Lliteratura Suburbia presenta Contadores de lluz na Casa Posafuelles by asturnet 11 d'abril, 2011 La editorial xixonesa Suburbia presenta la so novedá última nUviéu, Contadores de lluz, un llibru coleutivu alredor de la obra fotográfica de Jandro Llaneza nel que participen trece autores: Pablo Texón, Quique Faes, Xabiero Cayarga, Vanessa Gutiérrez, Xandru Fernández, Alberto Carrio, Sofía Castañón, Xabel Vegas, Miguel Rojo, Pablo X. Suárez, Xurde Fernández, Iris Díaz Trancho y Ramón Lluís Bande., con prólogu y edición de Silvia Cosio. La presentación va facese nel chigre Casa Posafuelles, na cai La Cuesta la Vega, 10 (Uviéu), esti martes, 12 dabril, a les ocho la tarde, cola intervención de Pablo Texón y Xandru Fernández. 11 d'abril, 2011 0 FacebookTwitterPinterestEmail
Lliteratura Pintar-Pintar entama una canal de TV en Livestream by asturnet 8 d'abril, 2011 La editorial Pintar-Pintar vieno acabante de crear una canal de TV en direuto al traviés de la web Livestream que pue siguise dende cualquier plataforma. Esti vienres 8 d’abril, a partir de les 19,30 hores emitirase en direuto la presentación del álbum “El caimán azul” de Xavier Frías y Daniel Montero. La canal pue siguise dende esti enllaz. Canal en Livestream de Pintar-Pintar 8 d'abril, 2011 0 FacebookTwitterPinterestEmail
Lliteratura El númberu 104 de Lletres Asturianes entama una nueva etapa de la revista oficial de l’Academia by asturnet 4 d'abril, 2011 Vieno acabante d’aportar a les llibreríes el númberu 104 del boletín de lAcademia de la Llingua Asturiana quabre una nueva etapa de la publicación, con un nuevu formatu y l’anuncia de qu’entamará dende’l númberu próximu a asoleyase una versión dixital del mesmu. Les novedaes van empobinaes tamién a allugar a la revista científica de l’Academia nel llugar que-y correspuende nos índices de citación académica y darréu d’ello afítase una periodicidá semestral y la igual del Conseyu Científicu Asesor y del Conseyu de Redaición. Nesti númberu apaecen artículos como(“R)espigando en la documentación altomedieval de León” de Dieter Kremer; “Las sibilantes en la documentación notarial leonesa en el paso del latín al romance: ¿alternancia gráfica o confusión fonética?” de Vicent J. Marcet Rodríguez; “La poesía asturiana a xuiciu del modernismu” de Miguel Ramos Corrada; “A Literatura em Língua Asturiana. Algumas notas de leituras” de Newton Sabbá Guimarães, “Patrones temático-formales na narrativa curtia de Xosé Álvarez «Pin»” de José Antonio Calzón García & Paula Pulgar Alves, “L’aire n’Asturies: un averamientu a la cultura del aire al traviés del léxicu” de Rubén Fernández Martínez, “Toponimia y Sistemas de Información Geográfica. Un ejemplo de su uso combinado en Arqueología del Lenguaje” de Jesús Fernández Fernández, y “Contribución de la toponimia al debate sobre el origen romano de Uviéu” de Cristina García-Sampedro Clérigo. Amás, lexemplar inclúi na parte final espaciu panuncies, reseñes y les normes pala presentación de trabayos a la publicación. 4 d'abril, 2011 0 FacebookTwitterPinterestEmail
Lliteratura Convóquense los XI Premios de la Crítica y el V Premiu de les Lletres dAsturies by asturnet 4 d'abril, 2011 L’Asociación dEscritores dAsturies convoca’l V Premiu de les Lletres dAsturies y los XI Premios de la Crítica dAsturies coles siguientes categorías, dixebraes pa obres nasturianu o en castellán: Novela, Cuentu, Poesía, Lliteratura infantil y xuvenil, Narrativa de non ficción y Columnismo lliterariu. Dotra banda, el Premiu de les Lletres d’Asturies va concedese a un autor ñacíu, residente o con una singular venceyu a Asturies, y con una obra que suponga una aportación especial a la lliteratura. Nes modalidaes de Novela, Cuentu, Poesía, Lliteratura infantil y xuvenil y Narrativa non ficción concederáse’l premiu a un llibru d’un autor que ñaciera o viva n’Asturies, espublizáu pro cualesquier editorial. Na modalidá de Columnismu lliterariu va concedese’l premiu a aquella columna o conxuntu de columnes lliteraries d’un autor que fueren espublizaes en cualesquier periódicu por un autor que ñaciera o more n’Asturies. Pa presentar propuestes al Premiu de les Lletres dAsturies tendrá d’unviase una propuesta por escritu na que figure’l nome del autor propuestu pa esti premiu, llugar y fecha de ñacencia, dirección postal, teléfonu de contactu, nota bio-bibliográfica, amás duna esplicación de los méritos que se consideren oportunos pa la so valoración. Bases completes 4 d'abril, 2011 0 FacebookTwitterPinterestEmail
Lliteratura Muerre a los 65 años l’escritor y artista Nel Amaro by asturnet 4 d'abril, 2011 El poeta Nel Amaro, miembru de l’Academia de la Llingua y ún de los poetes más combativos y modernos del Surdimientu, falleció esti llunes a la edá de 65 años, al rodiu les 4 de la tarde. Nacíu en Quentuserrón (Mieres) en 1946, ye Nel Amaro ún de los animadores culturales del Valle del Caudal de les dos últimes décades. Presu políticu nos últimos años de la dictadura, fundó y dirixó en Mieres y Turón revistes culturales tan actives como Sapiens y Cuélebre literario. Nel Amaro ye ún de los escritores más prolíficos y versátiles de la moderna lliteratura asturiana. Poeta, novelista y autor teatral, primero en castellán y más tarde nasturianu, ye tamién ún de los pocos nomes de la primer xeneración del Surdimientu que siguía publicando na actualidá y faciendo actu de presencia en performances y otres instalaciones. La so obra poética alcuéntrase recoyida nos llibros: Responsos laicos (1979), Habitación de poeta (1981), Boca arriba, lentamente naufragando (1982), Y tu, Marta B., quentoncies nun yeres, tampocu, lAnna Karina de les películes de Jean Luc Godard (1990), Diariu dun polizón (1990), Poemes de San Francisco (1993) y Pruebes dautor (1994). Nellos practica una estética que xunta en dosis asemeyaes guiños vanguardistes con ecos de protesta social (de Vallejo, Blas de Otero, Aresti, mayormente) y que faen dAmaro ún de los autores más singulares del panorama poéticu del Surdimientu. Como novelista dio a estampa: Adiós Dvorak (1990), Novela ensin títulu (1991), dos exemplos del cultivu del xéneru policiacu ente los actuales escritores asturianos y Falanxista (1996), una obra que conxuga lalcordanza hestórica cola denuncia política, y Na borrina (1993) y Lúltimu del pelotón (1994). Amaro dirixó tamién grupos teatrales y ye autor, al empar, de diverses obres dramátiques, ente les que resalta Antígona, por exemplu (1991). Nos años noventa lescritor mierense empieza a dedicase a otros campos creativos comol de la poesía visual, la elaboración de fancines y lentamu de “happenings” y instalaciones de calter colectivu. Nel Amaro yera miembru de númberu de lAcademia de la Llingua Asturiana. 4 d'abril, 2011 0 FacebookTwitterPinterestEmail
Lliteratura Los Premios Timón 2011 yá tienen 14 candidatures by asturnet 1 d'abril, 2011 Según espubliza esti día nel so blog la organización del Premiu, ya ta abiertu’l plazu de presentación de candidatures pa los Premios Timón entamaos por L’Arribada, que terminará’l viniente 6 de mayu, y al que puen presentales una persona o un colectivu nes señes de corréu electrónicu de l’asociación: larribada@gmail.com. Pa esta edición, opten a los gallardones los/es escritores que nacieren nel añu 1.961 o anteriormente. Trátase del V Premiu Timón, p’autores en llingua asturiana y n’eonaviego, y del II Premio Timón, p’autores asturianos en llingua castellana. P’alcordar los gallardones, l’asociación convocará dos xuraos, ún por cada modalidá, integraos por persones venceyaes a la cultura del país. Estes distinciones, que consisten nuna obra del escultor y ceramista xixonés Jesus Castañón pa cada premiu, entregaránse mientres la cellebración de L’Arribada 2011, dientro de la so estaya Vagamar, que se desarrollará del 9 al 17 de setiembre en Xixón. Les candidatures presentaes hasta’l momentu son les que vienen darréu: Pal V Premiu Timón; Lurdes Álvarez, Pablo Ardisana, Manuel Asur, Sabel de Fausta, Antón García, Vicente García Oliva, Esther Prieto, Miguel Rojo y Miguel Solís Santos. Pal II Premio Timón; Fulgencio Argüelles, José Luis Argüelles, Carmen Gómez Ojea, Juan Méjica y Carmen Ruiz-Tilve. Los ganadores anteriores del Premiu Timón fueron Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009) y Roberto González-Quevedo (2010); y el del Premio Timón, Luis Fernández Roces (2010). 1 d'abril, 2011 0 FacebookTwitterPinterestEmail
Lliteratura David Artime presenta “La bufanda” na Casa Posafuelles by asturnet 30 de marzu, 2011 David Artime va presentar esti miércoles, 30 de marzu, “La bufanda”, la so primer novela. L’actu va tener llugar a les ocho la tarde nel chigre de la XPDLLA, La Casa Posafuelles, asitiáu nel númberu 10 de la Cuesta La Vega, n’Uviéu. Nel actu va intervenir el mesmu autor, tres una curtia introducción sobre’l llibru del realizador cinematográficu Pablo A. Quiroga. Darréu, va haber una vez d’intervenciones pa los asistentes que quieran dirixise a Artime pa entruga-y pola so obra. La novela espublizóla la editorial Trabe y narra les andances d’un ultra del Sporting mientres los postreros partíos d’una temporada. La obra foi ganadora del Premiu de Narrativa de la editorial en 2009. 30 de marzu, 2011 0 FacebookTwitterPinterestEmail
Lliteratura Fallen el segundu concursu de microrrellatos sidreros by asturnet 29 de marzu, 2011 El II Concursu de Microrrellatos Sidreros, convocáu pola revista La Sidra con dos premios de 500 euros pa cada categoría, asturianu y castellán. Nel casu del asturianu’ gallardón foi pa “El tercer vasu”, escritu por Xuan Pedrayes Obaya, mientres qu’en castellán foi pa “Winsto reportando”, escritu por Graciela Litvak. 29 de marzu, 2011 0 FacebookTwitterPinterestEmail
Lliteratura La FNAC acueye la presentación de “Contadores de lluz” by asturnet 29 de marzu, 2011 Suburbia Ediciones asoleyal númberu 10 de la coleición “mecánica popular”, Contadores de lluz, un llibru coleutivu alredor de la obra fotográfica de Jandro Llaneza, y va poder sentise a los autors esti xueves 31 de marzu a les 19 hores, na FNACT de Siero. Trece escritores asturianos trabayaron sobre trece semeyes previes, y el resultáu ye un volume quañuda fotografía y lliteratura y que sal esta selmana a la venta. Los autores participantes nesta presentación van ser Pablo Texón, Quique Faes, Xabiero Cayarga, Vanessa Gutiérrez, Xandru Fernández, Alberto Carrio, Sofía Castañón, Xabel Vegas, Miguel Rojo, Pablo X. Suárez, Xurde Fernández, Iris Díaz Trancho y Ramón Lluís Bande, con antoxana y edición de Silvia Cosío. 29 de marzu, 2011 0 FacebookTwitterPinterestEmail
Lliteratura Uviéu acueyel primer Salón del Llibru Asturianu Solidariu by asturnet 25 de marzu, 2011 El Gremiu d’Editores d’Asturies entama na plaza de Trescorrales d’Uviéu’l primer Salón del Llibru Asturianu Solidariu, que va celebrase dendel vienres 25 al domingu 25 de marzu, cola participación de les 17 editoriales que formen parte del Gremiu, que van poner a la venta’l so fondu editorial, con llibros en castellány asturianu, y que por cada llibru compráu na feria, van donar otru igual a instituciones como’l Centru Maternu Infantil d’Uviéu o’l Centru Penitenciariu de Villabona. Lhorariu desti salín ye d11:00 a 15:00 hores y de 17:00 a 21:00 hores, cuntando con delles actuaciones, cuentacuentos… La Bandinal Tombu va tar el sábadu 26, a les siete y media la tarde. 25 de marzu, 2011 0 FacebookTwitterPinterestEmail