Patrimoniu La Conseyería de Cultura va reconstruyir partes del Castru de Cellagú by asturnet 27 de payares, 2006 La Conseyería de Cultura va entamar la reconstrucción del Castru de Cellagú na finca d’El Castañéu. Les pieces del históricu castru del conceyu d’Uviéu, que nun fueron a parar l’avance de la cantera de piedra, que se tien pensao resituar son la torre, la muralla y dalgunes de les viviendes. Nel proyectu de reconstrución, y reemplazmientu, ta previsto facer un aula virtual sobre la vida nesti castru. Cellagú tuvo asentamientos continuaos dende’l sieglu VI enantes de la nuesa era hasta’l sieglu I de la nuesa era. Les tribus ástures y depués la colonización romana ficieron usu d’esti espaciu catalogáu a mediaos del sieglu venti por José Manuel González y Vallés. La Conseyería de Cultura tien empaquetaes les diferentes pieces a reconstruyir, esperando’l momentu nel que l’Ayuntamientu d’Uviéu dea’l permisu pa poder entamar la reconstrucción nel colláu d’El Castañéu. Darréu esta concesión la Conseyería de Cultura y Readymix, empresa adxudicataria de la cantera, entamarán el treslláu. L’estudiu sobre Cellagú fechu pola Unión Temporal d’Empreses Ánade, entovía ensin asoleyar, indicaría que les pieces, materiales de les diferentes etapes históriques nes que s’ocupó l’emplazmientu castreñu sedríen abondo como pa enllenar una sala del Muséu Arqueolóxicu d’Asturies. Ente los datos que s’alcontraran na publicación d’esti material apaecería la presencia de guarniciones de les lexones romanes. 27 de payares, 2006 0 FacebookTwitterPinterestEmail
Música Toli Morilla saca a la cai “Entropía” by asturnet 27 de payares, 2006 El 30 de payares saldrá a la cai’l nuevu discu del cantautor asturianu Toli Morilla “Entropía”. Esti nuevu trabayu ye un exerciciu de fusión d’estilu ya influencies, nel que se mecen la música de raigañu americanu, el pop, el folk y el llau intimista del rock. Los catorce cantares d'”Entropía” con lletres de diez poetes contemporáneos escrites n’asturianu, una en castellano y dos que firma Toli Morilla. L’apartáu musical ta compuestu dafechu por Toli Morilla a la qu’añede dos igües de temes tradicionales asturianos. Ente los lletristes alcuéntrense Luís García Montero, Xuan Bello, David González, Pablo Texón, elías Veiga, Pablo R. Medina, xuan Santori, Marta Mori, Elvira Laruelo, Aurora G. Rivas y el despapaecíu hai bien poco tiempu Mánfer de la Llera. Toli Morilla tien asoleyaos los trabayos “Nunca des la espalda”, “Entre el barro y las preguntas”, “Nueche d’insomniu”, “Nueche d’insomniu: L’espectáculu” y dende’l 30 de payares “Entropía”. Toli Morilla fadrá la presentación d'”Entropia” esti xueves, 30 de payares, na sé de la SGAE n’Uviéu. El Palaciu de Congresos de Xixón acoyerá un conciertu del cantautor dende les 19,30 hores del 1 d’avientu. La Carpa del Parque Xovellanos de Mieres el 2 d’avientu y dende les 19,30 recibirá tamién a Toli Morilla col so nuevu trabayu discográficu. Toli Morilla 27 de payares, 2006 0 FacebookTwitterPinterestEmail
Música Xabel Vegas & Las Uvas de la Ira fichen por Mushroom Pillow by asturnet 27 de payares, 2006 Xabel Vegas y el so grupu Las Uvas de la Ira caben de fichar col sellu Mushroom Pillow. Esti proyectu en solitariu de Xabel Vegas y Las Uvas de la Ira busca la relevancia de los testos, en bona parte autobiográficos, nos que se fala de la depresión, l’adicción o’l dolor. Las Uvas de la Ira ye la banda que va acompañar a Xabel Vegas nel so estrenu en solitariu, la formación ta compuesta por John Álvarez, Eras Sánchez, Juan Rodríguez ya Iker González. Xabel Vegas inspírase y exwerce d’émulo de los cantautores del folk americanu como Bob Dylan, Leonard Cohen o Johny Cash. Como aperitivu del so prósimu discu Xabel Vegas & Las Uvas de la Ira tienen nel so espaciu web una riestra temes pa poder escuchar. Xabel Vegas 27 de payares, 2006 0 FacebookTwitterPinterestEmail
Música Benjamín Escoriza nel Centru Cultural de Caxastur de Mieres by asturnet 24 de payares, 2006 El componente de “Radio Tarifa” acerca’l so flamenco-fusión a la villa de Mieres güei vienres 24 de payares dende les 20,00 nel Centru Culturak Caxastur. Granadín y madrileñu d’adopción entamó xunta Vicente Molino y faín Sánchez Dueñas el grupu Radio Tarifa a entamos de los años 90 del sieglu pasáu. El so primer trabayu “Rumba argelina” ta consideráu como un discu de cultu y una de les obres mayestres de la música española de los últimos años, nesi discu refléxase lo que ye Radio Tarifa, una fusión de la música árabe, con sones de la música medieval, andaluza y sefardí, asina como guiños al flamenco y a la música tradicional andaluza. Depués d’esti primer discu vieno “Temporal”, “Cruzando el río” y a lo cabero “Fiebre” que se grabara en Toronto. Paralelamente Benjamín Escoriza siguió buscando influencies ya idees pal so primer discu en solitariu que se plamó en “Alevanta” un trabayu nel que participen Jaime Muela, Vicente Molino, Fernando Mejías o Juan Alberto Arteche. 24 de payares, 2006 0 FacebookTwitterPinterestEmail
Música Alto Volto y Marieband ganen el Concursu de Maquetes de los 40 principales by asturnet 22 de payares, 2006 El Concursu organizáu pola emisora de radio 40 principales cola collaboración del Institutu Asturianu de la Mocedá presentó ayer a les dos bandes ganadores de la edición d’esti añu Alto Volto y Marieband. Amás d’estes bandes los finalistes fueron Mystereo, Esmussein y Desakato. El Concursu de Maquetes ufre la grabación d’un discu a les bandes ganadores, asina como la realización d’un videu musical d’un de los temes de los discos, pa la grabación d’esti videu fadráse un Concursu de guiones. Esti añu hebo venti bandes que se presentaron al Concursu. 22 de payares, 2006 0 FacebookTwitterPinterestEmail
Música Carlos Rubiera presentó dos nueves tonaes nes xornaes de l’asturianada d’AICA by asturnet 21 de payares, 2006 L’autor de clásicos como “La Capitana”, Carlos Rubiera, presentó dos nueves tonaes nel marcu de les Xornaes d’Asturiana y Folclor asturianu entamaes pola Asociación d’Inteérpretes de la Canción Asturiana (AICA) nel Antiguu Institutu Xovellanos de Xixón. Rubiera fizo esta presentación acompañáu por Gabino Antuña, que yá collaborara con elli nel discu “Viaxe al Silenciu” y por Mari Luz Cristobal Caunedo. Les Xornaes de l’Asturianada van siguir los díes 17 d’avientu, cola conferencia d’Óscar Roces Arboleya que va falñar sobre les variantes de territoriales de la tonada; y tendrán el so caberu día’l 14 de xineru cola conferencia del director del Muséu de la Gaita, Alfonso Fernández, sobre los cantares asturianos y los instrumentos tradicionales. 21 de payares, 2006 0 FacebookTwitterPinterestEmail
Patrimoniu L’apueste pol futuru del horru na Xornada del “Horru-Patrón” by asturnet 20 de payares, 2006 La xornada de trabayu “Horru-Patrón” cellebraráse nel Muséu Etnográficu del Pueblu d’Asturies durante la mañana del sábadu 25 de payares. Durante la xornada de trabayu estableceráse al horru númberu tres del Pueblu d’Asturies (l’horru Uninsa” como Horru-Patrón pa la xeneración d’una métrica capaz de facer la valoración, certificación, normalización y catalogación del horri, mesmo nel campu patrimonial tradicional, como nel de les sos nueves funciones y aplicaciones. Pa los organizadores de la xornada l’aporte d’un modelu d’estudiu va suponer una puxa nel campu de la Investigación, Desenrollu ya Innovación del horru. Con esti horru-patrón quierese permitir la puesta en funcionamientu d’un mercáu del horru, nel que los tres sectores económicos tean presentes, dago que sedría “una oportunidá histórica” pa l’Asturies del sieglu XXI. Al acabar les xornaes fadráse una semeya de familia, ente tolos ellí presentes, xunta l’horru patrón. Noticia relacionada 20 de payares, 2006 0 FacebookTwitterPinterestEmail
Música Los premios de la música asturianos van homenaxear a Carlos Redondo ya Ígor Medio by asturnet 16 de payares, 2006 La segunda edición de los Premios de la Música Asturiana va homenaxear a Carlos Redondo ya Ígor Medio músicos del grupu Felpeyu, fallecíos n’accidente de tráficu n’Euskadi la nueche de San Xuan, que recibirán a títulu póstumu un premiu honoríficu. La gala d’entrega de los premios fadráse’l próximu 9 de febreru nel teatru Filarmónica d’Uviéu. 16 de payares, 2006 0 FacebookTwitterPinterestEmail
Música Acaba’l ciclu “Más músicas” entamáu por “Nosepara” by asturnet 16 de payares, 2006 Esti vienres y el sábadu l’Asociación Nosepara clausura’l so primber festival “Más músicas”. El vienres actuará Quality nel pub Flamin’ a partir de les 21, y el sábadu en La Calleja La Ciega fadrá lo propio Hábitat. El festival entamó’l 14 d’ochobre cola actuación de Paul Collins Beat. El ciclu organizáu por 8 establecimientos hosteleros d’Uviéu cuntó cola actuación de 14 grupos asina como delles “performances”. 16 de payares, 2006 0 FacebookTwitterPinterestEmail
Patrimoniu El padremoñu inmaterial asturianu algama una mención nel Forum de la UNESCO by asturnet 15 de payares, 2006 El Forum de la UNESCO, cellebráu na ciudá italiana de Florencia ente l’11 y el 15 de setiembre, plasmó la tradición oral asturiana dientro del so documentu final. N’esti alcuentru de la organizción cultural de les naciones uníes participaron más de 600 delegaciones en representación de 60 países de tou’l mundu. La Conseyería de Cultura d’Asturies comisionó a Fernando Ornosa, Jesús Suárez y Teresa Álvarez pa representar colos sos proyectos a la cultura inmaterial del país. Los tres proyectos asturianos presentaos nel Forum de la UNESCO son “L’archivu de la tradición oral d’Asturies: nueves tecnoloxíes pa vieyos” de Jesús Suárez; “La proyección hacia’l futuru de la música tradicional” de Fernando Ornosa; y “La difusión del Patrimoniu inmaterial al traviés de les nueves tecnoloxíes” de Teresa Álavarez Acero. Los proyectos presenten la cualidá de la so tresversalidá, esto ye que compleméntense ente ellos, lo que suscitó interés por parte de les comisiones ellí presentes. Jesús Suárez esplicó que les intervenciones asturianes fueron siguíes con gran interés por parte de les delegaciones presentes, hasta’l puntu de que los representantes del Quebec y del Congo establecieron contactos cola asturiana pa implantar el modelu d’estudiu de la tradición oral nos sos países. Suárez esplicó que’l proyectu asturianu yera integral y que poro foi incluyíu ente les menciones del documentu final por “contribuyir a la educación, asina como por favorecer el contactu interxeneracional”. Esta mención tien amás el valir de que foi la única concedida a una entidá non estatal, polo que’n pallabres de Suárez “ábrense les puertes a una candidatura al Padremoñu de la Humanidá pa la cultura inmaterial asturiana”. Sobre esta posible candidatura Carlos Madera dixo “tar d’alcuerdu, pero que nesti intre esisten dos candidatures a esti padremoñu como son les de les cueves rupestres y el Camín Antiguu de Santiago”. Ente les propuestes de Suárez alcuéntrase crear un Centru Documental del padremoñu oral ya inmaterial asturianu, propuesta esta que recibió’l sofitu del Director Xeneral de Promoción Cultural. Fernando Ornosa dixo qu’un de los motivos p’asistir a esti alcuentru de la UNESCO yera buscar estratexes pa la reconocencia de la música tradicional, como un padremoñu “a custodiar, protexer y fomentar”. Ornosa confirmó que n’Asturies la bona base que l’Archivu del Pueblu d’Asturies permite, asegura que los músicos, investigadores y ciudadanos que tean interesaos na conociencia de la tradición asturiana tengan un espaciu perafayadizu pa ello. Ornosa faló del pryectu de Teresa Álvarez, que nun s’alcontraba na rueda de prensa, pal estudiosu de los sones tradicionales, la importancia d’averar el padremoñu a los centros escolares significaría la salvagurda de la tradición asturiana. Fernando Ornosa esixó que’l Principáu d’Asturies desenvuelva la Llei de Patrimoniu, como forma de posiblitar un trabayu de campu d’investigación continuáu nel tiempu. A esti respectu Ornosa considera que “nun tien de ser sólo una prioridá pa los investigadores sinon una prioridá pa los asturianos”. Ramón d’Andrés amuesóse orguyosu pola presencia nesti tipu d’alcuentros d’ivestigadores del valor de Jesús López, Fernando Ornosa o Teresa Álvarez. Pal Xefe de Política llingüística’l nivel d’investigación n’Asturies ye peraltu, sicasí “nun ta too fecho anque la simienta yá ta echada”. D’Andrés insistió na necesidá pa que la cobertura y l’esfuerzu investigador tean presentes ente la sociedá asturiano. Carlos Madera afitó la so voluntá pa continuar avanzando nel estudiu y promoción del padremoñu asturianu. Pa elli “la tradición oral ye ún de los padremoños que más necesidá tienen de protección, amás de suponer una de les señes más importantes de la nuestra tierra”. 15 de payares, 2006 0 FacebookTwitterPinterestEmail