Cine Cultura presentó’l premiu “Nuevos Realizadores del Principáu d’Asturies 2007” by asturnet 22 d'ochobre, 2007 El director del Institutu Asturianu de la Mocedá, Guillermo Martínez Suárez presentó ayeri’l premiu “Nuevos Realizadores del Principáu d’Asturies 2007” empobináu a favorecer la producción de curtiometraxes nel Principáu d’Asturies. El premio parte con una dotación en premios de 26.000 euros pal anador y 14.000 pal segundu clasificáu. “Dende l’entamu vamos siguir trabayando nel apoyu a los nuevos realizadores”, manifestó’l responsable del Institutu Asturianu de la Mocedá. Guillermo Martínez tambien adelantó que nos próximos díes la conseyera de Cultura va presentar el calendariu de la Film Comission: el muerganu que va velar por favorecer el rodaje de productos audiovisuales n’Asturies. El plazu pa presentar les obres al concursu fina’l 30 d’ochobre siendo necesariu que los curtios nun superen los 25 minutos de duración que los realizadores nun se presentaren previamente a esti galardón. El xuráu va pronunciar el fallu sobre’l ganador durante la cellebración del Festival de Cine de Xixón. 22 d'ochobre, 2007 0 FacebookTwitterPinterestEmail
Cine El Centru Municipal de L’Arena acueye un ciclu de cine sobre la saga Bond by asturnet 22 d'ochobre, 2007 A partir de les 19:30 hores nel Centru Municipal Integráu de L’Arena en Xixón va entamar un ciclu de cine que repasa toles entregues de la saga Bond. Pa la primer sesión ta programada la proyeción de la cinta El Agente 007 contra el Dr. No que cunta cola interpretación de Sean Connery. “El Agente 007 contra el Dr. No” dirixida en 1962 por Terence Young supuso la primer adpatación cinematográfica de la serie Bond de Ian Fleming. Nel film James Bond viaxa a Jamaica, pa investigar la muerte del axente John Strangways. Esti muerre víctima de los secuaces del Dr. No, un científicu chinu que vive nuna fortaleza na isla de Crab Key y que trama acabar col programa espacial norteamericanu. 22 d'ochobre, 2007 0 FacebookTwitterPinterestEmail
Cine La película “Tierra y Libertad” de Ken Loach pue vese na Biblioteca d’Uviéu by asturnet 22 d'ochobre, 2007 “Tierra y Libertad” de Ken Loach, un de los directores emblemáticos del cine social d’anguañu, va ser la película que la filmoteca d’Asturies va proyectar nel ciclu “Los martes de la Filmoteca”. La sesión va entamar a partir de les 19:00 hores nos locales de la Biblioteca d’Asturies (Plaza Daoiz y Velarde, 11 Uvieu). Con “Tierra Libertad” Ken Loach algamó un de los sos mayores esitos de crítica col gallardón Felix a la meyor película europea. La cinta cunta la historia d’un xoven comunista que viaxa dende Liverpool pa sumase a la llucha escontra’l fascismu nel entamu de la Guerra Civil española. 22 d'ochobre, 2007 0 FacebookTwitterPinterestEmail
Educación SUATEA solventa la discriminación en Pando y La Llaboral by asturnet 22 d'ochobre, 2007 Dende SUATEA tan acabante de difundir una nota de prensa esti martes na que ponen na conocencia de tola sociedá que “gracies a les presiones feches ente toos, salgamó la creación de estos dos grupos dasturianu que nun se formaren al entamar el cursu incumpliendo gravemente la Llei dUsu”. SUATEA anima a que “tola Comunidá Educativa (mayestros, escolinos, asociación de mas y pas) y toles instituciones y coleutivos sigan denunciando tolos casos de discriminación llingüística: ye la única mena que tenemos de que se respeten los nuesos derechos.Nos vixilaremos el cumplimientu de la Llei dUsu. Asina mesmo, SUATEA considera que “la oficialidá del asturianu y del gallego-asturiano tien que contemplase na reforma del Estatutu dAutonomía porque la Llei d’Usu ye insuficiente pa dar seguranza del respetu a los derechos llingüísticos de los ciudadanos d’Asturies. Mentanto, caltenemos les nueses postures y siguimos pidiendo les midíes urxentes que vienen darréu: Mesa de negociación cola Conseyería dEducación pa tratar: la precariedá llaboral del profesoráu, ratios, desdobles, inmediata apertura de la bolsa de Gallego-Asturiano Incorporación de la enseñanza de la Llingua Asturiana nel Currículu dInfantil.” 22 d'ochobre, 2007 0 FacebookTwitterPinterestEmail
Cine “Plumas de caballo” pue vese nel Teatru Filarmónica d’Uviéu by asturnet 21 d'ochobre, 2007 Continua’l ciclu de proyecciones “El Mundo de Groucho Marx” nel Teatru Filarmónica d’Uvieu nesti mes d’ochobre col pase de la película “Plumas de caballo” (Horse Feathers), dirixida en 1932 pol Norman Z. Mc Leod y protagonizada polos Hermanos Marx. La proyección entama a les 19:30 hores y la entrada ye de baldre hasta completar l’aforu. “Plumas de caballo ” ye un sátira de los Hnos Marx sobre la vida universitaria. Groucho fai’l papel de director de la universidá Huxley na que’l so fíu, interpretáu por Zeppo, ye un estrella del fútbol americanu. Escasu argumentu pero una acción verbal trepidantnte marca de la casa ye lo que muestra esta comedia de los Marx. 21 d'ochobre, 2007 0 FacebookTwitterPinterestEmail
Cine La FNAC acueye durante la selmana un ciclu sobre’l cineasta Quentin Tarantino by asturnet 21 d'ochobre, 2007 El reconocíu cinefilu Tono va presentar na FNAC de Siero el ciclu de cine sobre Quentin Tarantino que va centrar la selmana nos actos culturales del local. L’actu va entamar a les 19:00 hores cola proyección en versión orixinal subtitulada de la cinta “Pulp Fiction” Dende güei y hasta’l prosimo xueves el ciclu aborda una parte representativa de la filmografía del diractor norteamericanu cola esibición de “Jackie Brown2, y los dos volumenes de la obra “Kill Bill”. Toles películes van proyectase en versión orixinal subtitulada. 21 d'ochobre, 2007 0 FacebookTwitterPinterestEmail
Cine “Solas” de Benito Zambrano inaugura el X Festival de curtios “Aula 18” by asturnet 21 d'ochobre, 2007 A partir de les 19:30 hores nel Teatru Municipal de Samartín del Rei Aureliu va entamar el Certame Internacional de Cortometraxes Aula 18, qu’esti añu cellebra la decima edición. La cinta “Solas” de Benito Zambrano, protagonizada pol llangreanu Carlos Álvarez Novoa, ye la obra encargada d’abrir el programa de proyecciones d’esti ciclu pal que se presentaron un total de 397 curtios. 37 de les cintes tan filmaes nel Principáu d’Asturies. Hasta el prsximo día 30 d’ochobre, van proyectase les obres en varios establecimientos de tola rexón asina como nel teatru de El Entrego, que va ser sede de l’apertura y cierre del ciclu y la xornada de proyección de los curtios asturianos. 21 d'ochobre, 2007 0 FacebookTwitterPinterestEmail
Cine Lluis Antón González entrevistáu na Cadena Ser pola so participación n’El Orfanato by asturnet 19 d'ochobre, 2007 La película ‘El Orfanato’ ta agora na carrera a los Oscar y llama latención la participación de dalgunos actores asturianos, comol perconocíu Lluis Antón González. Precisamente a esti últimu va entrevistalu Inaciu Galán nel espaciu Falando dAsturies de la Cadena Ser, güei sábadu a partir de la una la tarde. Una entrevista na que va cuntar detalles del rodaxe de la película del momentu y de la so participación na mesma. 19 d'ochobre, 2007 0 FacebookTwitterPinterestEmail
Cine El Orfanato, grabada nAsturies y con guión dun asturianu conviértese nun ésitu by asturnet 18 d'ochobre, 2007 La película El Orfanato, rodada nAsturies y con guión del asturianu Sergio Sánchez, autor del curtíu nasturianu 7337, yá recaudó 5,9 millones deuros, lo que la convierte na película española más taquillera nel so estrenu de 2007, y la segunda de la hestoria, dempués de Torrente 3″. La película ta agora na carrera a los Oscar y llama latención la participación de dalgunos actores asturianos, comol perconocíu Lluis Antón González. Precisamente a esti últimu va entrevistalu Inaciu Galán nel espaciu Falando dAsturies de la Cadena Ser, esti sábadu a partir de la una la tarde. Una entrevista na que va cuntar detalles del rodaxe de la película del momentu y de la so participación na mesma. 18 d'ochobre, 2007 0 FacebookTwitterPinterestEmail
Cine El centru municipal de El Llano proyecta “La verdad sobre el caso Savolta” by asturnet 18 d'ochobre, 2007 A partir de les 19:0 hores el centru munipal de El Llano en Xixón va acoyer la proyección de la película “La verdad sobre el caso Savolta” dirixida en 1978 por Antonio Drove n’adaptación de la novele homónima d’Eduardo Mendoza. Le entrada ye de baldre hasta completar l’aforu. “La verdad sobre el caso Savolta” cunta cola interpretación de Jose Luis López Vazquez y narra les lluches ente los trabayadores anarquistes y los dueños d’una ábrica d’armes. 18 d'ochobre, 2007 0 FacebookTwitterPinterestEmail