Tecnoloxía El Diccionariu de la Llingua Asturiana de l’ALLA va tar colgáu na rede en xineru by asturnet 21 d'avientu, 2007 La presidente de la Institución, Ana Cano, comentó durante l’alcuentru dixital que mantuvo colos llectores de “La Nueva España” (el pasáu miercoles), la puesta en marcha a principios d’añu, “quiciabes yá pa Reis”, de la edición dixital del DALLA, diccionariu normativu de la llingua asturiana espublizáu pola Academia nel añu 2000. Esta novedá va suponer una meyora nes ferramientes d’usu del idioma asturianu lo mesmo pa los escolinos d’asturianu que pa los profesionales que se valen del asturianu nel so trabayu o pa los particulares qu’atopen duldes na llectura o escritura. La presidenta comentó tamién que la Gramática de la Llingua Asturiana va tar colgada na rede. 21 d'avientu, 2007 0 FacebookTwitterPinterestEmail
Tecnoloxía Los comerciantes dicen que’l nuevu canon ye inxustu by asturnet 20 d'avientu, 2007 “El nuevu canon penaliza a tolos usuarios hagan un usu correutu, merquen cedes legales, descarguen música llegalmente o non, ensín discriminar el delitu”, denunció la responsable de los servicios xurídicos de la Unión de Comerciantesd’España n’Asturies (UCE Asturies), Carmen García. La UCE considera que’l gravamen que se va aplicar a productos como discos duros, reproductores multimedia (mp3 o mp4) o pendrives ye una midía unxusta pal usuariu. Según los comerciantes el nuevu canón, que va entrar en vigor a partir del 1 de xineru, nun va finar col problema de la pirateria ya que trata por igual, esto ye penalizando , tanto a los usuarios que compren música llegal como a los que la consiguen illegalmente. UCE tamien denunción que con esta midía los autres van a benificiase doblemente al cobrar los derechos de autor pola venta de reproductores amás de pol propiu productu cultural. 20 d'avientu, 2007 0 FacebookTwitterPinterestEmail
Tecnoloxía Areces camuda en Pinchuman de la mano de Pingarates by asturnet 17 d'avientu, 2007 Un script basáu nel popular George W. Bush Renamer vieno acabante de ser ufiertáu nel Blog “Pingarates” pa camudar el nome de Vicente Alvarez Areces pol de PINCHUMAN u otru que se prefiera cada vegada que’l navegador Firefox atope esi nome nuna páxina web. El script emplega la estensión de Firefox “Greasemonkey” y pue descargase del blog “Pingarates”, onde tamién se describe la forma d’emplegar esti script. Sigún se describe nel blog, trátase d’usar “un script pa Greasemonkey, de tal manera que los usuarios de Firefox con esta extensión instalada y con PinchuMan.js instaláu, eviten lleer nes páxines web cualisquier mención al nuestru PinchuMan particular”. ¿Cómo usar esti script? Instala Firefox. Tamién podeis usar GreaseMonkey con IE y Opera Descarga y instala Greasemonkey Reinicia Firefox Instala’l script PinchuMan Entra na páxina oficial de la FSA pa confirmar que funciona correctamente. Unes captures de pantalla El Comercio La Nueva España El script PinchuMan.js ye una adaptación del script George W. Bush Rename fechu por Brokekid. 17 d'avientu, 2007 0 FacebookTwitterPinterestEmail
Educación Nacho Vegas y Xel Pereda remociquen la tradición musical asturiana na Llaboral by asturnet 14 d'avientu, 2007 Los músicos asturianos Xel Pereda y Nacho Vegas tornen el sádadu a les tables asturianes cola presentación d’un proyectu nuevo nel Teatru de la Llaboral de Xixón. A les 21:00 hores van estrenar “Lucas XV”, trabayu conxuntu alredor de la tradición del romanceru asturianu, les añaes, los villancicos, la tonada y los cantares de ciegu remocicaes al formatu rock. El discu que va recoyer estes investigaciones sonores va salir a la cai a lo cimeru de 2008. Esti actu, que ta organizáu pola Universidá d’Uvieu con motivu del so 400 aniversariu, axunta a dos de los músicos más prolíficos de la escena asturiana. Xunto al guitarrista de Llan de Cubel ya’l ex-componente de Manta Ray van subir a l’escenariu de la Llaboral Chus Naves, coll órganu Hammond ya’l pianu: Manu Molina, a la batería y les percusiones y Luis Rodríguez al baxu ellectricu. 14 d'avientu, 2007 0 FacebookTwitterPinterestEmail
Educación La Universidá ufierta 1.216 plazes pa intercambios académicos al traviés d’Erasmus by asturnet 12 d'avientu, 2007 La Universidá d’Uvieu va ufiertar, nel cursu 2008-2009, un total de 1.216 plazes del programa Erasmus pa favorecer l’intercambiu ente universitarios asturianos y los sos homólogos del restu de centros educativos superiores d’Europa. Les beques pa cada beneficiariu serán de 350 euros al mes durante los nueve meses que dura la estancia como estudiante d’intercambiu, nun de los 25 países participantes nesti programa. El plazu de presentación de solicitudes fina’l prósimu 10 de xineru y les llistes de elexíos va asoleyase n’Abril. Nel procesu d’asbilla tienense en cuenta l’espediente acadámicu del alumnu y los sos conocimientos de la llingua oficial, y d’otros idiomes, del país al que se tresllade. De todos modos según esplico’l vicerector d’Estensión Universitaria, Francisco Javier Mato “ye fácil algamar una beca Erasmus , pero nun lo ye tanto’l poder viaxar al país que se quiera”. Ente los destinos más solicitaos polos asturianos tan Inglaterra, Italia y Francia. Asimesmu’l vicerector tamien anunció que la posibilidá de llevar al cabu xeres d’intercambiu academicu en países que nun pertenezan a la Unión Europa va ser posible al travies de 100 beques, convocaas pola Universidá en collaboración con Bancaja. Los destinos son ente otros: Estados Xunidos, Arxentina o Mexico. La beca dura un añu nesti casu y supondrá un sofitu económicu de 2000 euros (14 beques), 1000 (30 beques) y 500 (14 beques). Amás incluí la matriculación de baldre y una ayuda económica pa facer el viaxe. 12 d'avientu, 2007 0 FacebookTwitterPinterestEmail
Tecnoloxía Asturies tendrá un laboratoriu d’investigación nes TiC nel centru de La Llaboral by asturnet 11 d'avientu, 2007 Asturies va cuntar nel futuru con un laboratoriu d’investigación nel campu de les tecnoloxíes de la comunicación y de la información (TiC) nel Centru d’Arte y Creación Industrial de la Llaboral en Xixón. Esto va ser posible gracies al alcuerdu que zarraron ayeri los responsables del centru, la multinacional del aluminiu, afincada n’Aviles, Alcoa y CTIC: la Fundación Centru pal Desarrollu n’Asturies de les Tecnoloxíes de la Información y les Comunicaciones.Na consecución d’esti p`royectu foi fundamental l’aportación económica d’Alcoa que fizo una inversión de 157.000 euros. Embaxo’l nome de “Creatic”, el nuevu equipamientu sirvirá pa que los xóvenes investigadores, universitarios y titulaos, completen la so formación nel terren de la investigación menante la concesión d’una beca de un añu que-yos permita desarrollar los sos proyectos con vistes a facilitar la so incorporación al mercáu llaboral. Nel mesmu sen el llaboratoriu va ser un semilleru d’idegues ya investigadores pa les empreses. Na presentación del proyectu, que se fixo nes instalaciones de la Llaboral onde se va levantar l’equipamiuentu tuvieron presentes la Directora de Laboral, Rosina Gómez-Baeza; el Director de la Fundación CTIC, Pablo Priesca ya’l Presidente d’Alcoa, Jose Ramón Camino de Miguel. 11 d'avientu, 2007 0 FacebookTwitterPinterestEmail
Tecnoloxía L’Observatori Astrònomic de la Universitat de València ufre por Internet observaciones diaries de planetes y constelaciones by asturnet 6 d'avientu, 2007 Del llunes 10 y hasta’l 20 d’Avientu, por mor d’una campanya de divulgacion astronomica que tan faciendo los astronomos del observatoriu de Valencia, pue vese dende les 7 a les 9 de la nueche el cielu con 4 cámares al traviés d’internet. La web onde puen vese planetes y constelaciones tien un foru y dellos otros servicios. “El Cielo a tu Alcance” ye un programa del Observatori Astrònomic de la Universitat de València que quier llevar en directu a los hogares, al traviés d’internet, el cielo del que goza la estación d’observación astronómica que la Universidá de Valencia tien nel términu d’Aras de los Olmos (Valencia), mediante una rede de cámares qu’emite en directo de mou continuu, tanto el cielu observable a simple vista como los obxetos celestes que se tén observando nesi momentu. L’observatoriu allúgase a 1300 m de altitud sobre’l nivel del mar, nuna localización que goza d’un cielu con perbones condiciones de trasparencia y baxísimos niveles de contaminación llumínica. A lo llargo d’estos díes van poer vese planetes como Xúpiter, Urano, Neptuno y Marte y opbxetos de cielu profundu como los que vienen darréu: M1, M13, M15, M27, M31, M34, M35, M36, M37, M38, M42, M78, M92, NGC40, NGC457, NGC6543, NGC6992, NGC7009, NGC7331, NGC7662 y NC7027. Más información 6 d'avientu, 2007 0 FacebookTwitterPinterestEmail
Educación La competencia en ciencies nes escueles asturianes allúgase penrriba la media española y de la OCDE by asturnet 5 d'avientu, 2007 Los estudiantes asturianos algamen una competencia científica de 508 puntos, lo que los asitia 30 puntos penriba de la estatal, y ocho penriba de la media de la Organización pa la Cooperación y el Desarrollu Económicu (OCDE) y, según l’informe ellaboráu nel 2006 pol Programa pa la Evaluación Internacional de los Alumnos (PISA). La puntuación algamada por Asturies en ciencies ye más alta que la media de los países como Dinamarca, Francia, Islandia, Estaos Uníos, España, Eslovaquia, Noruega, Luxemburgo, Italia, Portugal, Grecia, Turquía y México. Sólo superen a Asturies, Finlandia, Países Baxos, Canadá, Xapón, Nueva Zelanda, Australia y Corea. Los resultaos algamaos coloquen al Principáu nuna situación asemeyada a la de Bélxica, Irlanda, Suecia o Suiza, que tien un PIB per cápita hasta un 60 por cientu mayor qu’Asturies. 5 d'avientu, 2007 0 FacebookTwitterPinterestEmail
Educación Educación espubliza nuevu material pa facilita-yos la educación a los escolinos con dalguna discapacidá by asturnet 4 d'avientu, 2007 La Conseyería d’Educación y Ciencia del Principáu d’Asturies ta acabante d’asoleyar cinco nuevos materiales pedagóxicos empobinaos a facilitar el deprendizaxe a escolinos ya escolines discapacitaos. El titular de la Conseyería, Jose Luis Iglesias Riopedre destacó na presentación d’esti nuevu material que “nos últimos 20 años los discacitaos pasaron de tar separtaos del sistema educativu a tar integraos dafechu”. Ente los nuevos elementos colos que maestros y escolinos van poder cuntar dende agora mesmo, tan dellos llibros pa la meyora de les torgues na llectura y la espresión, un conciertu lúdico-sensitivu, un concursu de rellatos y debuxu o llibros empobinaos al descubrimientu de les nueves tecnoloxíes. Exta iniciativa de los responsables d’educación del Principáu sigue una llínia de continuidá colo que se vien faciendo n’Europa al abellugu de les polítiques europees na materia. La espublización d’esti material educativu, que va sirvir tanto pa centros públicos de calter ordinariu como pa los d’educación especial, va meyorar les posibilidaes de deprendizaxe d’un total de 2832 escolinos, escolarizaos en 8500 centros de tola comunidá. 4 d'avientu, 2007 0 FacebookTwitterPinterestEmail
Tecnoloxía La web “Puertu Asturies” elexida finalista del IX Premiu a la Meyor Web d’Asturies by asturnet 1 d'avientu, 2007 La web “Puertu Asturies”, qu’ellaboren en llingua asturiana profesores delos Colexos onde se deprende l’asturianu foi elexida por votación popular finalista del IX Premiu a la Meyor Web d’Asturies. La web n’asturianu algamó el 3 puestu con más d’ochocientos votos y mui cerca del Acuariu de Xixón y L’Aula d’Astronomía, clasificaes per delantre. El xuráu tien d’elexir el 3 d’Avientu la web ganadora d’esti IX Premio a la meyor web asturiana 2007 ente les 3 webs más votaes. Web Puertu Asturies 1 d'avientu, 2007 0 FacebookTwitterPinterestEmail