ConvocatoriesFiestes El Xardín Botánicu Atlánticu acueye una llectura poética esti domingu by asturnet 4 de payares, 2007 El Xardín Botánicu Atlánticu acueye una llectura poética, una iniciativa que ta dientro del ciclu Lleer el paisaxe. Nesti casu los poetes convidaos van ser Herme G. Donis, Humberto Gonzali, Graciela Litvak, Pablo Rodríguez Medina, Pilar Sánchez García. Tolos visitantes van recibir un diariu y una consumición de baldre. L’actu va celebrase dende les 12:30 de la mañana. 4 de payares, 2007 0 FacebookTwitterPinterestEmail
Música Llanes acueye el primer fin de selmana de payares la VI edición de “Llanes al cubo” by asturnet 2 de payares, 2007 Durante el primer fin de selmana de payares Llanes va agospiar la sexta edición de “Llanes al cubo “o la “Folixa del Tardíu”, que enllenará de conciertos y xeres la capital de conceyu durante estos tres díes. Según el consistoriu llaniscu l’enfotu d’esti festival ye amosar la tradición cultural asturiana cola modernidá. Llanes al cubu ta enmarcáu diento del programa d’ociu “Otoño Llanes, contigo todo el año”, que desendolca una interesante ufierta deportiva, gastronomica, cultural y festiva durante los fines de selmana d’ochobre y payares en tol conceyu. Esti vienres 2 de payares entama el festival ya dende les 17:00 hores cola apertura de la Carpina Los guah.es en La Bombilla. Esti recintu va ser l’escenariu durante tol fin de selmana de la cellebración de varios talleres pa neños y la xente mozo como el taller d’arqueloxía,el taller rupestre, el de chaples o el de disfraces. Amás va haber cuenta cuentos y un xuego de la oca. Esi mesmu día el platu fuerte de la xornada entema a les 22:00 hores colos conciertos de l’asturiana Anabel Santiago, el grupu folk Skye Peatbog Faeries y Claude Methe. Enantes del cnciertu de les diez, a les 20:30 hores ye’l turnu del grupu de folk Tuenda, el pasacais medieval nel Cascu Antiguu de Llanes (19:00 hores) y la presentación de los curtios que participen nel Festival Nacional de Curtiumetraxes al Aire Libre “REC” (Ribedeva en Curtiu). Esti últimu actu será na Casa de la Cultura a partir de les 18:00 hores. Kiko Veneno, Muchachito Bombo Inferno y Carmen París van ser los artistes principales na segunda xornada de “Llanes al Cubo” con un recital qu’entama a les 22:00 hores na Carpona de La Bombilla. El conciertu de les 20:30 hores na Carpa’l muelle d’esti sábadu va correr a cargu de la banda de folk fusión asturianu Dulcamara. La xornada del sábadu tamien va cuntar cola presencia del director Ramón Lluis Bande pa presentar el dvd “Camín de Cantares” y de les escritores Vanessa Gutierrez y Beatriz R. Viado que van presentar el so llibru “El país del silenciu”. Marea traen el so rock urbanu a la Carpona (22:30 hores) na última xornada del festival que va quedar completada con un conciertu de tonada del cantante Celestino Rozada na Carapa’l Muelle (20:30 hores) y la presentación de la serie de dvd “Diez Autores, Diez Llugares” a cargu de Joe Braña na Casa de Cultura. El programa d’esti últimu día entama ya dende les 13:00 hores cola maxa del Magu Norber col espectáculu “Ilusionariu”. Amás l’Ayuntamientu de Llanes programó delles actividaes complementaries como l’amagüestu en La Bombilla (vienres y sábadu), una feria d’artesanía, feria del llibru y del discu, teatru na cai con “Los Piroduendes” y una amuesa antolóxica de los tallistes de madera Llonguera y Pablo González. Web oficial del festival 2 de payares, 2007 0 FacebookTwitterPinterestEmail
Música L’edificiu históricu de la Universidá agospia una conferencia sobre cantu gregorianu by asturnet 2 de payares, 2007 La conferencia “¿El Canto Gregoriano como canto de la Asamblea?” abre el programa de ponencies dientro del tercer edición del ciclu de música sacra “Maestro de la Roza” que entamo’l 30 d’ochobre n’Uvieu y que se va cellebrar na capital hasta’l prósimu 30 de payares. La conferencia va cellebrase nel Edificiu Históricu de la Universidá d’Uvieu a partir de les 19:30 hores y correrá a cargu de la la presidenta de l’Asociación Hispana de Estudios del Canto Gregoriano, Sor María Dolores Aguirre. 2 de payares, 2007 0 FacebookTwitterPinterestEmail
Música La Banda de música Ciudad De Oviedo actua nel Auditoriu Príncipe Felipe by asturnet 2 de payares, 2007 Esti sábadu 3 de payares la Banda de música Ciudad De Oviedo ufre un recital na Sala Principal del Auditoriu Príncipe Felipe d’Uvieu dientro del programa de conciertos Otoño 2007 na ciudá. El conciertu va entamar a les 20:15 hores y la entrada al recintu ye de baldre hasta completar l’aforu. Nel conciertu van tar acompañaos pola la Banda Moza de Musica Vetusta La Banda de música Ciudad De Oviedo fizo el so debú oficial en 1992 cola aparición nel Desfile del Día d’America n’Asturies y ende esa ocasión contunua ufriendo conciertos dientro del conceyu d’Uvieu hasta un total de 60 añales. Ta compuesta na mayor parte por profesores de música ya escolinos del Conservatoriu d’Uvieu. 2 de payares, 2007 0 FacebookTwitterPinterestEmail
Música Rafa Lorenzo presenta’l so nuevu discu “Primos hermanos” en Tierrra Astur by asturnet 2 de payares, 2007 Los cancios vaqueiros entemeceranse colos poemes gallegos de Lorca na actuación qu’esti xueves 1 de Payares pela nueche va tener llugar dientro’l ciclu d’actuaciones musicales del restaurante Tierra Astur de Cualloto. Rafa Lorenzo va presentar el so nuevu discu “Primos hermanos” que quier ser un homenax al poeta de la xeneración del 27, Federico García Lorca. El nuevu álbum de Lorenzo presentóse nesti Ochobre na Conseyería de Cultura nun actu nel qu’intervinieron, la directora xeneral de Promoción Cultural, Consuelo Vega, el presidente del Conseyu de Comunidaes Asturianes, Manuel Fernández de la Cera, y el productor del discu, Juan Taboada. 2 de payares, 2007 0 FacebookTwitterPinterestEmail
Música Avilés cellebra’l II Alcuentru Coral esti fin de selmana by asturnet 1 de payares, 2007 En homenaxe al recientemente fallecíu Luis Javier Álvarez promotor del certamen “Villa d’Aviles” va tar dedicada esta edición del Alcuentru coral que se cellebra na capital avilesina dende’l vienres 1 al domingu 3 de payares. Nel certame van participar siete grupos corales ente les que tan la decana “Coral Avilesina”, el coru “Aviles Musical”, “Amigos de Sabugo”, “Casino de Villalegre”, el “coru de personus mayores de La Luz”, l’agrupación polifónica “Centro Asturiano de Aviles” y “Contracanto”. 1 de payares, 2007 0 FacebookTwitterPinterestEmail
Música La Schola Gregoriana de Mallorca actua na ilesia de San Isidoro d’Uviéu by asturnet 1 de payares, 2007 La Ilesia de San Isidorol Real agospia esti día a partir de les 20:30 hores el conciertu “Gaudeamus Omnes in Domino” al cargu de la prestixosa Schola Gregoriana de Mallorca. El conciertu ta dientro del programa d’actos del III Ciclu de Música Sacra “Maestro de la Roza” que se cellebra n’Uvié hasta’l 30 de payares. La Schola va repasar, ambaxo la dirección de Sebastià Melià, el repertoriu gregorianu de la solemnidá de Tolos Santos y lOficiu de Difuntos. 1 de payares, 2007 0 FacebookTwitterPinterestEmail
Música La OSPA ufre dos conciertos n’Uviéu y Xixón pa festeyar el día universal del aforru by asturnet 31 d'ochobre, 2007 L’Auditoriu Principe Felipe d’Uvieu y Teatru Xovellanos de Xixón son los escenarios escoyíos pola Orquesta Sinfónica d’Asturies (OSPA) pa ufrir dos recitales con ocasión de la cellebración del Día Universal del Aforru en collaboración con Cajastur. Tanto la cita del miercoles 31 n’Uvileu como la del 1 de payares en Xixón van entamar a les 20 30 hores de la nueche. Embaxo la batuta del director Álvaro Albiach, la OSPA ufre un programa formáu poles sigioentes pieces: “Obertura de Hansel y Gretel” d’E. Humperdink, “Rondó Caprichosu” de Saint-Saëns, “Caprichu español” de Rimsky-Korsakov y “Obertura 1821” de Tchaikovsky. Amás la OSPA va cuntar cola participación al vilín solista del rusu Alexander Vasiliev. 31 d'ochobre, 2007 0 FacebookTwitterPinterestEmail
Música Entama n’Uviéu el tercer ciclu de música sacra “Maestro de la Roza” by asturnet 31 d'ochobre, 2007 Ocho conciertos y dos conferencies componen el programa na tercer edición del ciclu de música sacra “Maestro de la Roza” qu’entamará esti miercoles día 31 d’ochobre y finará’l prósimu 30 de payares. El primer actu va tener llugar el miercoles a les 20:00 hores na Ilesia de San Isidoro el Real con una misa a coro, órganu y trompeta cantada pola Escolanía San Salvador d’Uvieu. Esta tercer edición del ciclu, que se presento ayeri nel Teatru Campoamor, incluí ente la so variada ufierta una especial atención a la música gregoriana con dos conferencies sobre’l tema a cargu de la presidenta de l’Asociación Hispana de Estudios del Canto Gregoriano, Sor María Dolores Aguirre y del Catedráticu de Musicoloxía, Ángel Medina. Amás nel apartáu de conciertos actuarán la Schola Gregoriana de Mallorca y la Capella Scholástica Schola Antigua. El III Ciclu de Música Sacra “Maestro de la Roza” ta financiáu pol Principado d’Asturies, Cajastur y l’Ayuntamientu d’Uvieu Programación completa del ciclu 31 d'ochobre, 2007 0 FacebookTwitterPinterestEmail
Música Claude Methé trai la música tradicional del Quebec a Uviéu by asturnet 31 d'ochobre, 2007 El músicu canadiense Claude Methe va actuar nel Centru Cultural Cajastur d’Uvieu dientro del ciclu de conciertos “Música del sieglu XX” esti miercoles 31 d’ochobre a partir de les 20:00 hores. El conciertu de Methe ta basáu na música tradicional del Quebec, llugar onde ñació, y amosa los sones deviolines, mandolines y guitarres. Claude Methe ye un autodidacte del mundiu de la música y formó parte de bandes como Rêve du Diable, Manigance, Entourloupe o Dent-de-lion. El so repertoriu afonda na tradición musical de les rexones de Manitoba, Ontario y Quebec, patrimoniu esti que ta presente na estensa producción discográfica del músicu. Nesta xira por Asturies Methe va tar acompañáu nos ecenarios por Luc “Ti-Me”, a la guitarra, l’acordión y les voces y Bernard Simar, a la guitarra y les voces. Tres del conciertu n’Uvieu Methe viaxa a Llanes p’actuar dientro del programa d’actos de “Llanes al cubo” el vienres día 2 de payares a les 22:00 hores. 31 d'ochobre, 2007 0 FacebookTwitterPinterestEmail