Educación Juan Vázquez inaugura la esposición Cuatro sieglos dhestoria de la Universidá dUviéu by asturnet 12 de marzu, 2008 Dientro de los ciclos desposiciones abiertu por mor del centenariu cuartu de la Universidá dUviéu. Una esposición que va repasar los cuatrocientos años de la institución educativa asturiana. La inauguración va ser a les 19:00 hores nel Edificiu Hestóricu de la Universidá dUviéu, asitiáu na capital asturiana. 12 de marzu, 2008 0 FacebookTwitterPinterestEmail
Educación Asturnews ufre los primeros vidios de los candidatos al rectoráu de la Universidá by asturnet 12 de marzu, 2008 Yá tan disponibles na canal de youtube d’Asturnews los vidios onde los candidatos a Rector de la Universidá d’Uvieu presentaron l’esbozu de les sos candidatures. Paz Andres, Vicente Gotor y Santos González falaron pa los medios de comunicación esti miercoles, durante un actu oficial n’Uvieu col qu’entama la campaña pa suceder a Juan Vázquez. Vidios de los candidatos 12 de marzu, 2008 0 FacebookTwitterPinterestEmail
Educación Paz Andrés afita’l so compromisu cola llingua asturiana na presentación de la so candidatura a Rectora by asturnet 12 de marzu, 2008 La única candida al Rectoráu de la Universidá d’Uviéu abrió esti miércoles la ronda de presentaciones de candidatures con una declaración na que dexó afitáu’l so compromisu pa cola llingua y la cultura asturiana y nidia la so opción “distinta d’otros candidatos que suponen una continuidá col presente o que signifiquen alternatives que nun gozaron del sofitu de la mayoría de la comunidá universitaria nel pasáu”. Paz Andrés foi la primera en presentar la so candidatura al Rectoráu de la Universidá d’Uviéu pasaes les 11,30 de la mañana y dixo presentala col “apoyu d’un númberu importante de persones que quieren un cambiu nesta Universida, nun momentu crucial nel que tienen de facese munches tresformaciones”. La candidata dixo representar una “opción nueva, distinta d’otros candidatos que suponen una continuidá col presente o que signifiquen alternatives que nun gozaron del sofitu de la mayoría de la comunidá universitaria nel pasáu”. La candidatura de Paz Andrés plantega una nueva etapa na Universidá basada “nuna recuperación de los valores universitariuos, nun regresu a l’Academia y nuna concepción participativa del gobiernu, con respetu a la pluralidá y una xestión rigurosa, tresparente y responsable”, y concibe a la Universidá como “una pieza esencial nel desenrrollu económicu, social y cultural d’Asturies”. Paz Andrés dexó bien nidio que yera asturiana, estudiara nesta Universidá y formárase académicamente nella, perteneciéndo al reducíu grupu de muyeres que foron algamando cátedres nesta institución. 12 de marzu, 2008 0 FacebookTwitterPinterestEmail
Educación Vicente Gotor adelanta’l so programa ensin referencies al compromisu que firmare hai cuatro años cola Xunta by asturnet 12 de marzu, 2008 Vicente Gotor recordó na presentación de la so candidatura los 16 años de serviciu que lleva na Universidá y adelantó delles cuestiones del so programa, centráu en “que la Universidá ocupe’l puestu que-y correspuende y que enxamás debió perder y que tenga mayor seguridá xuridica y haya menos conflictividá”, pero escaeciendo referise al decálogu pa cola llingua asturiana que firmare hai cuatro años cola Xunta Pola Defensa de la Llingua Asturiana. El programa de Gotor presentaráse a finales de mes. Gotor dexó nidio que’l so programa abordará principalmente dos aspectos: “que la Universidá ocupe’l puestu que-y correspuende y que enxamás debió perder y que tenga mayor seguridá xuridica y haya menos conflictividá”. Vicente Gotor dixo presentase tamién col enfotu de tener bones relaciones col Principáu y garantizar que los nuevos graos y postgraos puedan abordase con éxitu y garantíes. 12 de marzu, 2008 0 FacebookTwitterPinterestEmail
Educación Santos Gonzalez afita que la so candidatura nun ye continuista y que tien como referente la “Confianza” by asturnet 12 de marzu, 2008 El tercer candidatu al Rectoráu, Santos González, presentó la so candidatura a les 12,30 de la mañana y ñegó que fuera continuista col equipu rectoral d’anguaño afitando que la pallabra central de la mesma yera la “Confianza” que costitúi’l so eslogan y resume la toma de decisión de la comunidá Universitaria basada na trayectoria personal de los candidatos. Santos Gonzalez nes sos manifestaciones a la prensa quiso asoleyar los sos años de xestión que foron de “convivencia, de consensu de tresparencia, d’equilibriu y de sosiegu cola comunidá estudiantil y que tamién quiero dar al restu de la comunidá universitaria”. 12 de marzu, 2008 0 FacebookTwitterPinterestEmail
Escéniques Los cuernos de don Friolera llega güei al Teatru Palacio Valdés dAvilés by asturnet 11 de marzu, 2008 Güei, martes 11 de marzu, a les 20:15 hores, nel Teatru Palacio Valdés dAvilés, la compañía Azogue Teatro va presentar la so versión de la obra Los cuernos de don Friolera, de Valle-Inclán. La obra ta dirixada por Enrique Villanueva y participen Quique Iglesias, Mercedes Verástegui, Begoña Fernández, Silvino Torre, Xuacu Carballido, Ana Vázquez, Carlos Cancio y Roxana Muñoz. 11 de marzu, 2008 0 FacebookTwitterPinterestEmail
Escéniques Tonada, baille por pareyes y monólogu modernu esti domingu pela mañana nel Teatru Campoamor by asturnet 8 de marzu, 2008 El Concursu de Folclore Ciudá dUviéu llega mañana a la segunda xornada de semifinales. A les 11:45 hores, nel Teatru Campoamor dUviéu, va poder vese per primer vegada dos actuaciones del conocíu como monólogu modernu, cola participación dInaciu Galán y González y Lluis Antón González, que participen al principiu y al final de la xornada. Na parte de concursu los semifinalistes participantes güei son Borja Pascual Martínez y Claudia Fernández Camporro na modalidá de pareya de baille, y Francisco Queipo García y Carmen Camporro Palicio na categoría de tonada. Amás, dientro de concursu, van participar tamién Francisco José López Álvarez, Hermógenes Fernández y Álvaro Fernández Conde. Completando la xornada la pareya de baille formada por Jairo López Álvarez y Laura Prada Pozuelo y el gaiteru Gabriel Martínez González. 8 de marzu, 2008 0 FacebookTwitterPinterestEmail
Escéniques Lluis Antón González ya Inaciu Galán van llevar el monólogu modernu al Campoamor esti domingu by asturnet 7 de marzu, 2008 Cola llegada de Xosé Arias Cachero Felechosa a la Conceyalía de Cultura del Conceyu dUviéu ta buscándose modernizar la Muestra de Folclore Ciudá dUviéu y nesi sen, esti domingu van poder vese dos monólogos del nuevu monóloguismu asturianu, conocíu como Monólogu Modernu. Los actores van ser nesti casu Lluis Antón González ya Inaciu Galán y González, que dende va años trabayen esti campu, Galán dende lAsociación Xareos!, quentamó la renovación desti xéneru y Lluis Antón González collaborando con esta última y al traviés del programa de la TPA, Al aldu: La Risión. Los guiones de los monólogos son obra de Chechu García, Isaac de G. de lArada y el propiu Inaciu Galán. La entrada ye dun euru y la hora, les 1145 de la mañana. 7 de marzu, 2008 0 FacebookTwitterPinterestEmail
Escéniques La Llaboral va acoyer el espectáculu de danza “Blessed” by asturnet 7 de marzu, 2008 El Teatru de la Llaboral de Xixón va acoyer esti fin del selmana l’actuación de los baillarinos Francisco Camacho y Kotomi Nishiwaki nel espectáculu de baille “Blessed”. La cita con esta coreografía orixinal de Meg Stuart va ser a les 20:30 hores del sábadu 8 de marzu. Camacho y Stuart, miembros de les compañíes Damaged Goods y EIRA ufren con “Blessed” el segundu de los sos trabayos conxuntos. 7 de marzu, 2008 0 FacebookTwitterPinterestEmail
Escéniques Talía Astur llevan les farses d’Alejandro Casona al Filarmónica d’Uviéu by asturnet 7 de marzu, 2008 La obra d’Alejandro Casona llega na nueche del sábadu a les tables del Teatru Filarmónica d’Uvieu de la mano del grupu teatral Talía Astur. Rafael García Sánchez ye’l responsable d’esta versión de “El retablo jovial”, que recueye tres de les cinco farses que Casona pensó orixinalmenta pa la obra. La cita, emarcada nel festival de teatru amateur d’Uvieu, va entamar a les 20:30 hores. 7 de marzu, 2008 0 FacebookTwitterPinterestEmail