Música Les componentes de Dulcamara van comentar ¡Sali, l.luna! esti sábadu a les 13 hores na Cadena Ser by asturnet 14 d'avientu, 2007 Pal grupu de pandereteres Dulcamara, ¡Sali, l.luna1 yel so primer discu nel mercáu, anque lleven años tocando perende. Esti sábadu, van falar fondamente del so discu na Cadena Ser de Xixón. Inaciu Galán va entrevistales el sábadu a partir de la una la tarde. Una entrevista na que van poder conocese los detalles de la preparación del discu, les opiniones de les componentes del grupu y dalgunos de los conciertos que van poder sentise nos próximos meses con Dulcamara como protgonista. La entrevita ye dientro del espaciu “Falando d’Asturies” que semíte tolo sábados a partir de la una la tarde nel programa A vivir que son dos días Asturies, dirixíu por Begoña Natal, en Radio SER Xixón, nel 96.5 del FM. Pel programa pasen cada selmana les figures de la cultura dAsturies más dactualidá. ¡Sali, l.luna! yel primer discu de les panderteres Dulcamara 14 d'avientu, 2007 0 FacebookTwitterPinterestEmail
Música Ozan Trío proponen una receta de música bretona y swing pa esta nueche en Xixón by asturnet 13 d'avientu, 2007 El Centru Cultural Cajastur Colexata San Xuan Bautista acueye güei xueves l’actuación del triu Ozan, banda que afonda na tradición musical bretona remocicando los sones d’esta rexón francesa a base de swing ya influencies orientales, zíngares y xudíes. L’actuación va entamar a les 20:00 hores y la entrada al recintu cultural va ser como davezu fai Cajastur, de baldre y llibre hasta completar l’aforu del mesmu. El triu Ozan ta formáu pol vocalista y compositor Armel an Hejer; el guitarrista Bernard Bizien, responsable en gran parte de traer les influencies del rock, el country ya’l swing a la banda ya’l flautista Malo Carvou, músicu espertu na rica tradición musical bretona. 13 d'avientu, 2007 0 FacebookTwitterPinterestEmail
Música Rafa Kas actua con nueva formación, con Dudu Puente y Jandro Gallego, esta nueche en Xixón by asturnet 13 d'avientu, 2007 “The Soggy bottom brothers”, o lo que ye lo mesmo, el prolíficu guitarrista Rafa Kas (Ilegales, Fe de Ratas o Extremoduro) acompáñau pol baxista Dudu Puente, (Felpeyu, Kill Da Goose), ya’l percusionista Jandro Gallego, van actuar esta nueche a partir de les 22:00 hores nel Barucu (c Almacenes 8) de Xixón. El tríu atacará temes orixinales de Paul Simon, Led Zeppellin, The Beatles y otros clásicos del rock nun conciertu pal que la entrada ye llibre. 13 d'avientu, 2007 0 FacebookTwitterPinterestEmail
Música Sal a la cai un discu de los ganadores del concursu de maquetes de Xixón by asturnet 13 d'avientu, 2007 “Coma”, discu que recueye una esvilla de temes de los ganadores del I Concursu de maquetes de los llocales d’ensayu del Ayuntamientu de Xixón ta acabante de salir al mercáu espublizáu al abellugu del área de cultura del consistoriu xixones. “Coma” amosa la música d’once bandes d’estilu bien dixebráu como son : “La gueta la Runa”, “Traficc Lights”, “The hollow”, “Kadarma”, “Barra Libre”, “El hombre abuela”, “The Provisionals”, “Djembe Family”, “Tush!”, “The Friday Siren” y”Vintage”. El discu, del que van distribuir 100 copies de promoción, ta grabáu y masterizáu nos propios llocales que l’ayuntamientu de Xixón ta poniendo a disposición de les bandes de la ciudá dende la so inauguración enel añu 2005. Anguaño casique ochenta grupos y bandes usen davezu estes instalaciones. 13 d'avientu, 2007 0 FacebookTwitterPinterestEmail
ConvocatoriesFiestes La Xunta pola Defensa de la Llingua solidárizase con un compañeru multáu por iguar un lletreru en Grau by asturnet 12 d'avientu, 2007 La Xunta pola Defensa de la Llingua Asturiana convoca pa mañana xueves una concentración, en solidaridá col miembru de la organización Xosé Antón Dadierno Collar. El militante foi denunciáu por iguar un lletreru a la entrada de Grau. La protesta va ser a les 10 hores de la mañana delantre de los xulgaos de Grau, na Plaza Longoria. Con esti actu, la Xunta pola Defensa de la Llingua quier denunciar la situación llaceriosa que ta sofriendo la toponimia tradicional asturiana. Y ye que según la Llei d’Usu y Primoción del Asturianu de 1998 Los topónimos de la Comunidá Autónoma del Principáu d’Asturies han tener el nome oficial na so forma tradicional (…). Por ello, pa la XPDLA, los que tán incumpliendo la llei nun son los asturianos que corrixen los cartelos, sinón la propia alministración que los caltién falsificaos. 12 d'avientu, 2007 0 FacebookTwitterPinterestEmail
Música La Curuxa actuen esti xueves nel restaurante Tierra Astur de Cualloto by asturnet 12 d'avientu, 2007 La Curuxa, un exemplu clásicu de bandina asturiana traduicional, va tar amenizando la nueche del xueves 13 d’avientu na sidrería Tierra Astur de Cualloto dientro del programa de conciertos que vien organizando davezu’l conocíu establecimientu hosteleru. La banda compónenla Iván, a la gaita; Arsenio col caxón ya’l tambor; Nel col acordión y Keko, que se fai cargu de les percusiones. La Curuxa inclúi nel so repertoriu pieces tradicionales asturianes y bretones, gallegues o vasques. 12 d'avientu, 2007 0 FacebookTwitterPinterestEmail
Música Rosa Cedrón, la que foi vocalista de Luar na Lubre, actuó nel Centru Cultural Cajastur d’Uviéu by asturnet 12 d'avientu, 2007 Rosa Cedrón, la que foi vocalista de la banda Luar na Lubre, actuó esti miercoles nel Centru Cultural Cajastur d’Uvieu dientro del ciclu “Musiques del sieglu XX”, que ta cellebrando la entidá financiera asturiana nos centros culturales que tien na rexón. El conciertu va entamar a les 20:00 hores y la entrada ye, como davezu, llibre hasta completar l’aforu y de baldre. Tres esti recital, l’artista actuará en Lugo y en La Coruña. Cedrón ta presentando “Entre Dous Mares”, el so discu de debú en solitariu tres nueve años cantando y tocando’l violonchelu colos gallegos Luar na Lubre. Xunto cola artista van tar nel escenariu ovetense, el vilonista, y hermanu de Rosa, Javier Cedrón ya’l pianista Manolo Gutierrez. 12 d'avientu, 2007 0 FacebookTwitterPinterestEmail
Música El quintetu de jazz d’Albert Vila actua güei en Xixón dientro del ciclu “Jazz nel centru” by asturnet 12 d'avientu, 2007 Continuen les cites col meyor jazz nel Centru de Cultura Antiguu Institutu de Xixón dientro del clásicu ciclu “Jazz nel centru”. Nesta ocasión ye’l quintetu d’Albert Vila el que visita l’escenariu xixones güei miercoles 12 d’avientu, a les 20:00 hores. Albert Vila, músicu y guitarrista barcelones mui ponderáu na escena del jazz esperimental y del nu-jazz, va tar acompañáu por Enrique Oliver, al saxu tenor; Roger Mas al pianu; Tom Warburton al baxu ellectricu y Marc Ayza a la batería. Vila ta formáu en “Taller de musics” xunto a Andy Rossety and J.Luis Gamez completando los sos estudios musicales nel Conservatoriu d’Amsterdam y na Escuela de Música de Manhattan (NY). En 2004 foi galardonáu col premiu a la meyor composición jazzística n’Holanda pol tema “Gym-jam” y ya cola formación d’anguaño algamó’l concursu de jazz “Debajazz contest 2007” en San Sebastian y grabó lo que ye’l so debú discográficu, “Foreground Music”. Siente los cancios d’Albert Vila 12 d'avientu, 2007 0 FacebookTwitterPinterestEmail
Música Espublizose la llista de candidatos asturianos a los Premios de la Música by asturnet 12 d'avientu, 2007 Carlos Rubiera, la banda Dulcamara, Sergio Rodríguez, Soncai System, Skanda y Blima son dellos de los artistes asturianos que tan preseleccionaos na llista provisional de los que opten a un de los galardones na prósima edición de los Premios de la Música, que organiza l’Academia de les Artes y las Ciencies de la Música. Na páxina web del certamen ta espublizáu el llistáu completu de nominaos nes diferentes categoríes. Na categoría empobinada a reconocer al meyor álbum de Música Tradicional de tol país tan preseleccionaos Carlos Rubiera, col so reciente discu “Asturianes”; la banda de folk Dulcamara por “¡Sali, l.luna!”, el productor y músicu Sergio Rodríguez pol discu “Tutu Studiu 07”. Optando al premiu al meyor álbum de Fusión apaecen na llista Soncai System con “Clashturies” y Skanda col discu “El cuartu”. Na sección reservada al meyor productor artísticu repite l’asturianu Sergio Rodríguez, precisamente pol so trabayu col discu de Soncai System y na d’artista revelación apaez el grupu Blima. Per otra parte na sección de los premios que reconoz la meyor canción n’asturianu les seleccionaes son: “La música nun va aparar” de la banda Skama la Rede: “L’escaecíu” de Na Zona; “Morenina de Caldones” de Carlos Rubiera; “Rutines” de Blima, “Seique non” de Tejedor; “Ser humanu” de Skanda; “Soncai” de Soncai System y “Vaqueiradas del maltratu” de Rafa Lorenzo. Los finalistes van dase a conocer nel prósimu xineru y los ganadores nuna gala que se va cellebrar nel mes d’abril. Llista de candidatos 12 d'avientu, 2007 0 FacebookTwitterPinterestEmail
Música Esther Fonseca presenta discu nuevu en solitariu en La Pola Siero by asturnet 11 d'avientu, 2007 La que fuere componente del grupu Xentiquina, dirixíu pol so pá Nacho Fonseca, ta acabante de sacar al mercáu un discu nuevu, Viaxe, que recueye 14 temes autoeditaos pola cantante en collaboración col so padre, que ye tamién el compositor de los temes del cd. Esti yel segundu discu quasoleya en solitariu Esther, dempués de quen 2002 sacare al mercáu Agua. Esther Fonseca ye tamién la voz del grupu de folk Llangres, col que ta preparandol que va ser el tercer discu de la formación. Pa los que quieran sentir la voz desti Viaxe dEsther Fonseca, van poder facelo güei mesmu na Casa Cultura de La Pola Siero, dende les ocho la tarde. Myspace (páxina personal) d’Esther Fonseca 11 d'avientu, 2007 0 FacebookTwitterPinterestEmail