Música El grupu Felpeyu va recibir el «Distintivu Fini Suárez» by asturnet 16 d'abril, 2007 Redacción Dende l’añu 2001 entregase en Mieres el Distintivu Fini Suárez col envís de facer alcordanza de la figura de la investigadora de la música tradicional y panderetera despaecida va dellos años. Na edición d’esti añu, que s’entrega dientro del primer día de la ‘Folixa na primavera’, va facese homenaxe al grupu ‘Felpeyu’, que l’añu pasáu perdió tráxicamente a dos de los sos componentes. D’esta manera quier facese un reconocimientu a ún de los grupos asturianos que más esitu tienen dientro y fuera del país y al mesmu tiempu a la figura de los fallecíos Ígor Medio y Carlos Redondo. 16 d'abril, 2007 0 FacebookTwitterPinterestEmail
Música Les “I Xornaes d’estudiu de Baille y Danza tradicional n’Asturies” entamen en Xixón by asturnet 16 d'abril, 2007 El responsable de la Oficina de Política Llingüística d’Asturies, Ramón de Andrés,el director xeneral de Promoción Cultural y política Llingüística, Carlos Madera, y la conceyala encargada de la xestión del Museu del Pueblu d’Asturies Carmen Rua presentaron esti día les “I Xornaes d’estudiu de Baille y Danza tradicional n’Asturies” que van desendolcase dende’l 20 al 22 d’abril en Xixón y depués van siguir n’Avilés los díes 26 y 27 de xunetu. Les Xornaes van entamar el vienres 20 en Xixón con dos ponencies de Fe Santoveña y Fernando de La Puente sobre la función social del baille na Asturies tradicional y la enseñnaza y deprensidimientu del baille tradicional. Na presentación de les Xornaes, Ramón d’Andrés encamento a les instituciones y la sociedá asturiana a que se conoza y sofite al folclor asturianu como “espresión alta de cultura” talamente como asocede nel restu d’Europa “onde’l folclor tiense por cultura con mayúscules y sirve d’elementu de creación y de nueves espresiones”. El programa de les xornaes incluye charres sobre patrimoniu coreográficu o la investigación sobre la danza y el baille tradicionales n’Asturies cola participación d’espertos y investigadores del altor de Batriz Martínez del Fresno, Jose Antonio Gómez, Estrella García González, Maribel López Parrondo, Xurde Fernandez, Yolanda Cerra, Fernando Ornosa, Manuel Durán y una llarga llista d’especialistes. Les xornaes que cuenten col sofitu de la Universidá y les instituciones locales y autonómiques. 16 d'abril, 2007 0 FacebookTwitterPinterestEmail
Música Les Xornaes d’estudiu del baille y la danza entamen el 20 d’abril nel Muséu del Pueblu d’Asturies by asturnet 13 d'abril, 2007 13 d'abril, 2007 0 FacebookTwitterPinterestEmail
Música La Islla de Man participará nel Festival Intercélticu d’Avilés nesti 2007 by asturnet 8 d'abril, 2007 El XI Festival Intercélticu d’Avilés y Comarca cuntará cola Islla de Man como delegación nueva na edición de 2007,que va celebrase del 20 al 29 de xunetu de 2007. La Islla de Man (Ellan Vannin en manés),allugase nel Mar d’Irlanda ente Inglaterra, Escocia ya Irlanda, y ye una dependencia de la Corona Británica, pero en términos formales, nun pertenez al Reinu Xuníu nin a la Xunión Europea. Esti pequeñu país, con menos población qu’el Conceyu d’Avilés (75.049 habitantes en xunetu de 2005), caltién mui vives les sos tradiciones d’orixen célticu. Nel 2007 cuntará per primer vegada con representación nel Festival Intercélticu d’Avilés que ta finando yá la so programación. 8 d'abril, 2007 0 FacebookTwitterPinterestEmail
Música El XIX Conciertu pola Oficialidá va facesel sábadu 28 dabril nel aparcaderu del Carlos Tartiere by asturnet 8 d'abril, 2007 La Xunta pola Defensa de la Llingua ta acabante de presentar el cartel del XIX Conciertu pola Oficialidá. El conciertu va facesel sábadu 28 dabril nel aparcaderu del Carlos Tartiere, ellí va instalase una carpa xigante y dos escenarios independientes nos que van dir alternándose les actuaciones de: Tuenda, Llangres, Dulcamara, Lafu y Rebeca Velasco, Toli Morilla, Chalaneru Soundsystem, K-Nalón y Skama la Rede. Sigún pue lleese na páxina web de la Xunta pola, un total docho hores de música nasturianu nestilos que van dende la canción tradicional al Hip-Hop, pasando pel Rock, Reggae, autor, etc.. El conciertu va entamar a les 19:30 y el preciu de la entrada ye de 5 anticipada y 6 na puerta. Más información 8 d'abril, 2007 0 FacebookTwitterPinterestEmail
Música La Banda de Villaviciosa-El Gaitero dexó nidio’l so dominiu na II Fase de la Liga Galega by asturnet 1 d'abril, 2007 La Banda de Gaites de Villaviciosa-El Gaitero algamó esta fin de selmana’l primer puestu na segunda fase de la “Liga Galega de Bandas de Gaitas” que se celebró’l sábadu en La Villa. El mal tiempu fizo cancelar los conciertos de los meyores gaiteros del sieglu, que s’axuntaron estos díes nel conceyu maliayés y que vieron a la Banda anfitriona ganar esta segunda fase y averase a la primer clasificada na llucha pol títulu. Más de 3.000 gaiteros y 89 bandes d’España y Portugal participaron nesta segunda fase de la Liga Galega de Bandas de Gaitas a les 11,30 la mañana del domingu nel Parking El Pelambre. La competición finó cola Banda de La Villa, col maestru Martín Poladura domo direutor, algamando un primer puestu que la dexa colocada en segunda posición, tres de la Banda “A Carballeira”, na tercera y última fase de la Liga, cola que va tener que decidir el campeonatu na tercer fase que se tien de celebrar na estación d’esquí de Cabeza de Manzaneda, en Galicia. Conciertos clausuraos Los meyores gaiteros del sieglu nun pudieron ser los protagonistes principales de la Final de la Lliga Galega de Bandes de Gaites que se desendolcara esti domingu 1 d’abril en La Villa, nel conceyu maliayés. José Manuel Tejedor ( Asturies) Gaita Asturiana, Whistles Anxo Lorenzo ( Galicia) Gaita Gallega, Fred Morrison ( Escocia) Highland Pipes y Border Pipes, Jarlath Henderson ( Irlanda) Uillean Pipes y Patrick Molard ( Bretaña) Biniou Kozh y Bibiou Braz diben ser los protagonistes d’un conciertu na nueche del 31 de marzu nel Parking El Pelambre, nel que tamién participaben como músicos convidaos Ruben Bada (Bouzouki, guitarra acústica), Javier Tejedor (Curdión de botonera, percusiones) y Oracio García (Contrabaxu) xunta’l grupu Corquiéu, pero’l mal tiempu fizo clausurar el conciertu. La programación tampoco nun pudo entamar el vienres 30 de Marzu con un conciertu nel mesmu Parque, a partir de les 9 la nueche, con La Bandina Tradicional La Curuxa, Los Gatos del Fornu y Skama la Rede, tamién por mor del mal tiempu. 1 d'abril, 2007 0 FacebookTwitterPinterestEmail
Música Los mayestros gaiteros del sieglu XXI toquen esti sábadu en La Villa by asturnet 29 de marzu, 2007 Los meyores gaiteros del sieglu van ser los protagonistes principales de la Final de la Lliga Galega de Bandes de Gaites que va desendolcase esti domingu 1 d’abril en La Villa, nel conceyu maliayés. José Manuel Tejedor ( Asturies) Gaita Asturiana, Whistles Anxo Lorenzo ( Galicia) Gaita Gallega, Fred Morrison ( Escocia) Highland Pipes y Border Pipes, Jarlath Henderson ( Irlanda) Uillean Pipes y Patrick Molard ( Bretaña) Biniou Kozh y Bibiou Braz van ser los protagonistes d’un conciertu na nueche del 31 de marzu nel Parking El Pelambre, nel que tamién participarán como músicos convidaos Ruben Bada (Bouzouki, guitarra acústica) Javier Tejedor (Curdión de botonera, percusiones) y Oracio García (Contrabaxu) xunta’l grupu Corquiéu. La programación entamará ya güei vienres 30 de Marzu con un conciertu nel mesmu Parque, a partir de les 9 la nueche, con La Bandina Tradicional La Curuxa, Los Gatos del Fornu y Skama la Rede. Y la convocatoria pesllaráse cola final de la II Fase Liga Galega de Bandas de Gaitas a les 11,30 la mañana nel Parking El Pelambre, na que van participar 83 bandes de gaites de tola península y na que la Banda de La Villa, ganadora nes caberes ediciones, ye una de les que más posibilidaes pue tener. 29 de marzu, 2007 0 FacebookTwitterPinterestEmail
Música Los mayestros gaiteros del sieglu XXI tocarán el 31 de Marzu en La Villa by asturnet 23 de marzu, 2007 Los meyores gaiteros del sieglu van ser los protagonistes principales de la Final de la Lliga Galega de Bandes de Gaites que va desendolcase esti domingu 1 d’abril en La Villa, nel conceyu maliayés. José Manuel Tejedor ( Asturies) Gaita Asturiana, Whistles Anxo Lorenzo ( Galicia) Gaita Gallega, Fred Morrison ( Escocia) Highland Pipes y Border Pipes, Jarlath Henderson ( Irlanda) Uillean Pipes y Patrick Molard ( Bretaña) Biniou Kozh y Bibiou Braz van ser los protagonistes d’un conciertu na nueche del 31 de marzu nel Parking El Pelambre, nel que tamién participarán como músicos convidaos Ruben Bada (Bouzouki, guitarra acústica) Javier Tejedor (Curdión de botonera, percusiones) y Oracio García (Contrabaxu) xunta’l grupu Corquiéu. La programación entamará ya’l vienres 30 de Marzu con un conciertu nel mesmu Parque, a partir de les 9 la nueche, con BLa andina Tradicional La Curuxa, Los Gatos del Fornu y Skama la Rede. Y la convocatoria pesllaráse cola final de la II Fase Liga Galega de Bandas de Gaitas a les 11,30 la mañana nel Parking El Pelambre, na que van participar 83 bandes de gaites de tola península y na que la Banda de La Villa, ganadora nes caberes ediciones, ye una de les que más posibilidaes pue tener. 23 de marzu, 2007 0 FacebookTwitterPinterestEmail
Música Preséntase’l Llaboratoriu d’Electrónica Visual de la Llaboral by asturnet 20 de marzu, 2007 La música electrónica y los vídeos van enllenar durante los próximos 23 y 24 de marzu la Universidá Llaboral de Xixón na presentación del Llaboratoriu d’Electrónica Visual. La propuesta musical tien como fin valir de presención pal LABoral Centru d’Arte y Creación Industrial un espaciu nel que se van desenvolver bien d’actividaes culturales. Ente les propuestes que se van ufrir nesta fin de selmana figura la participación de grupos y colectivos asturianos como Lego my Ego, Alejandro López, Tape y Normaa. Dientro del cartel internacional ente dalgunos de los grupos que van ufrir les sos músiques y animaciones ta xente como Mouse on Mars, Plaid, Rechenzentrum o Amanda López. Los precios de les entraes pa esti festival son de 15 pa la entrada d’un sólo día y de 20 l’abonu pa les dos xornaes. 20 de marzu, 2007 0 FacebookTwitterPinterestEmail
Música Gueta na Fonte actúa esta primavera ente Xixón y Madrid by asturnet 18 de marzu, 2007 El grupu de Folk “Gueta na Fonte” entamará en Xixón esti xueves 29 de Marzu una pequeña programación d’actuaciones que lu va llevar a otres localidaes asturianes como Avilés y a la capital del Reinu pala fin d’abril. Les actuaciones entamarales esti xueves que vien, día 29, nel Centru Cultural Xixón Sur, (Pumarín) a les 19,30 hores, pa siguir n’Avilés el Llunes del Bollu, 9 de Abril, na Plaza del Ayuntamientu, compartiendo escenariu con Tejedor. L’actuación en Madrid sedrá’l vienres 27 d’Abril na nueva Casa d’Asturies, na Plaza d’Argüelles, a les 20 hores. Será un placer veros a todos y compartir momentos musicales con todos vosotros en alguno de estos conciertos. Un saludo y un abrazo. Mento Hevia – Juan Povedano Gueta na Fonte Web de Gueta na Fonte 18 de marzu, 2007 0 FacebookTwitterPinterestEmail