Plástiques La galería Cervantes6 abrió les puertes n’Uviéu cun una amuesa de pintores asturianos by asturnet 5 d'avientu, 2007 Cervantes6, el nuevu espaciu d’arte n’Uvieu, inauguró esti llunes 3 d’avientu la so andadura na rexón con una amuesa de pintores asturianos que va tar disponible al públicu hasta’l prósimu día 11 d’esti mesmu mes. La esposición amosa 41 obres d’artistes como Favila, Manolo Linares, Luís Azón, Vaquero Placios, Díaz de Orosia ya Iván Quesada, con temes pictóricos que van dende’l paisaxe al bodegón col denominador común de la so procedencia asturiana. 5 d'avientu, 2007 0 FacebookTwitterPinterestEmail
Música Pablo Moro presenta’l canciu nuevu que grabo xunto a deportistes asturianos by asturnet 5 d'avientu, 2007 Pablo Moro va presentar un nuevu canciu tituláu “Ganar o perder” esti miercoles a les 12:00 hores nel Ximnasiu “Oviedo Sport” (Augusto Junquera, 10). Nesta nueva entrega del músicu ovetense tamien participen el pilotu Javi Villa, el ciclista Santi Perez, la montañera Rosa Fernández, l’arbitru de fútbol Enrique Mejuto, el xugador de balonmano Manolo López, el judoka Óscar Fernández ya’l fútbolista Paul Folgueras. El tema, ya’l vídiu que l’acompaña, ta grabáu por Moro y la so banda xunto colos deportistes con motivu de la gala del deporte navideña que esti añu cumple la so decima edición. 5 d'avientu, 2007 0 FacebookTwitterPinterestEmail
Música Los avilesinos Bad to Worse van enllenar esta tarde la FNAC col so punk melódicu by asturnet 5 d'avientu, 2007 La banda avilesina de punk-rock melódicu “Bad to Worse” actuen esta tarde a les 20:30 hores nel escenariu que la conocía cadena de tiendes multimedia FNAC tien nel centru comercial Parque Principado (Siero). La banda ñacida en 2003 n’Aviles tien una maqueta nel mercáu influenciada claramente polos sones de grupos como Bad Religio, Millencolin, Blink182, The Ataris o Randy. Escucha al grupu 5 d'avientu, 2007 0 FacebookTwitterPinterestEmail
Música Tierra Astur vuelve a acoyer esti xueves al grupu de pandereteres de Nerbia by asturnet 5 d'avientu, 2007 El restaurante-sidrería Tierra Astur de Cualloto volverá a agospiar esti prósimu xueves l’actuación del grupu de pandereteres de Nerbia. Esti grupu de cantadores y percusionistes ñació en 2004 como banda gaites, pa pasar dempues a cultivar un repertoriu de temes asturianos acompañaos por baille y pandereta. Nerbia son cinco cantadores: Silvia Quesada, Laura Fernández, Verónica Fernández, Cristina González y Lorena Rodríguez. Nos sos conciertos suelen predominar composiciones tipiques de la fastera occidental del Principáu ya que toles componentes del grupu provienen del occidente y ye onde lleven a cabu la mayor parte de les sos xeres d’investigación. 5 d'avientu, 2007 0 FacebookTwitterPinterestEmail
Plástiques Entréguense los premios del V Concursu de Cómic “Comarca la Sidra” by asturnet 4 d'avientu, 2007 El V Concursu de Cómic y III de Tires Cómiques n’Asturianu “Comarca de la Sidra” dio na modalidá de mayores de 14 años, el primer premiu dotáu con 500, al dibuxante Alfonso Zapico Fernández pola obra titulada “Les Cuentes de Gasparín” Alfonso Zapico, (Blimea, 1981) ye una de les realidaes con más sonadía del cómic asturianu. Diseñador gráficu, trabaya, pa con otros llabores, como ilustrador na editorial Edelvives, pa la que tien iguaos 9 llibros de testu de primaria y secundaria. De los premios algamaos por esti artista, rescampla enforma’l llográu esti añu na feria FestiBd, en Ville de Moulins, Francia, al meyor trabayu de calter históricu, pol so álbum “La Guerra Del Profesor Beltenev”, publicáu en Francia, Bélxica, Suiza y Canadá países nos que tamién asoleyó l’álbum “Un día de mayu” n’andecha con otros autores. Anguaño trabaya nuna novela gráfica, “Café Budapest”, que va espublizase pal añu que vien. N’asturianu, ye l’autor de la serie “Manolita Pulgarcita” qu’apaez en “El Gomeru”. Xunto col primer premiu, el xuráu formáu por Pablo Maojo, Xuan Pedrayes y Arancha Prado, decidió dar dos accésit de 200 euros y diploma a les historietes ¿otru culín? De Juan Miguel Borja Estevez y “Milagru na Canga” de José Juan González García”. Amás del premiu en metálico y los diplomes pa los tres ganadores, la organización va editar una publicación na que van tar recoyíes estes obres. El Xuráu dio tamién los premios nes categoríes pa escolinos. L’actu d’entrega de premios, publicación y esposición de les obres presentaes a concursu, va celebrase mañana miércoles na Casa Cultura “Marta Portal” de Nava, a les 19:00 hores y va contar cola comunicación “Historia del Cómic n’Asturianu”, por Chechu García, y l’actuación del grupu “Xentiquina”. 4 d'avientu, 2007 0 FacebookTwitterPinterestEmail
Música Morrió’l investigador ya musicólogu Luis G. Iberni, doctor na Universidá d’Uviéu by asturnet 4 d'avientu, 2007 Fallecíó ayeri’l musicólogu Luis G. Iberni, doctor na Universidá d’Uvieu y una de les figures más decisives nel panorama musical asturiano. Iberni, que destacó poles sos investigaciones sobre música asturiana y música española sel sieglu XIX, morrió nun hospital de la so zaragoza natal onde taba ingresáu tres agravase los problemes pulmonares que padecía. Famosa foi so tesis sobre la obra Ruperto Chapí y la so monografía sobre’l compositor Sarasate. Amás trabayó pal Ayuntamientu d’Uvieu y embaxo la so asesoría la ciudá agospió les Xornaes Internacionales de Pianu, ente otros conciertos. Yera colaborador tamiñen en dierios como “La Nueva España”, “ABC”, “La Razón” y “El Mundo”. Como periodista algamó’l premiu nacional de periodismu musical de la Fundación Jacinto e Inocencio Guerrero. 4 d'avientu, 2007 0 FacebookTwitterPinterestEmail
Plástiques La pintora Elena Rato inaugura una esbilla de la so obra na galería Mediadvanced de Xixón by asturnet 3 d'avientu, 2007 La pintora Elena Rato, nacida n’Uvieu en 1979 y afincada en Noreña, inaugura güei una amuesa de la so obra nel espaciu xixones d’arte Mediadvanced (C/Ezcurdia, 8). L’actu d’entamu de la esposición ye a les 19:30 hores na propia galería y la obra va poder vese hasta’l prósimu 17 d’avientu. Fragmentos de lienzu pintao cosíos a teles, colores vibrantes y aprovechamientu d’imáxenes de desechu son delles pautes a tener en cuenta na obra d’Elena Rato. 3 d'avientu, 2007 0 FacebookTwitterPinterestEmail
Música Esther Fonseca, cantante de Llangres, espubliza el so tercer discu en solitariu by asturnet 3 d'avientu, 2007 La cantante de Llangres, Esther Fonseca ta acabante d’espublizar lo que ye’l so tercer discu en solitariu. “Viaxe” sigue a “Xaranzaina” y “Agua” como tercera entrega de la evolución musical de la vocalista ovetense afitando la so personal mestura de pop y sones tradicionales asturianos. El discu trae 14 cancios escritos y producíos pol músicu Nacho Fonseca, padre de la cantante y creador de los proyectos infantiles “Xentiquina” o “Xeliquín”. Nes sesiones de grabación de les que salío’l discu acompañaren a Esther Fonseca músicos como’l guitarrista Javier Monje; Juanjo Díaz miembru de Tejedor y de La Bandina; Yago Prado compañeru de la cantante en Llangres, a la guitarra y l’arpa celtica, el flautista Manuel Fonseca ya0l violonchelista Peter Bulla. Tamien participaron el gaiteru Daniel Álvarez, Ramón González al saxofón y los teclaos, la violonchelista Tamara Rodríguez y l’acordionista Tina Cuadriello . 3 d'avientu, 2007 0 FacebookTwitterPinterestEmail
Música El pianista Piotr Anderswewski actua n’Uviéu dientro de les Xornaes Internacionales de Pianu by asturnet 3 d'avientu, 2007 Piotr Anderswewski, un de los pianistes más ponderaos de la so xeneración actua esti llunes n’Uvieu con motivu de la cellebración de les Xornaes Internacionales de Piano. Nel recital, que entama a les 20:00 hores na Sala Principal del Auditoriu Príncipe Felipe d’Uvieu, Anderszewski va tocar les pieces “Humoresque op. 20”, de Schumann; “Masques op. 34”, de Szymanowski y “Partita n º 1”, de Bach. Esti metá polacu metá hungaru de 36 años algamó’l premiu “Szymanowski” en 1999, poles sos interpretaciones de la música de dichu compositor y en 2001, foi reconocñiu pola Royal Philharmonic Society como “Mejor Instrumentista del añu 2000″. N’abril de 2002, foi nomáu ”Gilmore Artist” sucediendo asina al anterior ganador Leif Ove Andsnes. 3 d'avientu, 2007 0 FacebookTwitterPinterestEmail
Música L’Entregu celebra esta fin de selmana’l XII Festival Folclóricu y la Fiesta de les Cebolles Rellenes by asturnet 1 d'avientu, 2007 LAgrupación dEtnografía y Folclor LEsperteyu va celebrar esta fin de selmana, coincidiendo cola Fiesta de Les Cebolles Rellenes, el so XII Festival Folclóricu, al que van asistir cuatro grupos de baille tradicional dAsturies (LEsperteyu, LEnguedeyu, Les Ayalgues y El Piñote), uno de Pontevedra(Pontenova) y dos bandes de gaites (El Piñote y Pontenova). Col festival desti añu lAgrupación Folclórica LEsperteyu, comprometida coles raíces populares asturianes y col pueblu de LEntregu quier esparder per tola xeografía entreguina lambiente de fiesta y contaxar del mesmu a la población y a los que salleguen a la fiesta. Nesti sen, lAgrupación fai un convite pa que la xente sanime a participar, bien vestida dasturianos, bien baillando aquelles pieces que sean abiertes a la collaboración pública. En casu de que lagua nun estropie los planes, van recorrese barrios y zones tán distantes como Fradera, Japón, La Vega, San Vicente, la Plaza de la Ilesia, etc. El programa del Festival Folclóricu contará col siguiente programa: Sábadu 1 davientu , dende les 11:3o a les 14:oo h. Dende los barrios del Xapón, Fradera hasta los barrios dEl Coto y La Vega, pasucáis y actuaciones de los Grupos LEsperteyu, LEnguedeyu, El Piñote y Banda de Gaites El Piñote. Si llueve, el festival pela mañana fadráse na Plaza dAbastos. Sábadu 1 davientu, dende les 16:3o a 17:45 h. Pasucais y actuaciones per LEntregu de los grupos LEsperteyu, LEnguedeyu, Pontenova y Banda de Gaitas Pontenova (Pontevedra) y de 18: oo a 20:3o Festival nel Centru Comercial Valle del Nalón cola actuación de los grupos enantes citaos. Domingu 2 davientu, dende les 11:3o a 14:oo. Actuación pel Barriu de San Vicente de los grupos LEsperteyu, LEnguedeyu, Les Ayalgues, Pontenova y Banda de Gaitas Pontenova (Pontevedra). 1 d'avientu, 2007 0 FacebookTwitterPinterestEmail