Sociedá XEGA organiza les primeres Xornaes dEducación na Diversidá Afectivosexual by asturnet 9 de payares, 2007 Est fin de selmana el colectivu Xente Gai Astur organiza les primeres Xornaes d’Educación na Diversidá Afectivosexual que van axuntara a más de sesenta persones relevantes del movimientu escontra la homofobia y la reivindicación de los derechos de Lesbianes, Gais, Transexuales y Bisexuales. Los actos entamen esti vienres a les 19:30 hores nel Hotel Asturias de Xixón con un coloquiu sobre edcucación al cargu de Jesús Generelo Lanaspa, coordinador del área d’Educación de la Federación Estatal de Lesbianes, Gais, Transexuales y Bisexuales. Mañana sábadu intervendrán Mercedes Sánchez cola ponencia “Infancia y adolescencia LGBT: ente la invisibilidá, la esclusión y la discriminación” a les 09:00 hores, Dolores Martín Romero, del Colectivu de Lesbianes, Gais, Transexuales y Bisexuales de Madrid, col tema de la infancia y adolescencia transexual como exe. Esti mesmu día tamien van cellebrase un taller y dos meses redondes, una sobre “Familia y educación na diversidá afectivosexual” y la otra tiulada “Educación na diversidá afectivosexual: marcu llegal y intervención sindical”. El domingu ta prevista la presentación d’un manifiestu y la cellebración d’un plenariu onde se van esponer les conclusiones de estos tres díes. 9 de payares, 2007 0 FacebookTwitterPinterestEmail
Sociedá Conceyu Abiertu anuncia la manifestación del día 24 en más de 100.000 sobres d’azucre by asturnet 8 de payares, 2007 Cola manifestación del 24 de payares nel horizonte los respnsables de Conceyu Abiertu pola Oficialidá (CAO) tan faciendo delles iniciatives pa promocionar l’eventu, la última ye’l repatu de 100.000 sobres d’azucre decoraos col logu de l’anuncia de la manifestación polos chigres, cafeteríes y pubs de tol Principáu d’Asturies. La iniciativa fui presentada pol voceru de la organización Fernando Ornosa y representantes de la Xunta pola defensa de la Llingua. Ornosa qu’aprovecho pa recordar que munchos de los militantes del PSOE son tamien favoratibles al reconocimientu oficial del asturianu nel nuevu estatutu d’autonomía, apuntó que’l deber de los grupos politicos mayoritarios n’Asturies ye’l de garantizar el derechu constitucional de los asturianos a poder falar un idioma con más de 1000 años d’antiguedá. Al tiempu tamien dixo que la oficialidá ye la única ferramienta llegal que garantiza la supervivencia del idioma. La manifestación del 24 de payares va entamar a les 18:00 hores na estación del Norte d’Uvieu, llugar onde aportarán les distintes marches a pie que van salir dende Xixón, Aviles, Mieres, Llangreu y Trubia. La marcha xeneral va finar na plaza Porlier. 8 de payares, 2007 0 FacebookTwitterPinterestEmail
Sociedá El catedráticu de Filoloxía Vespertino Fernández fala sobre l’islam ya’l cristianismu by asturnet 7 de payares, 2007 “Islam y cristianismu” ye’l teme alredor del que va xirar la conferencia que va pronunciar esti miercoles Vespertino Fernández, catedráticu de Filoloxía Románica de la Universidá d’Uvieu. L’actu entama a partir de les 20:00 hores nel Club Prensa Asturiana d’Uvieu ya va escomenzar cola presentación del mesmu al cargu del profesor titular de Llingua Arabe de la Universidá d’Uvieu, Juan Carlos Villaverde Amieva. 7 de payares, 2007 0 FacebookTwitterPinterestEmail
Sociedá El CAO estrena nueva web sobre la manifestación del 24 de payares by asturnet 6 de payares, 2007 Conceyu Abiertu pola Oficialidá estrenó nueva páxina web, www.24payares.org, na que van informar de les novedaes alredor de la manifestación que ta convocada pal prósimu sábadu 24 de payares na estación del Norte d’Uvieu pa esixir la pa oficialidá del asturianu nel Estatutu d’Autonomía. La movilización va entamar a partir de les 18:00 hores y va cuntar cola actuación de La Bandina nel conciertu de cierre. Enantes de la marcha principal, Xixón, Aviles, La Pola Siero, La Felguera, Mieres y Trubia van ser escenarios d’otres marcheas a pie. La marcha de Xixón va salir a les 9:30 de la Gasolinera Foro; la d’Aviles a les 9:00 d’El Parche; la xente del oriente ta convocáo a les 12:30 na Plaza Mayor de La Pola Siero. A les 11.00 nel Parque Vieyu de La Felguera saldrá la marcha del Nalón; La del Caudal será a les 12:30 dende la Plaza l’Ayuntamientu. La xente del occidente aconceyará en Trubia pa salir a les 12.00 dende l’Institutu. 6 de payares, 2007 0 FacebookTwitterPinterestEmail
Sociedá Ultimáu’l recorríu de la manifestación del 24-11 by asturnet 2 de payares, 2007 El Conceyu Abiertu pola Oficialidá entamó estos díes la campaña de convocatoria pa la movilización del sábadu 24 de payares col repartu de cien mil sobres de zucre rotulaos nestablecimientos hosteleros de toa Asturies del que ya diere cuenta Asturnews, pero amás yá tien preparada la organización de les marches que van aportar a Uviéu esi día dende estremaos llugares d’Asturies. Les seis marches a pie dende Xixón, Avilés, La Pola Siero, La Felguera, Mieres y Trubia que van aportar a Uviéu tienen un horariu qu’entama en dalgunos casos a les nueve la mañana pa poer llegar a les seis de la tarde a la Estación del Norte na capital uvieina. Sigún informa esti día’l blog “fueyaenblancu”la marcha de Xixón va salir a les 9:30 de la Gasolinera Foro; la dAvilés a les 9:00 dEl Parche; la xente del oriente ta convocáo a les 12:30 na Plaza Mayor de La Pola Siero. A les 11.00 nel Parque Vieyu de La Felguera saldrá la marcha del Nalón; La del Caudal será a les 12:30 dende la Plaza lAyuntamientu. La xente del occidente aconceyará en Trubia pa salir a les 12.00 dende lInstitutu. Asinamesmo, les marches de Xixón y Avilés alcontraránse en Llugones a les 16:00; la de La Pola y La Felguera alcontraránse en Fonciello a les 14:00. La marcha del Caudal va tener el puntu dalcuentru en Les Segaes a les 16:30 y la marcha de Trubia fará parada en San Cloyo a les 14:30. Toles marches llegarán a la plaza la Estación del Norte a les 18:00, hora del entamu de la gran manifestación. El grupu La Bandina va actuar dandol cierre a esta xornada reivindicativa. 2 de payares, 2007 0 FacebookTwitterPinterestEmail
Sociedá La Caravana pola Oficialidá aporta a L.lena y Ayer by asturnet 1 de payares, 2007 Esti miércoles 31, a les 13 hores nel Hotel dAsociaciones de La Pola (L.lena) presentábase en rueda de prensa la Caravana pola Oficialidá que va recorrer los conceyos de L.lena y Ayer el sábadu 3 de payares. La Caravana, convocada pol Conceyu Abiertu pola Oficialidá, quaxunta más de 200 organizaciones de toa Asturies, va percorrer dende pela mañana Uxo, Felechosa, Cabanaquinta, Morea, Mieres, La Pola, Campumanes y Carabanzo. La hora de salida ye a les 10:30 de la Escuela La Salle dUxo, nacabando la caravana va facese una espicha en Carabanzo pa depués rematar los actos con un conciertu nel Teatru Vital Aza a les 19h onde van participar: Liseo (gaitiru de Carabanzo), Pingüínos Asesinos, Adizión Etílika y Fala non Caduca, toos ellos grupos del conceyu de L.lena. El CAO pretende averar a los conceyos la llingua asturiana y la necesidá de quesista un marcu llegal pa la llingua asturiana como ye la oficialidá na prosima reforma estatutaria. Nesti sentíu, la caravana ye un actu más colos quel Conceyu Abiertu pola Oficialidá quier animar a la xente a que participe na prósima manifestación pola oficialidá de la llingua asturiana que se va facer el 24 de noviembre a les 18h nUvieo. La manifestación cuenta con 6 marches a pie dende distintes zones dAsturies (Xixón, Caudal, Nalón, Avilés, Trubia, Siero), que van xuntase na Estación de la Renfe donde va salir la menifestación. 1 de payares, 2007 0 FacebookTwitterPinterestEmail
Tecnoloxía El Cambiu Tecnolóxicu a debate nel Campus del Milán by asturnet 31 d'ochobre, 2007 Embaxo’l títulu “Cambiu Tecnolóxicu y Polítiques Públiques. Nuevos retos pal gobiernu de la ciencia” tan desendolcándose nel Campus de Milán de la Universidá d’Uviéu unes xornaes qu’entamaren el llunes día 29 en Madrid y qu’axunten a especialistes d’Universidaes como la de Valladolid, la d’Exeter o la d’Arizona (USA). Les xornaes alderiquen sobre’l gobiernu de la ciencia y la tecnoloxía y la participación ciudadana nesi gobiernu, tanto dende ámbitos locales como internacionales. La primer xornada entamó’l llunes 29 nel Salón d’Actos del CIEMAT cola conferencia inaugural del Director del Consortium for Science Policy and Ourcomens de la Arizona State University, Daniel Sarewitz, que se treslladó colos demás ponentes y participantes a Uviéu el martes 30 y qu’esti miércoles pronunció una nueva conferencia nel salón d’actos de Filosofía nel Milán sobro “Technology and Effectiveness in Contested Political Sttings”. El martes, la xornada entamó n’Uviéu nel Edificiu Históricu de la Universidá y cuntó cola participación del propiu Daniel Sarewitz y la celebración d’una mesa redonda sobre “Innovación Tecnolóxica ya Innovación Social” cola participación d’especialistes de la Universidá d’Uviéu, la de les Islles Baleares y La Laguna, asina como del CSIC. Pela tarde, dióse llectura a delles comunicaciones entamando cola presentada por Francisco Javier Gómez de la Universidá de Valladolid y finando con un averamientu a les Science Shops por Noelia Álvarez del Observatoriu de Cultura Científica. Na mañana d’esti miércoles amás de Nadiel Sarewitz intervinieron Emilio Muñoz, Ramón Queraltó, Ana Cuevas, Mariano Martín y Cipriano Barro del Departamentu de Filosofía de la Universidá d’Uviéu. 31 d'ochobre, 2007 0 FacebookTwitterPinterestEmail
Sociedá Yá pue tomase un café con zucre pola oficialidá del asturianu by asturnet 31 d'ochobre, 2007 El Conceyu Abiertu pola Oficialidá, organización quaxunta a más dun cientu dorganizaciones pola oficialidá del asturianu, ta acabante de sacar unos sobre de zucre con propaganda de la gran manifestación que se prepara pal próximu día 24 de payares nUviéu. Una iniciativa que quier dar a conocer la cita duna forma nueva y que ta yá distribuyéndose pelos chigres asturianos. La manifestación va salir esi día, a les 18:00 hores, de la Estación del Norte d’Uviéu col recorríu habitual hasta la Plaza de la Catedral, pero la novedá ye que se tán organizando distintes marches que lleguen a Uviéu pa xuntase toes nuna na cai Uría. Les marches van salir dende La Pola Siero, Xixón, Avilés, Trubia, Mieres y La Felguera. 31 d'ochobre, 2007 0 FacebookTwitterPinterestEmail
Sociedá La esperanza de vida de los asturianos ye de 79 años by asturnet 30 d'ochobre, 2007 La esperanza de vida al nacimientu n’Asturies aumentó en 4,95 años, pasando de los 74,81 de 1981 hasta los 79,76 del 2005, según les últimes tables de mortalidá nel nuesu país calculaes pol Institutu Nacional d’Estadística (INE) y espardíes esti llunes nun comunicáu. La esperanza de vida n’España xorreció en más de dos años ente 1995 y 2005 hasta superar los 80 años, según l’Instituto Nacional de Estadística (INE). 30 d'ochobre, 2007 0 FacebookTwitterPinterestEmail
Sociedá Más de 900 neños participen en Llanes na “Folixina del Tardíu” by asturnet 30 d'ochobre, 2007 Enantes del Festival “Llanes al Cubo”, que se cellebra na capital del conceyu durante’l primer fin de selmana de payares, los más neños tan participando dende ayeri na “Folixina del Tardíu”. L’ayuntamientu programó pa estos tres dies previos a los festeyos principales delles xeres en horariu escolar pa los escolinos de primer y segundu ciclu de primaria de tol conceyu. Ente les xeres que se vienen desendolcando estos díes destaquen los talleres de xuegos y deportes tradicionales de la cultura asturiana como carreres de sacos y tiru de cuerda y un espectáculu teatral basáu na herencia mitoloxíca asturiana 30 d'ochobre, 2007 0 FacebookTwitterPinterestEmail