ConvocatoriesFiestes Cursu dasturianu básicu de baldre en Nava by asturnet 26 d'ochobre, 2007 La Mancomunidá Comarca de la Sidra, en collaboración cola Conseyería de Cultura y Turismu, entama un cursu básicu dasturianu de 25 hores. El cursu va desendolcase tolos llunes, martes y xueves dende les 19,30 h. a les 21 h. na casa de cultura Marta Pérez Portal de Nava. Al cursu poder apuntase toles persones que tean interesaes, llamando al númberu de teléfonu 985718413 o mandando un corréu lletrónicu a les señes que van darréu: normastur@lacomarcadelasidra.com. A los alumnos que sapunten va dáse-yos un diploma acreditativu. 26 d'ochobre, 2007 0 FacebookTwitterPinterestEmail
ConvocatoriesFiestes La Caravana pola Oficialidá del CAO llega al suroccidente asturianu by asturnet 26 d'ochobre, 2007 El Conceyu Abiertu pola Oficialidá sigue cola campaña pa llevar la reivindicación de la oficialidá a tolos conceyos dAsturies. Pa ello, la organización, quaxunta a docenes dasociaciones, convoca esti sábadu 27 dochobre, una Caravana pola Oficialidá pel suroccidente asturianu. La marcha va percorrer los conceyos de Cangas, Tinéu, y Allande. Siguiendo la filosofía quacompaña a les caravanes feches hasta agora, la movilización y les actividaes que lacompañen van ser entamaes poles organizaciones y colectivos de los propios conceyos, asinamesmo les actuaciones musicales van correr a cargu dartistes llocales. Les actividaes desta caravana pel suroccidente van siguir de tarde en Cangas: los músicos Pedru Pereira, Rafa Lorenzo, Ambás, Diego Pangua, Dolfu R. Fernandez y Roberto Ablanedo van actuar a partir de les siete nel Teatru Toreno. Dempués del conciertu va facese un filandón nel Bar Caniecho. Toa una xornada de reivindicación a la quel CAO convoca a tolos asturianos del suroccidente. 26 d'ochobre, 2007 0 FacebookTwitterPinterestEmail
Música El llaniscu Diego Purón participa esti sábadu en Glasgow nos World Solo Drumming Championships by asturnet 25 d'ochobre, 2007 El tamboriteru llaniscu de la Banda de Gaites de Villaviciosa, Diego Purón, va ser el primer asturianu y el primer músicu del Estáu Español nacceder al “World Solo Drumming Championships, los mundiales oficiosos de tamboriteros, questi añu se celebren en The Glasgow Caledonian University, el 27 dOchobre. El “World Solo Drumming Championships ye un campeonatu que se celebra tolos años dende la Segunda Guerra Mundial y desde valora al tamboriteru que meyor acompangue la melodía tocada pol gaiteru que fai pareya con elli. Esa ye la so calterística cimera, ya que ye un campeonatu de solistes que nun consiste en tocar solu, sinon nuna especie de concursu de pareyes de gaita y tambor, nel que namái se valora al tamboritero. Na competición tiénse en cuenta la técnica, la espresividá, los matices y la esactitñu cola quencaxel toque cola melodia. El concursu fo ganáu 16 veces, na so historia recién, pol gran tamboriteru Jim Kilpatrick, leyenda viva y xefe de percusión de “The House of Edgar Shotts&Dykehead Pipe Band”, una de les bandas más nomáes na historia. Lañu pasáu celebrose en Belfast y ganolu un mozu irlandes, Steven MacWirther, quedando segundu clasificául 16 veces campeón. Esti añu celebrase en Glasgow, en The Glasgow Caledonian University, el 27 dOchobre, col so tradicional sistema de liguilla: hai cuatro grupos de 18 competidores en ca grupu y pasen los cuatro primeros a semifinales. Nesi momentu fainse dos grupos de semifinalistes y aparte de los 8 procedentes de la fase previa súmense seis competidores mas en ca grupu, que son los 12 finalistes del añu anterior. Destos dos grupos de semifinales sal el grupu finalista formáu por doce competidores. Ye obligatorio interpretar musica escocesa y llevar preparaos tres sets de musica escocesa, sorteándose minutos enantes de tocar el quhai que interpretar. Diego Purón yel primer asturianu y primer músicu del Estáu Español, que participa nestos mundiales oficiosos de tamboriteros. 25 d'ochobre, 2007 0 FacebookTwitterPinterestEmail
Música Niundes estrena formación y amuesa la so evolución nos xueves musicales de Tierra Astur by asturnet 25 d'ochobre, 2007 El grupu llaniscu Niundes, formáu nel añu 2001 y que ta acabante de reformar la so composición, actuaba esti xueves 25, na sidrería-restorán de Tierra Astur en Cualloto, con un gran éxitu de públicu y una bona amuesa del trabayu que ta desendolcando la banda, dexando de llau la presencia permanente de la gaita en beneficiu d’otros instrumentos de vientu. La actuación del xueves pue seguise en dellos vídeos qu’ufre Asturnews xunta la galería de fotos de l’actuación. Dientro de los xueves musicales organizaos pola sidrería Tierra Astur de Cualloto, el grupu llaniscu Niundes llevó por tercera vegada a escena nesti escenariu’l so folk nel que la base son los soníos tradicionales asturianos. En directu usen gaita, violín y flauta travesera de madera amas de guitarres acústique, teclaos y, delles veces, buzuki. Esti grupu de música folk reconozse heriede del movimientu folk americanu de los 60, popularizáu por Bob Dylan, asina como del denomináu ‘soníu atlánticu’, representáu por figures como la Bothy Band, Tannahill Weavers, Planxty, Kornog, Altan y los asturianos Llan de Cubel. Poro, anguañu tan empobinando los sos caminos musicales per otros derroteros que darán a conocer darréu na remozada páxina web que preparen. Niundes espublizaron el so primer discu en 2006, cola producción del guitarrista de Llan de Cubel Xel Pereda, embaxo’l titulo “Enxamás ye pa siempres”. 25 d'ochobre, 2007 0 FacebookTwitterPinterestEmail
Música Los Príncipes d’Asturies presiden la la clausura de la XVI Selmana de Música de Cajastur by asturnet 24 d'ochobre, 2007 El Auditoriu Príncipe Felipe d’Uvieu va ser l’escenariu que acueya esti xueves 25 el conciertu de clausura de la XVI Selmana de Música, organizada por Cajastur y la Fundación Príncipe de Asturias. El conciertu,embaxo dirección d’Alberto Zedda, va entamar a les 20:00 hores (namás con invitación) y va cuntar cola presencia de los Príncipes d’Asturies. Alberto Zebda va dirixir el xueves a la Orquesta Moza del Principáu d’Asturies que va interpretar xunto la Sinfonía n.º 2 de Mendelssohn xunto col Coru de la Fundación Príncipe de Asturias, la soprano María Jose Moreno, la mezzo Francesca Provvisionato y el tenor Jose Manuel Zapata. Na XVI Selmana de Música entamó’l pasáu 19 d’ochobre y durante estos díes ufrió un totalñ de 18 conciertos n’Uvieu, Xixón, Aviles, L’Entregu, Llangreu, Llanes, Mieres, Tapia y Villaviciosa. Dellos de los participantes fueron l’Octeto Iberico de Violonchelos, los ganadores Premiu Fin de Carrera ” Ángel Muñiz Toca” del conservatoriu “‘Eduardo Martínez Torner”, el pianista Juan Jose Muñoz Cañivano o el duu Cavatina de flauta y guitarra. 24 d'ochobre, 2007 0 FacebookTwitterPinterestEmail
Música La Camerata de Moravia actua esta nueche nel Teatru Filarmónica by asturnet 24 d'ochobre, 2007 Cola participación como solista al violín del checu Iván Zenaty, la Camerata de Moravia va actuar esta nueche día a las 19.45 horas nel Teatru Filarmónica d’Uvieu. La orquesta va desendolcar un repertoriu con obres de Mozart, Bach, Dvorak, De Beriot y Wieniaswski. La Camerata de Moravia ñaz en 1987 embaxo’l nome de Orquesta de Cámara de Olomouc nutriendose de los meyores solistes de la Filarmónica de Moravia y col tiempu llega a ser una de les formaciones más prestixoses de la República Checa xirando por toda Europa. Nel so repertoriu hai dende piezes dende piezes barroques hasta música del sieglu XX.. 24 d'ochobre, 2007 0 FacebookTwitterPinterestEmail
Música Baldo Martínez Grand Ensemble presenten el so jazz amestáu nel segundu conciertu del Teatru La Llaboral by asturnet 24 d'ochobre, 2007 “Proyecto Miño” de Baldo Martínez va enllenar de jazz y sones tradicionales gallegos y portugueses l’escnariu del Teatru Llaboral de Xixón nel segundu actu de la programáción del nuevu equipamientu tres del conciertu d’inauguración. La cita con Baldo Martínez Grand Ensemble va entamar esta nueche a partir de les 20:30 hores. Baldo Martínez acompañáu por 8 músicos más amosa el jazz contemporaneu colo sones propios de Galicia y Portugal pa componer un espectáculu d’hora y media de duración de calter mui personal y bien separtáu de los cliches del jazz americanu y europeu d’anguaño. Nel escenariu destaca la presencia de Valentín Clatrier y Tino di Geraldo, a la zanfona y a la percusión amás del propiu Baldo Martínez al contrabaxu. El restu de músicos que formen Baldo Martínez Grand Ensemble son: la vocalista Maite Dono; Germán Díaz a la zanfona; Chiaki Mawatari, tuba y trombón; David Herrington, trompeta y fliscorniu; Antonio Bravo, guitarra electrica; Alejandro Perez, saxos tenor y sopranu, clarinet; Pedro López, batería y percusión ellectrónica y Carlos Castro, al vibráfonu, les tables y la percusión. 24 d'ochobre, 2007 0 FacebookTwitterPinterestEmail
Música Niundes trai’l so folk a los xueves de Tierra Astur by asturnet 23 d'ochobre, 2007 El grupu llaniscu Niundes, formáu nel añu 2001 por Isidro Suárez, Roberto Tárano, Omar Ceballos, Jonathan Ward, Ramonín González y la vocalista Belen Díaz, actua el xueves 25, na sidrería-restorán de Tierra Astur en Cualloto. Niundes espublizaron el so primer discu en 2006, cola producción del guitarrista de Llan de Cubel Xel Pereda, embaxo’l titulo “Enxamás ye pa siempres”. Dientro de los xueves musicales organizaos pola sidrería Tierra Astur de Cualloto, el grupu llaniscu Niundes llevará a escena’l so folk nel que la base son los soníos tradicionales asturianos. En directu usen gaita, violín y flauta travesera de madera amas de guitarres acústique, teclaos y, delles veces, buzuki. Esti grupu de música folk reconozse heriede del movimientu folk americanu de los 60, popularizáu por Bob Dylan, asina como del denomináu ‘soníu atlánticu’, representáu por figures como la Bothy Band, Tannahill Weavers, Planxty, Kornog, Altan y los asturianos Llan de Cubel. 23 d'ochobre, 2007 0 FacebookTwitterPinterestEmail
Música Cancios vaqueiros y Poemes gallegos de Lorca nel nuevu discu de Rafa Lorenzo by asturnet 23 d'ochobre, 2007 Los cancios vaqueiros entemécense colos poemes gallegos de Lorca nel nuevu discu del cantautor asturiano Rafa Lorenzo que se presentó esti martes n’Uviéu. “Primos hermanos” quier ser un homenax al poeta de la xeneración del 27, Federico García Lorca. El nuevu álbum de Lorenzo presentóse na Conseyería de Cultura nun actu nel qu’intervinieron, la directora xeneral de Promoción Cultural, Consuelo Vega, el presidente del Conseyu de Comunidaes Asturianes, Manuel Fernández de la Cera, y el productor del discu, Juan Taboada. 23 d'ochobre, 2007 0 FacebookTwitterPinterestEmail
Música Reija entama’l cursu de la so Escuela de Música by asturnet 23 d'ochobre, 2007 La Escuela de Música Tradicional del Grupu Reija ta acabante d’entamar el nuevu cursu col enfotu d’alitar na cuenca del Nalón el folclor y la música tradicional. Esti añu, la Escuela va impartir clas de Gaita Asturiana, Tambor Tradicional, Curdión Diatónica, Baille Tradicional, Panderu y Pandereta y Folclor y Tradición, amás de Llinguaxe Musical. Los interesaos puen ponese en contautu cola dirección de la escuela nel corréu infoarrobareija.as o llamar al teléfonu 676691424. Les clases desendólquense martes y xueves nes aules del Colexu Públicu Eulalia Álvarez Lorenzo de La Felguera. Páxina web del Grupu Reija 23 d'ochobre, 2007 0 FacebookTwitterPinterestEmail