Comunicación Los llectores de prensa dixital xorrecieron un 24% by asturnet 11 d'avientu, 2008 Los llectores de diarios dixitales algamaron en 2007 un promediu diariu n’España de 6,42 millones de persones, con un xorrecimientu del 24% respectu al añu anterior, según el Llibru Blancu de la Prensa Diaria 2009, presentáu esti xueves pola Asociación Española de Editores Españoles (AEDE). La media d’usuarios únicos de la prensa online foi en 2007 de 1.191.749, o lo que ye lo mesmo de 146.656 usuarios únicos más que nel 2006. El númberu de cabeceres dixitales incrementose na mesma cantidá que l’añu anterior colo qu’algama los 59 diarios. Esta cifra torna a situar a España nel cuartu llugar dientro de los países de la UE, superáu sólo por Alemania (386), Italia (103) y Suecia (77). No que cina al perfil del llector de prensa dixital sigue siendo munchu más mozu que’l de la prensa tradicional, con un nivel d’educación abondo más altu y mayoritariamente home. 11 d'avientu, 2008 0 FacebookTwitterPinterestEmail
Hestoria La Conseyería de Cultura y Turismu asoleya un llibru sobrel matemáticu Pedrayes by asturnet 10 d'avientu, 2008 La Conseyeria de Cultura ta acabante editar el llibru Un matemáticu asturianu del sieglu xviii: Agustín Bernardo de Pedrayes y Foyo (1744-1815), una versión estendida de la conferencia quel doctor Pablo Suárez preparó pal I Día de les Ciencies Asturianes, celebrául pasáu 10 de payares de 2008 nUviéu col envís dafalar lusu del asturianu nun ámbitu nel que nun ye habitual. La Conseyería de Cultura y Turismu pon al algame de tolos interesaos el testu, des descargándolu de baldre en formatu PDF o solicitando lunviu de baldre nel corréu opll@princast.es. Cola iniciativa desta publicación, un fondu estudiu de Pablo Suárez García de la vida y aportaciones a destremaos campos de la matemática del científicu llastrín, la Conseyería de Cultura y Turismu quier contribuir a un meyor y mayor conocimientu desti destacáu intelectual asturianu. Descarga’l llibru de baldre, calcando equí 10 d'avientu, 2008 0 FacebookTwitterPinterestEmail
Comunicación Asturies queda ensin importantes sovenciones del gobiernu pa la promoción audiovisual by asturnet 10 d'avientu, 2008 Como ya asocediera con delles sovenciones europees, Asturies perderá “importante” sovenciones pa la promoción audiovisual que’l Gobiernu del Estáu va ufrir a les comunidaes con llingua propia que la declararen oficial nos sos respeutivos territorios, según fizo anuncia esti día¡l Ministeriu de Cultura. El ministru de Cultura, César Antonio Molina, anunció esti martes sovenciones pa la promoción audiovisual en gallegu, catalán y euskera nel decretu que va presentar esti vienres nel Conseyu de Ministros pa desarrollar la Llei del Cine como forma de “reconocencia” y “proteición” de la cinematografía n’otres llingües del Estáu, dexando de llau otra vuelta a les llingües que nun tienen calter d’oficiales como l’asturianu. El Ministru de Cultura fizo esta declaración nel actu de firma d’un conveniu col presidente de la Xunta de Galicia, Emilio Pérez Touriño, pa la cesión de más de 50 hores de material audiovisual rellacionáu con Galicia del archivu Nodo al Centro Galego de Artes de Imaxe (CGAI). El decretu de la Llei del Cine que va aprobar esti vienres el Conseyu de Ministros prevé “sovenciones importantes” pa les obres que se realicen en gallegu, catalán y euskera, cola fin de dar “reconocencia y proteición” a la cinematografía nes llingües cooficiales del Estáu. 10 d'avientu, 2008 0 FacebookTwitterPinterestEmail
Comunicación Nacho Fonseca y La Pola Siero protagonicen la emisión de Nós esti sábadu a les 12 na TPA by asturnet 6 d'avientu, 2008 El mayestru y músicu Nacho Fonseca y La Pola Siero protagonicen la emisión de Nós esti sábadu a les 12 na TPA. El programa percorre La Pola de la man de Fonseca y dellos otros protagonistes de la vida social y cultural polesa, averándonos a los llugares más característicos de la villa. La sesta entrega d’esta temporada, qu’entamó’l primer sábadu de Payares n’Ibias, componse de 30 capítulos de 10 minutos de duración caún realizaos íntegramente n’asturiano. L’espaciu vien superando’l 10 por cientu d’audiencia en dellos programes d’esti añu y algamó na primer temporada una cuota media del 8,2%, que superaba en cásique un puntu al promediu actual de la cadena, un 7,4%, según datos facilitaos por Taylor Nelson Sofres (TNS). Nos emítese tamién pol satélite Hispasat pal restu d’España, Europa y América y por Internet para tol mundiu al traviés de la web de la RTPA. 6 d'avientu, 2008 0 FacebookTwitterPinterestEmail
Hestoria Espublizastur va asoleyar el primer ensayu del Xaviel Vilareyo y Villamil by asturnet 5 d'avientu, 2008 Espublizastur va asoleyar, nun tardando, el segundu volume de la so coleción “Ensayu”, un espaciu de reflexón de temática asturiano y na nuesa llingua. Xaviel Viareyo y Villamil, cola definición y analís del ethnos o Nación Asturiana y los sos ámbitos, entra dafechu na problemática de les llendes de la Nación Asturiana en “Los ámbitos de la Nación Asturiana” . “La Nación Asturiana” de Carlos X. Blanco foi’l libru qu’abrió esta coleción y que tres el segundu volume de Vilaeyo va siguir con títulos d’otros autores asturianos como José Carlos Loredo Narciandi o David M. Rivas. Anque Vilareyo tien asoleyaos abondos artículos, collaboraciones periodístiques y ensayos en delles revistes, con Los ámbitos de La Nación Asturiana espubliza’l so primer llibru densayu. Al traviés desti analís sobre la conformación del ethnos asturianu a lo llargo la historia, lautor peracaba lensayu cola concreción de los ámbitos de la Nación Asturiana anguaño. Cuáles son les llendes qu’algamen el conceutu d’ethnos o Nación Asturiana, o cuálu yel so ámbitu, son entrugues que lautor igua nesti ensayu que dibuxa la Nación Asturiana al traviés de la hestoria teniendo como referencia los sos ámbitos . Esti Ensayu ye un bon entamu pal debate al nun coincidir lambitu espacial del ethnos asturianu coles llendes alministratives danguaño. En pallabres de Xaviel Vilareyo y Villamil el fechu de que l’ámbitu espacial del ethnos asturianu nun coincida coles llendes alministratives o provinciales actuales nun significa que se tengan qu’asimilar éstes como l’únicu marcu posible de referencia. Xaviel Vilareyo y Villamil (Mieres, 1967), llicenciáu en Derechu, profesor d’Institutu y escritor foi gallardonáu con dellos premios lliterarios tien publicaes delles obres: Cróniques del recuerdu (Ed. del Norte,1997), Más que probable (Ed. Vitrubio,1998), Os novos poemas (Xeira,1999), El camín d’inquietú (Ed. del Norte, 2001) y La causa más probable, (Trabe, 2007). Amás tamién publicó en delles revistes como Lliteratura y Lletres Asturianes, ente otres munches. 5 d'avientu, 2008 0 FacebookTwitterPinterestEmail
Conceyos LAsociación de Trabayadores de los Servicios de Normalización critica la convocatoria d’una plaza en Corvera by asturnet 4 d'avientu, 2008 LAsociación de Trabayadores de los Servicios de Normalización Llingüística dAsturies nun comunicáu fechu públicu esti día critica fondamente les característiques de la convocatoria d’una plaza en Corvera de responsable de la Casa de la Llingua del Conceyu Corvera por basase únicamente nuna entrevista curricular. L’Asociación diz nesi comunicáu que lleva tiempu asperando “ver cumplise les promeses que dendel Principáu se fexeron pa crear un Serviciu de Normalización en Corvera. Vemos agora la convocatoria duna plaza que se denomina responsable de la Casa de la Llingua del Conceyu Corvera. Si esto yel serviciu demandáu y anunciáu, mal empecipiamos. La mesma convocatoria pa la seleición de la persona que tien quocupala ta lloñe de los mínimos que shan desixir”. Nel comunicáu, l’asociación destaca que “hai más nada quuna valoración de méritos y una entrevista curricular. Polo tanto nada de los mínimos demandaos dende esta asociación y que se cumplieron na mayor parte de los procesos de seleición dotros Servicios de Normalización: un esame escritu y un esame oral; arriendes de la valoración de méritos”. Pero ye que, amás, nos méritos nun se permite namái qu’una de les titulaciones quanguaño hai nAsturies pa demostrar dalgún tipu de formación académica en llingua asturiana: el títulu despertu de la Escuela de Maxisteriu. Otros títulos de mayor nivel como’l títulu despecialista de la Facultá de Filoloxía o cursos de lAcademia de la Llingua Asturiana nun se contemplen na convocatoria. Según denuncia l’Asociación van valorase unos xenéricos cursos de llingua asturiana, lliteratura o cultura asturiana y nun hai temariu dalu, pero “sí se diz que na entrevista curricular va profundizase sobre distintos aspeutos de la cultura asturiana y del procesu de normalización sociollingüística de la llingua asturiana. Abúltamos quhai maneres más oxetives y contrastables pa valorar la capacidá duna persona al respective de la normalización sociollingüística que la entrevista curricular. Volvemos a insistir nos conocíos y habituales esámenes orales y escritos sobre un temariu y la titulación académica”. Finalmente, dende lAsociación de Trabayadores de los Servicios de Normalización Llingüísitca sigueb “aguardando pola creación de la plaza pa un Serviciu de Normalización Llingüística en Corvera. Si con esta convocatoria se quier cubrir esi perfil de trabayador paezmos que se trabaya por dir nel sen contrariu dafitar institucionalmentel trabayu de la normalización de la llingua asturiana”. 4 d'avientu, 2008 0 FacebookTwitterPinterestEmail
Conceyos El Fondu Estatal d’Inversión Llocal va suponer pal país cásique 200 millones d’euros d’inversión nos conceyos by asturnet 3 d'avientu, 2008 El Ministeriu d’Alministraciones Públiques publicó esti martes pela tarde’l llistáu de les cantidaes máximes que van dir a parar a los conceyos españoles a cargu del Fondu Estatal d’Inversión Llocal de 8.000 millones, de los que 190.237.960 euros corresponden a Asturies. Xixón, por mor de la so población de 247.037 persones, va poder acceder a 48.501.33 euros, Uviéu, con 216.607 habitantes, va tener accesu a 38.336.987 euros, y Avilés, que tien anguaño 83.320 habitantes, va disponer de 14.746.662 euros. El repartu incllúis tamién a los otros 75 conceyos del país que van poer recibir les cifres que vienen darréu: Allande (383.888 euros), Ayer (2.335.006), Amieva (149.909), Miranda (334.508), Bimenes (341.410), Bual (371.498), Cabrales (393.799), Cabranes (194.333), Candamu (395.569), Cangues d’Onís (1.167.946), Cangas del Narcea (2.677.301), Caravia (102.299), Carreño (1.916.074), Casu (342.649), Castrillón (4.030.377), Castropol (694.148), Cuaña (614.680), Colunga (691.670), Corvera (2.782.786), Cuideiru (1.043.169), Degaña (227.961), El Franco (710.608), Gozón (1.897.845), Grau (1.938.021), Grandas de Salime (195.926), Ibias (318.048), Eilao (90.618), Illas (179.112), Llangréu (8.082.700), Llaviana (2.533.056), L.lena (2.302.440), Llanera (2.368.457), Llanes (2.411.819), Mieres (7.963.056 euros), Morcín (530.257), Muros (351.676), Nava (975.382), Navia (1.600.682), Noreña (912.905), Onís (142.830), Parres (1.013.258), Peñamellera Alta (118.759), Peñamellera Baxa (251.500), Pezós (34.867), Piloña (1.458.914), Ponga (121.414), Pravia (1.613.779), Proaza (140.529), Quirós (248.669), Les Regueres (358.578), Ribedeva (333.977), Ribesella (1.112.548), La Ribera (353.977), Riosa (405.126), Salas (1.076.443), Samartín d’Ozcos (83.007), Samartín del Rei Aurelio (3.383.131), San Tirso d’Abres (101.945), Santaya d’Ozcos (98.051), Santu Adrianu (49.380), Sariegu (235.040), Siero (8.759.326), Sobrescobiu (154.511), Somiedu (264.420), Sotu’l Barcu (722.997), Tapia (752.908), Taramundi (137.166), Teberga (339.110), Tinéu (2.042.268), Valdés (2.449.164), A Veiga (768.483), Vilanova d’Ozcos (72.742), Villaviciosa (2.569.870), Villayón (293.093) y Tameza (37.699). 3 d'avientu, 2008 0 FacebookTwitterPinterestEmail
Conceyos Él principáu va invertir en 2009 cásique 1000 millones nel patromoniu arquolóxicu del Occidente by asturnet 3 d'avientu, 2008 El Principáu va destinar esti añu 977.854 euros al patrimoniu arqueolóxicu del Occidente asturianu. La cantidá axunta obres de meyora nel Chao Samartín de Grandas de Salime, nel castro de Coaña, nel castro San Chus, en Allande y en dellos otros castros de la cuenca del Navia. 3 d'avientu, 2008 0 FacebookTwitterPinterestEmail
Conceyos La Biblioteca d’El Campu premiada en Fomentu de la Llectura by asturnet 27 de payares, 2008 El Ministeriu de Cultura, la Federación Española de Municipios y Provincies (FEMP) y la Fundación Coca-Cola Juan Manuel Sáinz de Vicuña, escoyeron ente los premiaos d’esti añu al proyectu de dinamización llectora presentáu pola Biblioteca d’El Campu, en conceyu Casu, dientro del Plan de Fomentu de la Llectura. El proyectu presentáu basase nes Actividaes Bibliotecaries d’integración social, con actuaciones como la Biblioteca Ambulante, distribución de conxuntos de llibros nos Centros Sociales, y l’aprosimación de los servicios bibliotecarios al través del Serviciu d’Ayuda a Domiciliu, formación de usuari@s, dinamización infantil y bibliopiscina, ente otres. 27 de payares, 2008 0 FacebookTwitterPinterestEmail
Comunicación La revista Entrambasauguas llega a los 25 númberos by asturnet 26 de payares, 2008 La Secretaría Llingüística del Navia-Eo, de lAcademia da Llingua Asturiana, acaba deditar el númberu 25 dEntrambasauguas, A revista del Navia-Eo, que nesta ocasión inclúi reportaxes como lescritu por Fredo de Carbexe sobre los caleiros de la zona Arnosa-Arancedo o nel quAurora Bermudez Nava presenta Un mañuzo de recursos prá clase de Gallego-Asturiano. La revista complétala Maria José Fraga, quescribe sobre la hestoria dela parroquia da Braña; Ágata García Castro que cunta la so esperiencia como maestra na escuela rural dEilao nun artículu sobre A importancia da Escola Rural y Andresín de Bual, que sorprende con un rellatu que lleva por títulu El buxío dos soños. Pieslla les collaboraciones Miguel Rodríguez Monteavaro col testu As andolías. A importancia da tradición oral. La revista inclúi tamién les estayes habituales como Axenda, El Arco da Veya o El Houcha, con una semeya de les fiestes del 15 dagostu en Sarandías (Bual) comentada por Martín Pérez Álvarez y una poesía de Conrado Villar espublizada en 1908 nel periódicu naviegu El Porvenir Asturiano. 26 de payares, 2008 0 FacebookTwitterPinterestEmail