Sociedá L’Ayuntamientu de Cangas edita un mapa cola toponimia tradicional by asturnet 17 d'avientu, 2007 El Conceyu de Cangas editara hai poco un mapa del conceyu con tolos nomes de parroquies y llugares na so forma tradicional del que son los Fernando Álvarez-Balbuena, María Cueto Fernández ya Ignacio González Fernández. El mapa yel resultáu del trabayu de campu fechu pola Xunta de Toponimia pa recuperar los nomes tradicionales del conceyu y ta repartiéndose de baldre per establecimientos comerciales y na Oficina de Política Llingüística, na Casal Conceyu de Cangas. 17 d'avientu, 2007 0 FacebookTwitterPinterestEmail
Sociedá L’Aconceyamientu de Xuristes pol Asturianu estrenó nuevu espaciu n’internet by asturnet 17 d'avientu, 2007 “Aconceyamientu de Xuristes pol Asturianu” (AXA) ta acabante d’estrenar un nuevu espaciu n’internet coincidiendo cola cellebración del añu y media d’esistencia de la asociación. La nueva web contien información y asesoramientu no que finca a cuestiones llegales, una estaya d’actualidá alredor de la realidá de los derechos de los asrurfalantes y la propia actividá d’AXA y una estaya d’epinión na que van tener cabida artículos didaáuticos y críticos. La web tamien cunta con una base de datos, Llingualex, sobre l’asturianu y tamien sobre’l dominiu llingüísticu ástur-lleones AXA ye una asociación formada por más de mediu centenar de xuristes interesaos na dafensa del asturianu y de los derechos de los sos asturfalantes. “Aconceyamientu de Xuristes pol Asturianu” tamien anunció la creación d’un Observatoriu de Derechos Llingüísticos y un Serviciu d’Orientación Xurídica pa la Defensa de los Derechos Llingüisticos. 17 d'avientu, 2007 0 FacebookTwitterPinterestEmail
Sociedá Un informe diz que la emancipación tardía de los asturianos dase por causes culturales by asturnet 17 d'avientu, 2007 Un informe asoleyáu pol Conseyu de la Mocedá del Principáu d’Asturies esplica les baxes tases d’emancipación de los xóvenes de les tres grandes ciudaes asturianes (Uvieu, Xixón y Aviles) en base a circunstancies socioculturales. Pa Enrique Alonso, coautor de l'”Informe sobre la mocedá urbana n’Asturies”, que se presentó esti llunes, les causes del problema nun son namái económiques sinón que tamien ta causáu poles construcciones morales y los valores culturales propios de la sociedá de la rexón. Pal sociólogu, los pas nun sofiten la emancipación de los sos fíos hasta qu’estos algamen lo que elli noma “triada seguritaria”, ye dicir, la seguridá afectiva, la económica y la residencial. Amás, l’informe señala que los asturianos de la zona urbana prautiquen un modelu d’emcipación nel que valoren muncho’l vivir cerca de la casa los proxenitores, lo que’l autor llama un modelu de familia estensa flexible. Alonso tampoco quiso escaecer que los condicionantes económiquis xueguen un papel perimportante n’estes altes tases d’emancipación tardía. “El mercáu de trabayu diba tener de cambiar p’algamar mayores niveles d’emancipación”, destacó’l sociólogu. L’informe, prensentáu esti día pol presidente del Conseyu de la Mocedá, Paulino Feito, recueye datos de 111persones, muyeres y homes, distribuyíos n’edaes de 20 a 27 años y de 28 a 34 d’Uvieu, Xixón y Aviles. 17 d'avientu, 2007 0 FacebookTwitterPinterestEmail
Sociedá Avilés agospia esti vienres ya’l sábadu el Foru Mundial de Centros Culturales by asturnet 14 d'avientu, 2007 Aviles va acoyer güei 14 y mañana 15 d’avientu’l Foru Mundial de Centros Culturales. A esti eventu van acudir los directores de los ocho centros culturales mas ponderaos nel ámbitu internacional: El Lincon Center de Nueva York; el Barbican Center de Londres; La Ópera de Sidney; el Centro Pompidou de París; el Centro Cultural de Hong-Kong; el Foro Internacional de Tokio y la Biblioteca de Alejandría. Esti foru ye posible gracies a la organización y mediación de la Fundación del Centru Cultural Internacional Oscar Niemeyer y de la London School of Economics. Durante les dos xornaes visitaran la capital avilesina importantes personalidaes de la escena cultural internacional como Walter Isaacson, Director del Instituto Aspen de Washington, un de los principales pensadores americanos que foi director de CNN y Times; o Nan Keeton, vicepresidenta executiva del Lincoln Center de Nueva York. Tolos actos van ser a puerta cerrada salvo un conciertu de villancicos al cargu d’Enrique Morent y una conferencia güei viernes a les once y media nel Centru de Servicios. 14 d'avientu, 2007 0 FacebookTwitterPinterestEmail
Sociedá El Principáu instalará dos oficines pa la promoción del gallego-asturianu by asturnet 13 d'avientu, 2007 El gallegu-asturianu o fala occidental nel Navia-Eo va cuntar con dos nueves ferramientes de promoción nes dos oficines que la Conseyería de Cultura tien previsto habilitar nes comarques Ozcos-Eo y del parque Hestóricu del Navia. Asina lo anunció ayeri en rueda de prensa la responsable de la cartera d’educación Consuelo Vega, al tiempu que dexo claro que estos prósimos equipamientos inda nun tienen ubicación definía. Amás de les oficina la conseyera avanzó la intención del Principáu de cellebrar un congresu d’escritoles de fala dientro de la política de promoción de la llingua propia d’esta fastera de la rexón. “Sobre tou n’asturianu fueron organizándose dellos congresos con una periodicidá bianual nos que participaben escritores de toa Asturies, pero la fala tien una personalidá bien destacable pa face-y un congresu n’esclusiva”, dixo la titular de Cultura. 13 d'avientu, 2007 0 FacebookTwitterPinterestEmail
Sociedá Los escolinos de la Universidá podrán facer praútiques nes empreses de Thyssen en tol mundiu by asturnet 11 d'avientu, 2007 La Universidá d’Uvieu y la multinacional Thyssen-Krupp tan acabante de firmar un conveniu de collaboración bidireccional pol cual los escolinos de la institución academica asturiana van poder facer práutiques nes empreses que la compañía tien n’Alemania, EEUU y China. L’alcuerdu tien una duración de tres años ya’l tiempu tamien va permitir a los trabayadores de Thyssen completar la so formación na Universidá. L’alcuerdu foi soscritu ayeri pol Rector de la Universidá d’Uvieu, Juan Vázquez, ya’l presidente del Conseyu d’Administración de Thyssen-Krupp, Ramón Sotomayor, nel edificiu hestóricu que la Universidña tien na capital asturiana. Con esti contratu Thyssen y la institución que dirixe Juan Vázquez mantienen la collaboración que entamaron va años, pol cual alredor de 150 escolinos ficieron praútiques na multinacional. Thyssen-Krupp, dedícase sobre manera a la construcción d’escaleres, pasareles mecániques ya elevadores y caltien dellos proyectos de collaboración cola Universidá asturiana, como’l centru d’ I+D+i para la división de pasareles o un proyectu de pasarela pal aeropuertu de Canada nel que tamien participa un equipu d’investigadores de la Universidá. 11 d'avientu, 2007 0 FacebookTwitterPinterestEmail
Sociedá Sotrondio acueye una amuesa sobre la llucha antifranquista al traviés de la prensa de la época by asturnet 10 d'avientu, 2007 “Antifranquismo y prensa”, una amuesa fotográfica organizada pol PSOE de Samartín del Rei Aureliu, va abrir les puertes esti llunes 10 d’avientu (19:45 hores) na se del partíu en Sotrondio (Cai Independencia). La esposición ta compuesta por una esbilla de 61paneles con titulares de prensa que repasen la hestoria de la llucha antifranquista al travies de publicaciones como “El Socialista”, “Mundo Obrero” o “España Libre”. Nel mesmu actu d’entamu d’esta esposición, que ta organizada pola Fundación “Jose Barreiro”, va cellebrase una conferencia sobre la llucha antifranquista n’Asturies al cargu de la llicenciada n’Hestoria, Begoña Serrano Ortega. Presentará a la esperta n’hestoria, el Secretario d’administración del PSOE de Samartín, Jose Ramón Martín Ardines. 10 d'avientu, 2007 0 FacebookTwitterPinterestEmail
Sociedá El CAO dirá en primavera al parlamentu européu pa informar sobre la llingua asturiana by asturnet 6 d'avientu, 2007 El Conceyu Abiertu pola Oficialidá (CAO) va dir al parlamentu européu na primavera pa informar a los diputaos de la UE sobre la situación de la llingua asturiana, sigún dió anuncia esti miércoles el voceru del colectivu, Fernando Ornosa. El CAO axunta a más de 250 organizaciones, firmantes d’un manifiestu a favor de la oficialidá de la llingua asturiana qu’esti martes se llevó hasta Bruseles. Ornosa anunció nuna rueda de prensa que la intención del CAO ye solicitar la intervención de la UE y ve “mui posible” que la mesma se produza tres del conceyu qu’ayeri martes caltuvo en Bruseles con responsables de la Comisión Europea de Multillingüismu, a la qu’entregó dos informes n’asturianu y n’inglés sobre la situación de la llingua asturiana, ún d’ellos a nivel xeneral (políticu, alministrativu y social) y otru a nivel educativu, según informa Europa Press. “Tamos ya faciendo xestiones y prevemos que la intervención se produza na primavera del 2008, coincidiendo col momentu central del procesu de reforma del Estatutu d’Autonomía d’Asturies”, comentó Ornosa, calculando que’l memsu seya “n’abril”. Na declaración parlamentaria, el CAO va denunciar públicamente la “falta d’oficialidá” de la llingua, situación cola que’l so voceru entiende que se ta incumpliendo “l’artículu 3 de la Constitución Española”. Según Europa Press, Ornosa aseguró tamién que los representantes europeos colos que s’aconceyaron, ente ellos Johan Haggan, ún de los máximos responsables del organismu, xunto col comisariu Leonard Orban, “mostráronse sorprendíos” porque n’Asturies nun se declare oficial la llingua asturiana. “Tamién espresaron la so preocupación pola sobrevivencia del idioma ensin la oficialidá”, añadió. Según esplicó, “la comisión nun ye vinculante, pero informáronmos de que puen facer un llamáu d’atención al Gobiernu del Principáu” sobre esti asuntu. El voceru del CAO aseguró que la Comisón ta estudiando una posible visita a Asturies de Leonard Orban nel 2009, na que “s’entrevistaría colos principales axentes implicaos nesti asuntu”, ente los que mencionó a los representantes de los grupos políticos y de l’Alministración, l’Academia de la Llingua o los colectivos implicaos na llucha pola oficialidá. De la mesma manera, adelantó que’l CAO va caltener una “intensa comunicación” cola comisión nel añu 2008, na que van dir “informando de toles nueses actividaes asina como de la sitaución de la llingua”. Según Ornosa, na so visita a Bruseles, en compañía de Xulio Casado, otro resposable del CAO, pudieron comprobar que “n’Europa hai total desconocencia de la llingua asturiana” nel sen de que “nun saben nin qu’existe”. Al so xuiciu, esta situación débese a la falta d’oficialildá, porque “sólo ven les Llingües que son oficiales, anque seyan minoritaries; les non oficiales son inexistentes”. Criticó’l fechu de que “per parte del Gobiernu asturianu se promocione la llingua asturiana n’Asturies, pero nun haya nengún tipu de publicidá fuera, motivu pol cual existe un altu grau de desconocencia”. 6 d'avientu, 2007 0 FacebookTwitterPinterestEmail
Sociedá El Principáu va echar a andar tres iniciatives sobre voluntariau pa meyorar la vida de persones mayores y con discapacidá by asturnet 5 d'avientu, 2007 El Principado de Asturias dió a conocer los sos proyectos de voluntariáu na primer xornada del Congresu sobre Voluntariáu que se cellebra en Xixón dende ayeri y hasta güei miercoles 5 d’avientu. La Conseyera de Bientar Social del Principáu, Pilar Rodriguez anunció la prósima puesta en marcha de les inciatives “Cerca de ti”, sobre llabores d’acompañamientu a mayores; “Compartiendo aficiones”, proyectu pa iguar grupos de persones discapacitaes que compartan el tiempu d’ociu y “Vamos al parque”, acompañamientu de mayores y neños nos centros d’agospiu. Nel Congresu, que se cellebra nel recintu ferial de Xixón, aconceyense delles asociaciones rexonales y nacionales del sector del voluntariáu. Güei reciben la visita de los Príncipes d’Asturies, don Felipe y a doña Letizia, cola representación d’una obra de teatru. 5 d'avientu, 2007 0 FacebookTwitterPinterestEmail
Sociedá Izquierda Xunida y JCA organizen un alderique alredor del Che en Corvera by asturnet 4 d'avientu, 2007 Izquierda Xunida y les Juventudes Comunistes d’Asturies organizen pa güei, 4 d’aventu una charra sobre la figura d’Ernesto “Che” Guevara con motivu del 40 aniversario del so asesinatu. L’actu, que va entamar a les 18:00 hores nel centru Tomás y Valiente de Les Vegues (Corvera) va cuntar cola participación de la representante del Poder popular en Cuba, Mº Teresa Fiallo; Mónica Iglesias de Manos Fuera en Venezuela y dellos miembros d’IX y JCA. Durante’l trescursu del actu tamien se va proyectar el documental “No volverán”, el redor del procesu revolucionariu venezolanu. 4 d'avientu, 2007 0 FacebookTwitterPinterestEmail