Música El V Festival de Música Tradicional Xácara llega al Teatru Filarmónica by asturnet 4 d'ochobre, 2007 Uviéu acueye mañana sábadul Festival de Música Tradicional Xácara, un festival que dende va cionco años vien amosando lo meyor de la música tradicional asturiana. La Banda de Gaites La Raitana, la Bandina La Curuxa, la Banda de Gaites Conceyu de Siero, Héctor Braga y la banda organizadora, Banda Gaites Xácara, van ser los protagonistes de la edición desti añu. La gala va entamar a les siete la tarde nel Teatru Filarmónica dUviéu a les siete la tarde. La entrada ye de baldre hasta que senllenel teatru. 4 d'ochobre, 2007 0 FacebookTwitterPinterestEmail
Música Komatsu lleva’l so set de música ellectrónica a la FNAC by asturnet 4 d'ochobre, 2007 Hector Sandoval ye’l nome que s’escuende detras de Komatsu: alter ego al travies del cual esti Dj asturianu esplota la so faceta ellectronica má intimista y minimal. La FNAC de Parque Principado (Siero) va ser l’escenariu qu’agospie los son soníos esta tarde a partir de les 19:30 hores. Hector Sandoval entama’l so camín a los platos en 1994 tres varios años años de sesiones como residente. Exium y Corujo & Sandoval son los sos primeros proyectos compartíos con Valentín Corujo aparte de trabayar en cabines tan importantes como como Florida 135, Space o Awakenings en Holanda. Paralelamente esplota otres facetes musicales con Lego My Ego, Exfium o Metazoo. 4 d'ochobre, 2007 0 FacebookTwitterPinterestEmail
Música El tríu de vientu ArunDonax actúa nel Muséu Casa Natal de Xovellanos by asturnet 4 d'ochobre, 2007 Continua el ciclu “Conciertos nel Museu” nel Museu Casa Natal de Xovellanos de Xixón cola actueción del tríu ArunDonax esta tarde a les 19:30 hores. ArunDomax ye una formación d’oboe, clarinete y fagot atípicu dientro del panorama de la música de cámara: pola ellección y combinación d’instrumentos y pol enfotu del triu n’interpretar obres orixinales de compositores del sieglu XX. ArunDomex son Vicente Ferrer, al oboe; Chema García al clarinete; y Ramiro García al fagot y van interpretar obres de H. Villa-Lobos, J. Françaix y F. Chaviano. 4 d'ochobre, 2007 0 FacebookTwitterPinterestEmail
Música The Last Vegas van rockear esta nueche nel Nuevo Savoy de Xixón by asturnet 3 d'ochobre, 2007 Hard Rock aceleráu, guitarres contundentes y toques del meyor boogie americanu ye lo que nos van ufiertar esta nueche los norteamericanos The Last Vegas nel so retornu a los escenarios asturianos. La cita va entamar a partir de les 21:30 hores na sala Nuevo Savoy de Xixón con entraes al preciu de 10 euros. The Last Vegas presenten en Xixón el so nuevu y tercer trabayu d’estudiu nomáu “High Trash Class”: una obra marcada inevitablemente pol soníu de grupos como Aerosmith, Cheap Trick o AC/DC. 3 d'ochobre, 2007 0 FacebookTwitterPinterestEmail
Música Verdasca actuó esti xueves en Tierra Astur by asturnet 3 d'ochobre, 2007 Esti xueves, dende les 21:30 hores y dientro del ciclu de conciertos de música folk quufierta la sidrería Tierra Astur de Cualloto pudo disfrutase de lactuación de Verdasca. Verdasca ye una formación moza qu’axunta a Marina Pangua a la voz y les panderetes, a Sara F. Alvarez coles percusiones, Andrea F. Juglar cola gaita asturiana, Rodrigo F. Juglar cola curdión diatónica y Llorián García al vigulín, toos ellos procedentes d’otres agrupaciones como la banda de gaites Xiranda o La Raitana, y con una media d’edá ente los sos componentes de 16 años. Verdasca va presentar nel Tierra Astur de Cualloto les sos composiciones propies asina como pieces del repertoriu tradicional mesmo asturianu que foriatu, tres d’algamar un honrosu segundu puestu esti agostu na final del Troféu “Cidrerie du Terroir” compitiendo con xente muncho más veterano como los escoceses de Darien Project o los ganadores, el Tríu Huiban-Miossec-Le Mentec de Bretaña. Felicitaos pol xuráu les nueves promeses del folk asturianu amosaron munchu interés na so primer visita a Lorient. siendo la sorpresa más positiva de la presencia destacada de la delegación asturiana en Lorient, donde los ésitos de públicu y participación siguen siendo enforma notables. 3 d'ochobre, 2007 0 FacebookTwitterPinterestEmail
ConvocatoriesFiestes Los Humanitarios convoquen un premiu investigación by asturnet 3 d'ochobre, 2007 LEstaya de Cultura del Conceyu dAyer y la Sociedá Humanitarios de Samartín convoquen el primer Premiu Joaquín Rodríguez Muñiz, un certame empobináu a los trabayos dinvestigación rellacionaos col patrimoniu cultural dAsturies y del conceyu dAyer. Al concursu pueden presentase autores menores de 25 años. El plazu termina’l 30 de payares de 2007 Los trabayos tienen de tener un llargor dente 5 y 25 fueyes per una sola cara. Tienen de mandase a la Casa de Cultura dAyer, asitiada na Avenida la Consitutción 31, 33670 de Morea (Ayer). El premiu ye de 600, placa conmemorativa y la posibilidá despublización de la obra. 3 d'ochobre, 2007 0 FacebookTwitterPinterestEmail
Música Los norteamericanos Unsane visiten Xixón pa defender el so nuevu trabayu by asturnet 2 d'ochobre, 2007 La banda neoyorquina Unsane presenta’l so nuevu trabayu “Visqueen” (2007) nel Nuevo Savoy (cai Pelayo nº 2) de Xixón a partir de le 20:30 hores. Les entraes p’asistir al conciertu ya tan a la venta al preciu de 13 euros (10 euros antipada). Los músicos norteamericanos van tar acompañaos nel conciertu polos bilbainos Loan, un xoven tríu de rock formáu en 2005. Unsane, que ye la primer vegada na que van actuar n’Asturies, son un de los grupos punteros de la escena de rock independiente norteamericana con más de 15 años na escena y seis discos nes espaldes. La so peculiar propuesta na que abunden voces distorsionaes y guitarres arritmiques pon a la banda como una de las pioneres indiscutibles nel movimiento “noiserock”. 2 d'ochobre, 2007 0 FacebookTwitterPinterestEmail
Música La Escuela de Música Tradicional Llangréu entama’l cursu by asturnet 2 d'ochobre, 2007 La Escuela de Música Tradicional Llangréu entama’l cursu académicu 2007/2008 con un programa enllenu de novedaes como l’asignatura de Xipla y el caltenimientu de los talleres de fin de selmana. Lo más destacable según la direición ye l’asignatura de Xipla, cola que s’intenta recuperar esti instrumentu casi desapaecíu na nuesa rexón. Dempués de buscar per Asturies persones que pudieren impartir esta materia, alcontrose en Lleón a Luis Mondelo, profesor de xipla nes escueles de Lleón y Bembibre. Otres novedaes son les asignatures de zanfona y bandurria y canción impartíes por Héctor Braga; cantares y pandereteres por Laura Ruiz; o Ensame Folk por Alberto Ablanedo, dirixida a grupos noveles de música folk. Per otru llau, y como vien faciéndose estos años, a lo llargu del cursu entamaránse dellos talleres de fin de selmana. 2 d'ochobre, 2007 0 FacebookTwitterPinterestEmail
Música Entregáronse los premios del IX Concursu de Rock “San Mateo 2007” by asturnet 2 d'ochobre, 2007 Les bandes “Verde Cannaia”, “Black Horde”, “Flying Padres”, “Pablo Valdes y los Crazy Lovers”, y “Vintage” recoyeron los premios pertenecientes a los cinco finalistes na decima ediciñon del Concursu de Rock “San Mateo 2007” organizáu pol Ayuntamientu d’Uvieu. L’encargáu d’entregar los gallardones fuó’l Presidente de la Sociedá Ovetense de Festeyos, Jose Suárez Arias-Cachero que destacó la importanciá d’un concursu que al so xuiciu ya ta consolidáu. 2 d'ochobre, 2007 0 FacebookTwitterPinterestEmail
Música L’Asociación Aula Música Antigua entama un cursu de construcción d’instrumentos by asturnet 1 d'ochobre, 2007 L’Asociación Aula Música Antigua entama un cursu de construcción d’instrumentos en Llangréu. El cursu ta centráu na percusión y van ponese clases del 12 al 23 de payares, cuntando con 50 hores llectives y cola participación del profesor gallegu Carlos do Viso. Nel cursu los alumnos van construyir un panderu y un tambor asturianu colos que quedarán cuando fine’l cursu. La matrícula, que se pue formalizar magar del llunes que vien, día 1 y hastal 15 d’ochobre y el preciu ye de 600 euros, cuntando con diez places, que van ocupase per orde d’inscripción. Pa más información llamar al teléfonu 647 379 199. 1 d'ochobre, 2007 0 FacebookTwitterPinterestEmail