Música Los sones más monteses y combativos xúntense nel Festival Puelles Rock by asturnet 21 de setiembre, 2005 El llugar de Puelles acueye esti viernes 23 un festival de rock nel que participen siete bandes asturianes y una vasca col apueste polos sones más contundentes y combativos como elementu en común. Skama la Rede, La Tarrancha, Sikarios, Kuarentena, Kema Guaje, Desorden, Ásperos y Kaskarreko formen el cartelu del Puelles Rock. La cita ye dende les 20,30 d’esti viernes en delantre con entrada de baldre pa la xente que se desplace hasta esti llugar asitiáu xunta’l Concentu de Valdediós y a siete kilómetros de La Villa. La organización del festivla tien preparada una fastera d’acampada y otra d’aparcamientu nes inmediaciones del prau onde se celebra’l festival. Tamién va haber serviciu d’autobuses dende la capital del conceyu maliayés pa esta, una de les últimes atopaes musicales al aire llibre de la temporada. 21 de setiembre, 2005 0 FacebookTwitterPinterestEmail
Música Trashtornados esti sábadu na Fnac by asturnet 21 de setiembre, 2005 La formación mierense Trashtornados, qu’amesta los sones del swing colos del jazz, actúa esti sábadu día 24 de setiembre a les ocho y media la tarde na Fnac de Parque Principado. El quintetu lideráu pol cantante y guitarrista Bobby González (ex Los Coronados) acaba de sacar el so primer trabayu discográficu, ‘Cool Bop!’, nel qu’inclúin una versión del clásicu del wing ‘Bye, bye blues’, de Louis Armstrong. Esta banda, que lleva más de dos años n’activu y que ta formada por ocho músicos de llarga trayectoria profesional en diferentes formaciones, ta volviendose una de les propuestes musicales más sorprendentes y reveladores del panorama musical español. 21 de setiembre, 2005 0 FacebookTwitterPinterestEmail
Música Amazing Grace presenten en directo les sos nueves canciones by asturnet 16 de setiembre, 2005 La banda Amazing Grace actúa esti sábadu 17 de setiembre a les 20.30 hores nel Forum de Fnac-Parque Principado pa presentar en directo les sos nueves canciones. El quintetu xixonés va tocar los temes conteníos nuna maqueta na que colaboraron músicos como Xabel Vegas (Manta Ray) o Pedro Vixil (Edwin Moses, Pedro Pereira). Amazing Grace ye una banda xixonesa d’orientación post-rock e influenciada por formaciones que van dende la electrónica al pop como Sigur Rós, Radiohead o Spiritualized. Les sos lletres comprometíes y atrevíes critiquen la perda d’identidá del individu na sociedá actual. Actuaron n’ Asturies y nel festival francés Tremplin Rock, onde’l quintetu tuvo tocando los temes de la so primer maqueta. 16 de setiembre, 2005 0 FacebookTwitterPinterestEmail
Música Gwendal y Llan de Cubel actúen na Nueche Celta de San Mateo by asturnet 15 de setiembre, 2005 Gwendal, la mítica banda bretona que fundó xunta Alan Stivel el movimientu de la Música Celta de los setenta, vuelve a tocar n’Asturies con nueva formación y discu nuevu. La cita ye esta nueche na Plaza la Catedral dientro los conciertos de San Mateo. Como compañeros de cartelu, los asturianos Llan de Cubel ya Iñaqui Santianes. El grupu fundáu a mediaos de los años setenta por Youenn Le Berre y Jean Marie Renard llega a Uviéu casi tres décades después de la so primer actuación n’Asturies, en 1979, y failo col so últimu trabayu discográficu: “War-Raog” (Alantre). Ye’l nuevu discu de Gwendal darréu de siete años de silenciu. Nel conciertu d’esta nueche n’Uviéu la banda bretona preséntase con nueva formación, de la que namás Le Berre, el líder del grupu, queda de la primera formación. La cita ye a les 21,30 na Plaza la Catedral. 15 de setiembre, 2005 0 FacebookTwitterPinterestEmail
Música Skama la Rede presenta’l so discu “La Nuesa Hestoria” en Fnac by asturnet 14 de setiembre, 2005 El grupu Skama la Rede va presentar esti viernes a les 20:30 horas nel Forum de la Fnac el so discu d’estrana de debut, “La Nuesa Hestoria” (L’Aguañaz, 2005). La banda gozoniega va tocar en directo los temss d’esti primer trabayu que dende la so edición ta recibiendo una perbona acoyida. Skama La Rede ta compuestu por cinco candasinos, un lluanquín y un llionés afincáu nel conceyu de Carreño-. El so discu de debú “La Nuesa Hestoria” ta grabáu nos Estudios TUTU de Corvera, embaxo la dirección y producción musical de Sergio Rodríguez y con Paco Martínez como téunicu de soníu. El Cd enxerta doce cantares nos que’l grupu amiesta no musical soníos como’l ska, el punk-rock, el reagge o el rap-metal con lletres n’asturianu que falen de la realidá política y social d’Asturies y del mundiu. Ñacíos n’ochobre del 2003, Skama La Rede asoleyó la maqueta “Hestories Absurdes” de la que vendieron 300 copies y tienen compartío escenariu con grupos de la talla de Skalariak, Habeas Corpus, Dixebra o Felpeyu, amás de tocar en cites importantes como’l Conciertu pola Oficialidá, nel Homenaxe a la Revolución d’Ochobre 1934 o na Nueche Celta de Candás. Skama La Rede tá formáu por: Míguel Fernandi (Voz); Eduardo Fernández (Guitarra y Coros); David Suárez (baxu y coros); Sergio Fernández (teclaos y coros); José Ángele Rodríguez “Llou” (Batería); Kike Prendes (gaita) y José Serrano (trompeta). 14 de setiembre, 2005 0 FacebookTwitterPinterestEmail
Música Dark la eMe presenta’l so nuevu single “Un asturiano en Madrid” by asturnet 12 de setiembre, 2005 El raperu Dark la eMe presenta esti miércoles 14 en Fnac el so primer single “Un asturiano en Madrid” con una actuación n’acústicu. El músicu actúa al día siguiente na Plaza la Catedral d’Uviéu na Nueche Hip Hop de San Matéu. La versión rapera y llibre del “Englishman in New York” de Sting que fala de la periperia vital de los ASMA acompáñase nel maxi-single de Dark la eMe d’otros dos temes: “No quiero ser como vosotros” y “40 grados”. El músicu asturianu va presentar el so trabayu discográficu con un conciertu de Hip Hop desenchufáu, acompañándose namás de pianu, flauta y percusión. La cita ye a les 20.00 hores d’esti miércoles 14 nel Foru Cultura de Fnac. 12 de setiembre, 2005 0 FacebookTwitterPinterestEmail
Música Escomenzaron nel Teatru Xovellanos los ensayos de la ópera Pelagio by asturnet 4 de setiembre, 2005 Los ensayos pa la puesta n’escena de la ópera Pelagio del compositor napolitanu Saverio Mercadante escomenzaron esti fin de selmana nel Teatru Xovellanos. El coliséu xixonés acueye esti viernes 9 l’estrenu n’Àsturies d’una obra que nun se representaba dende’l so debú en 1880. El barítonu Carlos Álvarez, la soprano Tatiana Anisimova y el tenor Alejandro Roy son les voces principales d’esta ópera na que se cuenten les desventures d’una fía furtiada del Rei Pelayu casada col rei musulmanu que-y arrampló’l tronu. La Orquesta Sinfónica del Principáu d’Asturies (OSPA) y la Coral Polifónica Xixonesa acompañarán a los intérpretes solistes nel so estrenu del Teatru Xovellanos, coincidiendo colos actos de celebración del 8 Setiembre y del venticincu aniversariu de la Fundación Príncipe d’Asturies. La ópera Pelagio de Saverio Merdacante estrenóse nel teatru San Carlo de Nápoles en 1857, dende entós nunca más volviera representase. El músicu xixonés Mariano Rivas rescató la partitura apocayá nel Teatru Liceu de Barcelona por suxerencia del catalán Jaume Tribó. El Teatru Xovellanos asumió la producción del montaxe que va estrenase el viernes 9 de setiembre. 4 de setiembre, 2005 0 FacebookTwitterPinterestEmail
Música Vilanova d’Ozcos celebra esti fin de selmana el so I Festival Celta by asturnet 31 d'agostu, 2005 Vilanova d’Ozcos celebra esti fin de selmana el so primer Festival Celta, dos díes dedicaos a la música folk en vivo nos que tamién va entamase un mercáu artesanal y una sardinada de baldre. Tres grupos asturianos y ún gallegu formen el cartelu del festival. Les actuaciones escomiencen esti viernes 2 a les nueve la nueche col grupu Cádava y darréu van subir al escenariu Llan de Cubel. El sánadu 3 los primeros n’actuar van ser los gallegos Gaita de Pedra y los asturianos Gueta na Fonte los que pongan remate a la nueche celta. L’Ayuntamientu de Vilanova d’Ozcos tien dispuesta una zona d’acampada pa los visitantes qu’acudan al feetival con capacidá pa cerca de cien persones. 31 d'agostu, 2005 0 FacebookTwitterPinterestEmail
Música Emepetreses, el primer discu de Pablo Moro by asturnet 30 d'agostu, 2005 L’uvieín Pablo Moro saca’l so primer discu’l prósimu 13 de setiembre, coincidiendo coles fiestes de San Mateu. ‘Emepetreses’ ta producíu por David Ferrero y cuenta cola collaboración nún de los temes de Melendi, col que va tocar el día 20 n’Uvieu. El primer single, que yá tien rodáu’l videoclip promocional, ye ‘Álbumes de fotos’, que va servir como presentación del esperáu trabayu de Moro, conocíu poles sos actuaciones en diferentes locales asturianos y les sos colaboraciones radiofóniques. El día 20 de setiembre, Pablo Moro va tar actuando nes fiestes de San Mateu como teloneru de Melendi, nes pistes de San Llázaro, que participa nuna de les canciones del discu. Web oficial de Pablo Moro 30 d'agostu, 2005 0 FacebookTwitterPinterestEmail
Música La Banda de Gaites de Corvera viaxa a Benidorm y a la República Dominicana by asturnet 30 d'agostu, 2005 La Banda de Gaites de Corvera va desplazase ente los díes 16 y 23 del prósimu mes de payares hasta la República Dominicana, onde va tocar nuna fiesta entamada pol centru asturianu antillanu. Nel repertoriu que van interpretar tienen previsto incluir temes tradicionales y composiciones propies, asina como pieces tradicionales del país. A lo llargo del añu 2005 la banda corverana viaxó per diferentes puntos fuera d’Asturies, como Gibraltar y Benidorm, anque l’actuación más importante del grupu foi probablemente la que dio en Nueva York, onde’l pasáu mes de marzu participó nel tradicional desfile de San Patricio, llevando’l reconocimientu de meyor banda estranxera. Enantes de marchar pa la República Dominicana, tienen previsto viaxar a Benidorm los díes 10 y 11 de setiembre pa colaborar nes fiestes preparaes pa la celebración del Día d’Asturies. 30 d'agostu, 2005 0 FacebookTwitterPinterestEmail