Lliteratura Convócase la tercer edición del certame lliterariu na variedá pal.lueza del asturianu by asturnet 9 de febreru, 2011 El Club Xeitu convoca’l tercer Certame Lliterariu en Pal.luezu ‘Guzmán Álvarez’, col que se intenta revitalizar la llingua vernácula del monte occidental ástur-lleonés. El certame, abiertu a cualesquier interesáu en participar, va unificar anguaño los dos modalidaes de les ediciones anteriores nuna sola, de forma que va quedar na concesión d’un premiu únicu. Les obres van poder presentase enantes del 15 de mayu, momentu nel cual van ser evaluaes pol xuráu, formáu por dellos autores y recuperadores d’esta variante dialectal del asturianu. El fallu fadráse públicu nel mes de xunetu y la entrega del premiu va tener llugar el próximu branu, demientres la celebración del Recital de Pal.luezu que se va entamar, per cuartu añu consecutivu, na Casona de San Miguel. La obra premiada va publicase nel boletín del Club Xeitu. Esti concursu, empecipiáu va dos años, vio la presentación de diverses obres, mereciendo’l primer añu los premios la poesía ‘Al Aviséu’, de Irma González-Quevedo Pedrayes, y el relatu ‘Carta desd’el Vatse’, de Guadalupe Lorenzana Rodríguez. Ésta tamién consiguió’l premiu de poesía de la pasada edición, pola so obra ‘La sulombra d’él’, ente que la modalidá de prosa hubo de dexase erma na pasada edición al nun presentase a la mesma nenguna obra. Esti certame promovíu pol Club Xeitu y nel que collabora la Diputación de Lleón-Institutu Lleonés de Cultura, lleva’l nome del conocíu filólogu babianu Guzmán Álvarez, del quel Club celebral so centenariu dende’l pasáu 2010 con delles actividaes y publicaciones, y que va siguir desenvolviéndose en 2011. Bases completes del concursu 9 de febreru, 2011 0 FacebookTwitterPinterestEmail
Conceyos Abiertu’l plazu pa inscribise nun cursu d’asturianu en Xixón by asturnet 8 de febreru, 2011 El Conceyu Universitariu pol Asturianu (CUPA) abrel plazu papuntase al so I Cursu Básicu dAsturianu del CUPA, una esperiencia formativa quentama en collaboración cola Academia de la Llingua Asturiana y Caxa Rural y que va celebrase nel conceyu de Xixón ente marzu y mayu. El cursu, que se va facer na sede del Conseyu de la Mocedá de Xixón (Avda. Manuel Llaneza 68), va entamar en marzu y va cuntar con 35 hores llectives. Lhorariu que se plantega, a falta de apautalo colos alumnos, ye los llunes y miércoles de 19 a 21 hores. El preciu de la inscripción ye de 25 euros, incluyendo los materiales necesarios pa llevar alantrel cursu, comol manual Xeitu, que va sirvir de guía pal cursu y quasoleyó lAcademia de la Llingua Asturiana. Les inscripciones pueden facese nel corréu lletrónicu conceyuasturianu@gmail.com o nel teléfonu 615 982 816, hastal 27 de febreru de 2011. Dendel CUPA animen a participar nesti cursu “que va sirvir pa dar una conocencia básica y adaptada al nivel del alumnáu de la llingua asturiana”, deprendiendo les normes ortográfiques, vocabulariu y otres cuestiones, con unes clases “amenes que van apoyase nelementos audiovisuales, trabayando tamién cuestiones rellacionaes cola sociollingüística y la cultura asturianes”. Información del cursu 8 de febreru, 2011 0 FacebookTwitterPinterestEmail
Conceyos Celébrase la Selmana de lAula Popular José Luis García Rúa by asturnet 7 de febreru, 2011 El Centru de Cultura Vieyu Institutu acueye, demientres el mes de febreru, la XV Selmana de l’Aula Popular José Luis García Rúa. Esta selmana ufiértense delles actividaes: -Llunes 7, salón d’actos, 19:30 h. “¿Por qué los medios de comunicación españoles aburuyen la realidá d’América Llatina y El Caribe?”, al cargu de Roberto Montoya. -Martes 8, salón d’actos, 19:30 h. “Guerra y control de la información”, con Javier Couso.   -Miércoles 9, salón d’actos, 19:30 h. “Situación de los medios de comunicación n’Asturies”, cola participación de Xuan Cándamo (Atlántica), Vicente Bernaldo de Quirós (El Comerciu) y Pablo Elorduy (Diagonal). -Xueves 10, salón d’actos, 19:30 h. “La revolución semiótica, arma pesada del sistema: medios y globalización”, por José Luis García Rúa. -Vienres 11, sala de conferencies, 19:30 h. “Kaos na Rede: contrainformación anticapitalista plural”, al cargu de Manel Márquez. La entrada ye de llibre asistencia. 7 de febreru, 2011 0 FacebookTwitterPinterestEmail
Lliteratura Cristina Muñiz presenta un llibru de poemes pa neños by asturnet 4 de febreru, 2011 Esti vienres, 4 de febreru, preséntase Dingurindaines en Xixón. Lactu sedrá na llibrería La Buena Letra, allugada na cai Casimiro Velasco, 12, a partir de les siete y media la tarde. Nel actu tará l’autora, Cristina Muñiz, la responsable de la biblioteca virtual Xosefa Canellada, Mar Martín, y l’ilustrador, Enrique Carballeira. Lautora estrénase nes obres ilustraes con esti llibru al que da color Enrique Carballeira, editor de la obra al traviés dAsturtoons. Cristina Muñiz tien escrites una novela, dellos llibros de rellatos y participó en volúmenes de monólogu, amás de facer guiones pa radio y teatru. 4 de febreru, 2011 0 FacebookTwitterPinterestEmail
Conceyos Ponga súmase a los conceyos cola toponimia tradicional oficializada by asturnet 3 de febreru, 2011 El Conseyu de Gobiernu dAsturies aprobó esti miércoles el decretu qu’establez los topónimos tradicionales del conceyu de Ponga como oficiales. Siegue asinal camín pa la oficialización de la toponimia asturiana, nel quotros catorce conceyos entamaron yá dalgún pasu del procesu, mientres otros quince entá nun ficieron la petición dentamar les xestiones alministratives. Nos próximos díes el BOPA va espublizar el llistáu nuevu de topónimos de Ponga, afitando perdafechu la so validez. 3 de febreru, 2011 0 FacebookTwitterPinterestEmail
Lliteratura LAlianza Francesa organiza una esposición de poemes ilustraos by asturnet 3 de febreru, 2011 El 4 de febreru inaugúrase nel CMI de LArena, en Xixón, la esposición de poemes ilustraos de Boris Vian, titulada Je voudrais pas Crever (Nun me prestaría morrer) con motivu del cincuenta aniversariu de la muerte del autor, nel que sespubliza un llibru de 23 poemes ilustraos por célebres dibuxantes y traductores, quagora amuesen la so obra nAsturies. Na inauguración van participar el músicu Santiago Auserón, el trompetista Pacheco y el cantante Javier Krahe. La esposición cunta col sofitu del Serviciu Cultural de la Embaxada de Francia y cola torna al castellán de los poemes, per parte de Fernando Savater y Luis Antonio de Villena. Boris Vian (1920-1959) foi un ceador polifacéticu: foi novelista, poeta, dramaturgu, traductor, actor, periodista, autor de cantares y tamién músicu de jazz, trompetista. En 1942 entamó a escribir de día y a tocar jazz de Nueva-Orleans de nueche, nos chigres clandestinos de St-Germain-deas-Prés cuando la música negra taba prohibida por Vichy.Dexó una obra que foi considerada, a títulu póstumu, como’l manifiestu de la mocedá esistencialista de París. 3 de febreru, 2011 0 FacebookTwitterPinterestEmail
Lliteratura La Tertulia Literaria Allerana convoca un concursu de rellatos en castellán by asturnet 3 de febreru, 2011 La Tertulia Literaria Allerana convoca un concursu de cuentos en castellán, con un premiu ye de 1000 euros. Los rellatos han tener ente trés y cinco fueyes, de tema llibre, y van poder presentase hasta’l 31 de marzu nel Apartáu de Correos 3, 33670, de Morea (Ayer). Bases completes del concursu 3 de febreru, 2011 0 FacebookTwitterPinterestEmail
Conceyos Patrimoniu pide cuentes al Conceyu de Noreña pola ponte d’El Rebalde by asturnet 2 de febreru, 2011 Consecuencia d’una denuncia dAndecha Astur, la Comisión Permanente del Conseyu de Patrimoniu Cultural de Asturies solicitó-y un informe al Conceyu en rellación cola situación de la ponte ferroviaria del s.XIX, desmontada va 15 años y n’estáu d’abandonu. Andecha Astur congratúlase de que por fin dalguna instancia sesmoleza d’esti grave y vergoñosu casu, que lleva denunciando dende va años la orgnización nacionalista. Dende la formación tán convencíos de que el Conceyu va tener un papelón al contestar a les cuestiones a les que tien de responder l’informe teniendo difícil esconder énte Patrimoniu daqué qu’amazcare esti atentáu cultural del que son complices tantu’l gobiernu actual como anteriores. Amás recuerden que l’actual Alcalde, Cesar Movilla, agora del PSOE, foi responsable de cultura mientres munchos años nos gobiernos d’Aurelio Quirós. Andecha Astur Noreña anuncia que va siguir el casu de cerca y presionar tolo posible onde seya necesario pa salvar esti importante patrominiu noreñense y asturianu. 2 de febreru, 2011 0 FacebookTwitterPinterestEmail
Lliteratura Berta Piñán presenta La mancadura/El daño en Madrid by asturnet 2 de febreru, 2011 El xueves que vien, 3 de febreru, a les 19.30 hores, la Llibreria Rafael Alberti de Madrid acueye la presentación de l’antoloxía poética billingüe (asturianu y castellán) La mancadura/El daño, de la escritora Berta Piñán. Nel actu participa, amás de lautora, la escritora Olvido García Valdés. Tres ocho año de silenciu namás alteriáu pola publicación de dos antoloxíes de la so obra en castellán y en catalán, con La mancadura (El daño, na so versión castellana) Berta Piñán da continuidá a les sos constantes poétiques, les que (en palabres del críticu Leopoldo Sánchez Torre) ñacen «del equilibriu ente l’aceptación y l’arrenunciu, ente la evocación celebrativa y la constatación del dañu y la falta, y la propensión moral que deriva del so convencimientu de que la poesía ye necesaria como ”preséu de conocencia y configuración del mundu” (…) configurando un singular espaciu verbal sobre’l que se mueve una potente lente que desvela les más fondos cuévanos, pero tamién les superficies más tanxibles, de les nueses pallabres y los nuesos actos». 2 de febreru, 2011 0 FacebookTwitterPinterestEmail
Lliteratura Convócase una edición más del concursu de cuentos Ello yera una vez by asturnet 2 de febreru, 2011 El Conceyu de Llaviana y l’Oficina d’Información a la Mocedá convoquen esti concursu nel que pue tomar parte xente mozu de 14 a 35 años. Los cuentos pueden tar en castellán o n’asturianu con un máximu de diez fueyes, de tema llibre, valorándose la orixinalidá y los temes rellacionaos colos intereses, inquietúes y esmoliciones de la mocedá. Afitense dos categoríes con un únicu premiu en dambes; Pa mozos de 14 a 18 años, 100 euros; y pa mozos de 19 a 35 años, 250 euros. El plazu de presentación de los rellatos va finar’l 31 de marzu de 2011. Bases completes del concursu 2 de febreru, 2011 0 FacebookTwitterPinterestEmail