Comunicación La revista Entrambasauguas llega a los 25 númberos by asturnet 26 de payares, 2008 La Secretaría Llingüística del Navia-Eo, de lAcademia da Llingua Asturiana, acaba deditar el númberu 25 dEntrambasauguas, A revista del Navia-Eo, que nesta ocasión inclúi reportaxes como lescritu por Fredo de Carbexe sobre los caleiros de la zona Arnosa-Arancedo o nel quAurora Bermudez Nava presenta Un mañuzo de recursos prá clase de Gallego-Asturiano. La revista complétala Maria José Fraga, quescribe sobre la hestoria dela parroquia da Braña; Ágata García Castro que cunta la so esperiencia como maestra na escuela rural dEilao nun artículu sobre A importancia da Escola Rural y Andresín de Bual, que sorprende con un rellatu que lleva por títulu El buxío dos soños. Pieslla les collaboraciones Miguel Rodríguez Monteavaro col testu As andolías. A importancia da tradición oral. La revista inclúi tamién les estayes habituales como Axenda, El Arco da Veya o El Houcha, con una semeya de les fiestes del 15 dagostu en Sarandías (Bual) comentada por Martín Pérez Álvarez y una poesía de Conrado Villar espublizada en 1908 nel periódicu naviegu El Porvenir Asturiano. 26 de payares, 2008 0 FacebookTwitterPinterestEmail
Comunicación Al Debalu cumple seis meses con númberu nuevu nos puntos habituales de distribución by asturnet 25 de payares, 2008 La revista de calter xeneralista Al debalu, quasoleya mensualmente Espublizastur, llega a los seis meses dedá con otros tantos númberos emprentaos. El númberu desti mes de payares, que ta yá nos llugares habituales de distribución, tien como temes centrales la crisis y la polémica de los fondos dEl Musel, amás dotros munchos temes. Dellos artículos dopinión, un fotoreportaxe, el reportaxe “Mensaxes del Cielu” sobre les celebraciones nuna pequeña comunidá guatemalteca de lo que pa nós podría ser el día los difuntos y una entrevista a fotografos presentes nexhumaciones de foses nel norte del estáu componen el restu de la publicación. Al debalu piesllal númberu seis con una entrevista a Angeldark, los viaxes a les xoyes del Exéu y cola estaya de cine dedicada a la película “Cenizas del Cielo”. La revista pue vese de baldre na rede. Edición dixital de la revista de baldre 25 de payares, 2008 0 FacebookTwitterPinterestEmail
Educación Vicente Gotor valora positivamente laprobación del minor dasturianu by asturnet 25 de payares, 2008 El rector de la Universidá d’Uviéu, Vicente Gotor, valoró ayeri laprobación per parte de la Xunta de la Facultá de Filoloxía de la propuesta de creación d’un Minor de Llingua Asturiana, un títulu que “el decanu trabayó bien y col que tuvo una amplia mayoría, solliñó. Asina s’espresó en declaraciones a Europa Press. Al so xuiciu, esta propuesta supón que “per primer vez na historia de la Universidá d’Uviéu l’asturianu cuente con un títulu universitariu oficial y regláu que, si bien nun va ser equivalente a una llicenciatura, sí va esixise pa poder impartir clases de llingua asturiana tanto n’enseñanza primaria como en secundaria”. El Minor d’Asturianu ye un aspeutu más dientro de la propuesta xeneral de títulos del decanu. La previsión ye qu’estos estudios se pongan en marcha de magar el cursu 2010-2011. Hasta entós, la propuesta ha desarrollase nos diversos planes d’estudios y aprobase n’instancies superiores, tanto autonómiques como estatales. 25 de payares, 2008 0 FacebookTwitterPinterestEmail
Educación Los neños entamen primero a deprender otru idioma n’españa que n’Europa by asturnet 24 de payares, 2008 España ye’l país de la Unión Europea onde los neños entamen primero a deprender un idioma estranxeru, de magar los tres años, pero tamién ye onde menos tiempu mediu se dedica a la llingua estranxera en primaria con sólo’l 6,5% del total según un estudiu de la Comisión Europea. L’estudiu, vieno ellaboráu pola rede d’información sobre la educación n’Europa ‘Eurydice’ y afita que “en delles comunidaes autónomes d’España, los neños entamaron ya deprender una llingua estranxera de magar de los tres años, y esta práutica ta estendiéndose al conxuntu del país demientres l’añua escolar 2008/2009”. La comunidá xermanófona de Bélxica ye otru exemplu del enfotu que lleva a que la enseñanza d’una llingua estranxera entame a los tres años. Poro, na mayoría de los Estaos, los neños entamen a deprender un idioma estranxeru ente los ocho y los diez años. El tiempu dedicáu a la enseñanza d’idiomes estranxeros nes escueles primaries alcuéntrase perbaxo del 10% del horariu llectivu total, menos en Bélxica (14%), Malta (15%) y Luxemburgo (39%). N’España, paez ablucante que’l tiempu mediu dedicáu la llingua estranxera en primaria seya sólo’l 6,5% del total. 24 de payares, 2008 0 FacebookTwitterPinterestEmail
Educación El Conceyu Universitariu pol Asturianu felicita a los miembros de la Xunta de Facultá de Filoloxía by asturnet 21 de payares, 2008 El Conceyu Universitariu pol Asturianu (CUPA), declaró al traviés dun comunicáu a los medios que gracies a la decisión de la Xunta de Facultá de Filoloxía dintroducir lasturianu dientro de los estudios reglaos lasturianu va tar per primer vegada como materia dafechu oficial na Universidá dUviéu, lo que consideren un pasu hestóricu pal idioma. Feliciten los miembros del CUPA a los miembros desta Xunta de Facultá pola so responsabilidá y consensu a la hora del votu y recueren questi cambiu dexa abierta la posibilidá de que la propia demanda del enseñu d’asturianu na Universidá, convierta’l ‘minor’ nun ‘maior’ nun futuru. 21 de payares, 2008 0 FacebookTwitterPinterestEmail
Educación La Xunta pola Defensa de la Llingua Asturiana ve nel minor un estatus marxinal by asturnet 21 de payares, 2008 Dempués de l’aprobación de la propuesta de Minor d’asturianu na Xunta de la Facultá de Filoloxía, la Xunta pola Defensa de la Llingua Asturiana caltién la crítica a la solución adoptada, que ye pa la organización “claramente insuficiente, porque caltién a la llingua asturiana nun estatus marxinal, en comparanza col rangu qu’ocupen el restu llingües con estudios reglaos de filoloxía”. La organización afirmó que “nun existen razones técniques que lleven a esta solución de compromisu”. “Nel ámbitu universitariu nun esiste alderique sobre la esistencia como tal de la llingua asturiana, esiste cuerpu de profesores abondo pa entamar una titulación propia de grau y esiste demanda d’estudiantes, mui superior a la que tienen la mayoría de los títulos de grau esistentes nesti momentu na Facultá de Filoloxía”. 21 de payares, 2008 0 FacebookTwitterPinterestEmail
Educación Les Universidaes del G9 quieren ufrir títulos conxuntos pa “fomentar la movilidá” by asturnet 21 de payares, 2008 Les universidaes españoles que formen parte del G9, ente les que figura la Universidá d’Uviéu xunta la mayoría de les Universidaes de rexones uniprovinciales, tan estudiando la posibilidá d’espedir títulos conxuntos cola idea de “fomentar la movilidá” de los estudiantes. La noticia diola’l rector de la Universidá d’Estremadura (UEx), Juan Francisco Duque, tres de l’Asamblea Xeneral de Rectores del G-p que se celebrara nesa Universidá. Al alcuentru del G9 asistieron amás del presidente y rector de la UEx, Juan Francisco Duque Carrillo, el rector de la Universidá Uviéu, Vicente Gotor; el de la Universidá de Cantabria, Federico Gutiérrez-Solana Salcedo; el de la Universidá de Castiella La Mancha, Ernesto Martínez, la rectora de la Univesitat d’Illes Balears, Montserrat Casas Ametller; el rector de la Universidá de la Rioxa, José María Martínez de Pisón Cavero; el rector de la Universidá del País Vascu; Juan Ignacio Pérez Iglesias, el rector de la Universidá Pública de Navarra, Julio Lafuente López; el rector de la Universidá de Zaragoza, Manuel José López Pérez, y el secretariu xeneral del G9, Jorge Martínez Castro. 21 de payares, 2008 0 FacebookTwitterPinterestEmail
Comunicación Los Cursos de Branu de l’Academia n’Ibias protagonicen la emisión de Nós esti sábadu a les 12 na TPA by asturnet 20 de payares, 2008 Los cursos de branu de l’Academia de la Llingua que se celebraron nesti mes d’agostu nel conceyu d’Ibias van ser los protagonistes del programa d’esti sábadu de “Nos” na TPA, que s’emite un pocu depués de les 12 de la mañana. El programa percorre les instalaciones del Colexu de Santantolín onde se desendolquen los cursos y fala con profesores y estudiantes de los estremaos cursos que s’imparten. La segunda entrega d’esta temporada, qu’entamó’l primer sábadu de Payares n’Ibias, componse de 30 capítulos de 10 minutos de duración caún realizaos íntegramente n’asturiano. L’espaciu algamó na primer temporada, nel periodu xineru-mayu de 2008, una cuota media del 8,2%, que supera en cásique un puntu al promediu actual de la cadena, un 7,4%, según datos facilitaos por Taylor Nelson Sofres (TNS). Nos emitiráse tamién pol satélite Hispasat pal restu d’España, Europa y América y por Internet para tol mundiu al traviés de la so web www.rtpa.es. 20 de payares, 2008 0 FacebookTwitterPinterestEmail
Educación L’enseñu universitariu del asturianu vivió güei una votación hestórica na Facultá de Filoloxía by asturnet 20 de payares, 2008 La Facultá de Filoloxía de la Universidá d’Uviéu celebro güei una Xunta de Facultá na que se dedicio’l futuru del asitiamientu del asturianu nel Espaciu Européu d’Educación Superior. Les distintes sensibilidaes de la facultá votaron favoratiblemente la propuesta presentada pol Decanu José Antonio Martínez p’asitiar al asturianu nes enseñances reglaes al traviés d’un ‘minor’ y nun dieron de pasu la propuesta del profesor Félix Fernández de Castro que quier que la enseñanza del asturianu nun tenga presencia nos planes futuros. Sobre’l casu son numberoses les persones y colectivos que se vienen posicionando. El Rector, Vicente Gotor, que nomó al actual decanu yera favoratible a la propuesta del mesmu, como tamién lo son los profesores del Seminariu de Filoloxía Asturiana qu’apoyaben la propuesta “ensin reserves” y el Conceyu Universitariu pol Asturianu, que puntualizó “preferir un ‘maior'” pero que ve nel ‘minor’ “un pasu hestóricu”. D’otra banda tán la posición de la Xunta Moza qu’esixe un ‘maior’, que según pudo saber la redacción d’Asturnews nun ta énte les propuestes presentaes pa la Xunta de Facultá de güei xueves. Nesti sen espresóse tamién la ex Decana Ana Mª Cano, que dimitió dempués de ver refugada la so propuesta de ‘maior’ enantes del branu y que nun presentó nenguna propuesta formal. Sicasí, la votación foi positiva pal ‘minor’ d’asturianu, pero nun va ser entovía definitiva, porqu’esti títulu ha pasar pel órganu correspondiente asitiáu en Madrid y encargáu de da-y el preste a estes propuestes feches dende les universidaes de tol estáu. 20 de payares, 2008 0 FacebookTwitterPinterestEmail
Educación Los oxetores a Educación pa la Ciudadanía presenten n’Asturies namái que 40 recursos de los 1562 de toa España by asturnet 20 de payares, 2008 Los oxetores a l’asignatura d’Educación pa la Ciudadanía y los Derechos Humanos (EpC) presentaron n’Asturies 40 recursos xudiciales frente a los 362 que se presentaran en navvarra, la comunidá autónoma con mayor rempuesta al enfotu de dellos partíos como’l PP y asociaciones cíviques averaes a la derecha por finar cola asignatura. Según un estudiu realizáu pol Área Xurídica de l’asociación Profesionales pola Ética, presentáu en Madrid, tres de Castiella La Mancha ye con 334 recursos la que recueye más actividá nesti sen, seguida por Castiella y Llión (251), Andalucía (180) y la Comunidá Valencia (178). Les comunidaes onde menos recursos se presentaron foron Cataluña (13), Baleares (11) y Estremadura (4)y Madrid y País Vascu onde nun se presentó dengún. 20 de payares, 2008 0 FacebookTwitterPinterestEmail