Música La Orquesta Sinfónica Moza del Principáu toca en La Felguera y en Xixón by asturnet 9 d'ochobre, 2007 Obres de Rosaura, Debussy, Werner Thärichen componen la ufierta que trae la Orquesta Sinfónica Moza del Principáu d’Asturies pal conciertu que va dar esta nueche en Xixón. La cita va ser nel Teatru Xovellanos de Xixón a les 20:30 hores. Embaxo la dirección del ucraniu Yuri Nasushkin y xunto cola percusionista Eva Perez Díaz (marimba y timbales) van interpretar Prelude Nº 1, E minor de Rosaura; Dr. Gradus ad Parnassum de Debussy; Conciertu pa 5 timbales y orquesta, Op. 34 de Thärichen y Sinfonía Nº 6 Op. 74 de Tchaikowsky. La Orquesta Sinfónica Moza del Principáu d’Asturies tien por oxetivo el preparar a los xóvenes músicos afincaos n’Asturies pa favorecer la so entrada nel mercáu profesional. Hasta’ momentu más de 250 músicos completaron la so educación musical nesta formación. Durante siete años d’esistencia la orquesta participó en dellos festivales internacionales como lo de Valencia, Murcia, Segovia, Asturies, Rioja. Nel añu 2004 la Orquesta alagamó un notable esitu nel Festival “Young Euro Classic” en Berlín. 9 d'ochobre, 2007 0 FacebookTwitterPinterestEmail
Música La “buola” d’Ambás protagoniza un discu by asturnet 9 d'ochobre, 2007 Esti sábadu día 13 preséntase n’Ambás, Grau, l’octavu discu de la serie “Fontes sonores de la música tradicional asturiana” del archivu de la música tradicional del Muséu del Pueblu d’Asturies, que tien como protagonista a Celestina ca Sanchu d’Ambás, d’ochenta y cinco años, que ye la “buola” del conocíu músicu, etnógrafu y presentador televisivu XOsé Ambás. El discu preseta un repertoriu de 32 temes vocales au apaecen dances, la ronda, la jota, la muñeira, el cantar de boda, cantares de ñeños y un llargu ecétera de cancios de los que la mayoría son sones pa la danza. Ambás canta dellos estribillos y delles cuartetes chando-y un gavitu nel discu que va presentase’l sábadu qu’entra dia 13 a las 13 hores n’Ambás. Va ser un homenaxe a Celestina au nun va faltar “bon queisu, pan ya vinu’l País”. Tampocu va faltar la música tradicional de tolos convidaos que lleven l’instrumentu ya de xuru que Celestina tamién chará unas cantaruxadas. 9 d'ochobre, 2007 0 FacebookTwitterPinterestEmail
Música Mestura presenten el so debú discográficu en Xixón by asturnet 9 d'ochobre, 2007 A les 19:30 hores na sala Ámbitu Cultural de El Corte Ingles, nel centru comercial Cosrta Verde de Xixón, el duu Mestura presenta’l so discu de debó tituláu “Agua del Norte”. Mestura ye una pareya de músicos asturian formada por Marisa López, a la voz y Luis Suárez, a les guitarres y la voz. “Agua del Norte” ta compuestu por cancios en n’asturianu, gallego-asturianu, castellanu y portugues pero siempre de cantares orixinales compuestos por ellos menos tanto en música como en lletra. Pop, fado y canción d’autor son les influencies más apreciables na estrena del grupu asturianu. 9 d'ochobre, 2007 0 FacebookTwitterPinterestEmail
Música Fabio Miano trae’l so jazz al Centru de Cultura Antiguu Institutu by asturnet 9 d'ochobre, 2007 Temes del jazz más clasicu e influencies de Thelonius Monk o Duke Ellington xunxo con composiciones orixinales son les señes d’identidá de Fabio Miano Trío, proyectu del pianista valencianu Fabio Miano qu’esta nueche van poder disfrutar los asistentes a la so actuación nel Centru de Cultura Antiguu Institutu de Xixón a les 20:00 hores con entrada llibre. Miano ye un de los músicos de jazz más reputaos d’españa y un de los artistes nacionales del estilu que ta algamando mayor reconocimientu nel circuitu internacional. Va actuar en Xixón, con entrada llibre, acompañáu del baxista Luis Llarío bajo y Esteve Pi, a la batería. 9 d'ochobre, 2007 0 FacebookTwitterPinterestEmail
ConvocatoriesFiestes El cómic n’asturianu tien abiertu’l plazu pal concursu Comarca la Sidra by asturnet 9 d'ochobre, 2007 La Comarca de la Sidra, al travies del so programa ‘Creación’ y afalada pol Serviciu de Normalización Llingüística y el Serviciu de la Mocedá. Mancomunidá Comarca de la Sidra tien abiertu’l plazu pal V Concursu de cómic n’asturianu hasta’l 15 de payares viniente. El concursu inxertase dientro’l programa de promoción artística y d’una manera tresversal en Programa de Normalización del usu del Asturianu de la Mancomunidá de la Comarca la Sidra empobináu a la mocedá, al ser el cómic una espresión artística cercana al llector mozu. Dempues de les cuatro ediciones anteriores onde se vieron trabayos de calidá estraordinaria, la convocatoria d’esti añu respuende a los mesmos criterios: escritos n’asturianu, temática llibre, autores mayores de 14 años de cualesquier orixe y unos premios que van de los 200 euros de los dos accesit al premiu primeru de 500 euros, amás del espublizamientu de les meyores hestorietes presentaes. El concursu incluye una categoría paralela d’ellaboración de Tires Cómiques empobinada a escolinos d’enseñanza primaria y secundaria de los distintos centros educativos de la Comarca de la Sidra, onde los participantes tienen d’ellaborar una tira con una estensión máxima de cinco viñetes. Nesti casu los premios van ser de material didáuticu, deportivu y d’esparcimientu pa los tres meyores trabayos de les distintes modalidaes. El plazu de presentación de los trabayos tanto na categoría de Cómic pa mayores de 14 años, como la de Tires Cómiques pa escolinosos acaba’l 15 de payares. Dempues va facese con toles obres presentaes una esposición itinerante pelos diferentes centros culturales de la Comarca de la Sidra, asina como por dellos espacios culturales asturianos. Bases completes 9 d'ochobre, 2007 0 FacebookTwitterPinterestEmail
Música Darréu sacal discu Asturies nun escaez 1934-2007 by asturnet 8 d'ochobre, 2007 Ta acabante de salir a la venta un nuevu disco reivindicativu. La mocedá venceyada a la formación Andecha Astur presentó nel Día de la Mocedá Revolucionario el discu Asturies nun escaez. 1934-2007, quaxunta a tolos grupos que participaron hasta agora nos conciertos Asturies Nun Escaez, organizaos primero por Andecha Mocedá y dempués pol so continuador Darréu. Venti grupos enllenen los 80 minutos de musica con temes cedíos de 13 grupos asturianos que van dende Escuela de Odio, Mala Reputación, Skontra, Avientu, Narba, K-Nalón, Dixebra, Intolerante, Oi! NAst, Skama la Rede, Testimoniu la Viztima, Sendero Luminoso o La Tarrancha, a los que se sumen 7 grupos punteros dotros países, como Habeas Corpus, Betagarri, Skalariak, Koma, Etsaiak, Sociedad Alkholika y Obrint Pas. El discu Asturies nun escaez incluí un inéditu dEscuela de Odio quabrel compilatoriu Los de Siempre. Esti compilatoriu tien un preciu de 10. 8 d'ochobre, 2007 0 FacebookTwitterPinterestEmail
Música Xixón agospia una nuev edición del Festival de Tonada d’AICA by asturnet 7 d'ochobre, 2007 El Centru Municipal Integráu de Pumarín Xixón Sur va agospiar dende’l 8 d’ochobre una nueva edición del Festival de Tonada nel que van actuar Jose Manuel Robledo “Lolo” y Carmen Camporro Palicio, col acompañamientu a la gaita d’Óscar Fernández González. L’eventu ta organizáu pol Conceyu de Xixón y l’Asociación d’Interpretes de Canción Asturiana (AICA). L’actu de presentación del festival va entamar esta tarde a les 19:30 hores nel Centru Municipal Integráu de Pumarín Xixón Sur y va tar presentáu por Julio Cesar Baragaño. Amás de tonada. El programa va tar completáu por una representación a cargu del grupu Rosario Trabanco. A partir del xueves 11 continuen los actos cola actuación de Jose García “El Che de Cabaños”, Nori Redondo Sobero y Damián Blanco Carrio, con Jose Fernández “Pepe Peñanes” a la gaita. 7 d'ochobre, 2007 0 FacebookTwitterPinterestEmail
Música Los rockeros suecos Sewergrooves presenten el so nuevu discu en Xixón by asturnet 7 d'ochobre, 2007 La banda sueca Sewergrooves tan de xira por toda la península presentando’l so nuevu trabayu ” Rock n’Roll receiver” y la prósima parada van facela en Xixón esta nueche. El conciertu va entamar a les 22:00 hores na sala Nuevo Savoy Club (Pelayo, 2) con entraes a la venta al preciu de 10 euros. Sewergrooves nació na decada los años 90 en Suecia como proyectu alternativu de una de les formaciones de rock más famoses del país: Hellacopters. Con Rock ‘n’ roll receiver ya sumen cinco discos a les espaldes embaxo la mesma fórmula; rock and roll clásicu na llínia d’artistes como los Sonics, Radio Birdman o The Stooges. 7 d'ochobre, 2007 0 FacebookTwitterPinterestEmail
Música Los portugueses Brigada Victor Jara homenaxearon al Che nel Xovellanos by asturnet 6 d'ochobre, 2007 La ONG Sodepaz Pachakuti organizó’ un conciertu homenaxe al Che Guevara, nel 40ª aniversariu de la so muerte, nel que participó la banda folk portuguesa Brigada Víctor Jara. L’actuación entamó a les 20:30 hores nel Teatru Xovellanos de Xixón. Brigada Víctor Jara lleven dende 1975 investigando los oríxenes de la música popular y tradicional portuguesa y la so reinterpretación. Durante esti tiempo editaron nueve trabayos discográficos ente ellos “Ceia Louca”: el so último discu fecháu en 2006. Los miembros de Brigada Victor Jara son naturales de Coimbra y entamaron a collaborar durante la revolucion de los claveles de Portugal. 6 d'ochobre, 2007 0 FacebookTwitterPinterestEmail
Música Empecipien los octavos Alcuentros Tradicionales de Trebolgu nel Parque del Oeste dUviéu by asturnet 5 d'ochobre, 2007 Estos díes 5 y 6 dochobre tan celebrándose nUviéu los octavos Alcuentros Tradicionales de Trebolgu, que van celebrase nel Parque del Oeste dUviéu y que quieren acercar a los grupos y músicos más representativos del momentu y dalgunos cursos musicales. El vienres 5 a les 17 hores celebráronse unes clases maxistrales de curdión de botonera, impartíes por Alain Pennec. Yá pa güei sábadu, a les diez de la mañana, va celebrase la segunda xornada desti cursu y a les doce la mañana lanimación de bandines. A les nueve la nueche va entamar el Festival Folklóricu y a les once la Nueche Folk van tocar Alain Pennec, Ciquitrinos y Dixebra.< /p> 5 d'ochobre, 2007 0 FacebookTwitterPinterestEmail