EducaciónPolíticaSociedá Podemos abre camín al plan de Genaro Alonso pala especialidá docente by redacción asturnews 12 d'abril, 2016 Nuna proposición non de llei, presentada esti llunes día 11, Podemos reclama que “los cuerpos de catedráticos y de profesores d’Enseñanza Secundaria puedan tener asinamesmo, a pitición de la comunidá autónoma y sigún necesidaes educatives, la especialidá propia de la llingua respectiva”, abierndo-y camín al plan del Conseyeru d’Educación. Siguir lleendo 12 d'abril, 2016 0 FacebookTwitterPinterestEmail
ComunicaciónEducaciónMocedá La XDLA esixe un mandatu-marcu qu’afite’l papel normalizador de RTPA by redacción asturnews 5 d'abril, 2016 La XDLA esixía esta mañana a los partíos que negocien un mandatu-marcu qu’afite’l papel normalizador de RTPA y facía anuncia de que la emisión en castellanu de “El cuentacuentos de Presta Asgaya”, serie infantil doblada al asturianu, amuesa que “Virgili niégase a cumplir cola llexislación vixente”. Nuna nota de prensa asoleyada na mañana d’esti martes, la Xunta Pola Defensa de la Llingua (XDLA) facíase ecu de que’l fin de selmana pasáu, TPA emitió la serie de producción propia “El cuentacuentos de Presta Asgaya”, pero na versión en castellanu, cuando hai versión doblada al asturianu. Dende la XDLA dicen nun saber “qué sentíu tien que la cadena asturiana emita conteníos infantiles en castellanu, más cuando los hai n’asturianu, si la ufierta de conteníos naquel idioma ta sobradamente cubierta con cadenes como ClanTV, Boing, Canal Disney o Neox, qu’emiten les 24 hores del día. Sicasí, los neños asturianos nun disponen de nengún conteníu audiovisual na so llingua propia. Cero minutos al día y cero minutos a la selmana. ¿Qué sentíu tien mantener una canal pública si se dedica a ufrir lo mesmo que les demás canales y nun cumple la llexislación vixente, que diz que TPA tien que tener una presencia amañosa del nuestru idioma, amás de defender la cultura asturiana? La situación muestra la belixerancia d’Antonio Virgili, director actual de RTPA gracies al alcuerdu de PSOE, PP y IX, que, anque nel parllamentu y de cara a la sociedá asturiana diz que ye “partidariu” de la presencia del idioma nos medios públicos, depués marxina la presencia del asturianu y escuende la so realidá na programación”. L’anécdota de Presta Asgaya, amás de doliosa, ye pala XDLA exemplu d’esto: “tamos falando d’un espaciu infantil, polo que ye estratéxicu pa la tresmisión interxeneracional del nuestru idioma. Por eso, la XDLA esixe a los partíos parllamentarios que, depués d’anunciar que s’abren les negociaciones p’aprobar el mandatu-marcu -con retrasu, lo que muestra de la poca relevancia que-y dan al papel de RTPA-, afiten nel testu’l papel fundamental de los medios públicos na normalización de la llingua asturiana. Asina, esti mandatu-marcu, que va afitar la programación pa los nueve años próximos, tien qu’esplicitar la cantidá y tipu de programes que s’han emitir nel nuestru idioma, tanto informativos como retresmisiones deportives, programes infantiles, doblaxes y entretenimientu, amás del papel de RTPA na promoción de la cultura asturiana y la so industria cultural”. La XDLA quier tamién recordar que, “hasta’l momentu, los programes nel nuestru idioma son minoritarios na emisión, siempre dientro de temátiques mui marcaes. Mentanto, nel restu de la emisión vemos espacios que dexen de llau la nuestra realidá llingüística o que la utilicen como forma d’allegase al espectador, pero ensin nengún procuru normativu y con ciertu enclín humorísticu y diglósicu.” Tolo contrario de lo que diz la llexislación, “pero parez qu’hasta que nun se recueya más esplicitamente’l papel de RTPA col asturianu, el señor Virgili va siguir faciendo tolo posible pa escondelo na emisión, usando la cadena pal so beneficiu personal. Ello ye, contra la sociedá asturiana, contra la industria audiovisual asturiana, contra la cultura asturiana y contra la so llingua d’espresión”. 5 d'abril, 2016 0 FacebookTwitterPinterestEmail
EducaciónSociedá Cuatro caderalgos entamen la carrera al Rectoráu pero namái unu usa l’asturianu by redacción asturnews 5 d'abril, 2016 Los cuatro caderalgos qu’aspiren al rectoráu de la Universidá d’Uviéu entamaron ayeri llunes la campaña electoral presentando los sos programes, pero namái Santiago García Granda usa l’asturianu na so cartelería y presentación gráfica, acordies coles manifestaciones que ya ficiere nel mes de marzu. Siguir lleendo 5 d'abril, 2016 0 FacebookTwitterPinterestEmail
ComunicaciónConceyosPolítica LA XPDLA considera que la Delegación del Gobiernu quier desaniciar los pocos avances na normalización by redacción asturnews 31 de marzu, 2016 La Delegación del Gobiernu español n’Asturies, a instancies de los conceyales del PP de Carreño, acaba de pidir a esti Conceyu qu’anule’l Plan de Normalización Llingüística qu’aprobó nel mes de xineru pasáu y darréu d’ello la Xunta pola Defensa de la Llingua camienta que lo que quier ye desaniciar los pocos avances que se llograren na normalización social. Siguir lleendo 31 de marzu, 2016 0 FacebookTwitterPinterestEmail
ComunicaciónConceyosConvocatoriesEscéniques Caamaño presenta n’Avilés la so propuesta de crear un Centru Dramáticu by redacción asturnews 29 de marzu, 2016 Antón Caamaño presenta esti martes caberu de marzu nel Palaciu de Valdecarzana d’Avilés les sos bases pa crear un corpus teatral, exa cimera de la so tesis, lleida n’asturianu na Universidá de Vigo hai poco más d’un mes. Siguir lleendo 29 de marzu, 2016 0 FacebookTwitterPinterestEmail
ComunicaciónPolíticaSociedá Iniciativa noma d’ataque a la autonomía los conceyos la decisión de Gabino de Lorenzo by redacción asturnews 29 de marzu, 2016 La decisión de la Delegación del Gobiernu d’España n’Asturies d’anular el Plan de Normalización Llingüística de Carreño al traviés d’una orde al Conceyu na que-y reclama qu’eche atrás esti testu y los sos efectos nel plazu d’un mes, ye considera por Iniciativa pol Asturianu un ataque políticu contra l’asturianu llamentable. Siguir lleendo 29 de marzu, 2016 0 FacebookTwitterPinterestEmail
ConceyosPolíticaSociedá El PP da un pasu más na llucha contra l’asturianu torgando los planes de normalización nos conceyos by redacción asturnews 29 de marzu, 2016 Nuna decisión fora de les sos competencies y faciendo una interpretación “torticera” de la Llei d’Usu del Asturianu, la Delegación del Gobiernu en manes del PP y de Gabino de Lorenzo vieno acabante dexar a les clares que va torgar la normalización del asturianu y pon enrriba la mesa otra vuelta la dicotomía oficialidá o nada. Siguir lleendo 29 de marzu, 2016 0 FacebookTwitterPinterestEmail
Educación Récord de participantes nos programes d’ociu xuvenil n’Uviéu en 2015 by redacción asturnews 28 de marzu, 2016 La Comisión Municipal de Siguimientu del mentáu Plan Municipal, presidida pola conceyala Marisa Ponga, vieno acabante revisar la Memoria del añu pasáu y les actividaes previstes pal actual exerciciu, contabilizando más de 7.000 mozos nos programes d’ociu xuvenil n’Uviéu. Siguir lleendo 28 de marzu, 2016 0 FacebookTwitterPinterestEmail
Educación Uviéu amplía l’apertura de los colexos pel branu a tol mes d’agostu by redacción asturnews 26 de marzu, 2016 La Xunta de Gobiernu del Ayuntamientu d’Uviéu aprobó esta selmana los pliegos de condiciones del concursu públicu pa les actividaes que se van desenvolver nos centros educativos el próximu branu cola novedá d’abrir tol mes d’agostu y un presupuestu máximu de 150.000 euros. Siguir lleendo 26 de marzu, 2016 0 FacebookTwitterPinterestEmail
Educación Últimos díes pa los cursos d’Iniciativa en Xixón, Sotrondiu y a distancia by redacción asturnews 26 de marzu, 2016 Iniciativa pol Asturianu tien abiertu’l plazu hasta’l domingu 27 p’apuntase a los cursos d’asturianu en Xixón, Sotrondio y a distancia entamaos en collaboración cola Academia de la Llingua Asturiana y que van aniciase’l llunes 28 de marzu. Siguir lleendo 26 de marzu, 2016 0 FacebookTwitterPinterestEmail