Lliteratura La directiva dArribada avanza dalgunos detalles de la edición desti añu by asturnet 19 de xunetu, 2007 Redacción. Xixón va acoyer l’Arribada 2007 a mediaos del mes de setiembre y la direutiva de l’Asociación L’Arribada, organizadora del eventu, dio estos díes un avance de los conteníos. Pa los miembros de l’Asociación “l’Arribada quier perfacese como un foru d’alcuentros, abiertu, modernu y dinámicu, onde les palabres afayen na gratible costa d’esti conceyu, un abellu xenerosu enforma de lliteratura asturiana”. L’Arribada 2007 sofítenla la Oficina de Política Llingüística del Principáu, la Fundación Municipal de Cultura, Educación y Universidá Popular de Xixón y la Sociedá Mista de Turismu de Xixón y amás tien tamien el sofitu de dellos patrocinadores privaos, como tamien la collaboración de l’Academia de la Llingua Asturiana, Oficina Municipal de la Llingua de Xixón, Ateneu Obreru de Xixón, TC El Garrapiellu, Conceyu d’Estudios Etnográficos Belenos, Grupu San Felix de Candás, Foru Arte Ciudá, Asociación H.a Xareos, Círculu Lliberal, Conceyu d’Escritores Asturianos, Asturies.com, Asturnews, Radio Alma, Cafe del Instituto, L’Aire les castañes, Sala Albeniz, Comunicastur ,Mamatayoe, Random House Mondadori, CH Editorial, Araz Llibros, Ediciones Trabe, VTP, Publicaciones Ámbitu, Suburbia Ediciones, Verdasca, Xera y Senogul, ente otros. Les meses ‘estrella’ de l’Arribada, titulaes ‘Nuevos rumbos de la lliteratura asturiana’ van centrase esti añu nel esoterismu, la sidra, l’humor, la música y la mitoloxía, a cargu de David Rivas, Xose María Vega, Xose Nel Riesgo, Carlos Rubiera y Alberto Álvarez Peña respeutivamente. El primer día de l’Arribada abriránse l’espaciu editorial, allugáu nel patiu del CCAI, y una esposición pictórica centrada nos conceptos de palabra y llibertá, que s’asitiará nel vestíbulu de la 2ª planta. Pela tarde, y tras arribar los escritores en barcu al Puertu Deportivu, inauguraráse la presente edición y, de seguío, representantes de los grupos políticos municipales lleerán poemes d’autores en llingua asturiana. Esa mesma tarde presentaráse Vagamar, periódicu del eventu. Nel trescursu de l’Arribada 2007 presentaránse obres de Xaviel Vilareyo, Xulio Arbesú, Ismael González Arias, Alejandro M. Gallo, Xose Nel Riesgo, Pedro Gálvez, Neto, Aurora García Rivas, Xuan Carlos Crespos, Berto García , Carlos Suari, Antón García, Ruben Sánchez Ardura, Cristina Muñiz Martín, Montserrat Garnacho, Nieves Areces, Pilar Cristina Menendez , Ramona Rodríguez Álvarez “Moncha”, Jose Ángel Gayol, Naciu Varillas, Roberto González-Quevedo, Xurde Fernández, Flavio R. Benito, Javier Rodríguez Blanco, Vicente Sánchez, Xose Ambás y Dani García de la Cuesta. Presentaránse tamien nuevos númberos de les revistes “Formientu” y “N’ast”, les publicaciones de l’Academia de la Llingua, el proyectu editorial d’Araz Llibros, l’antoloxía de narrativa moza “Vía de serviciu” y la III Antoloxía de cuentios curtios El Garrapiellu. Na estaya “Tertulies”, falaráse de “Premios lliterarios n’Asturies”, “Xenesis y desarrollu de la novela histórica n’Asturies”, “Promoción y futuru del cómic”, “Xestión cultural y promoción de la lliteratura n’asturianu”, “Promoción de la lliteratura asturiana nos medios de comunicación” y “Identidá y lliteratura, un averamientu al ensayu políticu”. Nes meses redondes de “rumbos”, nes “tertulies” y n’otres actividaes, tarán ente más otros, Ramón d’Andres, L.luis Fernández, Pablo Antón Marín Estrada, Inaciu Iglesias, Chechu García, Lluis Antón González, Antonio Merayo, Xicu Monteserín, Armando Vega, Etelvino González, Adolfo Camilo Díaz, María Xose Rodríguez, Xuan Santori, Alberto Suárez, Miguel Rojo, Lluis Portal Hevia, Roberto González, Inaciu Galán, Jose Luis Rendueles, Milio Rodríguez Cueto, Antón García, Frichu Yustas, Marisa López Diz, Urbano Rodríguez, Vicente García Oliva, Esther Prieto, Próspero Morán, Fernando de la Fuente, Xurde Morán, Iris Díaz Trancho, Ignacio G. López-Dóriga, Pablo Rodríguez Alonso, Ruben Cienfuegos , Mark Ostrowski, Jose Luis Argüelles, Xose Lluis Campal y Xuan Xose Sánchez Vicente. Habrá espacios p’acordanza y homenaxe de les figures d’Eva González-Quevedo, Enrique García Rendueles y Xose Antón García. “Voces y acentos” sedrá el marcu dedicáu a los recitales poeticos en dos partes, una primera, introducida por Xaviel Vilareyo, correrá al cargu d’integrantes de la nomada “xeneración del compromisu” (autores ñacíos ente 1967 y 1982), y una segunda, “Poetes en Xixón”, tará formada por autores d’estremada procedencia y formación lliteraria que lleerán obres n’asturianu y en castellán. Un espectáculu de declamación, “Con espluma de mar y vieyos minerales”, acompañáu por música d’harpa, dirá poemes de Luis Fernández Roces, Aurelio G. Ovies, Esther Prieto, Fredo de Carbexe, Juan Carlos Gea, Nene Losada, Taresa lorences, Xose Miguel Suárez y Humberto González. Amás d’actuaciones musicales, na Arribada 2007 daráse a conocer el fallu del “Premiu Timón”, distinción empobinada a reconocer la trayectoria lliteraria de los autores asturianos. El sábadu 22, l’Arribada terminará con una Gala de Pieslle qu’incúi’l 3º Certame de Monólogu Modernu y actuaciones musicales. Con too ello, y dalguna cosa más qu’entá nun se zarrara nel momentu d’escribir estes llinies, l’Arribada 2007 quier afitase inda más na idega de llograr pa la Villa de Xovellanos la capitalidá de la lliteratura asturiana. 19 de xunetu, 2007 0 FacebookTwitterPinterestEmail
Lliteratura LAcademia de la Llingua Asturiana recupera testos de principios del sieglu XX by asturnet 17 de xunetu, 2007 Redacción. L’ALLA rescata composiciones n’asturianu de principios del sieglu XX col títulu ‘Versos y proses de 1906 a 1907’, el volume númberu 93 de la so colección Cartafueyos de Lliteratura Escaecida, la edición ta fecha por Rafael Rodríguez Valdes, hestoriador que yá espublizare otres ediciones recuperando testos, como los documentos de Conceyu Bable. Nesti cartafueyu recueyense composiciones en versu de Xeromo de Requexo, Pachín de Melás, María Balbín, Perfecto Fernández Usatorre, Marcos del Torniello y Pepín Quevedo, amás de dos testos en prosa, ún escritu por Lázaro Jose García Lueso y otru por un desconocíu ‘X.’. En pallabres del autor de la edición, Rodríguez Valdes, “ye imprescindible recoyer toles manifestaciones documentales producíes n’asturianu, llámense o non lliteraries, p’analizar y interpretar la lliteratura asturiana dientro del so marcu históricu ya ideolóxicu”. 17 de xunetu, 2007 0 FacebookTwitterPinterestEmail
Comunicación Al aldu yel nuevu programa nasturianu de la Televisión del Principáu dAsturies by asturnet 16 de xunetu, 2007 Redacción. Nestos díes entamó na TPA un nuevu programa n’asturianu, frutu de la ‘independización’ de los espacios en llingua asturiana que veníen emitiendose dientro del programa ‘Con dos de azucar’. ‘Al aldu’ ye una producción d’Ediciones Trabe y ta emitiendose de llunes a vienres a les 11:15 hores. Los llunes ye’l momentu pal humor y ‘Al aldu’ dedica’l so tiempu a ‘La risión’, una sección coordinada por Lluis Antón González y onde apaecen dalgunos de los meyores monologuistes modernos del país. Los martes Begoña Quirós ye la sustituta de Carlos Suari al frente de la sección deportiva ‘A galmiaes’, que percorre l’actualidá deportiva d’Asturies, col so espaciu pal deporte tradicional. Milio’l del Nido lleva a los espectadores les sos ‘Recetes con cuentu’ los miercoles, mientres los xueves ye Inaciu Galán l’encargáu d’acercanos l’actualidá internacional más entretenida con ‘Xente de casa’. ‘Al aldu’ termina la so selmana los vienres con Mercedes Menendez y la so ‘Axenda d’Asturies’, qu’encamienta a los espectadores actividaes pa la fin de selmana. ‘Al aldu’ repite los sábados a les doce la mañana dalgunu de los espacios de la selmana, entantes de l’habitual emisión de ‘Nós’, el programa dirixíu y presentáu pol director d’Asturnews.com, Próspero Morán, ‘Pieces’ y ‘Camín de Cantares’. Páxina web de la TPA 16 de xunetu, 2007 0 FacebookTwitterPinterestEmail
Lliteratura Besos de mariposa yel nuevu llibru pa neños de Maite G. Iglesias by asturnet 16 de xunetu, 2007 Redacción. La escritora Maite G. Iglesias ta acabante d’espublizar el llibru ‘Besos de mariposa’, un cuentu más del personaxe Rosa, que yá protagonizare otru llibru de l’autora, ‘Rosa quier otra cosa’. La obra ta espublizada dientro de la colección infantil ‘Montesín Redrueyu’ de la editorial Trabe. L’autora ye la creadora d’otros personaxes infantiles como Tristán o Ñubina. Nel llibru qu’espubliza agora “convida al llector a conocer una hestoria más de Rosa, una neña especial”. La obra ta ilustrada poles acuareles d’Ana Rodríguez Pastor. Maite G. Iglesias, dedicada siempres al mundiu lliterariu infantil ye conocida tamien poles obres de teatru pa neños como ‘Pregón de Navidá’ y ‘Antroxu na viesca’. 16 de xunetu, 2007 0 FacebookTwitterPinterestEmail
Lliteratura LAsociación Xeira convoca la XVII edición del so premiu de narraciones curties neonaviegu by asturnet 16 de xunetu, 2007 Redacción. L’Asociación cultural Xeira, una de les más actives del estremu occidental asturianu convoca esti añu la XVII edición del ‘Premio Xeira de Narracióis Curtias en gallego-asturiano’, nel que van poder participar autores n’eonaviegu con tolos rellatos que-yos peten. Pa participar hai que los mandar por cuadruplicáu a Xeira, apartáu númberu 5, 33750 d’A Caridá. El plazu va tar abiertu hasta’l 15 d’ochobre de 2007 y ta dotáu con 500 euros pal ganador. El premiu ñació en 1991 p’afalar la creaación na llingua falada na zona del Eo-Navia y dalgunos de los ganadores fueron a lo llargo d’estos años Manuel García Galano, Fredo de Carbexe, María Jose Fraga o Aurora García Rivas. GANADORES DEL PREMIU «XEIRA» DE NARRACIÓIS CURTIAS 1991 – Manuel García-Galano, «A terra e a terra». 1992 – Jose Manuel Martínez Castro, «El amigo». 1993 – Jose Manuel Martínez Castro, «Jemmy Button». 1994 – Alejandro Antúñez Vazquez, «El martellazo». 1995 – Fredo de Carbexe, «Llaboría de brao». 1996 – Ex aequo Emma Mendez, «Na terra dos flaires», y Rafael Cascudo Noceda, «Basilisa». 1997 – Xaviel Vilarello, «Na marxe dos carreiros». 1998 – Rafael Cascudo Noceda, «Xunta de mitos». 1999 – Jacinto Díaz López, «Recordos d’outros tempos». 2000 – Mª Jose Fraga Suárez, «El tempo nos oyos». 2001 – Juan Jose Maseda García, «El vecín más cordo de todos». 2002 – Alba González Fernández, «Dos tempos, os miyores». 2003 – Aurora García Rivas, «As cereixas». 2004 – Ágata García Castro, «Gol». 2005 – Ricardo Saavedra Combarro, «As partixas». 2006 – Aurora Bermúdez Nava, “Tempo de dolor”. 16 de xunetu, 2007 0 FacebookTwitterPinterestEmail
Lliteratura Convocáu n’Avilés un concursu de microrrelatos by asturnet 10 de xunetu, 2007 Con motivu de les Fiestes de San Roque del Carbayedo, a facer nAvilés del 17 al 20 dagostu del 2007, y col aquel danimar a la creación lliteraria en llingua asturiana, lAsociación de Vecinos El Hórreo del Carbayedo, en collaboración cola Estaya de Normalización Llingüística del Ayuntamientu dAvilés entamal Primer Concursu de Microrrelatos LHÓRREO DEL CARBAYEDO. Esti primer concursu tien les BASES que darréu apaecen: 1- Pue participar cualisquier escritor/a en llingua asturiana con un máximu de tres rellatos. 2- Los rellatos nun puen pasar de les 500 pallabres. La temática ye llibre. 3- Los rellatos puen presentase hastal día 6 dagostu de les siguientes maneres: A- Pel Corréu Postal a A.VV. EL HÓRREO, C/Dr. Marañón, 16, bajo, 33402, Avilés. B- Pel Corréu Electrónicu a avvelhorreo@yahoo.es Nel primeru de los casos mandaránse los rellatos per triplicao, nun importando nin la tipografía nin el tamañu la lletra, siempre que seya lexible y los microrrellatos nun pasen deses 500 pallabres. Los unvíos, per una o otra vía, han ser anónimos, con un sobre colos datos reales del autor/a aparte. El cierre de recepción de les obres acabal 6 dAgostu, respetándose aquellos que puean llegar pel Corréu Postal más tarde. Y nel casu de los que se manden pel Corréu Electrónicu, la sistemática va ser la que sigue: Primero.- Los trabayos mandaránse al mail espuestu firmao con un nomatu/pseudónimu. Les señes del mail nun puen ser indicatives de l´autoría. Esos mandaos han facese hasta les 14 h del día 6 d´agostu. A partir desa hora nun se van aceptar unvíos. Segundo.- De ganar dalgún cuentu mandáu per esta canal, el xuráu mandará mail reclamando los datos del cuentu ganador. Daráse un primer premiu de 300 al meyor rellatu y 3 premios consistentes en lotes de libros valoraos en 100 , a los tres finalistes. El 10 dagostu un xuráu entamáu por reconocíes personalidaes de la cultura asturiana determinará los ganadores. El llunes, 20 dagostu, los cuentos ganadores van ser lleíos por CONTADORES PROFESIONALES o polos mesmos autores nel campu la fiesta (parque del Carbayedo), a les 20:00 hores. A esi actu han asistir los ganadores, pa recoyer los premios. Los microrrellatos ganadores y finalistes van ser pasaos a gran formatu y expuestos durante delles xornaes nos chigres del Barriu pa públicu conocimiento y promoción de los autores galardonaos. Asinamesmo TOLOS RELLATOS PRESENTAOS van ser expuestos nuna específica ESPOSICIÓN que se va presentar en xunto col programa Fiestes y que va tar abierta al públicu los díes que estes duren. El Xuráu entenderá de cualisquier dulda o problema que puea apaecer. A les sos decisiones nun se pue retrucar. Presentase a esti Concursu implica la plena aceptación d´estes BASES. 10 de xunetu, 2007 0 FacebookTwitterPinterestEmail
Lliteratura La XX Selmana Negra llega al so cuartu día dactividaes by asturnet 8 de xunetu, 2007 Redacción. La xornada de güei va dar entamu a les 10:30 hores cola inauguración de los talleres lliterarios pa xóvenes y p’adultos mayores, a cargu d’Amir Valle, Lorenzo Lunar, Rolando Hinojosa y Goran Tocilovac nel Centru Municipal de L’Arena. A les cinco la tarde va haber una tertulia na Carpa d’Alcuentros, titulada, “Realcontar, Reescribir, Revivir”, cola participación de Fernando Marías, Elia Barceló, Rodolfo Martínez, J. R. Biedma, Jerónimo Tristante, Javier Negrete, Manuel García Rubio, Víctor Conde, Torres Quesada, Javier Azpeitia, Goran Tocilovac, Juana Salabert, Paco Ignacio Taibo II y Rutes. A les 18 hores va celebrase ‘Charrando con… Dominique Manotti a cargu de Cristina Macía na Carpa d’Alcuentros. A esa mesma hora nel Espaciu AQ Marisol Llano y Jesús Palacios van presentar “Rojo Sobre Negro”. Media hora más tarde Javier Azpeitia presenta xunto a Laura Castañón “Nadie me mata”. Y a les 18:45, na Carpa d’Alcuentros, va tar la presentación de “Caballeros de la Vera Cruz” de David Camus a cargu de Jorge Iván. A les 19 hores va ser la presentación de “Capitán de las Sardinas” de Manuel Manzano por J. M. Fajardo nel Espaciu AQ y nel Paseu de les Llibreríes va celebrase l’actuación de Víctor Cerro. L’Espaciu AQ recibe a les 19:30 a les Nueves Miraes de Kenny Ruiz con Jose Manuel Estebanez y la Carpa d’Alcuentros otru nuevu Charrando con…, esta vegada cola intervención de Peter Straub, Miguel Cane y Elia Barceló. A les ocho Vanessa Monfort presenta “El Ingrediente Secreto por Cristina Macía nel Espaciu AQ. A les 20:30 hores, presentación del premiu Novelpol a cargu de Zeki nel Espaciu AQ y na Carpa d’Alcuentros “Charrando con Valerio Massimo Manfredi, conducío por Ángel Fabián. A les 21:00 hores presentación de “Pancho Villa: Una biografía narrativa” de Paco Ignacio Taibo II, por Alfonso Mateo Sagasta y nuevamente nel Espaciu AQ. La Carpa d’Alcuentros acuye a les 21:30 la presentación de la novela “La emperatriz de Roma” de Pedro Gálvez por Cristina Macía. A les 21:45 Nueche Blog cola Intervención de BEF, Fran J. Ortiz y Carmen Sánchez nel Espaciu AQ. A les once va tar Víctor Cerro na Carpa d’Alcuentru. Mientres que a les 22:30 va entamar un conciertu nel escenariu central, cola presencia de Balkan Beat Box. A les 24:00 hores otra proyeición del ciclu “El manga fízose carne”, coordináu por Iñaki Huidobro, cola proyeición de “The Convent of the Sacred Beast (Sei Ju Gakuen)”, de Norifumi Suzuki nel espaciu AQ. La nueche termina a les doce cola terutlia “A Cuestes cola Hestoria”, ensin llímite de tiempu y con Valerio Massimo Manfredi, Gisbert Haefs, Peter Berling, Almudena de Arteaga, Paula Cifuentes, Pedro Gálvez, Nerea Riesco, Jurgen Alberts, Alfonso Mateo Sagasta, Vicente Álvarez, coordinan J. M. Fajardo, Jorge Iván Argiz y Paco Taibo II. Páxina web oficial de la Selmana Negra 8 de xunetu, 2007 0 FacebookTwitterPinterestEmail
Lliteratura Esti Llunes presentóse’l Porfoliu de la Llaguna 1907-2007 xunta una obra de Pablo R. Medina by asturnet 7 de xunetu, 2007 Esti llunes 9 de xunetu de 2007, a les 19:00 hores, fízose na Casa de la Cultura de L’Entregu la presentación del Porfoliu de La Llaguna 1907-2007 y del cartafueyu “Ente querelles y doncelles” de Pablo Rodríguez Medina. La presentación enmárcóse nel programa d’actos del I Alcuentru Medieval “Rei Aurelio” y Mercáu medieval que va tener llugar en L’Entregu del 15 al 16 de Xunetu. 7 de xunetu, 2007 0 FacebookTwitterPinterestEmail
Lliteratura Mª Esther García López ganal Premiu Fernández Lema de rellatu curtiu por Performance by asturnet 3 de xunetu, 2007 Redacción. La escritora Mª Esther García López, maestra d’asturiana y miembru de l’Academia de la Llingua Asturiana, resultó ganadora del Premiu “Fernández Lema” de rellatu curtiu na so edición de 2007 pol cuentu ‘Performance’. El premiu convócalu la Fundación “Fernández Lema” de L.luarca (Valdes) con una cuantía de 3500 euros. Cada tres años publiquen un llibru colos rellatos ganadores. La escritora mostróse contenta por recibir el premiu y diz “lleva un añu de suerte”. Y ye que García López recibió apocayá’l premiu Uvieu de poesía. Ente les obres de la escritora destaquen L.luribaga y los estudios de toponimia del Conceyu de Valdes. 3 de xunetu, 2007 0 FacebookTwitterPinterestEmail
Lliteratura Treslallende presentóse nUviéu de la mano de Chema Vega y Pablo Rodríguez Alonso by asturnet 1 de xunetu, 2007 Redacción. Esti vienres pasáu presentóse nel Club de Prensa de La Nueva España’l poemariu a dos manos escritu por Carlos Suari y Berto García. Nel actu Chema Vega fizo un percorríu más personal del so contactu colos autores falando del papel de los autores en rellación con que ye y cómo quieren que seya Asturies. L’otru presentador, Pablo Rodríguez Alonso, fizo una crítica lliteraria más estricta, sorrayando coses como’l calter cinemáticu del poemariu, faló de Berto “en terminos de cenciellez, simbolismu y llucha” y de Suari resaltando“la radicalidá formal y argumental y un gran dominiu del idioma”. Darreu, los autores falaron d’aspeutos más íntimos y anecdóticos de la creación del poemariu, pa facer dempues, tanto los presentadores como los autores, una ronda de llectures, na que Bras Rodrigo tocó a la flauta y la gaita, con una serie de pieces compuestes pal poemariu sobre les que García y Suari siguieron lleendo eses pieces, que los autores comenten “podríen formar un discu nel futuru”. 1 de xunetu, 2007 0 FacebookTwitterPinterestEmail