Fiestes LAlcuentru Folclóricu Astur-Bretón llegaba esti xueves a LEntregu by asturnet 30 d'agostu, 2007 Esti xueves celebrábase en LEntregu, nel conceyu de Samartín del Rei Aurelio, un alcuentru ente formaciones de baille y música tradicional dAsturies y Bretaña. Lactuación más importante tiníaa les siete y media la tarde Parque de La Llaguna y tocaben lAgrupación dEtnografía y Folklor LEsperteyu, el Colectivu de Baille Tradicional LEnguedeyu de Lada, y la Banda de Gaites Conceyu de Llangréu xunto a la formación bretona Bagad Gwengamp. LAlcuentru taba abiertu al públicu y quería averar a la xente al folclor de tolos países del arcu atlánticu, poniendo de relieve los llazos que mos xunen colos pueblos de la oriella atlántica. Les bandes entraron en cantactu en dellos festivales intercélticos celebraos en tolos países desta fastera, ente los que destacal de Lorient, en Bretaña. 30 d'agostu, 2007 0 FacebookTwitterPinterestEmail
Música Ediciones Trabe edita Cancioneru. Lírica dayeri y de güei de Vicente J. Sánchez by asturnet 29 d'agostu, 2007 La editorial Trabe sacó al mercáu estes selmanes un nuevu llibru dedicáu a la música y tituláu Cancioneru. Lírica dayeri y de güei, del que ye autor el director de coru Vicente J. Sánchez García. Nel llibru apaecen 30 nuevos cantares basaos notros tantos poemes de toles dómines de la lliteratura asturiana que van dende dende Pin de Pría o Tiadoro Cuesta a Manuel Asur o Humberto Gonzali. El llibru, diz lautor, busca siguir el camín de cancioneros clásicos como los de Martínez Torner, Víctor Sáenz o González del Valle y por eso quixi que la música tuviere lo más averao posible a la canción asturiana tradicional, con una melodía y un acompañamientu cenciellu pa la segunda voz. El llibru ufierta, amás, trés composiciones con una versión de coru pa cuatro voces mistes ya inclúi obres de, amás de los yá nomaos, Fernán Coronas, Enrique García-Rendueles, Xosé Manuel Valdés Costales, Lourdes Álvarez, Xuan Xosé Sánchez Vicente, Manuel Asur, Mª Elvira Castañón, Luis Aurelio y Pepe Campo ente otros. El Cancioneru. Lírica asturiana dayeri y güei va presentasel sábadu 15 de setiembre nos actos dArribada 2007, nel Antiguu Institutu de Xixón, a les once y media la mañana. 29 d'agostu, 2007 0 FacebookTwitterPinterestEmail
Música Celestino Rozada estrénase na grabación de discos con Cantares dende la mayada by asturnet 28 d'agostu, 2007 LAsociación Cultural Llacín, de Porrúa, y el sellu Ámbitu-LAguañaz tán acabante despubliza el primer discu del cantante de tonada Celestino Rozada Tamés, Cantares dende la mayada, un discu con catorce temes del repertoriu tradicional ente los que sinclúin La cabraliega, Baxaron cuatro ayeranos o Soi pastor. Lautor, ñacíu en Porrúa en 1972, ye, como munchos de los cantantes de tonada, de formación autodidacta y entama de bien mozu a dase a conocer pelos concursos dAsturies con más sonadía. Más tarde pasó un tiempu nel estranxeru y el gran ésitu diba vení-y dempués, nel añu 2006, al proclamase campeón del Certame de Tonada del conceyu dAmieva. Yá ta nes tiendes esti primer discu de Rozada, con cantares tan prestosos como Hai una llinia trazada y La carreteral Pedrosu. Dos razones más pa escuchar esti nuevu trabayu. 28 d'agostu, 2007 0 FacebookTwitterPinterestEmail
Música Un discu con versiones de venti grupos y artistes va homenaxear los venti años de Dixebra by asturnet 27 d'agostu, 2007 Dixebra cumplió apocayá venti años y va celebralo cola edición dun discu nel que van participar venti grupos y artistes faciendo versiones dotros tantos cantares de la banda. El discu va salir en payares y tien versiones que van dendel hip-hop a la música lletrónia. El discu va llamase Salú ya dixebra, 20 años en 20 canciones. Nel discu van participar artistes como Toli Morilla, que recuperará un cantar que compuso pal repertoriu del conxuntu avilesín El mineru, un tema tovía inéditu. Otros de los participantes van ser Skama la rede, Skanda, La Col.l.a Propinde, Fe de Ratas, Desakato, Mala reputación, Escuela de odio, Ciquitrinos, Skontra, Desorden, La Tarrancha, Dulcamara, Dj Stilo, Dark la eMe, La Bandina, K Nalón y Arma X ente otros. Nochobre van metese nel estudiu a grabar y la selección de temes yá ta fechar. Rapaza nacionaliega va versioneala Ciquitrinos, La danza será versionada por La Bandina y Dark la eMe interpretará El vieyu combatiente, mientres que Chalaneru Sound System va tocar Esto ye Asturies nuna versión reggae. Fuera del repertoriu queda El Merucu y otros cantares clásicos de la banda que por espaciu nun entraron nel discu. 27 d'agostu, 2007 0 FacebookTwitterPinterestEmail
Fiestes Les fiestes de San Agustín terminen estos díes nAvilés by asturnet 27 d'agostu, 2007 Avilés ta rematando les sos fiestes y failo con dos díes que van ser remate a más duna selmana dactividaes culturales y dociu empobinaes al entretenimientu de los habitantes del conceyu y a los visitantes. A les once la mañana, lo mesmo güei que mañana martes va entamar a celebrase un pasacais de xigantes y va abrisel Mercáu Francu dAlcabala, una recreación del mercáu francu de los llunes, concedíu polos Reis Católicos a la Villa dAvilés en 1479. El Mercáu celébrase nes casi La Ferrería, El Sol, La Fruta, y nes places dAlfonso VI, Carlos Lobo y Campusagráu. Dambos díes va celebrase una verbena a les nueve la nueche, cola Orquesta Cinema y un conciertu dAntonio Carmona güei y cola actuación de la Orquesta Jerusalen mañana. Lúltimu día de les fiestes, phacia les doce la mañana, va celebrase una misa solemne na Ilesia de San Nicolás de Bari, que darréu va convertise nuna procesión peles casi de la villa. Dempués de la verbena, el pieslle de les fiestes va dalu Pirotécnia Morís nel Parque del Muelle y con un espectáculu de fueos artificiales. 27 d'agostu, 2007 0 FacebookTwitterPinterestEmail
Música Soncai System, el nuevu grupu de Xune Elipe, yá tien discu nel mercáu by asturnet 26 d'agostu, 2007 Apocayá estrenaren la descarga dun cantar de baldre del so nuevu discu y agora yá ye posible mercar el discu enteru nes tiendes del país. Tamos falando del primer discu del nuevu grupu de Xune Elipe y el productor Sergio Rodríguez, Clashturies. Nel discu apaecen artistes especializaos nestilos que van dende’l reggae al hip hop, pasando pel folk y la lletrónica. Xente como Delfo Valdés y Vito Álvarez de La Tarrancha, Mario Fueyo Dark la eMe, Aique de Chalaneru Sound System, Javier Tejedor, Rubén Bada de DRD, Eladio Díaz y Jorge Cambareli tamién de Dixebra, amás de los disc jokeys Dani Stylo y Dj pimp. Cola llingua asturiana como idioma principar del discu, colo que los miembros del grupu quieren amosar a les clares les sos posibilidaes espresives del asturianu y el so apueste dusalu como vehículu de comunicación modernu y amañosu pa la mocedá urbano. Descarga’l cantar de baldre 26 d'agostu, 2007 0 FacebookTwitterPinterestEmail
Música Morrison y Felpeyu animaron la Nueche Celta de Porcía by asturnet 26 d'agostu, 2007 Porcía, en conceyu d’El Franco, celebró esta fin de selmana una nueche folk que ye de les más nomaes y veteranes d’asturies y que cuntó con un perbonu programa col gaiteru escoces Fred Morrison y Felpeyu como artistes descataos. La nueche celta abriéronla dos grupos del conceyu: El Cabazo y la banda de gaites La Reina del Truébano y pela nueche actuaron los grupos Blima y Felpeyu, que presentó la so nueva formación col baxista Dubardu Puente. El gaiteru escocés Fred Morrison, que tamién tocaba la nueche enantes en Candás nos alcuentros cola cultura tradicional del grupu San Feñlix, cuayó una actuación mui amañosa, como fai davezu nes sos visites a Asturies, onde se siente como en casa. Morrison ya tuvo compartiendo colos músicos asturianos esti agostu en Lorient, dentro del Festival Intercélticu 2007 nel que particípara tamién. 26 d'agostu, 2007 0 FacebookTwitterPinterestEmail
Música El Rapigueiro celebra 10 años de xera nel III Ruxidoiro Ayandés by asturnet 22 d'agostu, 2007 L’Asociación Cultural Banda de Gaitas El Rapigueiro va celebrar el prósimu sábadu 1 de setiembre el III Ruxidoiro Ayandés nel que va a desendolcar delles actividaes nel Salón de Actos del Ayuntamientu d’Ayande, conmemorando la so primer década d’esistencia. La Banda tamién va a presentar nesti Ruxidoiro la so nueva páxina web. Los actos d’esti III Ruxidoiro Ayandés van entamar el sábadu dende les 18 hores, nel Salón de Actos del Ayuntamientu d’Ayande, Lauren García, autor del llibru Versos como Sangre hirviendo, dará una charla entitulada pertenencias al viento y ufiertará un recital de poemas inéditos del conceyu ayandés. Darréu, coincidiendo cola celebración de los 10 años d’esistencia de la Banda de Gaites El Rapigueiro, presentaráse la páxina web: WWW.ELRAPIGUEIRO.COM. Y a les 19:30 hores habrá un Pasacais ya ruta polos chigres colaboradores amenizáu poles bandines de tol país. A les 22:00 Hores un conciertu nel Klandestín a cargu de los grupos NOS (Ayande) y ÚLTIMO TREN (Cangas del Narcea), preludirá al actu que tendrá llugar a les 23:30 hores y nel que AIRES DEL PALO ya músicos de tola redoblada armarán folixa no Café Centro./p> Como se diz na convocatoria d’esti III Ruxidoiro “durante la nueite recuperaremos fuerzas con la famosa TARTA DE ABLANA moyada con chocolati………….. ya bailar hasta que cante´l gochu”. Nueva web de El Rapigueiro 22 d'agostu, 2007 0 FacebookTwitterPinterestEmail
Música Flor dAugua va lleva güei los sos sones al Tierra Astur de Cualloto by asturnet 22 d'agostu, 2007 Redacción. Güei xueves y dientros del ciclu de conciertos de música folk qu’ufierta la sidrería Tierra Astur de Cualloto va poder disfrutase de l’actuación de ‘La Flor d’Augua’, un dúu formáu por dos hermanes, Aurora y Maite Pazos, que nel añu 2006 sacó’l so primer discu ‘Na tsariega’. El discu taba producíu pol gaiteru Xuacu Amieva y ye que les dos hermanes de Zarreu formen parte d’un grupu de baille nel que conocieron a Amieva, pal que faen coros nos sos conciertos. En ‘Na tsariega’ les hermanes Pazos amuesen el folclore de Degaña con una escoyeta de lo que más-yos gustaba y nel conciertu van poder enseñar el poder de les sos voces y la gracia de los sos toques de pandereta. Con ‘Flor d’Augua’ van tar dos pareyes de baille y dos gaiteros de la zona: Aitor García y David y van poder sentise los cantares del so discu y dalgún nuevu. 22 d'agostu, 2007 0 FacebookTwitterPinterestEmail
Fiestes El Grupu San Félix inaugura esti día los III Alcuentros cola Cultura Tradicional de Candás by asturnet 22 d'agostu, 2007 Redacción. Dende esti xueves y hasta’l 28 d’agostu, el Grupu de Baille Tradicional San Felix va celebrar en Candás los III Alcuentros cola Cultura Tradicional cola collaboración del Teatru Prendes, el Conceyu de Carreño y l’Asociación d’Hosteleros de Candás. Nos actos van participar, amás del grupu anfitrión, los grupos de baille y música tradicional Aukstaitija de Lituania, Bagad Gwengamp de Bretaña, Anturuxas e Sorteiros de Galicia y Sulabarda d’Asturies. Les actividaes van entamar mañana a les diez y media la nueche col desfile de la delegación lituana dende’l Teatru Prendes hasta El Cueto, pa dempues actuar en La Baragaña. El vienres a les ocho la tarde van desfilar les delegaciones lituana y asturiana dende El Muelle hasta Les Conserveres p’actuar darreu en La Baragaña. A les 23:45 hores, nel Parque les Conserveres, va tocar el gaiteru escoces Fred Morrisom. El sábadu 25 la xornada entama a les 12:30 hores cola actuación de la delegación lituana en La Baragaña. Pela tarde, a les 19:30 hores, va haber un desfile de les delegaciones lituana, gallega y asturiana peles cais de Candás pa darreu actuar en Les Conserveres. Les actividaes van continuar hasta’l martes 28. 22 d'agostu, 2007 0 FacebookTwitterPinterestEmail