Comunicación Aprobada la fin de la publicidá na televisión pública estatal by asturnet 30 de xunetu, 2009 El Senáu aprobó yá, con 130 votos a favor, dos en contra y 118 abstenciones la nueva llei pola que TVE nun va emitir más publicidá na so programación. La midida va entrar en funcionamientu a partir de setiembre. La financiación nueva va venir nun 3% sobre los ingresos de les televisiones privaes estatales nabiertu; del 1,5% de los operadores de pagu y el 0,9% de los operadores de telecomunicaciones. Amás va poder recibir aportaciones voluntaries, los productos y rentes del so patrimoniu y otres cuestiones que queden afitaes na Llei. La llei tamién prevé que TVE nun pueda dedicar más quel 10% del so presupuestu añal a mercar drechos deventos deportivos dnterés, anue sescluyen los Xuegos Olímpicos. Amás, TVE ha emitir polo menos un 60% de conteníos fechos nEuropa, como llargometraxes, curtios y documentales y nun va poder emitir nel conxuntu de les sos canales más del 70% de películes destrenu de les grandes productores internacionales. 30 de xunetu, 2009 0 FacebookTwitterPinterestEmail
Educación La Universidá dUviéu acepta una Memoria de Práctiques redactada n’asturianu by asturnet 29 de xunetu, 2009 El Conceyu Universitariu pol Asturianu (CUPA), ta acabante anunciar lo qualbidren un pasu alantre pal asturianu na Universidá dUviéu. Según la nota unviada por esta organización, ún de los sos miembros presentare una Memoria del Practium de la Diplomatura de Turismu redactada en llingua asturiana. Nun primer momentu, la comisión encargada de la calificación d’esti trabayu imprescindible pa superar la Diplomatura, esixía al alumnu qu’entregare’l mesmu en castellán, pa dalu por válidu, pero dempués daclariar a la dirección del centru la llexislación vixente, el trabayu foi aceptáu nasturianu. Col asesoramientu del CUPA, l’alumnu en cuestión aconceyó cola dirección de la Escuela Universitaria Xovellanos ya informó de la llexislación vixente, que protexe a los alumnos de la Universidá d’Uviéu, como queda afitao na Llei d’Usu del asturianu de 1998 y nel artículu 6 de los Estatutos de la Universidá d’Uviéu, que diz “naide podrá ser discrimináu pol usu del asturianu na institución”. A la fin, rellaten dendel CUPA la dirección de del centru, atendiendo a la normativa llegal actual sobre la que se-y informó, dio-y la calificación de sobresaliente a la Memoria orixinal, redactada n’asturianu. El CUPA felicita nel comunicáu a la Escuela Universitaria Xovellanos de Xixón pol reconocimientu d’un drechu democráticu, que recueye la llei y al alumnu en cuestión por caltenese firme pa que se-y reconozan los sos drechos. Pal CUPA ye esta la manera, de questi fechu seya normal nel futuru, y non namás una feliz anécdota. Según el Conceyu Universitariu esti casu vien a amosar que trabayando con seriedá na Universidá y al traviés del diálogu ye posible que se dean avances significativos na reconocencia de los drechos de los estudiantes que quieren usar l’asturianu na so vida diaria, y tamién qu’esiste un conflictu abiertu na mesma, qu’ha solucionase cola reconocencia absoluta de la igualdá de drechos pa los usuarios de castellán y asturianu. El CUPA anima amás a los alumnos de la Universidá d’Uviéu a que nun s’autocensuren nel usu de la llingua asturiana, y presenten trabayos y faigan esámenes usando l’asturianu, pues entienden que la normalización social de la llingua nunca nun se va dar si los miembros de la comunidá falante nun faen un usu normal de la mesma. Recuerden dende la organización quen casu de tener cualesquier problema, el CUPA va ufrir el so apoyu lloxísticu y llegal, pa defender el drechu humanu a espresase na llingua materna. 29 de xunetu, 2009 0 FacebookTwitterPinterestEmail
Comunicación Ozcos-Eo cunta dende esta semana con una nueva guía by asturnet 25 de xunetu, 2009 Editorial Everest y la Mancomunidá d’Ozcos-Eo vienen acabantes de publicar esta selmana la guía ‘Visita los Ozcos-Eo’, que fai un percorríu pola comarca, aparándose nes fragües, los inxenios hidráulicos y la naturaleza que fain de la zona un paraxe únicu onde’lturismu sostenibl vien desendolcándose dende hai tiempu al traviés del desenvolvimientu de les sos pernomaes cases rurales. La guía desplica l’espíritu d’esta comarca, la so forxa natural, la so capacidá d’ufiertar mar y montaña, les ventayes del so aislamientu d’años, les sos rutes al traviés del agua, de la piedre, de la viesca, del fueu y de recibir el nomamientu de Reserva de la Biosfera pola Unesco nel 2007. 25 de xunetu, 2009 0 FacebookTwitterPinterestEmail
Educación Daniel Cueli desplicó n’Avilés los privilexos de la muyer nes sociedaes céltiques by asturnet 23 de xunetu, 2009 El pedagogu y músicu Daniel Cueli faló esti miércoles nel Festival Beltaine avilesín de la muyer celta y los sos privilexos sociales, nuna conferencia que completaba les que dieren Berto Peñ y Fe Snoveña dende l’entamar de la selmana cola muyer na cultura tradicional asturiana como referencia. Na so conferencia, Danel Cueli fizo un repasu ales fuentes greco-llatines que nos falen del papel igualiariu que xugaba la muyer celta, que participaba del poder políticu y lluchaba nes guerres como los homes. La importancia del sistema matrillineal de descendencia de les tribus celtes y el papel que xugaba na sociedá la muyer, con aondos privilexios políticos y culturales, foron desplicaos por Cueli qu’asoleyó tamién la llibertá sexual d’aquella sociedá mui averada en costumes a la ‘anguaño y que se vió torgada pol xorrecimientu tardíu del cristianismu. 23 de xunetu, 2009 0 FacebookTwitterPinterestEmail
Educación El Congresu Beltaine de Periodismu analiza la información local especializada na Sociedá de la Información by asturnet 19 de xunetu, 2009 El profesor de la Universidá Rey Juan Carlos, Roberto de Miguel, inauguró esta mañana cola ponencia la segunda xornada del Congresu Beltaine de Periodismu y Cultura Tradicional en la Sociedá de la Información que se desendolca nel salón d’actos del Edificiu de Servicios de la Universidad d’Uvieu. A lo llargo del día amás de debuxase’l mapa informativu español de la Sociedad de la Información, el Congresu avérase a la “información local y la cultura tradicional” cola esperiencia d’Euzkadi, que va treslladar Leire Iturregi, de la Universidad del País Vascu y l’asturiana, de la mano del Profesor de la Universidá de Valladolid, Próspero Morán, el periodista y escritor Ignaciu Galán y el críticu musical Aelio Argel. Pela tarde, revisarase la historia dela rvista especializada Interfolk, que lleva 10 años de información, de la mano de Roberto Mezquita y el Congresu finará cola ponci “Comunicación y Cultura: el cas del Cirque du Soleil”, qu’ufrirá Laura Galguera, Vicepresidenta de l’Asociación Iberoamericana de la Comunciación (ASICOM) y Profesora de la Universidá d’Uviéu y académica visitante de la Universidá de Columbia. A les 9.45 de la mañana del sábadu, el Conceyal de Cultura d’Avilés, Román Antonio Álvarez inauguró esti Congresu Beltaine de Periodismu y Cultura Tradicional en la Sociedá de la Información nel salón d’actos del Edificiu de Servicios de la Universidad d’Uvieu que se desendolca durante too’l fin de selmana. El periodista Próspero Morán ufiertó la so conferencia La cultura tradicional na sociedá de la información onde auguró un negru futuru a los medios de comunicación tradicionales. A continuación, Darío Pescador (periodista especializáu ninformación dixital), na su conferencia La información musical nos medios dixitales coindició na predicción y denominó a los actuales medios de comunicación xeneralistes como “los últimos dinosaurios a la espera del meteorito de la extinción”. Finó les charles de la mañana Ignacio Gómez (subdirector de Conteníos dEntretenimientu de RTVE) qu’esplicó les caberes novedaes na páxina web de l’ente públicu. El papel que va garrando el telefonu móvil na difusión de la cultura centró la conferencia de la profesora Carmen Galera qu’anició la tarde de I Congresu de Perodismu Beltaine. La docente de la Universidá Juan Carlos I enfrentábase al turnu de preguntes nel Edificiu de Servicios Universitarios d’Avilés con un públicu enforma participativu. A continuacion tocó-y el turnu al periodista de Abc.es, Pedro de Alzaga, que faló de La informaciónP cultural y la tecnoloxía, averando a los asistentes a les esratexes que tan entamando a plantegar los medios de comunicación nos Estaos Xuníos. Finó la primera xornada, Ignacio Martin-Granados, Director del Gabinete de l’Alcaldía del Ayuntamientu de Segovia y Profesor de la Universidad de Valladolid que falaba de “El papel de los eventos culturales na comunicación institucional”. 19 de xunetu, 2009 0 FacebookTwitterPinterestEmail
Comunicación La televisión castellano-lleonesa entama la emisión dun informativu en lleonés by asturnet 16 de xunetu, 2009 Mientres la presencia de la nuesa llingua na TPA lleva más de dos años ensin medrar y ensin cuntar con programación de calter informativu, en Lleón, y tres dun alcuerdu de la Conceyalía de Cultura Lleonesa de la capital del territoriu cola televisión autonómica (TVCyL), esta última va cuntar con un informativu nasturlleonés, el Xornal Informativu en Llingua Llïonesa. El programa, con una duración de diez minutos, va emitise los sábados a les 20.15 hores y los llunes a les 10.30 hores al traviés de la canal 8 de TVCyL. La televisión encárgase de la parte técnica y periodística y la Conceyalía de les tornes al lleonés. El conceyal dEducación, Nueves Tecnoloxíes y Cultura Lleonesa del Ayuntamientu de Lleón, Abel Pardo, señaló questi alcuerdu ye “ampliamente satisfactoriu pa les dos partes, al llograr un programa con una altísima calidá técnica y llingüística que vien a satisfacer una demanda de la sociedá que reivindicaba que la llingua lleonesa tuviere presente nos medios de comunicación. El programa va estendese hasta finales dañu, aumentando la cuota de lleonés, si laudiencia respuende. 16 de xunetu, 2009 0 FacebookTwitterPinterestEmail
Comunicación Avilés celebra un Congresu de Periodismu Cultural nel Beltaine by asturnet 15 de xunetu, 2009 El Beltaine, nuevu intercélticu avilesín, va celebrar dientro de les sos actividaes el I Congresu Beltaine, que va centrase nel periodismu y la cultura tradicional na sociedá de la información. Nel mesmu van participar periodistes de tol estáu y dAsturies, intercambiando esperiencies alredor del periodismu cultural. La inscripción ye de baldre y pue facese na web de Beltaine. El sábadu a les 9:30 Pilar Varela, alcaldesa dAvilés; Román Antonio Álvarez, Conceyal de Cultura dAvilés y Próspero Morán, director dASTURNEWS, ya Isidro Sánchez, directores dambos dos del Congresu, van inaugurar la cita, cola conferencia La cultura tradicional na sociedá de la información per parte de Morán. Darío Pescador, periodista especializáu ninformación dixital va comentar La información Musical nos medios dixitales a les 12, y a les 13:30 va ser Ignacio Gómez. Subirector de Conteníos dEntretenimientu diRTVE. RTVE-Medios Interactivos, quien dea llectura a la conferencia Información y cultura nos medios dixitales públicos. A les16,30 Diferencies culturales y xeneracionales frente a les nueves tecnoloxíes: padres, fíos y el teléfonu móvil por Carmen Galera, de la Universidá Rei Juan Carlos. A les 18 hores Pedro de Alzaga., dAbc.es, va falar dInformación cultural y tecnoloxía. Roberto Mezquita, va falar a les 19:30 de los diez años de la revista Interfolk, que coordina. El domingu la xornada va entamar con El mapa informativu español de la Sociedá de la Información, por Roberto de Miguel, de la Universidá Rei Juan carlos de Madrid. A les 10,30 Leire Iturregi, de la Universidá del País Vascu va comentar aspectos sobre Información Llocal y Cultura tradicional: La esperiencia dEuzkadi. A les doce y media la mañanal congresu va centrase nel casu asturianu con Información Llocal y Cultura Tradicional: La esperiencia asturiana, coles ponencies dAurelio Argel, críticu musical; Enrique Carballeira, periodista; Próspero Morán, director dAsturnews.com ya Inaciu Galán, presentador dAl Aldu, na TPA y llocutor na Cadena Ser. Ignacio Martin-Granados, xefe de Prensa del Ayuntamientu de Segovia y Profesor de la Universidá de Valladolid va abrir la tarde a les 16:30 con El papel de los eventos culturales na comunicación institucional. Darréu, Laura Galguera. Vicepresidenta de lAsociación Iberoamericana de la Comunciación (ASICOM), profesora de la Universidá dUviéu y académica visitante de la Universidá de Columbia (Nueva York), va pesllar el congresu con Comunicación y Cultura: el casudel Cirque du Soleil. El congresu ye de baldre pa los interesaos ninscribise, que puen apuntase na web del mesmu. Programa completu del Beltaine 2009 15 de xunetu, 2009 0 FacebookTwitterPinterestEmail
Comunicación Al aldu: la risión grábase esti xueves na Casa Cultura de Llaviana by asturnet 7 de xunetu, 2009 El próximu miércoles día 9 de xunetu, a partir de les 18:30 hores, van grabase monólogos pal espaciu “La risión” del programa “Al aldu” de la TPA, na Casa la Cultura de Llaviana. Los monologuistes que van a participar son: Tante Blanco, Marilú Casas, Silvino Torre, Carlos Alba “Cellero”, Vanesa Peña “Nona” y José Manuel Reguero “El Maestru”. La entrada ye llibre hasta completar laforu. 7 de xunetu, 2009 0 FacebookTwitterPinterestEmail
Educación Los Erasmus van poer facer cursos intensivos de llingües cooficiales nes universidaes d’acoyida by asturnet 7 de xunetu, 2009 La Comisión Europea va financiar cursos intensivos en llingües cooficiales del Estáu pa tolos estudiantes Erasmus que s’integren n’universidaes con llingües minoritaries de magar el cursu 2010-2011. Nun comunicáu qu’asoleyare esti día, la Comisión plantega qu’estos cursos formen parte del Programa de Deprendimientu Permanente que s’ufre nel país d’acoyida, como “una oportunidá d’estudiar un idioma ente dos y seis selmanes”. 7 de xunetu, 2009 0 FacebookTwitterPinterestEmail
Educación Entra en vigor el Reglamentu que permite dirixise nasturianu a la Universidá dUviéu by asturnet 2 de xunetu, 2009 Nel BOPA del sábadu pasáu, 27 de xunu, ta espublizáu yál reglamentu sobre presentación descritos en bable/asturianu nel rexistru de la Universidá dUviéu, poro, ye nesti momentu normativa en vigor. El documentu impulsólul Rector Vicente Gotor y regula per primer vegada estos procedimientos yá que permite presentar cualesquier testu nasturianu, sacantes delles escepciones, por mor de la so necesaria urxencia. El Conseyu de Gobiernu de la Universidá dUviéu aproból Reglamentu esti 28 de mayu pasáu y robló darréu un conveniu de collaboración cola Conseyería de Cultura, que va da-y el serviciu de traducción al traviés de la recién creada y cuestionada Unidá de Traducción. Reglamentu completu nel BOPA 2 de xunetu, 2009 0 FacebookTwitterPinterestEmail