Música La cantante sopranu Daniela Dessì y el tenor Fabio Armiliato ufren un recital líricu n’Uviéu by asturnet 31 d'ochobre, 2007 La cantante sopranu Daniela Dessì y el tenor Fabio Armiliato xunto cola Oviedo Filarmonía ufren esti miercoles una gala lírica na que van abordar pieces de Verdi, Puccini y Giordano ente otros. El recital ta organizáu pola Asociación Asturiana d’Amigos de la Ópera. y va entamar a les 20:00 hores nel escenariu del Teatru Campoamor d’Uvieu. Daniela Dessi y Fabio Armiliato, destaceas voces de calter internacional, interpretarán el sigiuente repertoriu: Na primer parte del recital: la obertura de les “Víspores sicilianes” de Verdi; “Amor ti vieta”, l’aria de la ópera “Fedora”, de Giordano; “Vissi d’arte” y “E lucevan le stelle”, de “Tosca”, de Puccini; “Surta e la notte…”, d’”Ernani”, tamiñen de G. Verdi; l’intermezzo de “L’amico Fritz”, de Mascagni y “Gia nella notte densa”, d’”Otello”, de Verdi. Na segunda parte de la nueche el duu va abordar les pieces: Obertura de “La forza del destino”, de Verdi; “Aria de Lensky”, d’”Eugene Onegin”, de Tchaikovsky; “Poveri fiori”, d’”Adriana Lecouvreur”, de Cilèa; “Colpito qui m’avete”, d’”Andrea Chernier”, de Giordano; “Pace, pace, pace, mio Dio”, de “La forza del destino”; l’intermezzo de “Manon Lescaut”, de Puccini y ya como dúu “Vicino a te: la nostra morte”, d’”Andrea Chernier”, de Giordano. 31 d'ochobre, 2007 0 FacebookTwitterPinterestEmail
Música La guitarra flamenca de Pepe El Habichuela sirvió pa homenaxear a Picasso nel Belles Artes by asturnet 31 d'ochobre, 2007 Los sones de la guitarra del maestru Pepe Habichuela enllenaron el Salón d’actos del Museu de Belles Artes d’Asturies na tarde d’ayeri nel conciertu homenaxe al pintor malagueñu Pablo Picasso. L’eventu cellebrose con motivu de l’amuesa de semeyes que fizo en su día’l fotógrafu Antonio Cores sobre’l pintor y que tan esponiendose estos díes nel museu. Nuna sala abarrotada y col acompañamientu visual d’una proyección de les semeyes coles qu’Antonio Cores inmortalízó a Pablo Picasso en Francia faciendo vida cotidiana y pintando, l’Habichuela entamó la velada flamenca en solitariu pa darreu facer disfrutar al públicu asistente xunto col guitarrista Carlos Carmona y el percusionista Nono Carmona. Enantes del concuiertu tuvo llugar una introducción a cargu del fotógrafu Antonio Cores y d’Emilio de Diego: el que fuera compositor y guitarrista del baillarín Antonio Gades. Durante aprosimadamente 20 minutos ambos artistes desgranaron anecdotes de la so rellación con Picasso y falaron del famosu alcuentru que xuntó nun restaurante de comida china en Cannes al propiu fotógrafu, a Pablo Picasso, al baillarín Antonio Gades, al poeta Rafael Alberti y al toreru Luis Miguel Dominguín amás d’otros artistes del mundiu del flamencu. 31 d'ochobre, 2007 0 FacebookTwitterPinterestEmail
Música La Casa de Cultura d’Avilés acueye un conciertu de la Camerata Moravia by asturnet 31 d'ochobre, 2007 La Camerata Moravia continua col so programa d’actuaciones n’Asturies y nesta ocasión va actuar na Casa de la Cultura d’Aviles. El conciertu, que ta organizáu pola Sociedá Filarmónica Avilesina va cellebrase esti miercoles 31 d’ochobre a partir de les 20:15 hores. Embaxo la dirección del vilinista Ivan Zenay la orquesta va tocar ante’l públicu avilesín obres de Bach, Mozart, Dvorakm Wieniawski y C. de Berrito. Dende 1987 cuando ñaz embaxo’l nome d’Orquesta de Cámara d’Olomouc, la Camerata Moravia vien nutriendose de los meyores solistes de la Filarmónica de Moravia y col tiempu lllegó a ser una de les formaciones más prestixoses de la República Checa xirando por toda Europa. Nel so repertoriu hai dende piezes dende piezes barroques hasta música del sieglu XX, dende los maestros clásicos hasta los sones de The Beatles y Piazzolla. 31 d'ochobre, 2007 0 FacebookTwitterPinterestEmail
Música El ciclu “Música a escena” lleva a Avilés a la Sinfónica de Kazajastán by asturnet 30 d'ochobre, 2007 “Conciertu pa violín n.º 1 en re mayor, op. 19” de Prokofiev; “Caprichu brillante sobre la jota aragonesa” de Glinka y la “Sinfonía n.º 5 en mi menor, op. 64”, de Tchaikovsky, componen el menu que’esta nueche ufre la Orquesta Sinfónica de Kazajastána partir de les 20:15 hores na Casa de Cultura d’Aviles. El conciertu, en principiu programáu pal 19 d’ochobre, pertenez a l ciclu d’actuaciones “Música a escena”. Embaxo la dirección del maestru Aidar Torybaev la Sinfónica de Kazajastán tamien cunta cola participación de la violinista Aiman Mussajodzhaeva , solista d’altu nivel tecnicu y merecedora d’abondos premios pola so llabor interpretativa. Per otra parte la organización informó a todos aquellos espectadores qu’habiendo comprao la entrada pal recital del día 19 decidan nun dir al conciertu d’esti martes se-yos abonará l’importe de la mesma. 30 d'ochobre, 2007 0 FacebookTwitterPinterestEmail
Música La FNAC presenta un documental sobre los finlandeses Sigur Ros by asturnet 29 d'ochobre, 2007 Los lunes musicales del Fórum de la FNAC de Parque Principado (Siero) agospien esta tarde a partir de les 19:00 hores la proyección de “Heima”, documental sobre la banda finlandesa Sigur Ros dirixíu por Dean DeBlois, autor de obres como Lili y Stitch, que va ver la lluz el prósimu 6 de payares. “Heima” asoleya imaxenes de la xira finlandesa de Sigur Ros. Incluí actuaciones d’estos puntales del pop con tintes ellectrónicos por pequeños llocales, fábriques abandonaes o parques amás d’entrevistes cola banda y con vecinos del barriu. El DVd ta acompañáu d’un CD doble con dos ep’s Hvarf / Heim. 29 d'ochobre, 2007 0 FacebookTwitterPinterestEmail
Música SUATEA denuncia’l “Sabotax a la nuesa gaita” by asturnet 29 d'ochobre, 2007 Nun duru ya irónicu comunicáu, es sindicatu mayoritarriu de la enseñanza n’Asturies, SUATEA denuncia’l “Sabotax a la nuesa gaita” que supón el fechu de que “los futuros titulaos del Conservatoriu seyan instruyios por gaiteros gallegos”. Según SUATEZ “Mentantu fardamos de que nAsturies los nuesos gaiteros y la peculariedá del so instrumentu son una perimportante seña didentidá, daquién tuvo la feliz idega de que los futuros titulaos del Conservatoriu seyan instruyios por gaiteros gallegos. Lañu pasáu fízose una bolsa de trabayu con gaiteros especialistes na nuesa gaita. Sabemos quel nivel de les prebes foi de lo más esixente por mor de la calidá de los aspirantes. Agora bien, si se trata de facer un sabotax a la formación de los alumnos del Conservatoriu podriémos proponer a gaiteros escoceses. Como los gallegos, tienen un instrumentu diferente, pero podríen dar les clases ninglés. Tendremos gaiteros con aires internacionales, pero con poco aire de gaiteros asturianos.” SUATEA entrúgase si “¿Dende la alministración daquién pescanciará questo ye una llocura?” y pide darréu d’ello un podo de xacíu. 29 d'ochobre, 2007 0 FacebookTwitterPinterestEmail
Música Unomasuno, hip-hop asturianu de calidá na FNAC de Siero by asturnet 26 d'ochobre, 2007 Los asturianos Unomasuno, un de los referenres de la escena hip-hop de la rexón vac actuar esti sábadu a les 20:00 hores nel Forum de la FNAC de Siero (Parque Principado). Nel actu el grupu va presenter un nuevu videoclip del discu “Plenitud” grabáu xunto col productor Sergio Rodríguez, responsable de los discos de bandes como Dixebra o DarkLaEme, en Tutu Estudios. Unomasuno ye un grupu formáu polos MCs Mensaje MC, Ruboh, Jhon y el dj JouMy, Cunten con varios trabayos na cai como les demos “Aún hay más” y “Cuenta cuántos son”. Na so última referencia entreguen 17 cortes alrodiu de la situación del planeta hasta les sos propies vivencies. 26 d'ochobre, 2007 0 FacebookTwitterPinterestEmail
Música El rockabilliy de los mexicanos Kompadres muertos enllenará l’escenariu de la sala Albéniz by asturnet 26 d'ochobre, 2007 A partir de les 22:00 hores el grupu mexinanu Kompadres Muertos lleven el so rockabilliy a la Sala Albeniz de Xixón dientro de la xira que tan faciendo pa conmemorar los sos 14 años de vida titulada “Gira de Vida y Muerte”. Amñás ta n presentando’l discu “13 kompadres muertos”, grabáu recientemente n’España. Kompadres Muertos debutaren a finales de 1998 col discu “La Muerte Chiquita” y dende entonces amesten el rock n’ roll más primitivo con influencies del punk y la cultura mexicana. 26 d'ochobre, 2007 0 FacebookTwitterPinterestEmail
Música La banda de folk asturiana “Mur” actuen nel Cafe Dam de Xixón by asturnet 26 d'ochobre, 2007 La banda de folk asturiana “Mur” actuen nel Cafe Dam de Xixón Esti sábadu a partir de le 22:00 hores la nueche xixonesa acueye los sones del quintetu Mur dientro de la programación d’actuaciones del Cafe Dam de Xixón. Mur ye un quintetu de música folk xixones que ñació en 2004 y nel que participen los músicos Fernando Oyagüez, Jose Frances, Andrea Lobo, Carlos Ibias y Raúl Luis. Una de les señes d’identidá deñ grupu ye’l so soníu acústicu, averáu a la música popular, anque con delles influencies d’otros estilos como’l jazz o’l rock. 26 d'ochobre, 2007 0 FacebookTwitterPinterestEmail
ConvocatoriesFiestes Cursu dasturianu básicu de baldre en Nava by asturnet 26 d'ochobre, 2007 La Mancomunidá Comarca de la Sidra, en collaboración cola Conseyería de Cultura y Turismu, entama un cursu básicu dasturianu de 25 hores. El cursu va desendolcase tolos llunes, martes y xueves dende les 19,30 h. a les 21 h. na casa de cultura Marta Pérez Portal de Nava. Al cursu poder apuntase toles persones que tean interesaes, llamando al númberu de teléfonu 985718413 o mandando un corréu lletrónicu a les señes que van darréu: normastur@lacomarcadelasidra.com. A los alumnos que sapunten va dáse-yos un diploma acreditativu. 26 d'ochobre, 2007 0 FacebookTwitterPinterestEmail