Sociedá Conceyu Abiertu pola Oficialidá va valorar el procesu de reforma estatutaria nuna rueda de prensa by asturnet 22 de mayu, 2008 Cola reforma estatutaturia el plenu procesu de discusión, el Conceyu Abiertu pola Oficialidá quier valorar el momentu políticu que ta viviendo Asturies. Pa ello convoquen una rueda de prensa pa esti xueves 22 de mayu nel Llar Solidariu d’Uvieu (Cai Gascona 12 Baxu A) a les 12:00 hores. Amás van falar tamien de les últimes declaraciones, que dellos miembros de PSOE y PP tan acabante facer alredor del tema de la oficialidá de la llingua asturiana. 22 de mayu, 2008 0 FacebookTwitterPinterestEmail
Sociedá Fernando Ornosa: “obligatoriedá ye la de nun poder falar nin emplegar llibremente una llingua propia nun estáu democráticu” by asturnet 22 de mayu, 2008 “Esto ye la obligatoriedá. La de nun poder falar nin emplegar llibremente una llingua propia nun estáu democráticu nel que la so Constitución defende por imperativu llegal que les llingües propies seyan Oficiales nes Comunidaes Autónomes”. Nestor terminos se refirió’l portavoz del Conceyu Abiertu pola Oficialidá, Fernando Ornosa a les postures que ta garrando la Federación Socialista Asturiana, y sobre manera Jesús Gutierrez, alredor de la oficialidá de la llingua asturiana. Ornosa fizo estes declaraciones nel trescursu d’una rueda de prensa esta mañana nel Llar Solidariu d’Uvieu. El responsable del CAO tamien tuvo pallabres pa les últimes y polemiques declaraciones cruciaes ente’l conceyal de cultura del Ayuntamientu d’Uvieu, Xose Suárez Arias Cachero ya’l so homólogu socialista , Manuel Ángel Rodríguez. Nestes l’ultimu arremetió escontra “Felechosa” tachándolu d’abertxale en llugar de demócrata por comparar los drechos de los asturfalantes colos de los transexuales. “Habría que deci-y que nun diera lleiciones de democracia a nadie, cuando el y el so partíu tan excluyendo a una parte de la ciudadanía nuna sociedá democrática”, señaló Ornosa sobre la cuestión. No que cinca a la reforma estatutaria del asturianu y del gallego-asturianu, el CAO quiso facer un llámáu al diálogu coles fuercies polítiques que tienen representación nestes negociaciones y anunció la intención de la pletaforma d’aconceyase con reuninos coles direiciones del PP, FSA y IU-Bloque por Asturies-Los Verdes pa tratar d’alcontrar un consensu. Nesti sen, el Conceyu llamó al PSOE a recapacitar les sos postures ya’l PP a que “cumpla colo que anunción nel so programa electoral y tenga en cuenta les declaraciones públiques de numberosos y destacaos dirixentes populares a favor de la Oficialidá, los dos Vicepresidentes y el Secretariu Xeneral ente otros”. Fernando Ornosa anunció asimesmo la intención del CAO de siguir faciendo concentraciones ente la Xunte Xeneral del Principáu nos dóies nos que s’aconceye la mesa de negociación de la reforma del Estatutu y la intención de la plataforma que representa de llevar al cabu nueves campañes de sensibilización y reivindicacion. Más vídeos de la rueda de prensa na canal d’Asturnews 22 de mayu, 2008 0 FacebookTwitterPinterestEmail
Sociedá XPDL diz que la FSA va llevar a la llingua asturiana a la desapaición by asturnet 20 de mayu, 2008 La Xunta pola Defensa de la Llingua emitió esti martes un comunicáu nel que fai un llamáu a la clas política asturian pa que refugue les declaraciones de Jesús Gutierrez alredor de la oficialidá del asturianu. “Ye un fechu gravísmu qu’un cargu de la FSA declare qu’asume la futura inestabilidá del gobiernu asturianu con tal de nun contemplar la oficialidá. La non oficialidá trai como consecuencia la desapaición de la llingua a mediu plazu”, destacaron representantes de la Xunta. XPDL piensa que la FSA va form ar parte de la llista de xente responsable de la desapaición de la llingua asturiana “por cuenta d’unos intereses y prexuicios políticos primarios”. Pa los responsables de la Xunta, el nun poner les bases legales, esto ye la oficialidá, pa que l’asturianu nun se perda ye condenar la llingua a la desapaición. “Trenta años d’esa “promoción” que tanto defende yá demostraron que nun valieron pa frenar el procesu de sustitución llingüística”. Según diz Xunta pola Defensa de la Llingua, el secretariu xeneral de la FSA interpreta los últimos resultaos electorales como una especie de referendum sobre la oficialidá, inorando tolos estudios sociolóxicos que se ficieron hasta la fecha y que dexen claro que la mayoría de los ciudadanos son favoratibles a la mesma. “Manipular asina l’exerciciu democráticu de los ciudadanos ye más propio d’un demagogu falsariu”, señalen nel escritu. 20 de mayu, 2008 0 FacebookTwitterPinterestEmail
Sociedá El xuráu de los premios Príncipe entamó a conceyar pa fallar el gallardón de les artes by asturnet 20 de mayu, 2008 Los Monxes de Silos, los arquitectos Frank Gehry y Tadao Ando, el cineasta bosniu Emir Kusturica, les Orquestes Xuveniles y Infantiles de Venezuela, el cantanteLeonard Cohen y el compositor Ennio Morricone son dalgunos de los ventiseis candidatos, de quince naciones, que opten esti añu a l Premiu Príncipe d’Asturies de les Artes. El xuráu entamó a aconceyar pa decidir el ganador na mañana d’esti martes 20 de mayu. El premiu, dotáu con 50.000 euros, reconoz el llabor de cualquier persona o institución que ficiera obra importante pal patrimoniu cutural de la Humanida en música, teatru, cine, arquitectura, danza, escultura, pintura y demás campos artísticos. 20 de mayu, 2008 0 FacebookTwitterPinterestEmail
Sociedá El CAO convoca una concentración pa güei a les nueve la mañana énte la Xunta Xeneral by asturnet 19 de mayu, 2008 Fernando Ornosa, portavoz del Conceyu Abiertu pola Oficialidá fizo esta mañana anuncia de lo que va ser la prósima concentración delantre la Xunta Xeneral del Principáu prevista pal llunes 19 a les 08:30 hores, que ye cuando vuelven a aconceyar los partíos pa negociar la reforma estatutaria. “Dientro del PSOE y dientro del PP hai munchos militantes y dirixentes que tán a favor de la solución que pide’l CAO. Munches persones, independientemente de la so militancia política, entienden que la oficialidá ye l’únicu camín pa garantizar la supervivencia del idioma propiu”, declaró Ornosa nun mensaxe a los partíos con representación parlamentaria. El portavoz del CAO volvió a recordar que la oficialidá ye la única opción que’esiste nel marcu de la llegalidá constitucional pa protexer los derechos de los falantes del asturianu y la única pa promocionar la llingua en condiciones. Amás recordó que los ciudadanos d’Asturies tienen que tener el derechu a que se los trate como al restu de los gocen de la suerte de tener llingua propia reconocida como llingua oficial. Conceyu Abiertu pola Oficiñidá, en nome de les más de 200 asociaciones que lu integren, anunció tamien la puesta en marcha de nueves iniciatives y campañes demientres se negocia la reforma estatutaria. 19 de mayu, 2008 0 FacebookTwitterPinterestEmail
Sociedá XPDL denuncia a la FSA por negar la oficialdá de contino y con escuses acomplexaes by asturnet 12 de mayu, 2008 La Xunta pola Defensa de la Lingua contestó a les declaraciones del secretariu d’organización de la FSA, Jesús Gutierrez, nes que comparó la oficialidá con creer o nun creer en Dios calificándoles de demagogues ya irresponsables. “Habría qu’entruga-y al secretariu d’organización de la FSA si “cree nos derechos de los asturianos” o si nun cree nellos, porque ehí ye onde ta’l debate real, y si cree que los y les falantes de la llingua asturiana deben seguir teniendo la suerte de ser ciudadanos de segunda”, destacó XPDL nun comunicáu. Otramiente, la Xunta quiso recorda-y a la Federación Socialista llinia de la obligatoriedá de la que falen nun existe y si la de la desapaición de la llingua. Pa la XPDL la solución pa eliminar d’una vez por toes estos pantasmes, y amás la que sofita la mayoría de la población, ye “la de reconocer que los asturianos y asturianes nun somos de segunda”. Nesti sen, la organización reclama a los partíos políticos asturianos que tean al altor de lo que la ocasión hestórica desixe nel tema de la oficialidá. “El debate de la obligatoriedá ye un debate falsu y interesáu, sobre too dientro una sociedá na que obligaciones y derechos van siempre garraos de la mano”. Según la XPDL lo que fai la FSA dende haz tiempu ye argumentar escuses acomplexaes pa refuga-y al asturianu la condición que merez: va tiempu yera la inesistencia de la llingua asturiana como tal y agora l’asuntu de la obligatoriedá. “Cualquier argumentu, cualquier idega sacada del peor de los complexos pa col asturianu val pa nun defender, ensin dobleces, una solución en condiciones al problema del desaniciu del idioma”, destaquen dende la Xunta nel so comunicáu. 12 de mayu, 2008 0 FacebookTwitterPinterestEmail
Sociedá Les cais d’Uviéu volveran a vivir esti vienres una xornada de reivindicación by asturnet 9 de mayu, 2008 La Xunta Pola Defensa de la Llingua Asturiana, coincidiendo col entamu de los actos de cellebración del día de les lletres asturianes, convocó una manifestación pa esti vienres 9 de Mayu, con salida de la Estación del Norte d’Uvieu a les siete la tarde. Como cada añu y embaxo’l lema “Na reforma del estatutu l’asturianu llingua oficial” la XPDLA continua cellebrando actos pa reclamar la reconocencia de la llingua asturiana como llingua oficial na redacción del prósimu estatutu d’Autonomía, un testu cuya reforma tan estudiando nestos díes los diferentes grupos parlamentarios del Principáu. XPDL recuerda nun comunicáu que n’Asturoes siguimos igual qu’haz venticinto años nel reconocimientu de la llingua de nueso. “l’asturianu ye la única llingua del Estáu que tovía nun ye oficial. Añu tres añu siguen apaeciendo casos de discriminación pol usu de la nuesa llingua, l’asturianu sigue teniendo una presencia marxinal -dacuando hasta como motivu de risa- nos medios de comunicación, nel sistema educativu y nes alministraciones”. 9 de mayu, 2008 0 FacebookTwitterPinterestEmail
Sociedá Los cursos de Branu d’Asturianía entamen en xunetu con una ufierta de 27 places by asturnet 7 de mayu, 2008 La Escuela de Branu d’Asturianía del Conseyu de Comunidaes Asturianes ufierta un total de 27 places pa esti añu. Asina quedo desplicao nuna rueda de prensa na que participaron el Presidente del Conseyu Manuel Fernández de la Cera, y el Viceconseyeru de Seguridá, Emigración y Cooperación al Desarrollu, Valentín Ruiz. Los cursos entamen el 16 de xuunetu n’Uvieu y finen el 31 del mesmu mes. Especialmente diseñaos pa formar mayestros de cultura y música tradiconal asturiana col oxetivu de trabayar nos Centros Asturianos con reconocimientu d’Asturianía, los cursos abarquen materias como Gaita, Baille tradicional, Antropoloxía y Llingua Asturiana, Folklor, Traxe’l País o Percusión. 7 de mayu, 2008 0 FacebookTwitterPinterestEmail
Sociedá Los xuristes pol asturianu asoleyen un informe nel que se denuncien les agrasiones recientes escontra l’asturianu by asturnet 7 de mayu, 2008 L’Aconceyamientu de Xuristes pol Asturianu ta acanate presentar un nuevo informe nel que denuncia un total de 14 normes nueves y 2 proyeutos que tan enanchando la discriminación llegal del asturianu nos últimos meses. AXA fale nel IV Informe-Denuncia de temes tocantes al desendolcu sostenible medioambiental; la educación infantil y profesional, el bachilleratu y la formación del profesoráu; na carrera fiscal y nel tratu nos tribunales de xusticia; na espublización de les normes; nel Nomenclátor Xeográficu Básicu d’España; ente l’Axencia Estatal d’Alministración Tributaria; nes rellaciones coles fuerces armaes y obligaciones de la Guardia Civil; na producción y distribución cinematográfica; na sociedá de la información; o nel Sistema Arbitral de Consumu. 7 de mayu, 2008 0 FacebookTwitterPinterestEmail
Sociedá Entama una campaña pa fomentar l’usu de la toponimia oficial en Xixón by asturnet 3 de mayu, 2008 La Conceyalía de Cultura tradicional y Llingua Asturiana del Ayuntamientu de Xixón, del conceyal d’Izquierda Xunida Jesús Montes Estrada, presentó esti vienres una campaña que ñaz col envís de fomentar l’usu de los topónimos oficiales del conceyu ente los xixoneses. P’algamar esti oxetivu, la campaña va tar presente al travies de caratfueyos, elementos de mobiliariu urbanu, cartelos cuñes de radio y espacios en televisión y prensa. Otramanera tamien se presentó la prósima publicación del Diccionariu Toponímicu de Xixón. Esta obra ta fecha pol profesor Ramón d’Andres y recueye referencies tantu filolóxiques como hestóriques sobre l’usu de l’autentica toponimia nel conceyu de Xixón. 3 de mayu, 2008 0 FacebookTwitterPinterestEmail