Lliteratura Homenaxe en L.luarca a la escritora Mª Esther García López by asturnet 16 d'ochobre, 2005 La escritora valdesana María Esther García López va recibir esti sábadu, a partir de les siete la tarde, un homenaxe nel salón del plenos del Ayuntamientu de Valdes, en reconocimientu a la so figura como escritora y miembru correspondiente de l’Academia de la Llingua asturiana. Esti homenaxe ta organizáu pola asociación de Muyeres Valdes Sieglu XXI. La mesma entidá que dende va dos años vien convocando’l certame poeticu que lleva’l nome de la tamien escritora Nene Losada Rico, y que nesta edición, tando pendiente’l fallu del xuráu, recibió un total de 23 poemarios a concursu, dos d’ellos pa la modalidá en llingua asturiana. La presidenta de l’asociación, Aurora Valdes, comunicó qu’esti añu tienen llegao poemarios dende Cuba, l’Arxentina, Venezuela y Portugal. El xuráu del concursu fallará el premiu a finales d’esti mes. 16 d'ochobre, 2005 0 FacebookTwitterPinterestEmail
Lliteratura La Universidá remembra’l centenariu del poeta checu Vladimir Holan by asturnet 10 d'ochobre, 2005 La Universidá d’Uviéu va rendir homenaze a l’alcordanza del poeta chechu Vladimir Holan nel so centenariu con una conferencia esti martes 11 de la escritora Clara Janés y entrambes esposiciones sobre la Praga contemporánea del autor remembráu. El Vicerrectoráu d’Estensión Universitaria, conmemora’l centenariu del nacimientu de Holan con dos esposiciones, una fotográfica sobre Praga d’ Enrique Granel y otra sobre Camino a Kampa. Centenario de Vladimir Holan (1905-1980), de Clara Janes. La escritora catalana va dar una conferencia a las 19.00 hores d’esti martes 11 nel Aula Magna. La esposición fotográfica y la conmemoración del centenariu de Holan tienen como nexu a la escritora Clara Janés, autora del prólogu qu’ introduz les imáxenes de l’amuesa fotográfica sobre Praga y traductora de les obres del poeta checu. La escritora va falar de la poesía de Holan na so conferencia titulada La gruta de las palabras. 10 d'ochobre, 2005 0 FacebookTwitterPinterestEmail
Cine Profesionales del sector audiovisual y tecnolóxicu ven necesaria una Film Commission asturiana by asturnet 10 d'ochobre, 2005 Profesionales del sector tecnolóxicu y audiovisual ven necesaria la creación d’una Film Commission n’Asturies asemeyada a la qu’esiste n’otres comunidaes y que había tener como fin l’atraer rodaxes y producciones cinematográfiques a la nuestra comunidá. Una mesa redonda analizó ayer n’Uviéu les posibilidaes de la puesta en marcha d’un organismu con esos oxetivos. José Braña, presidente de l’Asociación de Realizadores y Guionistes d’Asturiee; Javier Galán, representante de l’Asociación de Productores asturianos y Joaquín Morán, xerente de la empresa ASTURNET, coincidieron nel coloquiu celebráu nel Club Prensa de La Nueva España na necesidá de puxar por un Film Commission na nuestra comunidá. Les actividaes d’esti organismu taríen enfotaes na captación de productores cinematográfiques pa que vinieren a rodar los sos trabayos a Asturies, facilitándo-yos toa clase de servicios y contactos con profesionales necesarios pa los sos llabores. Organismos asemeyaos esisten n’otres comunidaes con abondo ésitu nel puxu de les actividaes derivaes de la industria audiovisual y que valen pa favorecer el medre d’otros sectores económicos. Los profesionales aconceyaos pa falar de la posible creación d’una Film Commission n’Asturies coincidieron en que la nuestra comunidá diba beneficiase abondo de la iniciativa. Los sectores audiovisual, de nueves tecnoloxíes, de servicios y turísticu seríen los principales beneficiaos d’una iniciativa que, según apuntaron los falantes na mesa redonda, había ser privada pero con sofitu de l’administración o con participación mista. 10 d'ochobre, 2005 0 FacebookTwitterPinterestEmail
Lliteratura Publicaciones Ámbitu saca una colección de narrativa contemporánea n’asturianu by asturnet 6 d'ochobre, 2005 Publicaciones Ámbitu va distribuir dende güei, xunto col periódicu Les Noticies y por un preciu de 4 auros, l’últimu llibru de la escritora Berta Piñán, tituláu ‘La maleta al agua’. Nes prósimes selmanes van facer otro tanto les obres de Xandru Fernández, Pablo Antón Marín Estrada y Martín López-Vega. ‘La maleta al agua’ ye una colección de relatos curtios, estampes y poemes que toquen la temática de la emigración, repasando histories que van de la tenrura a lo dramático de les vides de los sos personaxes. El siguiente volume lleva por títulu ‘El nuesu mar de los Sargazos’, de Xandru Fernández, autor que ta acabante sacar, con gran esitu, ‘Les ruines’. ‘Secretos y dos sombres’ de Pablo Antón Marín Estrada ye’l terceru de los llibros de la colección. Nel, Marín Estrada axunta una riestra de relatos con una temática común: la represión y cómo supervivir a ella. P’acabar, el más mozu de los autores d’esta serie, Martín López-Vega ufierta un viaxe hacia la infancia en ‘Parte meteorolóxicu p’Arcadia y redolada’. Con ‘La maleta al agua’ de Berta Piñán, la editorial abre una colección de narrativa contemporánea asturiana cola que quier averar a los llectores a la lliteratura n’asturianu y que cuenta colos atractivos de les firmes que tán nella, por ser autores de gran calidá y prestixu, amás de pola asequibilidá del preciu col que salen a la cai. 6 d'ochobre, 2005 0 FacebookTwitterPinterestEmail
Lliteratura FNAC entama una campaña d’animación a la llectura by asturnet 5 d'ochobre, 2005 El Foru cultural de FNAC entama una campaña d’animación a la llectura coincidiendo cola publicación de la última obra de José Antonio Marina y María de Válgoma: ‘La magia de leer’. Les actividaes escomiencen esta tarde cola preentación en FNAC-Sieru de la novela ‘Antes de las doce’ de Nacho Guirado. La campaña d’animación a la llectura va conistir amás de na presentación de novedaes editoriales nel repartu de 120.000 chapes en tolos centros comerciales de FNAC cola llenda: “Terreno peligroso” en toles llingües del estáu a nun ser l’asturianu y l’aragonés. La novela que se presenta esta tarde a les 20.00 hores narra la hestoria d’un suicida y fue premiada nel certame “Ciudad de Dueñas”. 5 d'ochobre, 2005 0 FacebookTwitterPinterestEmail
Lliteratura Avilés recuerda a Malgor nel so centenariu by asturnet 4 d'ochobre, 2005 L’Ayuntamientu d’Aviles prepara un homenaxe con motivu de la conmemoración del primer centenariu del nacimientu de Jose María Malgor, tituláu ‘Jose María Malgor, cien años del meyor teatru popular asturianu’, que va tener llugar esti vienres 7 d’ochobre nel Teatru Palaciu Valdes, onde se va poner n’escena la so obra ‘Interdictu o pleitín d’aldea’, a cargu de la Compañía Asturiana de Comedies. Per otra parte, el 19 d’avientu, el Palaciu de Valdecarzana va acoyer una serie d’actividaes tamien nel marcu d’esti homenaxe que incluirán la llectura de testos de Malgor, la presentación d’una reedición antolóxica de ‘Xilimbra’ y una conferencia a cargu del miembru del Institutu Ridea, Jose Luís Campal, que va repasar la vida y obra del dramaturgu avilesín. ‘Interdicto o pleitín de aldea’, la obra que la Compañía Asturiana de Comedies va representar esti vienres nel Teatru Palaciu Valdes, ye la obra más popular de Jose María Malgor, avilesín nacíu’l 19 d’avientu de 1905 y fallecíu en 1964, dexando una obra breve pero intensa y mui popular. A Interdictu (1944) hai qu’añedir los sos otros dos grandes esitos de 1943, estrenaos nel Teatru Palaciu Valdes: ‘Capitán… yo’ y ‘Refraneru’. 4 d'ochobre, 2005 0 FacebookTwitterPinterestEmail
Lliteratura Adolfo Camilo Díaz algama’l premiu de teatru Alejandro Casona by asturnet 3 d'ochobre, 2005 La obra ‘Wulf’ del escritor Adolfo Camilo Díaz López fue la ganadora del Premiu de Teatru Alejandro Casona que concede añalmente la Conseyería de Cultura. El testu del autor avilesín alzóse penriba más d’un cientu d’orixinales presentaos al concursu. El xuráu del Alejandro Casona destacá na obra premiada que Wulf “ye una propuesta mui actual con gran sentíu del amor y grandes valores escénicos”. Carmen Bobes, Julia Martín y Joaquín Amores formaben el xuráu presidíu pol director xeneral de Promoción Cultural Carlos Madera. 3 d'ochobre, 2005 0 FacebookTwitterPinterestEmail
Lliteratura José Luis García Martín publica una nueva entrega del so diariu lliterariu by asturnet 3 d'ochobre, 2005 José Luis García Martín acaba de publicar una nueva entrega del so diariu lliterariu embaxo’l títulu ‘Sueño, fantaasmagoría’ (Pexe, 2005). L’escritor y críticu astur-estremeñu ufierta nel volume recién editáu una nueva ocasión p’adentrase nel so mundu cotidianu de sombres y esllendores, una invitación al viaxe infatigable del corazón humanu. ‘Sueño y fantasmagoría’ ye un llibru de viaxes y de reposos, un dietariu que mira hacia dientro y hacia fuera, un andar por pasaxes, una apropiación de histories robaes y una colección de vides. José Luis García Martín (Aldeanueva del Camino, 1950) ye profesor de la Universidá d’UviÉU y director de la revista Clarín. Colabora habitualmente en El Cultural, suplementu del diariu El Mundo, y n’otres publicaciones. La so obra poética, entamada en 1972, alcuéntrase reunida en Mudanza (2004). Ye autor de varies antoloxíes y estudios sobre poesía española contemporánea. En mayu de 2005 publicó una amuesa de poesía actual en llingua asturiana con motivu de la Selmana de les Lletres. 3 d'ochobre, 2005 0 FacebookTwitterPinterestEmail
Cine Preséntase’l DVD de curtios nasturianu editáu por ARDA by asturnet 3 d'ochobre, 2005 Esti miercoles, día 5, a les siete y media la tarde, presentose nel Fórum de la Fnac el DVD ‘Arda’l Curtiumetraxe. Colección de curtios asturianos. Volume 1 n’asturianu’, editáu pola Asociación de Realizadores y Directores d’Asturies (ARDA). A lo llargo del actu de presentación proyectaronse dalgunos de los curtios qu’apaecen nel DVD, pa depues facer un coloquiu sobre los mesmos. El conteníu d’esti llanzamientu ye “Lo que necesitas selo yo”, d’Ángeles Muñiz Cachón; “La neña de los mios güeyos”, de Carlos Navarro; “Xicu’l toperu”, de Gonzalo Tapia; “Imaxe accidental”, de Jose Antonio R. Maniega; “Nun val la pena conquistar la tierra”, de Jose Braña; “Malu”, de Ramón Lluís Bande; “7337”, de Sergio G. Sánchez, y “Llencería d’ocasión”, de Teresa Marcos. 3 d'ochobre, 2005 0 FacebookTwitterPinterestEmail
Cine Escomienza un ciclu de cine sobre Homero nel Aula de les Metáfores de Grao by asturnet 3 d'ochobre, 2005 L’Aula les Metáfores «Fernando Beltrán» de Grao entama mañana a les seis de la tarde, cola proyección na Casa Cultura de la película ‘Troya’, un ciclu de cine quincenal coordináu por Vicente Domínguez que lleva por títulu ‘Nel entamu fue versu: variaciones cinematográfiques sobre la Ilíada y la Odisea’. El día 19 fadráse lo propio con ‘O’Brother’ de Joel Coen, que cunta la historia d’un delincuente, Everett Ulises McGill (George Clooney) que, xunto a otros dos perdedores, embárcase na aventura de la so vida en busca de la llibertá y cola promesa de compartir un tesoru enterráu. Martin Scorsese será’l director de la obra que se pasará’l 2 de payares. ‘Jo, que noche’, desendólcase nuna nueche d’ún de los piores barrios de Nueva York. El día 16 de payares van echar la película ‘París, Texas’, de Win Wenders, basada na busca d’un home que perdió a la muyer y al fíu, y que lu lleva hasta la frontera mexicana. Y, finalmente, el ciclu sobre Homero terminará’l 14 d’avientu con ‘El retorno’, d’ Andrei Zqyagnitsev, un drama humanu rodáu nos bosques del norte de Rusia. 3 d'ochobre, 2005 0 FacebookTwitterPinterestEmail