Educación Santos Gonzalez afita que la so candidatura nun ye continuista y que tien como referente la “Confianza” by asturnet 12 de marzu, 2008 El tercer candidatu al Rectoráu, Santos González, presentó la so candidatura a les 12,30 de la mañana y ñegó que fuera continuista col equipu rectoral d’anguaño afitando que la pallabra central de la mesma yera la “Confianza” que costitúi’l so eslogan y resume la toma de decisión de la comunidá Universitaria basada na trayectoria personal de los candidatos. Santos Gonzalez nes sos manifestaciones a la prensa quiso asoleyar los sos años de xestión que foron de “convivencia, de consensu de tresparencia, d’equilibriu y de sosiegu cola comunidá estudiantil y que tamién quiero dar al restu de la comunidá universitaria”. 12 de marzu, 2008 0 FacebookTwitterPinterestEmail
Educación Lenseñu del mirandés va cuntar con un manual dapoyu pedagóxicu per primer vegada by asturnet 22 de febreru, 2008 Cuasi una década dempués de la declaración doficialidá de la variante mirandesa del asturianu como la segunda llingua de Portugal, y más de venti años dempués dentamase lenseñu del idioma nes escueles de Miranda del Douro, los mirandeses cuenten per primer vegada con un manual pedagóxigu pa dar les clases. Los cerca de 400 alumnos que deprenden mirandés nes escueles de Miranda del Duero van recibir de baldrel llibru Las mies purmeiras palabras an mirandês . La iniciativa entámalal Centru dEstudios Mirandeses (CEM), que quier asina reforciar les clases de la llingua propia de la comarca portuguesa de fala asturiana. Los autores del llibru son António Bárbolo y Duarte Martins, y la presentación foi ayeri, nel Día Internacional de la Llingua Materna. La UNESCO, pela so parte, unvió una felicitación por esta iniciativa. Lenseñu del mirandés lleva faciéndose dende 1987 y como cuenten los propios responsables de la publicación nun cuenta con un programa marcáu y los profesores nun tienen materiales afayadizos pal so trabayu. Con esta nueva ferramienta lenseñu del mirandés da un pasu más. 22 de febreru, 2008 0 FacebookTwitterPinterestEmail
Educación Dellos cientos d’asturianos aconceyáronse na Escandalera pa siguir la clas d’asturianu de la Xunta by asturnet 16 de febreru, 2008 La Xunta pola Defensa de la Llingua dió esti sábadu 16 de Febreru a les 13 hores una clas n’asturianu na Plaza La Escandalera d’Uviéu. Con esta inciativa al aire llibre, la Xunta quier denunciar les munches irregularidaes que se tan cometiendo por parte del executivu del Principáu cola enseñanza de la llingua na rede educativa d’Asturies. La Xunta reclamaba asina al gobiernu midíes coherentes pa que se cumplan les lleis y normatives vixentes. La clas na Escandalera foi abierta pa tol públicu que quiso dir y cuntó con un mayestru d’asturianu pa deprender nociones básiques del idioma, dalgo, que según XPDL “deberie facese en toles escueles”. Na clas participaron tamién voluntarios qu’entrugaron por cosadielles al públicu asistente. La Xunta pola Defensa de la Llingua Asturiana quiso facer con esta iniciativa un llamáu a tola comunidá escolar, a los falantes y tou aquel que vive o trabaya nAsturies pa que participara na movilización y dexara con ella nidia la so postura favoratible a que fine la discriminación colos asturfalantes. 16 de febreru, 2008 0 FacebookTwitterPinterestEmail
Educación Yvonne Timoianu y Alexander Preda ufren un conciertu na Casa Cultura d’Avilés by asturnet 13 de febreru, 2008 Yvonne Timoianu y Alexander Preda, violonchelista y pianista, formen el Dúu Salzburg, y van tar tocando esti miercoles 13 de febreru nel auditoriu de la Casa la Cultura d’Aviles. Nesti recital organizáu pola sociedá Filarmónica Avilesina, que tien la hora d’entamu prevista pa les 20:15 hores, esta pareya de musicos rumanos van facer un repás a obres como la “Sonata númberu 6 en La Mayor” de Boccherini, el “Gran dúu en La Mayor Op. 162” de Schubert y la “Sonata nu. 2 Op. 99 en Fa Mayor” de Brahms. 13 de febreru, 2008 0 FacebookTwitterPinterestEmail
Educación SUATEA denuncia la oferta d’emplegu públicu d’Educación by asturnet 13 de febreru, 2008 SUATEA denuncia nun comunicáu asoleyáu esti día la propuesta d’emplegu público que se presentaba esti martes na Mesa Xeneral de la Función Pública, “cola ausencia de los llexítimos representantes del profesoráu”. La escasa oferta, nun momentu nel que vaa tar en vigor durante dos convocatories un sistema d’acceso transitoriu ye pa SUATEA un verdaderu insultu pal profesoráu interinu asturianu y pala escuela pública. Según denuncia SUATEA, na mayoría de les Comunidaes, la ufierta d’emplegu d’esti añu, teniendo en cuenta’l sistema d’accesu transitoriu, va ser mui amplia: en Castilla-La Mancha van convocase 1566 places, n’Andalucía más de 8142 y n’Asturies namái que 170 plazas en total y ensin superan les diez places en denguna especialidá. 13 de febreru, 2008 0 FacebookTwitterPinterestEmail
Educación Sigue abiertul plazu papuntase al sétimu cursu d’asturianu en Madrid by asturnet 11 de febreru, 2008 El sétimu cursu dasturianu en Madrid, questi añu va facese nel llar de la Delegación d’Asturies en Madrid, va entamar el 28 de febreru d’esti mesmu mes, asitiaes na cai Santa Cruz de Marcenado, númberu 2, cerca de la salida del Metru de San Bernardo y del Centru Cultural Conde Duque. El plazu sigue abiertu y p’apuntase hai que ponese en contautu al traviés del siguiente corréu: cursu@wanadoo.es Les clases van tener un calter presencial, desarrollándose dende’l 28 de febreru al 29 de mayu n’horariu de 7 a 9 de la tarde. Los participantes van recibir un diploma onde s’acrediten les 35 hores llectives, amás de los materiales y recursos de trabayu propios del cursu. 11 de febreru, 2008 0 FacebookTwitterPinterestEmail
Educación Xixón va gastar esti añu 800.000 euros en Formación y cásique un millón pa contrataciones nes ONGs by asturnet 8 de febreru, 2008 La conceyala d’Emplegu, Igualdá y Xuventú, Begoña Fernández, presentó esti xueves nel Barriu La Arena la convocatoria de dos concursos públicos con un importe total de dos millones de euros, ente los que destaca’l Plan Local de Formación, que cunta con una inversión de 800.000 euros y va promocionar acciones formatives pa desemplegaos asina como pa trabayadores con tarxeta de meyora d’emplegu. Amás de los programes del Plan de Formación, l?ayuntamientu va destinar una partida de 925.000 euros, n’ayudes a la contratación empobinaes a entidades ensin ánimo de lucru. Los contratos deberán tener una duración mínima de seis mes y como máximu un añu y empobinase namái qu’a persones desemplegaes. 8 de febreru, 2008 0 FacebookTwitterPinterestEmail
Fiestes Los maliayos celebren lAntroxu con talleres, concursos y desfiles by asturnet 4 de febreru, 2008 Un añu más, Villaviciosa celebra lAntroxu. Güei llunes y mañana, celébrase lAntroxu pa neños y neñes. Habrá talleres, disfraces, baille y chicolatada. De 5 a 7 la tarde va celebrase un taller de maquillaxe ya instrumentos nel Centru Cultural Capistrano. El martes va haber atracciones hinchables, baille de disfraces y gran chicolatada dende les 4 la tarde na Plaza Cubierta. Toles actividaes son de baldre y tán organizaes pol Ayuntamientu de Villaviciosa. Per otru llau, el gran desfiles ta programáu pal 16 de febreru, sábadu, a les nueve la nueche, col repartu de miles deuros en premios. 4 de febreru, 2008 0 FacebookTwitterPinterestEmail
Fiestes Avilés entama l’Antroxu col descensu de Galiana y la llectura’l pregón by asturnet 2 de febreru, 2008 Aviles vivirá esti sábadu col descensu de Galiana l’actu mas particular y carauterísticu de los que forman los sos festeyos d’Antruxu. El Descensu Internacional y Fluvial de la Cai Galiana entamará a les 18:30 hores y n’elli van poder vese un total de doce artiluxos decoraos con distintes temátiques pa la ocasión que van circular poles cais Galiana, San Francisco y La Cámara. La fieta va siguir dempues na Plaza España cola llectura’l pregón a les 20:30 hores ya’l conciertu de Nancys Rubias. 2 de febreru, 2008 0 FacebookTwitterPinterestEmail
Educación Asturies tará presente con un stand na Expolangue de París by asturnet 2 de febreru, 2008 El gobiernu del Principáu d’Asturies promocionará la llingua asturiana nel encuentru Expolangues, que va desendolcase los prósimos días 6, 7, 8 y 9 de febreru en París. El salón internacional d’idiomes ya tuvo a Asturies con stand propiu en delles ocasiones.`p> A París, el Principáu va llevar información documental con un cartafueyu informativu, n’asturianu y tornáu al inglés, francés y alemán, y al catalán, euskera y gallego. Nesi cartafueyu desplícase l’orixen, la historia y la situación actual de la llingua asturiana y de la so producción literaria, cifrando’l númberu actual de falantes en más de 250.000. También va amosase material lliterariu n’asturianu y castellán, asina como información sobre Asturies, la so ñaturaleza y paisaxe. El stand’ va inaugurase’l día 6 a les 18 hores nel Parc Expo de París, y nel actu van tar presentes Consuelo Vega, Direutora Xeneral de Cultura, la presidenta de la Academia de la Llingua, Ana Cano, y el poeta Pablo Antón Marín Estrada, ganador del premiu de poesía Xuan María Acebal 2007. 2 de febreru, 2008 0 FacebookTwitterPinterestEmail