rexistru dentrada 1.503, na que se pide al Plenu Municipal quapruebe la supresión, yá, de la Feria dAbril de Sevilla en LInfiestu y que-y dea vuelta a la situación aniciada convirtiendo al conceyu de Piloña en capital dasturianía sostituyendo la Feria dAbril de Sevilla por una Feria de lAsturianía y Festival Intercélticu, de forma que se faga mediante un reequilibriu territorial en llugares estratéxicos del conceyu (non sólo en LInfiestu, sinon tamién en Villamayor, Sevares, etc.) col enfotu de xenerar beneficios de forma equilibrada ente tolos habitantes. Ente otres munches actividaes podríen desendolcase les que vienen darréu: charres y esposiciones sobre cultura, hestoria y lliteratura dAsturies; amuesa y/o competición de deportes autóctonos; amueses de la nuestra gastronomía y de les races danimales autóctones; conciertos de música tradicional asturiana, etc. Pa sofitar la presentación desta moción, y pidir la so aprebación, Andecha Astur va llevar alantre nos prósimos díes una campaña de recoyía de firmes ente los vecinos y vecines del conceyu, firmes que tamién se presentarán nel Ayuntamientu Piloña. 20 d'abril, 2010 0 FacebookTwitterPinterestEmail
Fiestes Mieres celebra esta fin de selmana la XV Folixa na Primavera by asturnet 16 d'abril, 2010 Como cada primavera en Mieres del Camín, torna la folixa más moza del conceyu, que cumple nesta ocasión quince ediciones. Los actos entamen el vienres y van terminar el domingu 18, con una folixa que se concibe como un festival de música y cultura del Arcu Atlánticu, onde la música celta, con bandes folk de prestixu internacional, la gaita, la gastronomía asturiana y la sidra son la base d’una fin de selmana de diversión. Ente los grupos presentes los escoceses Session A9 y el músicu de Quebec ya Yves Lambert, acompañáu pola formación Le Bérbet Orchestra. Los grupos asturianos van ser Patriband Folk Orl.lestra de Mieres y Spanta la Xente de L.lena. Les actividaes van entamar güei, viernes 16, nel escenariu del parque Xovellanos, onde van tar Session A9 y Patriband Folk. El sábadu 17 Mieres va sentir la música dYves Lambert & Le Bébert Orchestra y Spanta la Xente. Amás, y a lo llargo de tol festival, va cuntase con otres actividaes venceyaes a la cultura tradicional, como actuaciones de grupos folclóricos, teatru nasturianu y deportes tradicionales. ASTURNEWS ufre’l programa completu calcando nel enllaz d’esta páxina. Programa completu de la Folixa 2010 16 d'abril, 2010 0 FacebookTwitterPinterestEmail
Música Corvera organiza un cursu de llingua asturiana p’adultos by asturnet 16 d'abril, 2010 El Conceyu de Corvera d’Asturies ufre places de baldre pa un cursu d’aniciu en llingua asturiana impartíu pola Casa de la Llingua y que va celebrase los martes y xueves de 17:00 a 19:00 hores con una duración de venti hores, a partie del 4 de mayu. Les inscripciones puen facese nos númberos 610 748 604 y 985 570 644, nel Centru Sociocultural de Les Vegues, o nel corréu elenarodriguez@ayto-corvera.es 16 d'abril, 2010 0 FacebookTwitterPinterestEmail
Música Os reises d’El Valledor lleguen a Xixón esti sábadu by asturnet 16 d'abril, 2010 Esti sábadu 17 d’abril, a partir de les siete y media la tarde, el Centru de Cultura Vieyu Institutu de Xixón va ser l’escenariu de la presentación del DVD “Os reises d’El Valledor”, asoleyáu pol colectivu Vezos Astures. Esti documental ellaboróse col material recoyíu na recuperación fecha pol grupu en xineru del añu 2009 nos pueblos de Vilalaín, Fonteta y San Salvador del Valledor, dempués de más de 50 años ensin facese. Dellos vecinos collaboraron con nós dandol so testimoniu y les sos vivencies pa iguar esti documental. Esti dvd ye amás dun testimoniu de la propia recuperación, el material audiovisual más importante y únicu sobre les mazcaraes diviernu nAsturies que anguaño existe, que cuntó cola collaboración de xente cabezalera de la cultura asturiana como Xosé Ambás, Diego Pangua o Naciu iRiguilón y ye de sorrayar literés detnógrafos propios y ayenos quellí taben pa rexistralo sobro maneral portugués Helder Ferreira, responsable del Proyéutu Europeu pa la recuperación, promoción y mantenimientu de les mazcaraes que recoyó abondu material y yá ta asoleyáu nel volume II de la espublización hispano-portuguesa La máscara ibérica onde se fai un estudiu de les mazcaraes peninsulares y onde Asturies apaez representada con toles mazcaraes quanguaño se siguen faciendo. 16 d'abril, 2010 0 FacebookTwitterPinterestEmail
Música LAndecha folclor dUviéu entama una amuesa alredor de la muñeira by asturnet 15 d'abril, 2010 LAndecha folclor dUviéu organiza esti sábadu, 17 dabril, nel auditoriu dUviéu, una amuesa de muñeira, a partir de les ocho la tarde. Na mesma va facese un analís periguau sol nome muñeira y va dase amuesa de los estreamos estilos según la fastera dAsturies: Occidente (Llendada al este pela raya Navia -Villayón, Allande, Ibias y Degaña), Centruoccidental (Valdés, Tinéu, Cangas, Somiedo y Miranda), Central (De los denantes a Llanes y Onís) y Oriental (De Llanes y Onís a Cantabria). LAndecha ye un colectivu que xurde del rixu rescatar del escaezu les amueses didentidá de la cultura asturiana, esa cultura que se vieno desendolcando como tradicional al sofitase na tremisión oral. Desa miente, busquen laniciar duna cultura que foi el pilancu de la sociedá danguaño, pa detrás, asoleyar y adeprender de la nuesa sociedá les maneres de interautuar de la tradición, y caberamente, espardir dientro y fuera del nuesu espaciu xeográficu, la cultura asturiana. A finales de 2009 presentaron el segundu tomu del Cancioneru lAndecha, dedicáu precisamente a la muñeira nAsturies. El llibru sigue al espublizáu en 2004, La Jota nAsturies y coordinólu Luciano Rodríguez Chano, col sofitu de Pedro Pangua Rivas, autor del analís musical na obra. 15 d'abril, 2010 0 FacebookTwitterPinterestEmail
Música Xune Elipe da a conocer la música en llingua asturiana nAragón by asturnet 14 d'abril, 2010 El llider de la banda Dixebra y productor discográficu, Xune Elipe, va participar en Zaragoza dientro de les XVII Chornadas das Luengas dAragón, entamaes pola Escuela dAragonés Nogará. Xune Elipe, que va facer una esposición sobre la música asturiana contemporánea y la so importancia nel procesu de normalización social y normativización del asturianu. El viaxe tamién va valir pa dar a conocer el fechu llingüísticu asturianu nAragón al traviés de la intervención dElipe en dellos medios de comunicación daquella comunidá, amás de pa facer una collaboración col grupu de rock naragonés Prau. 14 d'abril, 2010 0 FacebookTwitterPinterestEmail
Música Música de toa triba na edición XXII del Conciertu pola Oficialidá by asturnet 12 d'abril, 2010 La XXII Edición del Conciertu pola Oficialidá va xuntar a lo meyor de la música nasturianu. Estilos estremaos, dende los cantares pa neños al rock más combativu pasando pela música tradicional asturiana y la canción dautor. Música de toa triba representada nos soníos de Xentiquina, DRD, La Curuxa, Toli Morilla, Misiva, Skama la Rede, Los Berrones y Dixebra. Más docho hores de música, reivindicación y folixa, en dos escenarios independientes que van alternar les actuaciones ensin tiempos muertos nin descansu. La xornada va celebrasel próximu sábadu 24 dabril, nes instalaciones de la Feria de Muestres de Xixón, y a partir de les siete la tarde. El preciu de la entrada ye docho euros anticipada y de diez na puerta. Vendiéndose nesta ocasión en La Casa Posafuelles y Malayerba nunca muere, nUviéu; Café Trisquel, El Barucu y Llibrería Alborá, en Xixón; nEl Cafetón nAvilés; en La Gueta de Candás; nel Mesón Cervantes de Tinéu; na Panadería Aldín de L.luarca; nel Bar Azul de Cangas; nel Café Centro de La Puela Allande; en LAbellugu de Mieres; en La Palmera, en La Pola L.lena; nel Abre César de La Pola Siero; nel La Posta, de Nava, nel Bar Pieros de Grau y nel Tom Mallory si se quier merca la entrada en LEntregu. 12 d'abril, 2010 0 FacebookTwitterPinterestEmail
Fiestes La Folixa na Primavera torna con más música que nunca by asturnet 8 d'abril, 2010 El programa de la Folixa na Primavera de Mieres, yá ye públicu. La folixa llega nesta ocasión a la so edición quince y ca celebrase ente los díes 16 y 18 dabril. No que cinca a los artistes internacionales, va cuntar colo escoceses Session A9 y el músicu de Quebec, Yves Lambert, acompañáu pola formación Le Bérbet Orchestra. Los grupos asturianos van ser Patriband Folk Orl.lestra de Mieres y Spanta la Xente de L.lena. Les actividaes van entamar el viernes 16, nel escenariu del parque Xovellanos, onde van tar Session A9 y Patriband Folk. El sábadu 17 Mieres va sentir la música dYves Lambert & Le Bébert Orchestra y Spanta la Xente. Amás, y a lo llargo de tol festival, va cuntase con otres actividaes venceyaes a la cultura tradicional, como actuaciones de grupos folclóricos, teatru nasturianu y deportes tradicionales. 8 d'abril, 2010 0 FacebookTwitterPinterestEmail
Fiestes Entama’l VII Mercáu de La Flor en L.lena by asturnet 8 d'abril, 2010 Esta fin de selmana, celébrase en conceyu L.lenal VII Mercáu Tradicional de la Flor, qu’entama como tolos años la Xunta Cultural Rebelgu nel barriu de La Caleya. Les actividaes entamen esti vienres día 9 cola entrega del premiu Internacional de la XLVII edición del Concursu de Cuentos de L.lena na Casa de Cultura de La Pola a les 19,30 y a les ocho la tardi cola representación de La Trastá pola Compañía Asturiana de Comedias nel Teatru Vital Aza. El sábadu 10, a les 11 hores de la mañana, seguirá la programación col entamu del mercáu dartesania y lactuación de la banda de gaites Güestia.A les 17 hores vendrán los xuegos tradicionales pa los guaḥes, pa darréu actuar el grupu de baille La Flor de Xanzaina. Y a les 18 hores, peles cais del mercáu, podrá sentise lactuación de Andecha Turcipié. Darréu, a les 22 hores, vendrá una nuechi Astur colos grupos Spanta la Xente, Felpeyu y Skanda, acompangada de lamosamientu de cerámica cocío, poniendo asina pieslle a la primer xornada. La Flor va siguir el domingu, dende les 11 hores momentu nel que tornará otra vueltal mercáu dartesania, repitiendo tamién los xuegos tradicionales y lactuación de La Flor de Xanzaina. A les 19 hores llegará la tonada de la mano dAnabel Santiago y Héctor Braga. Pondrál puntu final al Mercáu de la Flor, un conciertu de Bastards on Parade, Skontra y True Quedart, too ello a partires de les 22 hores. El programa completu vieno acabante d’ufrilu ayeri la organización: Vienres 9 dABRIL: 19:30 h.: ENTREGA DEL PREMIU INTERNACIONAL de la XLVII edición del CONCURSU de CUENTOS L.LENA/LENA. Casa de Cultura de La Pola (entrá llibre) 20:00 h.: La Trastá, Compañía Asturiana de Comedias, xéneru costumbrista Teatru Vital Aza (entrá 3 , tolos públicos) TOLOS VIENRES DEL MES DABRIL (9, 16, 23 Y 30) IV AMUESA DE TEATRU AMATEUR Principáu dAsturies FETEAS 12:30 h.: V MERCÁU TRADICIONAL LA FLOR DE L.LENA Organiza: Xunta Cultural Rebelgu – Collabora: Conceyu L.lena Dende bien temprano hasta la madrugá: música, chigre, ambientación, pasucais de gaites, un centenar dartesanos: ferriru, madreñiru,.. VÍSTETE DASTURIANU Y VEN PA LA CALEYA Barriu de La Caleya (La Pola) 20:00 h.: Única actuación del Ballet del teatro de la Ópera Ucrania con el espectáculo El gran ballet de los cuentos Teatru Vital Aza (entrada 15 , entresuelo 12 ) 23:00 h.: 1ª verbena coles orquestes ALTO STANDING / LA ORQUESTINA Entoldáu de la Plaza Alfonso X el Sabiu 12:30 h.: V MERCÁU TRADICIONAL LA FLOR DE L.LENA Organiza: Xunta Cultural Rebelgu – Collabora: Conceyu L.lena Averáivos al mercáu y que vos preste dende pela mañana hasta la nuiche Barriu de La Caleya (La Pola) 20:00 h.: Oceanía, Grupu de TeatruTandem Escena, Teatru Infantil Teatru Vital Aza (entrá gratuita, tolos públicos) 23:00 h.: 2ª verbena coles orquestes CASTING / LUIS Y SUS TECLADOS Entoldáu de la Plaza Alfonso X el Sabiu 9:00 h.: SUBÍA AL PREU LA FLOR Salía desdel l.lar social (Plaza Rinconada de San Xuan) de la COFRADÍA, col clásicu BUL.LU y BOTELLA VINO Nota: Los bol.los van repatisel llunes pela mañana nel Preu La Flor y na Plaza Rinconada de San Xuan, dende les 9 hasta la 1 la terdi. NEL PREU LA FLOR XXXVI CONCURSU DEMPANAES y día del Ama de Casa Local. Promoción del traxe dasturiana. Organiza: Asociación de Amas de Casa Ntra. Sra. De Covadonga 11:00 h.: Misa polos cofrades fallecios 12:00 h.: MISA CON PROCESIÓN Y PUXA DEL RAMU 13:00 h.: CANCIÓN ASTURIANA con A.I.C.A. EN LA POLA 19:00 h.: Última verbena cola participación de BRUJAS Entoldáu de la Plaza Alfonso X el Sabiu EN TOLES FIESTES DE LA FLOR: Sala dexposiciones Celso Granda (Casa de Cultura de La Pola): Del 1 al 15 dabril, Exposición de pintura de Luz Marbella Urbina, vecina de Llena. Recintu ferial na Escuela del Pilar (díes 10 y 11 dabril): Recintu ferial gratuitu pa nenos y nenes con hinchables, tren de la bruxa, cames elástiques, tiovivu nhorariu de 11:00 a 14:00 y de 17:00 a 21:00 h. 8 d'abril, 2010 0 FacebookTwitterPinterestEmail
Música Entama nel Xovellanos el Festival Coral Internacional Asturies Xoven 2010 by asturnet 7 d'abril, 2010 Mañana, día 8, el Teatru Xovellanos de Xixón va ser el puntu de partida del Festival Coral Internacional Asturies Xoven 2010. Entamáu pola Asociación Cultural Avilés Joven añu tres d’añu convirtióse nun referente de la música coral. Mozos destremaos puntos del mundu, Rusia, Letonia, Israel o Tailandia, ente otros países, comparten la so cultura al traviés de los cantares y coreografíes. El festival nun ye competitivu, sinón una amuesa de lo que los xóvenes pueden llegar a realizar na música coral y les distintes formes de facela. Nesta nueva edición van participar el Harmony Ensemble (Inglaterra), Colegium Musicum de Belgráu (Serbia), Detska Kitka (Bulgaria) Cor de Noies del Palau (Cataluña), Coru Mozu Fundación Príncipe d’Asturies (Asturies) y Los Péques del León de Oro (Asturies). Los escenarios que’l Festival va visitar mientres el mes d’abril van ser los del Teatru Xovellanos de Xixón (8 d’abril), la Casa Municipal de Cultura d’Avilés (díes 10 y 17). Amás de Castrillón, Llanes, Navia y Mieres. Nel añu 2009 l’Asociación instauró’l Premiu Ciudá d’Avilés que nesta ocación reacaerá na persona de Don José Manuel Feito. Programa completu 7 d'abril, 2010 0 FacebookTwitterPinterestEmail