Sociedá L’asociación de Trabayadores de la Normalización Llingüística denuncia al Conceyu de Mieres y a la Conseyería de Cultura por pesllar el serviciu by asturnet 22 de payares, 2006 L´Asociación de Trabayadores de la Normalización Llingüística vien denunciando dende va tiempu les “irregularidaes y la falta de compromisu”0 de dalgunos conceyos y de la Conseyería de Cultura pa cola normalización llingüística. El colectivu de trabayadores de la normalización denuncien la situación del Serviciu de Normalización Llingüística de Mieres que ta acabante de zarrar nesti mes de payares. Esti serviciu, quaniciól so llabor a finales del añu pasáu, vien funcionado nuna situación precaria abriendo unos pocos meses al añu y zarrando otros. El SNL de Mieres, nel añu 2006, empezó a funcionar nel mes de mayu, situación mui grave yá quel plazu pa solicitar les subenciones pa la normalización nos Conceyos acababa en xineru. La precariedá cola que funcionen los Servicios de Normalización Llingüística, nos que prácticamente la única fonte de financiación son les subvenciones de la Conseyería de Cultura, y lo que nun se pue permitir ye que nesti periodu la técnica responsable nun tea trabayando y planificando lo que va ser el trabayu de tol añu. Pa l’Asociación de Trabayadores de los SNL “en casu de que la Conseyería de Cultura y los Conceyos piensen que la Normalización nos conceyos ye un trabayu importante y non, un cuentu col que xustificase delantre la sociedá pa que paeza que se fai dalgo, tienen que tener los Servicios nunes condiciones mínimamente dignes y que pasen porque la persona responsable tea tol añu nel so puestu de trabayu”. L’asociación denuncia que la Conseyería de Cultura concedió una subvención pal 2006 al Conceyu de Mieres pa tener el Serviciu abiertu tol añu, ayuda que se dio cola condición de que dendel Conceyu s´aportare una parte del capital. El Conceyu de Mieres “incumpliól so compromisu dafechu”, yá que nin puso nada de capital nin mantuvo´l Serviciu abiertu más de mediu añu. Dende LAsociación de Trabayadores de la Normalización Llingüística condenen estos fechos que suponen una “falta de seriedá” de los reponsables políticos desi Conceyu y queremos recordar a la Conseyería la so parte de responsabilidá énte esta deficiente situación. L’asociación píde-y a la Cosneyera de Cultura soluciones cola fin de garantizar la estabilidá y continuidá de los Servicios de Normalización, “soluciones que nun acaben de llegar pola falta de voluntá, el desinterés y el desdexamientu que dende esti gobiernu se tien pa cola llingua asturiana”. Dende l’Asociación de Trabayadores de los Servicios de Normalización consideren que “el Conceyu de Mieres incumple y la Conseyería de Cultura consiente”. A lo qu’aseguren qu'”esta ye la política llingüística cola que, dicen, se pretende normalizar la llingua asturiana ente la sociedá”. L’Asociación de Trabayadores de la Normalización Llingüística, “continuará denunciando les irregularidaes y precariedaes que se vienen dando nos Servicios de Normalización nos Conceyos porque creemos que la política llingüística dAsturies necesita un compromisu seriu y claru muncho mayor del que los políticos tan dando”. Mieres vuelve abrir la Oficina de Normalización énte les quexes d’IX 22 de payares, 2006 0 FacebookTwitterPinterestEmail
Sociedá Sofitu internacional a la oficialidá by asturnet 21 de payares, 2006 El Conseyu de l’Asociación Internacional pa la Defensa de les Llingües y Cultures Amenazaes emitió esta fin de selmana una resolución refiriéndose a la falta de derechos llingüísticos n’Asturies. Na resolcuión afálase al Presidente asturianu a “respetar los derechos llingüísticos mediante la proclamación na prósima reforma del estatutu de la oficialidá de la llingua asturiana”. L’Asociación Internacional considera que “una gran mayoría de la población asturiana, depués de bien d’años, reclama respetu pa los sos derechos llingüísticos”; y qu’esto derechos han plasmase na prósima reforma estatutaria. Pa la AIDLCM l’estatus legal del asturianu ye perimportante, avisando de la so posible desapaición en casu de que nun s’oficialice. Asina mesmo la organización de derechos llingüísticos reclama garantizar en tolos niveles educativos l’enseñu de la llingua asturiana, dende la educación infantil a la Universidá. El tarrén de la normalización social del asturianu ye otru de los que toca l’asociación demandando la puesta en funcionamientu de les medíes afayadices pa garantizar eficaz y apropiadamente la llingua asturiana ente la sociedá asturiana como llingua asturiana. 21 de payares, 2006 0 FacebookTwitterPinterestEmail
Sociedá La Xunta Asesora de Toponimia va presentar un anuariau col trabayu desendolcáu ente 2004 y 2005 by asturnet 21 de payares, 2006 El llunes 27 de payares, na Bibilioteca Pública “Ramón Péz d’Ayala” d’Uviéu, la Xunta de Toponimia va presentar l'”Anuariu de la Xunta Asesora de Toponimia 2004-2005″, l’actu tará presidíu pol Director Xeneral de Promoción Cultural y Política Llingüística, Carlos Madera, el Xefe de la Oficina de Política Llingüística, Ramón d’Andrés, y l’espertu de la Xunta de Toponimia y coautor de la obra, el filólogu Fernando Álvarez Balbuena. Nel actu esplicaráse’l conteníu del anuariu, amás de facer una análisis y evaluación del actual procesu de recuperación y oficialización de la toponimia asturiana. Pa la presentación d’esti anuariu la Conseyería de Cultura convidó a los Alcaldes de los 50 conceyos involucraos nel procesu de recuperación toponímica, Servicios de Normalización Llingüística, entidaes culturales, asina como a los collaboradores de los trabayos de campu entamaos pola Xunta Asesora de Toponimia. 21 de payares, 2006 0 FacebookTwitterPinterestEmail
Sociedá La Oficina d’Información Xuvenil de Samartín del Rei Aurelio organiza un viaxe cultural a Madrid by asturnet 20 de payares, 2006 La Oficina d’Información Xuvenil de Samartín del Rei Aurelio organiza un viaxe cultural a madrid pa los díes 16 y 17 d’avientu. El viaxe cultural a madrid ye la actividá programada dende la Oficina d’Información Xuvenil con más antigüedá, ya que vien organizándose dende fai 11 años, lo que permitió a munchos/es mozos/es del conceyu y del restu d’Asturies conocer la importancia del padremoñu cultural de la capital del estáu. La actividá cuesta 39 euros por persona ya inclúi viaxe, abellugu y almuerzu nunhotel de cuatro estrelles. Toes aquelles persones interesaes en tener más información o inscribise puen facelo na Oficina d’Información Xuvenil de Samartín del Rei Aurelio Casa de la Xuventú de sotrondio, teléfonu 985 67 01 22, de llunes a vienres n’horariu de 10 a 13 y de 17 a 21 hores. Les places son llimitaes, pero entá queden places llibres pa esta edición. 20 de payares, 2006 0 FacebookTwitterPinterestEmail
Sociedá L’Academia propón la denominación Eonaviegu pa la llingua d’Entrambasauguas by asturnet 20 de payares, 2006 L’Academia de la Llingua Asturiana presentó’l so “Informe sobre la fala o gallego-asturianu” el vienres pasáu en Navia. Durante la presentación Ana Cano, Presidenta de l’Academia de la Llingua, propunso la denominación Eonaviego pa esta llingua. La propuesta académica provién del resultáu de les diferentes encuestes sociollingüístiques, nes que los nomes referíos pa la llingua de la fastera más occidental del país “nún 98% de los casos, los encuestaos, proponendenominaciones diferentes al gallegu” dixo Ana Cano. La presentación del Informe Académicu valió, tamién, pa que l’Academia diera anuncia de la próxima normativa llingüística pal Navia-Eo que s’asoleyará enantes de fin d’añu. Durante l’actu Ana Cano reiteró na esixencia de l’Academia de que na próxima reforma del Estatutu d’Autonomía la llingua del Navia-Eo figure como llingua oficial dientro del so ámbitu, asina como la llingua asturiana nel territoriu asturianu. Noticia relacionada 20 de payares, 2006 0 FacebookTwitterPinterestEmail
Sociedá Más de 10 mil persones piden nes cais d’Uviéu la oficialidá by asturnet 19 de payares, 2006 Más de 10 mil persones, sigún los convocantes, y 6 mil persones, sigún la policía local, axuntárones esti sábadu 18 de payares nUviéu respondiendo a la convocatoria del Conceyu Abiertu Pola Oficialidá pa reclamar la Oficialidá de la Llingua Asturiana nel Estatutu dAutonomía dAsturies. Una improvisada banda de gaites protagonizó la xornada nuna manifestación nocherniega, quentamó a les 18:30 de la tardi dende la Estación del Norte de Renfe. El Conceyu Abiertu pola Oficialidá convocól sábdu a la ciudadanía asturiana baxo’l lema “Na reforma del estatutu l’asturianu llingua oficial” y llogró una importante presencia de manifestantes nuna xornada quamenazó cola lluvia tol día, anque a lo postrero desendolcóse nuna tarde típica de la seronda más bona. La primbera pancarta de la manifestación llevaronla representantes de la sociedá civil asturiana como José Ramón Sariego, de l’Asociación de vecinos de Pumarín, Uviéu; Santi Caleya, músicu; Ana Maria Cano, Decana de la Faculta de Filoloxía y Presidenta de l’Academia de la Llingua; Xosé Nel Riesgo, xeógrafu y miembru de la Fundación Belenos; Celia González, del Coleutivu Muyeres; Fructuoso Pontigo Concha, Coordinadora Ecoloxísta; Maria Jesús Rodríguez, escultora, o lescritor Xuan Bello. La segunda pancarta del cortexu portábenla representantes de los diferentes partíos, sindicales y organizaciones que componen el Conceyu Abiertu pola Oficialidá, colos representantes dIzquierda Xunida, Francisco Javier García Valledor y Jesús Iglesias, y el representante del Bloque por Asturies, Rafael Palacios, no cimero de la mesma. Per delantre de les pancartes del Conceyu Abiertu pola Oficialidá más de venti bandes de gaites y 200 gaiteros daben pasu al cortexu cívicu que percorrió les cais de la capital del país esixendo los sos derechos llingüísticos. La manifestación concluyó na plaza de la Catedral cola intervención, en nome de les 170 organizaciones que componen el CAO, d’Ana Vanessa Gutiérrez que lleía’l manifiestu del CAO pa dar pasu a un conciertu final nel que tocaben Santi Caleya, Carlos Rubiera y Los Gatos del Fornu. 19 de payares, 2006 0 FacebookTwitterPinterestEmail
Sociedá La sociedá civil pola oficialidá. El CAO convoca a la ciudadanía a participar na Manifestación del 18 de payares by asturnet 17 de payares, 2006 El Conceyu Abiertu pola Oficialidá convocó ayer a la ciudadanía asturiana a participar na manifestación del 18 de payares. La manifestación entamará a les 18 hores na estación del Norte d’Uviéu, Renfe, baxo’l lema “Na reforma del estatutu l’asturianu llingua oficial”. Fernando Ornosa, portavoz del Conceyu Abiertu pola Oficialidá, acompañáu por Luís Arias Argüelles Meres y Francisco Javier Fernández Conde anunciaron la convocatoria de la manifestación. Les empreses que s’anunciaron nel portfoliu del Conceyu Abiertu collaboren económicamente colos gastos de la convocatoria. La primbera pancarta de la manifestación llevaránla representantes de la sociedá civil asturiana na que van tar ente otres persones: Amelia Valcárcel Bernaldo de Quirós, miembra del Conseyu d’Estáu; José Ramón Sariego, de l’Asociación de vecinos de Pumarín, Uviéu; Toño Velázquez, entrenador del Real Uviéu; Santi Caleya, músicu; Ana Maria Cano, Decana de la Faculta de Filoloxía y Presidenta de l’Academia de la Llingua; Xosé Nel Riesgo, xeógrafu y miembru de la Fundación Belenos; Celia González, del Coleutivu Muyeres; Fructuoso Pontigo Concha, Coordinadora Ecoloxísta; Maria Jesús Rodríguez, escultora. La segunda pancarta del cortexu llevaránla representantes de los diferentes partíos, sindicales y organizaciones que componen el Conceyu Abiertu pola Oficialidá. Darréu les pancartes del Conceyu Abiertu pola Oficialidá más de venti bandes de gaites y 200 gaiteros darán pasu al restu del cortexu cívicu que recorrerá les cais de la capital del país esixendo los sos derechos llingüísticos. La manifestación concluirá na plaza de la Catedral cola intervención, en nome de les 170 organizaciones que componen el CAO, d’Ana Vanessa Gutiérrez que lleerá’l manifiestu del CAO pa dar pasu a un conciertu final nel que tocarán Santi Caleya, Carlos Rubiera y Los Gatos del Fornu. El portavoz del Conceyu Abiertu pola Oficialidá, Fernando Ornosa, fizo un llamáu d’atención a los partíos políticos mayoritarios, PSOE-FSA y PP, pa que nos sos programes electorales afiten un marcu llegal pal asturianu, y pal gallego-asturianu, de mou que s’abran les puertes a la oficialidá na próxima reforma del Estatutu. Fernando Ornosa volvió ufrir la oferta de diálogu del Conceyu Abiertu pola Oficialidá a los llíderes de los partíos políticos con representación parlamentaria pa “iguar la llaceriosa situación de los derechos llingüísticos de los y les asturianes”. L’escritor, profesor y articulista Luis Arias Argüelles-Meres presentóse como un ciudadanu ensin vinculación con nenguna plataforma política, sindical o de cualesquier otra triba que nagua pola reconocencia de los derechos llingüísticos de la población asturiana. P’Argüelles Meres el derechu a emplegar l’asturianu ha ser reconocíu como un derechu cívicu. Luis Arias Argüelles-Meres fizo un llamáu a emplegar les diferentes canales d’información como elementos normalizadores del usu de la llingua. P’Argüelles-Meres el problema llingüísticu ye un bon exemplu de la “incapacidá d’esta tierra pa resolver los sos problemes”. Francisco Javier Fernández Conde, catedráticu d’Historia Medieval y Académicu de la Llingua Asturiana dixo sintir “pena ente la terquedá de la clas política asturiana” que viendo morrer a la llingua asturiana negábase a atender les demandes ciudadanes pa la so salvación. El Catedráticu afirmó que los intentos de diálogu colos políticos asturianos, sobre la cuestión llingüística, yeren similares a tar “falando con una paré”. Pa Fernández Conde la cuestión llingüística ye un compromisu cola tierra, dalgo intimamente xuníu al futuru de la esistencia d’Asturies nel mundu de la globalización. El catedráticu realizó paralelismos ente les diferentes llingües mayes, y los pueblos, d’América llatina y la situación llegal del asturianu, mientres que les llingües mayes son consideraes oficiales n’Asturies l’asturianu nun tien esa consideración. Pa finar dixo que “ensin oficialida, la llingua asturiana ta condenada a morrer”. 17 de payares, 2006 0 FacebookTwitterPinterestEmail
Sociedá Naciu Varillas, Miguel Rojo y Pepe Monteserín, Premios de la Crítica d’Asturias 2005. Gonzalo Suárez Premiu de les Lletres d’Asturies 2006. by asturnet 17 de payares, 2006 L’Asociación d’Escritores d’Asturies dio a conocer la I edición del Premiu de les Lletres d’Asturies y la VII edición de los Premios de la Crítica d’Asturies. Los premios otorgaos n’asturianu fueron pal escritor Naciu Varillas algamó’l premiu de la crítica na categoría de narrativa pola so primber novela “Carretera ensin barru”, Miguel Rojo’l premiu de la crítica en poesía pol poemariu “Llaberintos” y Pepe Monteserín na modalidá de lliteratura infantil y xuvenil por “Ensin párpagos”. Mientres na modalidá castellana l’escritor uvieín Gonzalo Suárez algamó’l I premiu de les Lletres d’Asturies pola so dedicación constante a la lliteratura, ente los otros premiaos figuren Ricardo Menéndez Salmón algamó’l Premiu de la Crítica d’Asturies na modalidá de Narrativa pol so llibru “Caballos azúles”, Francisco Álvarez Velasco algamó’l galardón na modalidá de poesía, Carmen Gómez Ojea col so trabayu “Bailaremos en el rio” algamó’l premiu na categoría de lliteratura infantil y xuvenil. Na categoría de columnismu lliterariu Paco Orejas algamó’l Premiu de la Crítica polos sos artículos Naciu Varillas recibió’l Premiu de la Asociación d’Escritures de Narrativa n’asturianu pola so primber novela “Carretera ensin barru”. El xuráu destacó qu’esta ye una novela ambiciosa que retrata “maxistralmente” aspectos de la realidá social asturiana con un llinguaxe cenciellu pero rico. Asina mesmo’l xuráu valoró, tamién, el riesgu de la so estructura al entremecer “cuentos” col restu de la trama. El premiu de la crítica en poesía foi pa Miguel Rojo col so poemariu Llaberintos. Nélli, el xuráu destacó la so coherencia constructiva, la so madurez y trabazón poético amás de lo ambiciosu del poemariu. Na modalidá de llieteratura infantil y xuvenil Pepe Monteserín col so llibru “Ensin párpagos”, d’esti trabayu’l xuráu destacó la orixinalidá nel tratamientu mitolóxicu del cuelebre, l’adptación d’una lleenda sobre esti personaxe mitolóxicu, d’una forma maxistral a un discursu actual y con unes ilustraciones perafayadices al testu. 17 de payares, 2006 0 FacebookTwitterPinterestEmail
Sociedá Xeira premia “Tempo de dolor” d’Aurora Bermúdez by asturnet 17 de payares, 2006 Autora Bermúdez algamó’l XVI premiu de narraciones curties en gallego-asturianu de l’asociación cultural Xeira El xuráu de la XVI edición del Premiu de narraciones curties de Xeira concendio-y’l premiu a Aurora Bermúdez pol so trabayu “Tempo de dolor”. El xuráu taba compuestu por Manuel García Galano, Rafael Cascudo Noceda, Alfredo González Fernández y José Manuel Martínez Castro, como secretaría del Xuráu exerció Maria José Fraga. El Premiu Xeira de narraciones curties nació en 1991, periodu nel qu’entama a funcionar l’asociación. Esti Premiu empobíanse a sofitar y promocionar l’usu lliterariu del gallego-asturianu. 17 de payares, 2006 0 FacebookTwitterPinterestEmail
Sociedá El Foru Arte Ciudá convoca a los artistes asturianos a participar na manifestación del Conceyu Abiertu pola Oficialidá by asturnet 17 de payares, 2006 El coordinador del Foru Arte Ciudá, Anxel Nava, fizo un llamáu a los artistes asturianos pa participar na manifestación del Conceyu Abiertu pola Oficialidá. El Foru Arte Ciudá llevará una pancarta col lema “Les artes d’Asturies pola Oficialidá”. 17 de payares, 2006 0 FacebookTwitterPinterestEmail