Educación Dellos cientos d’asturianos aconceyáronse na Escandalera pa siguir la clas d’asturianu de la Xunta by asturnet 16 de febreru, 2008 La Xunta pola Defensa de la Llingua dió esti sábadu 16 de Febreru a les 13 hores una clas n’asturianu na Plaza La Escandalera d’Uviéu. Con esta inciativa al aire llibre, la Xunta quier denunciar les munches irregularidaes que se tan cometiendo por parte del executivu del Principáu cola enseñanza de la llingua na rede educativa d’Asturies. La Xunta reclamaba asina al gobiernu midíes coherentes pa que se cumplan les lleis y normatives vixentes. La clas na Escandalera foi abierta pa tol públicu que quiso dir y cuntó con un mayestru d’asturianu pa deprender nociones básiques del idioma, dalgo, que según XPDL “deberie facese en toles escueles”. Na clas participaron tamién voluntarios qu’entrugaron por cosadielles al públicu asistente. La Xunta pola Defensa de la Llingua Asturiana quiso facer con esta iniciativa un llamáu a tola comunidá escolar, a los falantes y tou aquel que vive o trabaya nAsturies pa que participara na movilización y dexara con ella nidia la so postura favoratible a que fine la discriminación colos asturfalantes. 16 de febreru, 2008 0 FacebookTwitterPinterestEmail
Convocatories Trabe celebra güei la reapertura de la so Llibrería Asturiana con un vinu by asturnet 15 de febreru, 2008 La editorial Trabe, que cambió de manes apocayá, ta acabante de rematar les reformes sobre la so Llibrería Asturiana, asitiada na Cai Padre Buenaventura de Paredes 4, n’Uviéu. Pa festexar la reapertura del negociu, güei vienres a les siete y media la tarde convida a un vinu a los veceros que s’acerquen pola celebración. 15 de febreru, 2008 0 FacebookTwitterPinterestEmail
Comunicación Alberto Álvarez Peña estrena programa nasturianu en Tele Xixón by asturnet 14 de febreru, 2008 Va dellos meses que Xurde Morán dexó Televisión Llocal Xixón y el so esitosu programa Caminos y rondas pa presentar unu asemeyáu, Landariegu en Canal10, la televisión dEl Comercio. La esitosa esperiencia de la programación nasturianu nesta canal, na que collaboraron tamién nel so tiempu persones como Chema Vega o Inaciu Galán, fizo que la canal tuviere nestos meses a la gueta dun nuevu programa nasturianu. La nueva propuesta ye Marabayu, un programa al cargu dAlberto Álvarez Peña nel que va poder vese un repás selmanal a dellos aspectos de la cultura y la llingua asturiana. El programa va estrenasel martes que vien, día 19 de febreru, a les siete y media la tarde y pue siguise pela televisión o ninterné, na páxina www.tlg.es Na mesma canal emítese una axenda diaria nasturianu y una sección dientro’l programa Toma Nota, titulada Tócame algo, dedicada a los instrumentos tradicionales y presentada pol músicu Daniel García de la Cuesta. 14 de febreru, 2008 0 FacebookTwitterPinterestEmail
Convocatories L’Ayuntamientu de Ribeseya organiza un premiu de cuentu eróticu n’asturianu by asturnet 13 de febreru, 2008 La conceyalía de Cultura del Ayuntamientu de Ribeseya ta acabante d’abril el plazu de presentación de obres al primer premiu de cuentu eróticu n’asturianu. “Arbidel”. Esti certame va ser el primeru en llingua asturiana que se fai nel conceyu y garra’l nome del poema postumu de Pin de Pria, “La fonte’l cai”. El plazu d’entrega de los cuentos (que tienen qu’unviase al Ayuntamientu de la llocalidá) fina’l 15 d’abril y los premios van ser de 1000 euros pal ganador y 300 pal segundu. 13 de febreru, 2008 0 FacebookTwitterPinterestEmail
Educación Yvonne Timoianu y Alexander Preda ufren un conciertu na Casa Cultura d’Avilés by asturnet 13 de febreru, 2008 Yvonne Timoianu y Alexander Preda, violonchelista y pianista, formen el Dúu Salzburg, y van tar tocando esti miercoles 13 de febreru nel auditoriu de la Casa la Cultura d’Aviles. Nesti recital organizáu pola sociedá Filarmónica Avilesina, que tien la hora d’entamu prevista pa les 20:15 hores, esta pareya de musicos rumanos van facer un repás a obres como la “Sonata númberu 6 en La Mayor” de Boccherini, el “Gran dúu en La Mayor Op. 162” de Schubert y la “Sonata nu. 2 Op. 99 en Fa Mayor” de Brahms. 13 de febreru, 2008 0 FacebookTwitterPinterestEmail
Educación SUATEA denuncia la oferta d’emplegu públicu d’Educación by asturnet 13 de febreru, 2008 SUATEA denuncia nun comunicáu asoleyáu esti día la propuesta d’emplegu público que se presentaba esti martes na Mesa Xeneral de la Función Pública, “cola ausencia de los llexítimos representantes del profesoráu”. La escasa oferta, nun momentu nel que vaa tar en vigor durante dos convocatories un sistema d’acceso transitoriu ye pa SUATEA un verdaderu insultu pal profesoráu interinu asturianu y pala escuela pública. Según denuncia SUATEA, na mayoría de les Comunidaes, la ufierta d’emplegu d’esti añu, teniendo en cuenta’l sistema d’accesu transitoriu, va ser mui amplia: en Castilla-La Mancha van convocase 1566 places, n’Andalucía más de 8142 y n’Asturies namái que 170 plazas en total y ensin superan les diez places en denguna especialidá. 13 de febreru, 2008 0 FacebookTwitterPinterestEmail
Comunicación La programación n’asturianu sigue batiendo records y superando a la programación en castellán de la TPA by asturnet 12 de febreru, 2008 El programa n’asturianu de TPA “Camín de cantares” algamó un récor d’audiencia’l pasáu sábadu ente les 12.55 y les 13.29 hores, al tener una audiencia media de 28.000 espectadores, con un 30,2% de share, cifra cola que TPA encabezó esti horariu y asitióse como la televisión más vista, per delantre de les cadenes nacionales y llocales. L’espaciu, presentáu por Xoxé Ambás y protagonizáu nesta edición por Adolfina y Piro, del valle de Somiedu, ye parte de la programación n’asturianu de la TPA que s’emite los sábados y que completa el espaciu “Nós” de 10 minutos que precede a “Camín de Cantares”. TPA algamó otru nuevu máximu a continuación col programa de caza, ‘Al acecho’, que siguieron una media de 24.000 espectadores, un 23,3% de share. La primera edición de TPA Noticies del sábadu algamó’l so récor de programa nesi día al congregar a 34.000 televidentes y algamar una cuota media del 18,2%, según informó l’ente de comunicación al traviés d’una nota prensa. 12 de febreru, 2008 0 FacebookTwitterPinterestEmail
Educación Sigue abiertul plazu papuntase al sétimu cursu d’asturianu en Madrid by asturnet 11 de febreru, 2008 El sétimu cursu dasturianu en Madrid, questi añu va facese nel llar de la Delegación d’Asturies en Madrid, va entamar el 28 de febreru d’esti mesmu mes, asitiaes na cai Santa Cruz de Marcenado, númberu 2, cerca de la salida del Metru de San Bernardo y del Centru Cultural Conde Duque. El plazu sigue abiertu y p’apuntase hai que ponese en contautu al traviés del siguiente corréu: cursu@wanadoo.es Les clases van tener un calter presencial, desarrollándose dende’l 28 de febreru al 29 de mayu n’horariu de 7 a 9 de la tarde. Los participantes van recibir un diploma onde s’acrediten les 35 hores llectives, amás de los materiales y recursos de trabayu propios del cursu. 11 de febreru, 2008 0 FacebookTwitterPinterestEmail
Comunicación Mª Luz Pontón entrevista a Helena Trexu en Localia by asturnet 8 de febreru, 2008 La presentadora del programa infantil La tele de los escolinos, emitíu en Localia televisión, entrevista esti sábadu a les trés de la tarde, a la escritora y cuentacuentos Helena Trexu. El programa va repitisel domingu a la mesma hora. 8 de febreru, 2008 0 FacebookTwitterPinterestEmail
Comunicación Un 119% de los blogues dAsturies escríbense nasturianu by asturnet 8 de febreru, 2008 Un estudiu sobre lusu de los blogues nel estáu español que ta acabante despublizase y que fizo Alianzo, amuesa quAsturies ye una de les comunidaes con mayor númberu de bloguers, superando la media estatal y con Aragón y Madrid como úniques comunidaes autónomes per delantre. Otru de los datos quamuesa esti estudiu ye que l881% de los blogues asturianos tán redactaos en castellán, mientres quel restu, tán redactaos nasturianu. Estes cifres amuesen, que magar de lo minoritario del asturianu na rede de redes, la presencia del asturianu nos blogues nun ye despreciable, con blogues dactualidá, política, música, educación, lliteratura, cine, ciudaes, los fotoblogues y blogues personales ente otros. Esta bayurosa presencia yá samosó va meses cuando los encargaos de munchos de los blogues nasturianu entamaron un alcuentru de blogueros cola idea dentamar nun futuru cercanu una Xunta de Blogueros Asturianos. 8 de febreru, 2008 0 FacebookTwitterPinterestEmail