Sociedá L’Agrupación Municipal Socialista d’Uviéu aprueba la candidatura pa les prósimes elecciones municipales. by asturnet 12 de febreru, 2007 La candidatura encabezada, pola actual Directora Xeneral de Formación Profesional del Gobiernu d’Asturies, Paloma Sainz lleva como númeru dos al Secretariu Xeneral de los socialistes uveínos, Alfredo Carreño. La candidatura de Sainz recibió cerca d’un 80% de los votos de los afiliaos socialistes carbayones. La llista, en pallabres d’afiliaos socialistes, representa a les corrientes socialistes de la capital del país, “axuntándoles alredor d’una candidata que recuperará l’alcaldía d’Uviéu”. La candidata socialista entamó la so campaña col llanzamientu d’un blog nel qu’amuesa les sos impresiones sobre los más diversos temes, venceyaos a la política municipal, asina como nos que s’ufren les sos visites y participaciones nos actos nos que vien participando dende la so proclamación como candidata. L’aparición d’esti espaciu personal de Paloma Sainz fizo que l’alcalde d’Uviéu, Gabino de Lorenzo, publicare la so páxina personal. Cola aprobación por parte de l’agrupación socialista d’Uviéu de la candidatura de Paloma Sainz se pesllen les candidatures de los partíos con representación na Casa Conceyu de la capital asturiana. Pel llau del Partíu Popular, actualmente nel gobiernu, Gabino de Lorenzo repetirá con una llista na que destaca la presencia del empresariu asturianista Xosé Suárez Arias-Cachero “Felechosa, na que tamién participa l’antiguu conceyal socialista Alberto Mortera. L’agrupación uvieína d’Izquierda Xunida volverá a presentar a los actuales conceyales Roberto Sánchez Ramos y a Celso Miranda como cabeces de llista a l’alcaldía d’Uviéu, a la espera de ratificar la candidatura énte la posibilidá d’aliances con otres fuerces polítiques que podríen modificar la llista del grupu d’izquierdes. 12 de febreru, 2007 0 FacebookTwitterPinterestEmail
Sociedá El Conseyu de la Mocedá de Xixón organiza un viaxe a Arco 2007 by asturnet 10 de febreru, 2007 El viaxe a la Feria Internacional de Arte Contemporáneo de Madrid fadrase’l sábadu 17 y el domingu 18 de Febreru. El preciu d’esta inciativa del Conseyu ye de 100 euros e inclúi: viaxe d’ida y vuelta en bus, desplazamientu al recintu ferial del IFEMA, aloxamientu y desayunu buffet y habitación doble nel Hotel Jardín Metropolitano (c/Reina Victoria 12, Madrid) El bus va salir a les 8 hores del sábado 17 de Febreru de la Plaza San Miguel de Xixón. Tolos interesaos pueden inscribise y pidir más información na sede del Conseyu de la Mocedá de Xixón, na cai Manuel Llaneza 68 de Xixón y nel telefonu 985 15 50 72. 10 de febreru, 2007 0 FacebookTwitterPinterestEmail
Sociedá La Mancomunidá de la Sidra promocionará la llingua asturiana na hostelería y el comerciu by asturnet 10 de febreru, 2007 La campaña ta fecha en collaboración cola Conseyería de Cultura, Comunicación Social y Turismu y los diferentes conceyos y mancomunidaes qu’integren la Rede de Normalización Llingüística. Durante esti mes de Febreru van repartise nos llocales de los conceyos de la comerca dos campañes de promoción de la llingua asturiana, una empobinada al sector hosteleru y otra al comerciu. Los hosteleros y comerciantes participantes van reciibir: pegatines col lema “equí tas en casa”, elementos publicitarios como manteles y rótulos informativos násturianu, y un cd col software pa la xeneración personalizada de cartes de platos y menús pa establecimientos hoteleros. Esta distribución va completase con una campaña nos distintos medios de comunicación. Esta campaña tien l’obxetivu caberu de favorecer l’emplegu da la llingua asturiana en tolos establecimientos que lo deseen teniendo en cuenta que ye un de los sectores onde se caltien de manera más viva l’usu de l’asturianu. Pal comerciu caltendranse l’antigua campaña y amás va distribuise material nuevu. Eesti material consiste en cartelos pa les carniceríes, pescaderíes y fruteríes colos nomes de los productos n’asturianu. Los materiales d’estes campañes van repartise dende esta mesma selmana. 10 de febreru, 2007 0 FacebookTwitterPinterestEmail
Sociedá Aconceyamientu de Xuristes pol Asturianu denuncia la discriminación del asturianu na Constitución Española by asturnet 6 de febreru, 2007 AXA asoleyó les conclusiones del so estudiu sobre la situación xurídica del asturianu, nun coloquiu cellebráu ayeri nel Club de Prensa Asturiana d’Uvieu. El secretariu de la entidá Xurde Blanco, calificó como “desacatu constitucional” el tratu que, dende les instituciones se fai del asturianu, por mor d’una interpretación restrictiva de los artículos 3.2 y 3.3 de la constitución española. Cola reforma estatutaria a puntu d’entamar, la espublización d’esti “Dictame Xurídicu sobre’l conflictu llingïsticu n’asturies” cobra mayor importancia. Nesti sentir Xurde Blanco espresó’l so deseu de que la prósima reforma del Estatutu “fine con un cuartu de sieglu de clara discriminación política pa tolos asturianos”. Tamien afirmó qu’algamar la reconocencia de la cooficialidá del asturianu ye cosa del determín del poder políticu, que tien qu’acatar dafechu lo que manda la Constitución al respeutu. La Constitución (nos artículos 3.3 y 46) y la Carta Europea de le Llingües Minoritaries declaren, que los poderes públicos tienen el deber de protexer toles llingües españoles garantizando el derechu a recibir una enseñanza na llingüa propia, el emplegu de la mesma nos testos llegales, la igua d’una radiotelevisión y la redaición de les instrucciones de seguridá y información ne llingüa rexonal. Según l’AXA los más d’estos derechos incúmplense sistematicamente nel casu del asturianu. Amás l’AXA denunció la interpretación anticonstitucional que los poderes públicos dan al artículu 3.2 de la Constitución que lo que braeramente fai ye “instaurar la cooficialidá del catalán y toles llingües españoles” y delegar nos distintos Estatutios d’Autonomía la creación del modelu d’oficialidá, pero que nun diz que la cooficialidá de les llingües tea que depender de la decisión d’un estatutu d’autonomía. L’estudiu conclui que la única manera de que l’asturianu fine “con estos 25 años de clara discriminación llingïstica” ye l’aplicación de la discriminación positiva recoyía na Constitución mediante “midíes d’un tratu especial más favoratible pa suavizar la histórica desigualdá del asturianu”. La opinión de Xurde Blanco ye la de que hai que llevar el tema ante la Unión Europea, al Constitucional y a los tribunales de derechos humanos “anque sía un camín llargu y abegosu”. Según l’AXA, “una sentencia del Constutucional nun fará la llingüa oficial pero tendría un valor vinculante pa España perimportante” 6 de febreru, 2007 0 FacebookTwitterPinterestEmail
Sociedá Valledor muestral so desalcuerdu col borrador de curriculum pal asturianu by asturnet 5 de febreru, 2007 El Conseyeru de Xusticia declaró, tres la reunión del vienres col responsable d’educación, Jose Luis Iglesias Riopedre, que poner l’asignatura d’asturianu como optativa ye discriminatorio pa los alumnos y qu’incumpliría dafechu la llei d’usu.. Valledor que ya se manifestó abiertamente escontra la nueva propuesta de curriculum propuso-y a Riopedre que l’asturiano sía asignatura voluntaria y non optativa pa los escolinos pa dar solución a un conflictu que pon l’enseñanza de la llingua asturiana nuna situación de discriminación notable. Alrodiu del conflictu xeneráu pola publicación d’esti borrador de curriculum de primaria, la Xunta pola Defensa de la Llingua Asturiana y los principales sindicatos asturianos d’enseñanza van convocar una manifestación pa reivindicar la normalización de la enseñanza del asturianu nes escueles. La manifestación va cellebrase na estación de RENFE d”Uvieu’l vienres 17 de febreru a la 1 de la tarde y los convocantes, pol momentu, son la Xunta pola Defensa de la Llingua Asturiana y los sindicatos SUATEA, FETE-UXT y l’estaya d’enseñanza de CCOO. El plazu pa presentación d’alegaciones al borrador de curriculum remata’l día 23 de febreru. 5 de febreru, 2007 0 FacebookTwitterPinterestEmail
Sociedá L’Academia critica a la Universidá pola so curtia y probe interpretación de los testos llegales nel casu de Faustino Zapico by asturnet 31 de xineru, 2007 LAcademia fai de só largumentación del votu particular del maxistráu D. Francisco Salto Villén, miembru del Tribunal Superior de Xusticia dAsturies, emitíu na sentencia que afitaba como fechu llegal que la Universidá refugue la tramitación de la Tesis Doctoral dún de los sos doctorandos pol fechu de quel títulu y el resume de la tesis que ye obligao presentar pa la so inscripción tean en llingua asturiana. Nuna comparecencia pública de la presidenta l’Academia nel caberu día de Xineru, Ana Cano criticó tamién a les autoridaes universitaries por “interpretar de la manera más curtia y probe posible los testos llegales, ye incomprensible y llamentable y que ta lloñe del bon facer, universitariu y universalista, que debería presidir la xera de la máxima institución”. Depués de dar les gracies a los medios de comunicación presentes na convocatoria, “porque otra vuelta y como davezu acuden al llamáu de la Institución que presido”, Ana Cano pasó a facer alcordanza de qu’hai unes selmanes conocióse la sentencia del Tribunal Superior de Xusticia del Principáu dAsturies a la escontra de la tramitación, na Universidá dUviéu, de la Tesis Doctoral «El discursu de la periferia: proyectos autonomistes na Asturies contemporánea(1808-1983)» de D. Faustino Zapico Álvarez, por dir en llingua asturiana y énte la gravedá de los fechos, “que suponen una clara discriminación de los usuarios del asturianu, lAcademia de la Llingua Asturiana, afitándose nel artículu de los sos estatutos que-y encamienta curiar los derechos llingüísticos de los asturianos, y llueu destudiar el testu de la sentencia na Xunta caltenidal pasáu vienres, tomó determín nel sen de facer llegar a la opinión pública y a les autoridaes que correspuendan la so posición en rellación con esti llastimosu y vergoñosu asuntu” nos extremos que se reproducen darréu: “1) En primer llugar, llamenta fondamente esta Academia que la Universidá dUviéu refugue la tramitación de la Tesis Doctoral dún de los sos doctorandos pol fechu de quel títulu y el resume de la tesis que ye obligao presentar pa la so inscripción tean en llingua asturiana. Y ello a pesar de questa Universidá nuesa, que se diz asturiana, vien daprobar unos estatutos, espublizaos en castellanu y nasturianu nun lo escaezamos por mandáu del Claustru Universitariu, onde sinxer un artículu 6 dedicáu a «La Universidá y Asturies» que diz: 1. La Universidá dUviéu, en cuantes quuniversidá pública asturiana, empobinará de mou relevante les sos xeres a la realidá y lámbitu dAsturies. y 2. La llingua asturiana sedrá oxetu destudiu, enseñanza ya investigación nos ámbitos que correspuendan. Asina mesmo, el so emplegu tendrál tratamientu quafiten lEstatutu dAutonomía y la llexislación complementaria, dándose seguranza de la non discriminación de quien la emplegue. Y arriendes dello, a pesar de quhai precedentes de tesis doctorales feches, defendíes y espublizaes pola propia Universidá dUviéu en llingua asturiana; y, lo que ye entá más sangrino, a pesar de que lautor de la Tesis que mos ocupa pudo va poco redactar y defender, nasturianu, el Trabayu dInvestigación del Doctoráu que-y supón, ente otres coses, lalgame de la suficiencia investigadora. Ye difícil pescanciar lactuación de la Universidá dUviéu, duna Universidá que formalmente tramitó nel so día la petición a Madrid de la creación duna Titulación de Filoloxía Asturiana pidida, ente otros, pola Facultá de Filoloxía y la Xunta Xeneral del Principáu; duna Universidá que capacita al profesoráu dEducación Primaria y Secundaria pa impartir lasignatura de Llingua Asturiana y Lliteratura neses estayes educatives y que lo fai per entemedies de los Títulos Propios dEspertu y Especialista en Llingua Asturiana, títulos onde tola actividá académica se desendolca nasturianu; duna Universidá quigua cursos de «Llingua Asturiana» dientro de la ufierta del Plan de Formación Continua pal Personal dAlministración y Servicios (PAS); duna Universidá quorganiza Cursos de Branu en llingua asturiana, en collaboración con esta Institución; duna Universidá que tien almitío escritos nasturianu nel so Rexistru Xeneral… Cuidamos que la decisión de les autoridaes universitaries, interpretando de la manera más curtia y probe posible los testos llegales, ye incomprensible y llamentable y que ta lloñe del bon facer, universitariu y universalista, que debería presidir la xera de la máxima institución académica. 2) LAcademia fai de so largumentación del votu particular del maxistráu D. Francisco Salto Villén, miembru del Tribunal Superior de Xusticia dAsturies, emitíu na citada sentencia. Na so opinión la sentencia habría desaniciase xustamente naplicación de los preceptos onde senconta: – Constitución española (1978) (Art. 3). – Llei 30/1992 del Procedimientu Alministrativu Común y Réxime Xurídicu de les Alministraciones Públiques. – Estatutu dAutonomía dAsturies (Art. 4). – Llei dUsu y Promoción del Asturianu (1998) (Art. 4.2 y 4.3.). – Estatutos de la Universidá dUviéu (2003) (Art. 6.2.) 3) Les distintes interpretaciones per parte de los maxistraos de la llegalidá vixente amuesen una vegada más quel sofitu llegal que güei tenemos ye insuficiente dafechu. Por más que la Llei dUsu senfote en dar seguranza de la non discriminación de los ciudadanos pol emplegu de la llingua propia, los fechos demuestren testonamente, un día tres otru, quesa seguranza nun esiste y que los asturianos siguimos sin cuntar con un respaldu llegal que nun mos discrimine llingüísticamente y que garanticel drechu que, como ciudadanos, tenemos a espresanos na nuesa llingua, oralmente y per escrito, y en tolos ámbitos y niveles comunicativos. 4) Una vegada más lAcademia de la Llingua Asturiana quier denunciar la discriminación que los ciudadanos asturianos carecemos con respeuto a los ciudadanos de les otres comunidaes billingües del Estáu, nel sentíu de que nAsturies nun esisten garantíes reales que mos dexen exercer el derechu a la llibertá del usu llingüísticu. Nesti sen, somos sabedores de que nel contestu español, que ye onde mos movemos, namái la reconocencia espresa de la oficialidá de la llingua asturiana nel Estatutu dAutonomía ye garantía real de la validez llegal del so usu y magar que por sí mesma ella sola nun abaste pa perafitar la pervivencia de la llingua, lo que ta claro ye que ye la condición sine qua non pa que tal pervivencia seya vidable. Poro, nun pararemos hasta quesa reconocencia espresa salgame”. 31 de xineru, 2007 0 FacebookTwitterPinterestEmail
Sociedá Amieva, Corvera, Grau y Noreña ya tienen Toponimia oficial by asturnet 31 de xineru, 2007 El Conseyu de Gobiernu del Principáu dAsturies aprobó na so reunión desta mañana los Decretos polos que se reconocen los topónimos oficiales de cuatro conceyos que s’alcontraben a la espera d’esti caberu trámite: Amieva, Corvera, Grau y Noreña. Los Decretos aprobaos recueyen la toponimia de pueblos y llugares d’estos conceyos d’alcuerdu cola revisión que ficieren los conceyos y la Xunta Asesora de Toponimia del Principáu dAsturies. Corvera ya entamare la retulación de la so toponimia hai díes. Los cuatro nuevos conceyos con Toponimia Oficial vienen a xuntase a los 11 que ya l’aprobaren primero, ente los que s’alcuentren Xixón, Carreño, El Franco, Llanes, Gozón, Llangréu, L.lena, Villaviciosa, Sariegu, Bimenes, Cabranes y Nava. D’esnte los cuatro qu’agora vieren aprobada la so toponimia de manera oficial, el de Corvera ye’l que más avanzada tien la so normalización social. Dende’l 4 de xineru Corvera ta instalando la so señalización n’asturianu nos más de 150 núcleos habitaos del conceyu. Sicasí la primer fase, que yá ta en funcionamientu, d’esta campaña de rotulación sólo va afectar a 29 de los llugares del conceyu. Los topónimos que se tan actualizando a la denominación tradicional son: El Castiellu, Los Espinos, La Sierra, El Molín, La Peruyal, El Moncó, La Estebanina na parroquia de Molleda; na parroquia de Cancienes los topónimos afectaos pola actualización serán La Peluca, La Cabaña, La Pedrera, La Rebollada, Moriana, Bango, Taúxu, El Campu la Vega y Cancienes de Riba; na parroquia de Les Vegues l’adecuación toponímica entamará por Molleda de Riba; y na parroquia de Solís Taraño, Casal, Santa Mariña y El Pontón tendrán la so toponimia oficial visible. La campaña con un presupuestu d’alredor de 4000 tien una subvención de la Conseyería de Cultura de 3500, aportando’l restu’l conceyu de Corvera. 31 de xineru, 2007 0 FacebookTwitterPinterestEmail
Sociedá Asturies participará na feria Expolingua en Madrid esta primavera by asturnet 28 de xineru, 2007 Asturies tará presente n’Expolingua en Madrid nesta prósima primavera, depués de que se dexare pasar la participación na so hermana mayor, Expolangues, que se cellebra en París tolos años por estes feches. La Oficina de Política Llingüística unviará una delegación a Madrid pa la feria española de les llingües, qu’entá nun tien fecha acutada. La 25 edición del Salón Expolangues nun cuenta esti añu, como anunciare Asturnews, cola participación de nenguna representación asturiana. La Feria parisina de les llingües acueye esta vegada a 60 delegaciones llingüísitiques de 20 estaos, y tien como país d’honor a Rusia. La Feria vien cellebrándose dende’l 24 de xineru y va acabar mañana 27 de xineru. Nesta Feria llingüísitica les demás llingües peninsulares participen con dellos stands que promocionen el conocimientu sobre la realidá llingüísitica de les sos comunidaes. 28 de xineru, 2007 0 FacebookTwitterPinterestEmail
Sociedá Gustavo Bueno afirma la inesistencia de la llingua asturiana by asturnet 26 de xineru, 2007 El filósofu rioxanu, asentáu n’Asturies, presentó n’Uviéu la Fundación por la Defensa de la Nación Española. Gustavo Bueno amuesó’l so rechazu a la oficialidá del asturianu. Pal filósofu l’asturianu nun sería otra cosa más qu'”un modismo” del español” qu’al mesmu tiempu “nun esistiría”. La mesma denominación del idioma ye considerada por Gustavo Bueno como “un gol a la sociedá”, pa Gustavo Bueno “los partidarios de la llingua cambiaron la pallabra bable por asturiano” como forma de denominar a la llingua asturiana. Gustavo Bueno, ún de los firmantes d’aquella famosa carta de l”‘Asturies pensante” y fundador de l’Asociación d’Amigos de los Bables, presentó la Fundación de Defensa de la Nación Española, el so últimu proyectu asociativu. La Fundación de Defensa de la Nación Española tuvo problemes nel momentu del so rexistru al coincidir dalgunos de los sos fines coles competencies que la Constitución Española. Ente los patronos d’esta Fundación figuren el diputáu del PP y presidente de Nuevas Generaciones en Euskadi Santiago Abascal; el miembru del foru d’Ermua Ricardo Garrudo Cayón; o’l periodista Ricardo Rodríguez Maeso. Gustavo Bueno aprovechó la presentación de la Fundación pa echar contra’l Conseyeru de Xusticia porque nes sos tarxetes de visita nun apaeciera “la llingua común de toos” y sí l’asturianu, l’inglés y el francés; la tarxeta de Valledor ye considerada pol filósofu un a”claru ataque a la llingua de toos” Nun ye anecdótico que l’antiguu profesor de la Universidá d’Uviéu, y autor de llibros como “Gustavo Bueno y Gran Hermano” o “España contra Europa” incluya a la llingua asturiana nos sos discursos. Fundación para la Defensa de la Nación Española 26 de xineru, 2007 0 FacebookTwitterPinterestEmail
Sociedá La Universidá Popular amplia’l plazu d’inscripción pa los cursos d’asturianu by asturnet 25 de xineru, 2007 La Universidá Popular de Xixón amplia’l plazu d’inscripción, pa los cursos de llingua asturiana, hasta’l 2 de febreru, qu’inclúi el so programa. Los cursos, d’iniciación, afondamientu y traducción, tienen una duración de 60hores y un preciu de 23. A les y los escolinos qu’asistan al 80% de les hores daráse-yos un certificáu d’asistencia. El cursu d’iniciación fadráse n’horariu de mañana, ente les 10 y les 12, nel Antiguu Institutu Xovellanos tolos llunes y miércoles. Peles tardes, de los mesmos díes, esti cursu podrá facese n’horariu de 19.30 a 21.30 nel Centru Integráu de Pumarín Xixón Sur. El cursu d’afondamientu, Llingua Asturiana II, fadráse los martes y xueves nel Antiguu Institutu ente les 19.30 y les 21.30 tolos martes y xueves. El cursu de traducción fadráse tolos llunes y xueves nel Antiguu Institutu de 19.30 a 21.30. La matrícula nestos cursos puede facese na Rede de Caxeros Ciudadanos de Xixón o na web de la Universidá Popular. Cursos de la Universidá Popular 25 de xineru, 2007 0 FacebookTwitterPinterestEmail