Sociedá Delles asociaciones apunten al Estáu como la institución que más inclumpe derechos llingüísticos by asturnet 4 d'avientu, 2008 A Mesa pola Normalización Lingüística de Galicia y l’asociación vasca Behatokia de defensa de los derechos del euskera señalaron esti miércoles a l’Alministración del Estáu como “la que más incumple los derechos llingüísticos de los falantes de llingües cooficiales”, nun discursu que se repite en toles comunidaes con llingua propia, especialmente nel casu asturianu. L’acusación ficiéronla estes dos asociaciones n un conceyu calteníu n’A Coruña onde les dos encamentaron a l’Alministración estatal que dexe d’actuar “como si nun existieren más llingües que’l castellán” y aseguraron que “munchos ciudadanos nin siquier saben que nos organismos estatales con sede nes sos comunidaes autónomes tienen derechu a ser antendíos na so llingua”. 4 d'avientu, 2008 0 FacebookTwitterPinterestEmail
Sociedá Mediu Rural va crear un Conseyu Asesor Agrariu by asturnet 4 d'avientu, 2008 La Conseyería de Mediu Rural va crear un Conseyu Asesor Agariu nel que van tar representaos los sindicatos del sector, pa poer afrontar los problemes qu’afeuten al mundu del campu, según fizo anuncia esti día’l nuevu Conseyeru, Aurelio Martín. La intención de la Conseyería ye presentar el borrador d’esti organismu nun plazu d’un mes a les tres centrales mayoritaries pa consensuar el documentu. La noticia dióse esti miércoles tres de caltener el nuevu Conseyeru un primer conceyu de toma de contautu colos tres secretarios xenerales de les tres principales centrales sindicales agraries: Ramón Artime (Asaja), José Calvo (UCA) y Óscar Sirgo (COAG). 4 d'avientu, 2008 0 FacebookTwitterPinterestEmail
Sociedá La Biblioteca Xovellanos acueye la conferencia Llibertá de conciencia y llibertá relixosa by asturnet 3 d'avientu, 2008 Esti miércoles 3 davientu, a les siete la tarde, la Plataforma Llaica d’Asturies organiza nel salón dactos de la Biblioteca Pública Xovellanos de Xixón la conferencia Llibertá de conciencia y llibertá relixosa, a cargu de Francisco Delgado, presidente dEuropa Llaica. Darréu va facese un alderique colos asistentes sobre los cambios anunciaos na Llei de Llibertá Relixosa de 1980 y la situación, nel Estáu español, en cuantes al drechu de la llibertá de conciencia. 3 d'avientu, 2008 0 FacebookTwitterPinterestEmail
Sociedá Martín Villa propón escaecese de la recuperación de la Memoria Histórica by asturnet 2 d'avientu, 2008 L’ex vicepresidente del Gobiernu Rodolfo Martín Villa apostó esti llunes por “dexar les coses como tán” no que cinca a la recuperación de la memoria histórica, anque reconoció que “ye necesario dar sepultura a tolos muertos” y hasta “reconocer con títulos nobiliarios a los presidentes de la segunda república Niceto Alcalá Zamora y Manuel Azaña, o al poeta Antonio Machado”, asina como enterrar los cuerpos d’estos dos últimos n’España. p> Martín Villa fizo la propuesta nel Foru de la Nueva Sociedá, organizáu por Nueva Economía Fórum. 2 d'avientu, 2008 0 FacebookTwitterPinterestEmail
Sociedá Alejandro Sanz y el padre d’Artur Más apaecen na llista de 200 españoles acusaos d’evadir impuestos a Liechtenstein by asturnet 2 d'avientu, 2008 El xuez de l’Audiencia nacional Santiago Pedraz ta investigando al cantante Alejandro Sanz y a una llista d’ente 250 y 300 nomes de persones y sociedaes, ente les que tamién destaca’l padre del voceru de CiU Artur Más, pola supuesta evasión de capitales al traviés del paraísu fiscal de Liechtenstein. Nesti momentu, el xuez nun acusara entá a nenguna de les persones investigaes, ente les que tamién s’alcuentra’l padre del secretariu xeneral de Convergència i Unió (CiU), Artur Mas. El xuez tien solicitáu a l’Axencia Tributaria un informe sobre l’actual situación fiscal de los investigaos. El titular del Xulgáu Central d’Instrucción númberu 1 de l’Audiencia Naiconal llevantó’l secretru de sumariu y caltién abiertos 25 sumarios de dilixencies previes distintes por estos supuestos esvíos./p> Según publica esa selmana la revista Interviú, nel llistáu completu figuren 67 españoles qu’escuenden cerca de 170 millones d’euros nel paraísu fiscal. Estos fechos provocaron que la Facienda Pública dexare d’ingresar más de 73 millones d’euros ente’l 2002 y el 2006. 2 d'avientu, 2008 0 FacebookTwitterPinterestEmail
Sociedá Ecoloxistes denuncien l’espilfarru de les lluces navidiegues by asturnet 2 d'avientu, 2008 L’asociación Ecoloxistes n’Aición denunció esti llunes el “espilfarru’ que supón el plan d’allumbráu navideñu d’una parte importante de les ciudaes españoles, atalantando que ye “ecolóxicamente inaceptable, ya quelloñe del “supuestu espíritu navideñu, tenta de recuperar la cultra del consumismu pa que les grandes superficies puean continuar faciendo caxa”. La organización ecoloxista informó nun comunicáu que les lluces d’estes navidaes van costar un total de 7.557 euros diarios en Valladolid y 3.600 euros n’Uviéu. Esto según los sos cálculos, torna nun aumentu d’un 15 por cientu si comparamos eses cifres coles del añu pasáu en Madrid, o d’un 20 por cientu si facemos lo mesmo con Barcelona. 2 d'avientu, 2008 0 FacebookTwitterPinterestEmail
Sociedá Xixón ye más caro qu’Uviéu menos nes “marques blanques” by asturnet 2 d'avientu, 2008 El primer estudiu del Observatoriu de Precios del Comerciu Minorista, espublizáu pol Ministeriu d’Industria, Turismu y Comerciu amuesa que Xixón ye más caro qu’uviéu pa mercar alimentos, pero si són de marca blanca, la villa Xovellanos asitiase como la más aforradora d’españa. Les ciudaes españoles onde la cesta de la compra ye más cara son Bilbao, Cádiz y Valencia. Xixón alcuéntrase averada al nivel de precios de les zones con precios más altos y, a la escontra, la capital averase a los llugares más económicos. Esti Observatoriu del Ministeriu d’Industria fai una segunda clasificación sobre una “cesta económica”, que se centra en productos xeneralmente de lo que se noma como marques blanques y de preciu más baxu. Nesti casu, Xixón apaez como la ciudá española onde es’aforra más (cásique un 40 por cientu) si s’apuesta por estos productos. L’aforru ye del 34 por cientu n’Uviéu. En Xaén, por exemplu, el preciu del pescáu pue camudar un 70% según onde se merque. Primer Informe Trimestral del Observatoriu 2 d'avientu, 2008 0 FacebookTwitterPinterestEmail
Sociedá La Xunta entrega los Premios Andrés Solar 2008 a SoftAstur y Fernando Lastra by asturnet 27 de payares, 2008 La Xunta pola Defensa de la Llingua Asturiana vieno acabante facer anuncia de los gallardoniaos colos Premios Andrés Solar del añu 2008, que foron pa Softastur, “El Pegollu”, y Fernando Lastra, “El Madreñazu”. SoftAstur ye una iniciativa de calter cívicu que traduz al asturianu programes de códigu llibre. La versión negativa de los Premios Andrés Solar, “El Madreñazu”, ye nesta ocasión pa Fernando Lastra Valdés, portavoz parllamentariu del Partíu Socialista na Xunta Xeneral, pol “papel desempeñáu a lo llargo de bien d’años cola so actitú contra tolo que suponga un avance o meyora pa la situación del asturianu, y especialmente nel últimu añu, pola so actitú contra’l reconocimientu de la llingua asturiana como llingua oficial”. 24 ediciones Los Premios Andrés Solar algamen nesti 2008 la so XXIV edición y como nos sos ventricuatro años de vida, los premios tienen una vertiente doble: per un llau, la Xunta premia a una entidá o persona que rescamplara nel últimu añu pol so llabor en defensa de l’asturianu. Esti reconocimientu materialízase n’El Pegollu, que nesta ocasión foi pa Softastur, “una plataforma de programadores y traductores en llingua asturiana dedicada a la traducción y desarrollu de software llibre n’asturianu. Ente los proyectos de Softastur que se puen destacar tán el Sistema Operativu Ubuntu, el caltenimientu del navegador Firefox en Llingua Asturiana, y el proyectu MediaWiki. Pa la Xunta pola Defensa de la Llingua Asturiana ye mui de valorar el trabayu constante y desinteresáu de les persones que formen parte de Softastur, abriendo camín pal usu de la llingua asturiana nel ámbitu de les tecnoloxíes nueves, volviendo a amosar que l’asturianu tien y pue tar en tolos ámbitos de la vida moderna”. Los Premios Andrés Solar tienen tamién una versión negativa, que reconoz a la persona o entidá que rescamplara pol so llabor negativu pa cola llingua asturiana. Esti dudosu honor represéntase con un “Madreñazu”, que na edición de 2008 va “pal portavoz del grupu parllamentariu de la FSA-PSOE, Fernando Lastra Valdés, pol papel desempeñáu a lo llargo de bien d’años cola so actitú contra tolo que suponga un avance o meyora pa la situación del asturianu, y especialmente nel últimu añu, pola so actitú contra’l reconocimientu de la llingua asturiana como llingua oficial d’Asturies nel testu del estatutu asturianu. Lastra recibe l’antipremiu porque, como representante de la Federación Socialista, ye ún de los ponentes que llanzó la propuesta d’artículu 4u del estatutu, que condena al asturianu a ser una llingua fuera de la categoría que nel marcu constitucional se-yos da a les llingues propies del estáu”. L’actu d’entrega de los Premios Andrés Solar va ser el día 20 d’avientu, nel Salón d’Actos del Antiguu Institutu de Xixón. D’equí a unos díes van conocese más datos sobre l’actu, que va facer el númberu 24 na so hestoria. Páxina web y wiki de SoftAstur 27 de payares, 2008 0 FacebookTwitterPinterestEmail
Sociedá El BOPA publica’l sábadu la primer tanda d’ayudes pa ordenadores y n’Avientu la segunda by asturnet 26 de payares, 2008 Los Reis Magos van trayer cosigo les ayudes p mercar ordandores que diere’l Gobiernu a los mozos con menos de 35 años y que nun acababen de dase entamando n estos díes a orixinar quexes ente la mocedá asturiana. El Boletín Oficial del Principáu d’Asturies (BOPA) d’esti próximu sábadu publica la resolución de les 24.374 solicitudes d’ayuda a la compra d’ordenadores y conexón a Internet, lo que va permitir entamar a pagales demientres la próxima selmana. Facer frente a estes ayudes va suponer un gastu de 9,5 millones d’euros. Del total de solicitudes, el 60,8% yera pa mercar ordenador, el 34,6% pa coneutase a Internet al tiempu que se mercaba l’ordenador y el 4,5% sólo pa tener conexón a la rede.Casi la metá les solicitúes foron d’homes, con Xixón como la ciudá de la que veníen el 26,5% de les solicitudes. Tres d’esta primer tanda d’ayudes queden por resolver otros dos periodos de solicitudes, resolviéndose’l segundu nel mes d’avientu. 26 de payares, 2008 0 FacebookTwitterPinterestEmail
Sociedá Furmientu solicita la declaración del Asturllionés como Bien d’Interés Cultural by asturnet 24 de payares, 2008 Lasociación cultural zamorana Furmientu vienco acabante de presentar eel día 21 de payares nel rexistru de la Junta de Castilla y León un documentu nel que solicita la declaración de Bien dInterés Cultural pal asturllionés. Lobxetivu que lasociación busca al solicitar esta figura de protección llegal pa la llengua llionesa ye “llograr el sou reconocimientu como una esprisión más de la riqueza cultural desta comunidá”. Sigún un comunicáu de que l’asociación asoleyares esti día, “nesti patrimoniu llingüísticu que se quier protexer embaxo la denominación de leonés quedan incluidas las falas llionesas ou asturllionesas tradicionales de las comarcas occidentales de la provincia de Zamora: sayagués, alistanu, carbayés, senabrés…”. Sicasí, Furmientu, pretiende quel testu aprobáu nel estatutu conviertase “cuantiantes nuna realidá y pa ello pidi a lalministración autonómica quemprincipie la xeira de fomentar lempregu oral y escritu del llionés na vida pública y privada, y que tienga llugar una provisión de medios que permitan deprendelu, así como la promoción destudios y investigaciones nas zonas onde ye la llengua tradicional”. La redacción del informe quacompaña la solicitú foi realizada pol xurista y miembru de Furmientu Nicolás Bartolomé Pérez y quedó afitada coles peticiones que vienen darréu: 2) el respetu del área xeográfica del llionés, actuando de tal xeitu que las divisiones alministrativas yá esistentes o nuevas nun torguen el sou fomentu; 3) la necesidá duna acción resuelta de fomentu del llionés, col fin de conservalu naquellas zonas onde on se fala; 4) estorgar y/o fomentar lempregu oral y escritu del llionés na vida pública y na vida privada; 5) el mantenimientu y el desarrollu de relaciones, nos ámbitos quincluye la Carta Europea de las Llenguas Rexonales o Minoritarias, entre los grupos quempreguen el llionés y outros grupos nEspaña y Portugal que falan una llengua utilizada de maneira idéntica o asomeyada , como yel casu del asturianu y del mirandés; 6) la provisión de formas y medios axeitaos pal enseñu y lestudiu del llionés en tódolos niveles nas zonas onde ye llengua tradicional, de maneira asomeyada a como sestá desarrollando lenseñu del idioma gallegu nos centros públicos de las zonas llionesas y zamoranas de fala gallega; 7) la provisión de medios que permitan deprender llionés a los non falantes que residan na comunidá autónoma de Castilla y León, se así lo deseyan; 8) la promoción destudios y investigaciones sobrel llionés nas universidades de la comunidá autónoma. 24 de payares, 2008 0 FacebookTwitterPinterestEmail