Conceyos La bandera arcuiris ponse en delles Cases Conceyu d’Asturies by asturnet 26 de xunu, 2015 Depués de que lo ficiere esta selmana l’Ayuntamientu d’Uviéu, dellos otros conceyos asturianos siguen los pasos capitalinos: Conceyu Abiertu por Noreña vien de meter pel Rexistru Municipal una propuesta xunto con una bandera arcuiris que donearen al Ayuntamientu de Noreña. Na propuesta, per un llau, piden que dicha bandera tea espuesta nel balcón de la Casa Conceyu, coincidiendo col Día l’Arguyu, en seña de respetu y apoyu al coleutivu LGBT y tamién piden el cumplimientu d’una moción que propusiéren en 2013 ante’l Plenu de Noreña. Aquella moción, pese a ser aprobada por unanimidá nun tuvo cumplimientu a la mesma, nel sentíu de que l’Ayuntamientu comprometíase a facer al menos una aición pedagóxica al añu empobinada a reivindicar el respetu a la diversidá d’orientación sexual y d’identidá de xéneru. Dicir tamién que la bandera ya quedó puesta nel balcón ya que la propuesta foi bien acoyía por parte de l’alcaldesa de Noreña qu’amás ya nos dixo que se comprometía a facer eses aiciones pedagóxiques y que taba buscando contautos con asociaciones y coleutivos con esperiencia nestos temes pa ver que se podía facer. Na semeya que se axunta Pablo Pérez conceyal de Conceyu Abiertu por Noreña y Amparo Antuña alcaldesa por Independientes por Noreña nel balcón colocando la bandera. 26 de xunu, 2015 0 FacebookTwitterPinterestEmail
Educación Aprobada la programación de l’Axenda Didáctica Escolar 2015 by asturnet 26 de xunu, 2015 Esti vienres 26 de xunu publicóse nel Boletín Oficial del Principáu d’Asturies (BOPA) la resolución pola que s’aprueba la programación anual de l’Axenda Didáctica Escolar. El plazu pa llevar alantre les actuaciones y actividaes nos centros educativos remata’l 20 de payares del 2015. La oficina de Política llingüística ufre na so web la posibilidá de consultar les actividades axudicaes a los centros esbillando ente les Actividaes axudicaes a centros d’Educación Primaria y les Actividaes axudicaes a centros d’Educación Secundaria y/o Bachilleratu. 26 de xunu, 2015 0 FacebookTwitterPinterestEmail
Educación García Arias seguirá dos años más como eméritu honoríficu by asturnet 26 de xunu, 2015 Xosé Lluis García Arias vieno acabante ser nomáu esta selmana eméritu honoríficu de la Universidá d’Uviéu colo que podrá allargar la so docencia nes aules universitarioes dos años más, pa gayola del alumnáu que va poder seguir disfrutando de la calidá científica y docente d’esti especialista. Catedráticu de Filoloxía Española foi presidente de l’Academia de la Llingua Asturiana ente 1981 y 2001 y ye autor de numberoses obres sobre gramática y toponimia asturiana y contribuyó decisivamente a la ellaboración del Diccionariu Xeneral de la Llingua. El Conseyu de Gobiernu de la Universidá d’Uviéu votó esti martes, na so sesión del mes de xunu, el nomamientu del inxenieru Alfonso Fernández Canteli como profesor eméritu y el del filólogu Xosé Lluis García Arias como eméritu honoríficu. Dambos van poder d’esta forma siguir col so llabor docente ya investigadora na institución asturiana dos años más dempués de la so xubilación. Y reciben asina la reconocencia de los sos compañeros. 26 de xunu, 2015 0 FacebookTwitterPinterestEmail
Educación Campus Científicos de Branu by asturnet 26 de xunu, 2015 Esti próximu llunes, 29 de xunu, el rector Vicente Gotor y la directora d’área de Tresferencia de Resultancies de la Investigación Ana Valdés van dar la bienvenida al primer grupu de participantes nos VI Campus Científicos de Branu de la Universidá deOviedo, enmarcaos dientro de les actividaes del Campus d’Excelencia Internacional. L’actu ta previstu pa les 10:00 hores na Aula Magna del Edificiu Históricu. 26 de xunu, 2015 0 FacebookTwitterPinterestEmail
Educación IX repite na Xunta’l sofitu a impantar bachilleratu en Zarréu by asturnet 25 de xunu, 2015 El grupu parlamentariu d’IX vieno acabante repetir el sofitu a l’Asociación de Madres y Padres de Zarréu que demanden la implantación del primer cursu de bachilleratu pal próximu cursu escolar. María José Miranda, vicepresidenta de la Xunta, y la diputada Concha Masa caltuvieron un alcuentru esta mañana con una representación de los padres, encabezada pola presidenta de la AMPA, Susana Marentes, acompañaos de representantes de la’AMPA de Boal, que conxuntamente con otres asociaciones pretenden formar una AMPA de colexos rurales en toa Asturies. María José Miranda recordó qu’IX yá sofitó a los padres de Zarréu al traviés d’una Proposición Non de Llei que s’aprobó na llexislatura apocayá rematada y va recuperar esa iniciativa de manera urxente, que foi votada por tolos grupos salvu pol PSOE. Na opinión d’IX “la Conseyería niega la implantación del bachilleratu en Zarréu por una cuestión económica, amontar la plantiya en dos profesores a media xornada y unu de matemátiques a xornada entera, cuando’l beneficiu pal conceyu de Degaña ya Ibias sería enforma mayor, y evitaría a los neños tener que treslladase tolos díes hasta l’institutu de Vil.lablinu, cruciando un puertu de monte de 1.400 metros, qu’en dómines ivernices fai que los neños pierdan ente 1 y 2 meses al añu de clases. Esti pidimientu, que Marentes xulga nada escabarriáu beneficiaría a ente 10 y 12 alumnos mientres el cursu próximu, d’un total de 100 neños qu’agora estudien en Zarréu”. 25 de xunu, 2015 0 FacebookTwitterPinterestEmail
Educación SUATEA pide aparar la LOMCE by asturnet 19 de xunu, 2015 Cuidando que’l MEC sigue ensin dar respuesta a les esixencies de paralización de la LOMCE que se tán produciendo en tol Estáu y dende tolos ámbitos, SUATEA y la Confederación de STEs-i piden a los gobiernos autonómicos que dean respuesta urxente a la gran incertidume esistente nos colexos ya institutos y anuncien la paralización de la implantación d’esta llei, como pasu previu a la derogación d’esta llei. Tres les elecciones del 24 de marzu, 12 de les 17 comunidaes autónomes tán gobernaes por partíos qu’espresaron el so refugu a la LOMCE, y estos gobiernos tienen de dar respuesta inmediata, sigún SUATEA, “a les mires que llevantó la so oposición a esta llei, lo qu’ensin dulda-yos apurrió sofitu electoral”. La gran mayoría de les comunidaes, ente elles l’asturiana, “siguen ensin publicar los decretos de currículum d’ESO y Bachilleraro y, por tanto, sígense ensin conocer de manera definitiva los horarios que van tener les distintes asignatures en 1º y 3º d’ESO y en 1º de Bachilleratu, a escasos díes de que l’alumnáu tenga que matriculase nestos cursos”. Esto afecta, sigún SUATEA, “a los cupos del Profesoráu que tien d’haber en cada centru, cupos que yá tendríen de tar aprobaos pa proceder en pocos díes al nomamientu de les persones que correspuenda”. N’Asturies los centros educativos entá nun conocen la respuesta de la Conseyería a los cientos d’allegamientos presentaos polos equipos directivos. 19 de xunu, 2015 0 FacebookTwitterPinterestEmail
Educación Izquierda Xunida cuestiona la repetición de cursu de la LOMCE by asturnet 19 de xunu, 2015 Izquierda Xunida cuestiona la repetición de cursu que fomenta la LOMCE y sofita les propuestes por que sía una práctica “escepcional. Asina lo recueye nuna nota de prensa l’Área Federal d’Educación d’IX que “sofita la propuesta recoyida nel Documentu de bases pa una nueva Llei d’Educación y recuerda que la comunidá educativa cuestiona’l sistema actual impulsáu pol PP”. Izquierda Xunida, al traviés de la so Área Federal d’Educación, propón un alderique “seriu sobre la práctica abusiva del denomináu mal francés, país d’onde’l nuesu sistema educativu adoptó la repetición de cursu jai cuantayá. IX sofita la propuesta recoyida nel Documentu de bases pa una nueva Llei d’Educación, Alcuerdu social y políticu educativu, onde s’establez que namái en condiciones bien escepcionales va recurrir a la repetición de cursu na enseñanza obligatoria. Na nota de prensa asoleyada esti día, IX diz camentar qu’esta práctica namái sirve p’aumentar les tases d’abandonu escolar, ente que s’abandonó un apueste claru pola atención a la diversidá y el sofitu educativu al alumnáu que presenta dificultaes d’aprendizaxe, sigún señalaba tamién esti día Enrique Díez, coordinador de l’Área Federal d’Educación. Díez recuerda que la llei educativa impuesta pol PP, la LOMCE, fomenta la repetición yá non nel ciclu, sinón por cursu, polo que la capacidá de trabayar individualmente colos estudiantes o’l desdoblamientu de les clases, en cuenta de solucionar el problema “lo que lleva ye al aumentu del fracasu escolar, un índiz que correlaciona directamente cola repetición. Lo que se consiguió per esti mediu ye qu’un terciu de los estudiantes repita siquier un cursu demientres la educación obligatoria y que casi cuatro de cada diez nun tean nel cursu que debieren”. Sigún IX “n’Alemaña, Italia, Austria y Países Baxos la repetición ye un fenómenu prácticamente inesistente; ye escepcional n’Australia o Nueva Zelanda, ente que en Dinamarca, Grecia, Irlanda, Chipre, Suecia, Reinu Uníu, Islandia y Noruega los alumnos y alumnes pasen automáticamente al cursu siguiente na educación obligatoria, y reciben sofitu complementariu los que tienen dificultaes”. Hai países onde inclusive la repetición de cursu nun se permite, como Xapón, Coria y los países escandinavos, precisamente los qu’ocupen los primeros puestos nes evaluaciones internacionales sobre resultaos educativos. 19 de xunu, 2015 0 FacebookTwitterPinterestEmail
Conceyos Pieslla’l Taller d’Emplegu “Paisaxe Históricu Cultural” en La Villa by asturnet 19 de xunu, 2015 Esti viernes 19 de Xunu tuvo llugar l’actu de Clausura del Taller d’Emplegu “Paisaxe Históricu Natural” nel conceyu maliayu a lo llargo del añu. L’eventu cuntó cola presencia de la Xefa de Sección d’Escueles Taller y Talleres d’Empléu del Principáu d’Asturies Amelia Regueru y l’Alcalde de Villaviciosa Alejandro Vega, y nel intre del actu, amás de les intervenciones de les autoridaes, proyectóse un video nel que se repasó l’añu de trabayu nel Taller y finalmente apurriéronse los diplomes a los y les trabayadores participantes. <`>Nesti programa de formación y emplegu promovíu pol Conceyu de Villaviciosa, cofinanciáu pol Fondu Social européu y el serviciu públicu d’emplegu del Gobiernu del Principáu d’Asturies, participaron 8 alumnos y alumnes trabayadores del Conceyu y so principal oxetivu foi llograr la cualificación profesional na ocupación de xardineru/a de los sos participantes. El proyectu que s’empecipió’l 1 de Julio de 2014, va rematar el próximu 30 de Xunu de 2015, cuntó con una subvención de 145.676,00 y una aportación municipal de 16.000 y buscó complementar l’acción formativa del colectivu de persones desemplegaes, col trabayu de recuperación y puesta en valor del patrimoniu natural por aciu l’actuación en diversos xardinos y zones verdes del Conceyu. 19 de xunu, 2015 0 FacebookTwitterPinterestEmail
Conceyos Joaquín García Gutiérrez va pregonar la Fiesta de la Oficialidá by asturnet 10 de xunu, 2015 El que fuera Alcalde de Bimenes ente 1979 y 1999, Joaquín García Gutiérrez, va ser el pregoneru de la XIX Fiesta de la Oficialidá de la Llingua Asturiana de Bimenes, que se va cellebrar el sábadu 4 de xunetu na capital del conceyu, Martimporra. Precisamente ente los méritos de Xuacu, como popularmente ye conocíu, ta el de ser la persona que más puxó pola Declaración dOficialidá del Asturianu en Bimenes, aprobada demientres el so mandatu, concretamentel 5 de xunetu de 1997. Pa esta edición de la folixal Conceyu Bimenes presenta un programa dactividaes bien completu quinclúi, amás del pregón y de la intervención institucional del Alcalde, baille y música tradicional, xinta popular, el II Concursu dEscanciadores de Bimenes (puntuable pal Campeonatu dAsturies 2015) y delles actuaciones musicales nocherniegues, ente les que rescamplen les de la cantante de tonada Alicia Villanueva Megido y del grupu de folk progresivu NOchebre. La novedá desti añu ye la cellebración del I Campeonatu de Bolos pola Oficialidá, nel que participen les peñes bolístiques El Biche, Villa de la Sidra Titi, El Chalupu y Rozaes. Les semifinales del campeonatu van tener llugar el vienres día 3 y la final el sábadu 4, nel trescursu de la fiesta. Y pal domingu día 5 queda la final del XVI Concursu de Gaita de Bimenes. Programa completu na páxina web del Conceyu 10 de xunu, 2015 0 FacebookTwitterPinterestEmail
Educación #Yoapúntome: Entama la campaña matriculación en Llingua by asturnet 5 de xunu, 2015 Como tolos años por estes feches, la Conseyería d’Educación, Cultura y Deporte del Principáu entama una campaña col nomatu y hashtag #yoapuntome que quier visibilizar la llinga asturiana na educación de nueso y espader que los escolinos y escolines escueyan llingua asturiana nos colexos. La campaña refuérzase col lema: “Porque falar asturianu ye saber muncho más” y vieno acompaña estos años d’atrás pol cartelu que fai compaña a estes llínies. La Conseyería d’Educación, Cultura y Deporte pon en marcha, el llunes 10 de xunu, una campaña informativa pa impulsar la matriculación en Llingua asturiana y Gallego-asturianu, col lema #yoapúntome, porque lo llevamos dientro / #euapúntome, porque lo levamos dentro. La difusión d’esta campaña fadráse gracies a dellos materiales que pueden descargase na so páxina web. A lo llargo de los próximos díes ta abiertu’l plazu pa matriculase, anque munchos centros ponen dificultaes na matriculación, como denuncia tolos años SUATEA. La enseñanza de la llingua asturiana entamó a impartise oficialmente en 1984, nuna serie de centros educativos públicos, aumentando’l númberu d’ellos nos años sucesivos. Estes enseñances impártense anguaño en 331 centros educativos. La matriculación dende l’añu 2013 pue facese alrodiu los dies 10 y 21 de xunu (pa Educación Primaria) y ente’l 2 y el 15 de xunetu (ESO y Bachilleratu). La Llingua asturiana y el Galllego-asturiau son materies de currículum que se pueden estudiar en tolos centros públicos d’Enseñanza Primaria y Secundaria. Col envís de llograr qu’esti fechu lu conozan la mayor cantidá posible de padres y d’alumnos/es, “ye polo la Conseyería pon en marcha una Campaña Informativa de Matriculación en Llingua asturiana/Galego-asturiano. Con ella, el Gobiernu d’Asturies quiera mosar el so apoyu a la enseñanza del asturianu, promover la conocencia d’un fechu cultural arriquecedor que forma parte de la nuesa identidá y que contribúi a la formación integral del alumnáu, respetando siempre la llibre opción y la voluntariedá del so deprendimientu”, espliquen dende Política Llingüística. 5 de xunu, 2015 0 FacebookTwitterPinterestEmail