Música Un llibru recueye los trabayos de les Xornaes d’Estudiu de la Gaita Asturiana by asturnet 28 de febreru, 2006 El salón d’actos del Edificiu Administrativu de Servicios Múltiples (EASMU) del Principáu n’Uviéu acoyó esti llunes 27 la presentación del llibru: “La gaita asturiana. Xornaes d’estudiu”, un volume que recueye les actes del congresu celebráu en Xixón en mayu del añu pasáu alrodiu de diversos aspectos tocantes a la realidá del instrumentu tradicional. Fernando Ornosa, del Muséu de la Gaita de Xixón, entidá organizadora de les xornaes del añu pasáu; los gaiteros Pedro Pangua y Flavio de Benito, y el responsable d’estudios artísticos de la Conseyería d’Educación Roberto del Campo participaron nel actu de presentación de los trabayos espuestos nes Xornaes d’Estudiu de la Gaita Asturiana. Nel cursu de la so intervención, el representante de l’administración autonómica, recalcó’l compromisu de la Conseyería n’elevar a rangu oficial los estudios musicales de gaita asturiana. 28 de febreru, 2006 0 FacebookTwitterPinterestEmail
Música La Tarrancha ufierta dos conciertos enantes de metese a grabar by asturnet 24 de febreru, 2006 La banda de ska-fusión La Tarrancha ufierta esti viernes 24 n’Avilés y el sábadu 25 en Goián (Galicia) los sos dos últimos conciertos de la temporada enantes de metese nel estudiu de grabación. L’actuación nel Antroxu avilesín va ser la so despidida momentánea de los escenarios asturianos. La Tarrancha tien previsto entamar a preparar un minicedé con dellos de los sos temes y pa ello va retirar un tiempu de facer conciertos. Después de la so actuación n’Avilés, programada ente les 21.30 y les 22.30, la banda de folk progresivu viaxa a Galicia onde toca esti sábadu en Goián, na raya con Portugal, nel Festival de Taíña y xunta grupos como A Banda de Poi, Matraca Perversa y Heissel. 24 de febreru, 2006 0 FacebookTwitterPinterestEmail
Música El Teatru Filarmónica acueye la gala d’entrega de los Premios AMAS by asturnet 24 de febreru, 2006 El Teatru Filarmónica d’Uviéu acueye esta nueche la gala d’entrega de los premios AMAS (Anuario de la Música Asturiana) que se celebren por primer vez agospiaos pola cadena Ser n’Asturies. Nel cursu de la ceremonia van conocese los nomes de los ganadores y Xuacu Amieva, Melendi, El Sueño de Morfeo y el productor Manolo Díaz van recibir galardones honoríficos pola so trayectoria artística. Los premios AMAS pretenden ser un reconocimientu añal a los músicos asturianos en diverses categoríes, dende’l folk al hip-hop, el pop, el rock, la canción d’autor y lleven el nome del proyectu al que tán vinculaos, un anuariu de l’actividá musical na nuestra comunidá. La ceremonia d’entrega va escomenza a les 20.30 nel Teatru Filarmónica y nella van dase a conocer los nomes de los artistes escoyíos pol públicu al través de votación electrónica. 24 de febreru, 2006 0 FacebookTwitterPinterestEmail
Patrimoniu Andecha pide responsabilidaes a Cultura tres la sentencia del Supremu sobre Cellagú by asturnet 23 de febreru, 2006 La desestimación pol Tribunal Supremu del recursu presentáu pola empresa causante de la estroza del castru de Cellagú n’Uviéu, la cantera Readymix Asland, nuna sentencia conocida va unos díes ye’l motivu pol que l’agrupación carbayona d’Andecha Astur pide la dimisión de la conseyera de Cultura y del Director de Promoción Cultural, como responsables de “dar vía llibre” al procesu que llevó a la destrución del xacimientu arqueolóxicu. La formación nacionalista cuida que la sentencia del Supremu -avalando otra del Tribunal Superior de Xusticia d’Asturies- ye razón bastante pa desixir responsabilidaes polítiques a los responsables de la Conseyería por permitir lo sucedío ya que, según afirma’l portavoz d’Andecha Ezequiel Sánchez: “esti castru foi arrasáu por persones desconocíes, ensin que se ficiere dengún tipu dinvestigación seria pola parte los responsables de Cultura y llueu, a la escontra de les opiniones de los historiadores, foi desmantelau pa ser treslladáu, nun sabemos cuando, a una finca pública, dexando asina llibrel tarrén pa que la empresa Readymix Asland pueda siguir col frente de cantera onde tenia previsto”. Andecha pide amás de la dimisión de la conseyera Migoya y de Carlos Madera la restitución de los restos del xacimientu al so sitiu orixinal, al considera que “tres la sentencia del Tribunal Supremo la empresa nun podrá siguir trabayando nesi frente de cantera enxamás, colo que carez de tou xaciul so camude de llugar, pa poder visitalu, a denguna otra zona del conceyu, siendo esta la única apropiada por ser la, orixinalmente, escoyida polos antepasaos de nueso pal so allugamientu”, manifestó el portavoz de la organización nacionalista. 23 de febreru, 2006 0 FacebookTwitterPinterestEmail
Música La llucha pola llibertá de les muyeres centra l’espaciu reflexivu del Derrame Rock 06 by asturnet 23 de febreru, 2006 < Los responsables de la organización del Derrame Rock presentaron esti miércoles 22 l’espaciu reflexivu del macrofestival qu’esti añu va tar dedicáu a la llucha pola llibertá de les muyeres. Les actividaes de Derrameidea 2006 , feches en colaboración cola Fundación Juan Muñiz Zapico, van remembrar a les muyeres de Ciudad Juárez y Guatemala, a Dolores Ibárruri ‘La Pasionaria’ y a esconxurar la violencia de xéneru con un concursu de grafitis. Esti añu el Derramidea quier abordar l’asuntu de la llucha de les muyeres pola llibertá dende diverses óptiques. Una de les novedaes respective a la primer edición d’esti espaciu reflexivu dientro’l macrofestival de rock pa ser la inclusión d’un tiempu de músiques alternatives nel recintu del Derramidea, “col fin de dar voz a las muyeres pa que daen amuesa de la so contribución a la música”, desplicaron los responsables de la organización. Conferencies, debates, actuaciones musicales y sesiones de Djs van centrar les actividaes de Derramidea 2006, amás de les esposiciones: una sobre la violencia de xéneru, otra sobre La Pasionaria y una tercera sobre la condición de muyer na cultura rock. 23 de febreru, 2006 0 FacebookTwitterPinterestEmail
Música Pablo Moro escomienza en Barcelona una xira per tol estáu by asturnet 15 de febreru, 2006 El cantautor Pablo Moro escomenzó esti martes 14 en Barcelona una xira por diverses ciudaes del estáu na que va promocionar el segundu single estraíu del so discu “Emepetrés” con una serie de conciertos acústicos. Una cadena española de radiofórmula promociona esti tour del músicu uvieín na so primer salida organizada fuera d’Asturies. El single “Wodka y caramelos” y el video-clip d’esti tema centren la xira promocional de Moro y que lu lleva a actuar el prósimu 15 de marzu en Madrid, al día siguiente en Valencia, el 23 de marzu en Santiago de Compostela y un día después n’Uviéu pa siguir darréu per otres ocho ciudaes españoles. La Cadena 100 organiza esta xira promocional de Pablo Moro entamada alrodiu d’actuaciones con formatu acústicu y que va siguir de mano hasta’l prósimu mes d’abril. 15 de febreru, 2006 0 FacebookTwitterPinterestEmail
Música El grupu astur-arxentinu Fardaxu prepara’l llanzamientu del so segundu discu by asturnet 15 de febreru, 2006 El grupu Fardaxu, formáu por miembros del Centru Asturianu de Buenos Aires y del Taller de Música y Artes Buenos Aires (TAMABA), ta trabayando na edición española del so segundu discu “Revolución Celta”. Anticipándose a tala edición, la formación astur-arxentina ufierta la posibilidá de descargar la melodía del tema d’apertura del discu, “El Pericote”, como sintonía pal teléfonu móvil. Pa consiguir la melodía monofónica del tema basta con unviar un mensaxe de testu al 7200 poniendo “celtatono pericote”. Mentes que si lo que se quier ye la melodía polifónica hai que mandar un mensaxe al mesmu númeru poniendo “celtapoli pericote”. El discu “Revolución Celta” ta basáu en temes de la música tradicional asturiana al que la formación añede arreglos innovadores. Nél cuntaron cola collaboración d’abondos invitaos de prestixu internacional, como Flavio Benito na gaita, las cantareiras Xoldra del Centru de Cultura Gallega Xeito Novo, Daniel García de la Cuesta en bandurria, y Arturo Schneider (flautista d’Astor Piazzolla), ente otros. En xunetu y agostu de 2005, el grupu Fardaxu fixo la so primer xira española, participando ente otros conciertos nel Festival Intercélticu d’Avilés, xunta Carlos Nuñez y teniendo abonda repercusión nos medios de comunicación. 15 de febreru, 2006 0 FacebookTwitterPinterestEmail
Música Sting dio el so preste a la canción “Un asturiano en Madrid” de Dark la Eme by asturnet 14 de febreru, 2006 La versión del conocíu tema de Sting “Englishman in New York” que fizo’l músicu l.leniegu Dark la Eme titulándola “Un asturiano en Madrid” cuenta ya col parabién del ex componente de The Police. El raperu asturianu prepara anguaño la presentación del so nuevu discu “Chigre y dragón” nel antroxu d’Uviéu nun conciertu nel que va cuntar ente otres colaboraciones cola de la cantadora Anabel Santiago. La compañía de Sting dio-y el so preste a Mario Fueyo -nome real de Dark la Eme- pola versión de “Englishman in New York” y especificó el porcentaxe de cesión de derechos del cantar fechu pol raperu asturianu nel que ye cásique l’himnu oficial de les “lleendes urbanes” astures residentes na capital del estáu. El discu nuevu de Mario Fueyo/Dark la Eme, tituláu “Chigre y Dragón” preséntase en directu el prósimu 3 de marzu n’Uviéu, nun conciertu programáu dientro los actos del antroxu carbayón. Más información 14 de febreru, 2006 0 FacebookTwitterPinterestEmail
Patrimoniu Andecha pide que la Conseyería asuma la estroza del órganu de Santa Maria de La Corte by asturnet 13 de febreru, 2006 L’agrupación local d’Andecha Astur presentó nel rexistru de la Conseyería de Cultura nel que se pide a esti departamentu qu’asuma les obres d’arreglu del órganu de la ilesia de Santa María de la Corte, inutilizáu por mor d’unes obres entamaes pol propiu Principáu. La formación nacionalita encamienta a la Conseyería pa que faga cumplir les sos responsabilidaes respective a esta estroza del órganu históricu a la empresa encargada de los trabayos de restauración del monumentu. Los fechos denunciaos por Andecha remóntense al añu 2003 nel que por mor de les obres d’igua de la ilesia de La Corte una avería d’agua dexó inutilizáu l’órganu del templu. Trescurríos casi dos años del accidente A.A. pide agora a Cultura qu’asuma l’arreglu del instrumentu. 13 de febreru, 2006 0 FacebookTwitterPinterestEmail
Música Los Elefantes van escomenzar en Xixón la so última xira como grupu by asturnet 11 de febreru, 2006 Los Elefantes anuncien nuna nota de prensa l’escomienzu de la que va ser la so última xira como grupu. La veterana banda de los noventa disúelvese después de diez años de carrera musical y siete discos nel mercáu. El primer de los conciertos de la xira de despidida de los barceloneses va ser en Xixón el prósimu 2 de marzu. El grupu agradez nel so comunicáu l’apoyu y fidelidá a tolos sos siguidores ya informa de que tres la disolución de Los Elefantes cada componente va siguir trabayando nel ámbitu de la música: Shuarma escomienza una carrera en solitariu, Julio Cascan va alternar les xeres de productor cola so propia carrera como músicu; Jordi Ramiro continuará coles sos clases de percusión, y Hugo tá a puntu d’abrir el so propio estudiu de grabación en Barcelona, amás d’ultimar les canciones pal so nuevu proyecto. Los Elefantes actúen el 2 de marzu na Sala Älbeniz de Xixón y a lo llargo de la so xira de despidida van grabar un discu y un DVD en directu. 11 de febreru, 2006 0 FacebookTwitterPinterestEmail