Educación Xixón va gastar esti añu 800.000 euros en Formación y cásique un millón pa contrataciones nes ONGs by asturnet 8 de febreru, 2008 La conceyala d’Emplegu, Igualdá y Xuventú, Begoña Fernández, presentó esti xueves nel Barriu La Arena la convocatoria de dos concursos públicos con un importe total de dos millones de euros, ente los que destaca’l Plan Local de Formación, que cunta con una inversión de 800.000 euros y va promocionar acciones formatives pa desemplegaos asina como pa trabayadores con tarxeta de meyora d’emplegu. Amás de los programes del Plan de Formación, l?ayuntamientu va destinar una partida de 925.000 euros, n’ayudes a la contratación empobinaes a entidades ensin ánimo de lucru. Los contratos deberán tener una duración mínima de seis mes y como máximu un añu y empobinase namái qu’a persones desemplegaes. 8 de febreru, 2008 0 FacebookTwitterPinterestEmail
Convocatories Mujeres Xóvenes d’Asturies organiza un concursu de cuentos by asturnet 6 de febreru, 2008 L’Asociación “Mujeres Jóvenes” entamó’l concursu “Cuentanos tu propio San Valentín y San Valentina”. L’oxetivu de les organizadores ye, según informen en nota de prensa, fomentar la reflexón artística sobre la visión estereotipoada que se tiene del procesu de namoramientu. El plazu pa presentar obres fina’l 29 de febreru, el fallu del xuráu va tener llugar el 3 de marzu y la entrega de premios el 7 de marzu. Al concursu puen presentase cuentos, poesíes, canciones, pieces de teatru y cualquier tipu de narración ensín importar la estensión Los premios van ser: un fin de selmana pa dos persones nun hotel rural d’Asturies y 200 euros pa la obra ganadora y una cena pa dos persones y 100 euros pa la segunda clasificada. Los trabayos puen unviase a la dirección de correu ellectrónicu sexosinduda@hotmail.com y por correu postal o en persona na sede de l’asociación n’Uvieu (C/General Elorza, 68, 6ºB, 3300) 6 de febreru, 2008 0 FacebookTwitterPinterestEmail
Convocatories IX de Siero convoca el III certame de rellatos curtios “Valentín Palacio” by asturnet 5 de febreru, 2008 Izquierda Xunida de Siero entamó una nueva edición del certame de rellatos curtios “Valentín Palacio”, que lleva tres años cellebrándose col oxetu de da-y puxu a la creación literaria de la rexón nel terren de los temes sociales y políticos. Dende’l pasáu 26 de xineru y hasta’l 7 de marzu puen presentase obres n’asturianu y castellanu sobre temes políticos o sociales. La dotación económica del certame ye de 600 euros pa la obra ganadora y de 300 pal segundu premiu, amás de la espublización de los rellatos ganadores en diferentes medios. El fallu del xuráu, que va tar formáu por persones de reconocíu prestixu del ámbitu cultural del conceyu de Siero, va dar el so fallu el 14 d’abril coincidiendo cola cellebración del día de la República. Más información sobre les bases na web d’IX 5 de febreru, 2008 0 FacebookTwitterPinterestEmail
Educación Asturies tará presente con un stand na Expolangue de París by asturnet 2 de febreru, 2008 El gobiernu del Principáu d’Asturies promocionará la llingua asturiana nel encuentru Expolangues, que va desendolcase los prósimos días 6, 7, 8 y 9 de febreru en París. El salón internacional d’idiomes ya tuvo a Asturies con stand propiu en delles ocasiones.`p> A París, el Principáu va llevar información documental con un cartafueyu informativu, n’asturianu y tornáu al inglés, francés y alemán, y al catalán, euskera y gallego. Nesi cartafueyu desplícase l’orixen, la historia y la situación actual de la llingua asturiana y de la so producción literaria, cifrando’l númberu actual de falantes en más de 250.000. También va amosase material lliterariu n’asturianu y castellán, asina como información sobre Asturies, la so ñaturaleza y paisaxe. El stand’ va inaugurase’l día 6 a les 18 hores nel Parc Expo de París, y nel actu van tar presentes Consuelo Vega, Direutora Xeneral de Cultura, la presidenta de la Academia de la Llingua, Ana Cano, y el poeta Pablo Antón Marín Estrada, ganador del premiu de poesía Xuan María Acebal 2007. 2 de febreru, 2008 0 FacebookTwitterPinterestEmail
Convocatories El Conceyu dAyer va premiar la meyor carta damor nel so tradicional concursu lliterariu by asturnet 29 de xineru, 2008 LÁrea de Mocedá del Conceyu dAyer entama otra edición del Concursu de Cartes dAmor, que lleva yá once años celebrándose. Les cartes pueden presentase nasturianu y en castellán. Notres ediciones ganaron autores como Xabel de Cea, Estefanía Moro Montequín o Pelayo Fernández Rodríguez. El tema del concursu tien que ser daqué rellacionao col amor. La llargura máxima de la carta ye duna plana DIN-A4 escrita a máquina o a ordenador. Ha presentase por triplicao con un sobre zarráu, ensin nenguna identificación y que lleve dientro los datos del autor. Les dos modalidaes van tener de premiu caúna 500 euros y una flor. El plazu terminal 15 de marzu de 2008 y han presentase na Oficina dInformación Xuvenil dAyer (Avda. Tartiere, 32, 33670 Morea) poniendo en sobre Decimoprimer concursu de cartes damor. 29 de xineru, 2008 0 FacebookTwitterPinterestEmail
Comunicación Asturies ye la tercer comunidá autónoma que llee más prensa na rede by asturnet 29 de xineru, 2008 Según un informe que fizo públicul Ministeriu de Cultura, la Encuesta de vezos y práctiques culturales 2007, el vezu de lleer diariamente prensa dinformación xeneral na rede de redes ta bien afitáu nAsturies, siendo la tercer comunidá, dempués de Cantabria y La Rioja, con mayor porcentaxe de llectores diarios na rede. Asina, el porcentaxe de persones quacceden a les páxines Web de prensa xeneral cada día en Cantabria ye dun 11,6%, el mayor en tol estáu. Darréu ta La Rioja, col 9,3% y en tercer llugar Asturies, col 7,4%, les Islles Baleares y Navarra, dambes dos col mesmu porcentaxe quAsturies. Linforme fechu públicu pol Ministeriu Cultura da datos tamién de la frecuencia de llectura. Los asturianos que consulten les páxines de noticies unu o dos díes per selmana algamen hasta un 54%, penriba de la media estatal, que ta nun 38%, anque perbaxo del 73% ól 61% de Baleares y Madrid respectivamente. 29 de xineru, 2008 0 FacebookTwitterPinterestEmail
Convocatories Abiertul plazu papuntase a un cursu dasturianu impartíu pola Estaya de la Llingua dAvilés by asturnet 28 de xineru, 2008 El serviciu de normalización llingüística dAvilés, la conocida como Estaya de la llingua asturiana, ta acabante dabrir el plazu pa presentase a un cursu dasturianu padultos. El cursín va desenrrollase ente los díes 14 y 28 de mayu, nhorariu de tarde y con una duración de trenta hores. Les inscripciones pueden facese na sede de la Estaya de la Llingua, nos teléfonos 985510235 y 663830132 o al traviés del corréu lletrónicu estayallingua@ayto-aviles.es 28 de xineru, 2008 0 FacebookTwitterPinterestEmail
Educación La Universidá va organizar talleres de fotografía, creación de revistes y xenética pol so aniversariu by asturnet 28 de xineru, 2008 El cuatrocientos aniversariu de la fundación de la Universidá d’Uvieu va traer consigo, amás de conciertos, conferencies y esposiciones, la posibilidá de participar en tres talleres organizaos pol vicerrectoráu d’estensión universitaria coles siguyientes temátiques: creación de revistes, fotografía y xenetica. Tolos interesaos tienen hasta’l 8 de febraru p’apuntase a estes actividaes. El primeru de los tres talleres, creación de revistes, va entamar el 25 de febreru y va cuntar cola direición del diseñador Oscar Marine. “Oviedo me mata”, será una publicación cultural que naz cola famosa revista creada por Marine nos ochenta “Madrid me mata”, como referente. El cursu va durer hasta’l 28 de febreru. “El papel de la simbiosis na evolución”, segunda de les propuestes, va correr al cargu de Lynn Marguilis, catedrática de la Universidá de Massachusets ya esperta en bioquímica y xenetica. Esti cursu escomienza’l 10 de marzu y va durar hasta’l 13 del mesmu mes. Por últimu, y ya nos meses de marzu y abril (del 31 al 3), será’l turnu del taller de fotografía embaxo direición del premiu nacional de fotografía, Alberto García-Alix. 28 de xineru, 2008 0 FacebookTwitterPinterestEmail
Convocatories Les instalaciones del Gobiernu dAsturies en Madrid acueyen un cursu dasturianu by asturnet 25 de xineru, 2008 El próximu 28 de febreru va entamar un añu más el Cursu de Llingua Asturiana en Madrid, que yá fai con ésta la sétima edición del mesmu. Esti añu los cursos van tener llugar nel llar de la Delegación dAsturies en Madrid. El cursu ta coordináu por Xaviel Vilareyo y ye de baldre. Les clases presenciales, con conteníos tanto de gramática práctica como de cultura asturiana, tendrán llugar tolos xueves dendel 28 de febreru al 29 de mayu del 2008, n´horariu de 7 a 9 de la tarde. Los participantes recibirán un diploma acreditativu de 35 hores lectives. La matrícula y los materiales son dafechu de baldre y amás va apurrise abondos recursos de trabayu y llectura per internet. Papuntase al cursu nun hai más que mandar un corréu a la seña siguiente cursu@wanadoo.es Les instalaciones de la Delegación dAsturies en Madrid tán asitiaes nun edificiu con unes modernes y afayadices instalaciones allugaes na cai de Santa Cruz de Marcenado númberu 2, cerca de la parada del Metru de San Bernardo y del Centru Cultural Conde Duque. 25 de xineru, 2008 0 FacebookTwitterPinterestEmail
Convocatories Últimos díes papuntase a la Prueba de conocencia de lAcademia de la Llingua Asturiana by asturnet 23 de xineru, 2008 L’Academia de la Llingua Asturiana va zarrar mañana, xueves 24, el plazu pa matrículase na primer prueba de conocencia d’esti añu, que se celebrará’l próximu sábadu 26 de xineru. La segunda oportunidá p’algamar el diploma de conocimientu básicu del asturianu a nivel 1 va facese en mayu. La prueba va tener dos partes, una escrita (dictáu, torna, exercicios gramaticales, redaición) y otra falada (conversación) na que se van valorar los conocimientos gramaticales, d’espresión escrita y oral asina como la conocencia del allugamientu de la llingua dientro de la sociedá asturiana y del procesu de normalización en que ta inxerta. Na web de l’ALLA hai más información sobre la prueba y sobre la bibliografía necesaria pa preparar esti esamen, ente ella la Gramática de la Llingua Asturiana y les Normes ortográfiques espublizaes pola institución. 23 de xineru, 2008 0 FacebookTwitterPinterestEmail