Lliteratura Certame lliterariu sobre la gastronomía llionesa en llingua asturiana by asturnet 18 d'avientu, 2006 L’Asociación Gastronómica Rexón Llionesa pal Bon Xantar convoca la primer edición del so Premiu lliterariu “Jaime Andrés”. El certame ta abiertu a toles persones que tean interesaes en presentar los sos trabayos lliterarios en llingua asturiana sobre la gastronomía de la comunidá vecina. El xuráu del certame premiará con 600 a la meyor obra presentada. L’Asociación Gastronómica Rexón Llionesa pal Bon Xantar nació na primavera de 2005. Ta compuesta por un grupu de llioneses, d’estremaos ámbitos y orixe que s’axunten alredor de los Productos de Llión. Dende 2006 la entidá tien un alcuerdu con Caxa España na qu’axunten los ámbitos gastronómicu y llingüísticu plasmaos nesti certame. 18 d'avientu, 2006 0 FacebookTwitterPinterestEmail
Lliteratura Xulio Arbesú y Dolfo Camilo Camilo Díaz ganen el XXVII premiu Maria Xosefa Xovellanos by asturnet 15 d'avientu, 2006 Emilio Arbesú, cola obra El pisu d’enriba, y Dolfo Camilo Díaz, coon Imago, ganaron el XXVII premiu María Xosefa Xovellanos de narrativa, qu’añalmente convoca la Conseyería de Cultura. El premiu Xuán María Acebal de poesía quedó ermu, anque’l xuráu ficiere una mención específica al poemariu Culpa de la lluz. El pisu d’enriba, de Xulio Arbesú ye una narración cuntada dende la perspectiva d’una muyer que tien la fin d’acabar col ruidu de los vecinos. Imago, de Dolfo Camilo Díaz ye una obra coral na que s’entemecen dos histories que desenvuelven un “thriller” que busca la satisafacción del llector. Nel actu d’entrega presentáu por Carlos Madera, Director Xeneral de Promoción Cultural y Política Llingüística y Ramón d’Andrés, Xefe de la Oficina de Política Llingüística, fízose un repasu a les diferentes inicitives que dende’l Gobiernu asturianu se veníen adoptando cola de fin de promover la edición de llibros n’asturianu. Ramón d’Andrés contabilizó la producción lliteraria en llingua asturiana nunos 100 exemplares añales “que coles subvenciones de la Conseyería alcuéntrase nes estanteríes de les llibreríes. Carlos Madera retórico sobre “si ye posible salvar la llingua sólo col cultivu lliterariu” entruga a la que s’autorespondió con un contundente “non” anque precisando “que ye una bona ferramienta pa la normalización social. El Director Xeneral afirmó que la lliteratura n’asturianu vive anguaño una “edá de plata dao que la edá d’oru ta entá por llegar” Ramón d’Andrés dio anuncia de que la próxima Selmana de les Lletres Asturianes tendrá como temática central a la Narrativa. Asina mesmo’l Xefe de Política Llingüística faló sobre la próxima recuperación del Premiu d’ensayu Máximo Fuertes Acevedo de cara al 2007. 15 d'avientu, 2006 0 FacebookTwitterPinterestEmail
Lliteratura Ian Gibson va falar n’Uviéu sobre Antonio Machado by asturnet 13 d'avientu, 2006 L’asociación Tribuna Ciudadana, entama’l vienres 15 d’avientu a partir de les 20,00 hores nel Club de Prensa Asturiana, una conferencia sobre Antonio Machado titulada “Reflexones pa depués d’una biografía”. La conferencia desenvolverála l’hispanista irlandés Ian Gibson, que vien d’asoleyar el so últimu llibru “Ligero de equipaje”, una biografía del poeta andaluz Antonio Machado. Ligero de equipaje ye un llibru nel qu’amás de desarrollase la biografía d’Antonio Machado cuéntase la vida de la sociedá que-y tocó al poeta andaluz. N’elli Gibson continua emplegando un estilu directu que fai qu’el llector s’enganche dende l’entamu al final. 13 d'avientu, 2006 0 FacebookTwitterPinterestEmail
Lliteratura Ámbitu presenta la so colección de narrativa asturiana by asturnet 13 d'avientu, 2006 La editorial Ámbitu va presentar, el xueves 14 d’avientu a partir de les 19,30 nel Foru de la FNAC, la segunda tanda de la so colección de Narrativa Asturiana. Nesta colección participen los autores Xuan Bello, Ana Vanessa Gutiérrez, Miguel Rojo, Pablo Texón, Ramón Lluís Bande y Henrique G. Facuriella. Los llibros que componen esta colección sonta “La Cueva del olvidu” de Xuan Bello, “Les palabres que te mando” d’Ana Vanessa Gutiérrez, “Cuentos pa un Turista Blancu” de Miguel Rojo, “Catedral” de Pablo Texón, “La muerte de los árboles” de Ramón Lluís Bande y “Los fieles de Maalena” d’Henrique G. Facuriella. Ámbitu apuesta pola lliteratura cotemporánea n’asturianu na segunda tanda de la so colección de narrativa 13 d'avientu, 2006 0 FacebookTwitterPinterestEmail
Lliteratura Esther López asoleya un llibru de relatos na variedá occidental del asturianu by asturnet 13 d'avientu, 2006 La escritora y acadámica Esther Lopez va presentar un llibru de relatos escritu n’asturianu occidental embaxo’l títulu “Historia de vida ya señas de muerte”, espulizáu por Madú ediciones. El llibru de la escritora de Valdés presentaráse nel IES “La Deva” de Piedras Blancas el próximu 18 d’avientu a partir de les 19,45 hores. Xunta l’autora tará’l tamién académicu Roberto González Quevedo. El llibru ye mece rellatos de vides reales y inventaes centráu nun fondu cultural de creencies, tradiciones y mitos acerca de la muerte, que s’analiza dende la historia de les rellaciones humanes de temática amorosa o fantástica y rellatos de la muerte y de duelu nos que s’albidren les señes del otru mundu, siempre con un tastu de tristura y señaldá. Esther López ye autora de “Didáutica y Investigación sobre llingua y cultura asturianes: llingua asturiana y praútica simulativa na EXB” amás ye la coautora de los materiales didácticos “Cuelbre” empobináu a la educación primaria y del llibru d’asturianu pa ESO Rede 1. Ente los sos trabayos lliterarios destaquen L.luribaga y Tiempu d’iviernu. Ediciones Madú 13 d'avientu, 2006 0 FacebookTwitterPinterestEmail
Lliteratura Pablo Rodríguez Medina y Pablo Texón ganen el premiu “Teodoro Cuesta” by asturnet 12 d'avientu, 2006 El xuráu del prestixosu premiu de poesía “Teodoro Cuesta” anunció les obres ganadores de la edición de 2006. Pablo Rodríguez Medina y Pablo Texón algamaron ex-aequo esti premiu de poesía qu’añalmente convoca’l conceyu de Mieres n’alcordanza de Teodoro Cuesta. Los poemarios presentaos fueron “Aires de mudanza” de Pablo Rodríguez Medina y “La culpa y la lluz” de Pablo Texón. El xuráu de la edición de 2006 taba compuestu por Vicente García Oliva y Xuan Santori, l’editor Antón García, el ganador de la última edición Pablo Rodríguez Alonso y la encargada del serviciu de normalización de Mieres Paula Pulgar, la presidencia del xuráu correspondió-y a Ana González, conceyala de Cultura, y la secretaría a Ismael Arias. Nesta edición presentáronse a esta convocatoria, d’un premiu nel qu’el factor económicu pasa a un segundu planu pola relevancia y repercusión que tien algamada. La primer ganadora del Premiu Teodoro Cuesta fue la escritora Berta Piñán en 1991 col so llibru “Vida privada”. Dende entós autores como Lourdes Álvarez, Xuan Bello, Esther Prieto, Xuan Santori, Xabiero Cayarga, Ana Vanessa Gutiérrez, Marta Mori d’Arriba, Xelu Gutiérrez Morán o Pablo Rodríguez Alonso son dalgunos de los ganadores d’esti premiu. 12 d'avientu, 2006 0 FacebookTwitterPinterestEmail
Lliteratura L’Academia de la Llingua Asturiana publica “Cartes a Xovellanos” by asturnet 5 d'avientu, 2006 L’Academia de la Llingua Asturiana presentó el llibru “Cartes a Xovellanos” nel que se recueyen les comunicaciones de Pedro Manuel Valdés Llanos, col nomatu de Theresina del Rosal, col ilustráu Gaspar Melchor de Xovellanos demientres los sos periodos de prisión. Les cartes redactaes n’asturianu cola fin de burllar la vixilancia y censura carcelaria. Los asuntos trataos nesta correspondencia aborden asuntos que van dende la historia, la creación del Institutu o la mesma invasión francesa del país. Les 12 cartes recoyíes na edición de l’Academia de la Llingua reproducen les editaes nel sieglu XIX por Xulio Somoza nel llibru “Cosiquines de la mio Quintana” y que depués Miguel Caso González incluyera nos tomos cuatro y cinco de les “Obres Completes de Xovellanos”. El periodu abarcáu por esta correspondencia ye dende 1804 hasta 1811, nel que incluyen los dos tiempos de prisión del insigne asturianu que dexara les bases del estudiu y promoción de la llingua asturiana. Editáu pola Academia na seronda de 2006 “Cartes a Xovellanos” ye’l númberu 60 de la colección Llibrería Facsimilar de l’Academia de la Llingua. 5 d'avientu, 2006 0 FacebookTwitterPinterestEmail
Lliteratura Pablo Rodríguez Alonso presenta “La lluz del Nordés” na Casa Posafuelles by asturnet 28 de payares, 2006 L’escritor xixones Pablo Rodríguez Alonso va presentar esti martes, a partir de les 20,00 hores, el so llibru “La lluz del Nordés”. Nel actu de presentación participará la escritora Ana Vanessa Gutiérrez, que fadrá la presentación de Pablo Rodríguez Alonso. El poemariu que presenta Pablo Rodríguez Alonso algamó’l Premiu “Teodoro Cuesta” na convocatoria de 2005. 28 de payares, 2006 0 FacebookTwitterPinterestEmail
Lliteratura Llucía Fernández Marqués gana’l Premiu Los Bilordios de Pinón by asturnet 28 de payares, 2006 La xixonesa Llucía Fernández Marqués ganó esta fin de selmana el primer premiu del Certame Los Bilordios de Pinón, qu’entrega añalmente l’Asociación de Vecinos de Sograndio (Uviéu), cola so obra “Dende lo escuro”. Llucía Fernández algamó tamién el primer premiu nel II Concursu de Rellatos Curtios del Ayuntamientu de Cangas pol so trabayu “Aida, neña escaecida”. La escritora xixonesa tien, amás, asoleyáu un llibru de lliteratura infantil tituláu “Grandelina” y otru p’adultos tituláu “Boravenos”. 28 de payares, 2006 0 FacebookTwitterPinterestEmail
Lliteratura Entregáronse los premios lliterarios Muyer y participación organizaos pol Conceyu de Siero. by asturnet 27 de payares, 2006 LAlcalde de Siero, Juan José Corrales, entregó los premios nun actu coles muyeres de toles asociaciones del conceyu de Siero nel salón dactos de la Casa Cultura de La Pola esti vienres 24 a la una y media la tarde. Nel actu tuvieron presentes les conceyales de tolos partíos que tienes representación na Casa Conceyu de Siero. Inaciu Galán y González algamól primer premiu del Concursu de Rellatu Curtiu nasturianu pol cuentu Suañar en tiempu de guerra y Mar Cueto Aller un accesit por Los llibros cola fueya en blancu. En cuantes al I Concursu de poesía en castellán, Nieves Álvare< Martín ganól primer premiu por Con A de mujer y Delfina Orviz Pandiella recibió un accesit pol poemariu Alas Cortadas. 27 de payares, 2006 0 FacebookTwitterPinterestEmail