Educación El Colexu Públicu Laviada de Xixón prepara “Suaños na mar”, un espectáculu-homenaxe a Nacho Fonseca by asturnet 21 d'abril, 2008 El Centru Municipal de Pumarin Xixón-Sur, en Xixón, va acoyer el 7 de mayu la celebración de la Selmana de les Lletres Asturianes del Colexu Públicu Laviada, un actu nel que los protagonistes van ser dun llau los neños y neñes de llingua asturiana de la nuesa escuela y pel otru, Nacho Fonseca, el creador del grupu musical pa neños Xentiquina y que lleva per títulu Suaños na mar. Con esti actu, el Laviada quier facer un homenaxe al so llabor en favor de la nuesa llingua, un trabayu qu enxamás sescaecerá. Un trabayu col que disfrutamos una llarga riestra de xeneraciones descolinos asturianos. Lactu ye de llibre asistencia, anque encamiente acutar plaza pa dalgunu de los dos pases, que van facese a les seis y a les siete la tarde. Lespectáculu va entamar con una esbilla de poemes, pa siguir darréu cola entregada del galardón Estrelli na mar 2008 a Nacho Fonseca. La representación de Suaños na mar ta basada nun testu de Beatriz González, María XesúsPrieto y Xosé Lluis Remis Cancios y la música de Nacho Fonseca. 21 d'abril, 2008 0 FacebookTwitterPinterestEmail
Fiestes Felpeyu, Michael McGoldrick, La Bandina y Dervish van tocar na Folixa na primavera de Mieres by asturnet 17 d'abril, 2008 Mieres va acoyer un piñu de conciertos y actuaciones de folk durante la cellebración de la Folixa na Primavera dende’l prósimu vienres 18 d’abril. La Bandina, Michael McGoldrick Band, Felpeyu, Dervish van ser dalgunes de les atracciones pa esti añu. Amás, el programa de festeyos va tar completáu cola participación de la banda gaites Mieres del Camín, festival de tonada y baille. Tolos conciertos van entamar a les 13:00 hores y la entrada ye de baldre. 17 d'abril, 2008 0 FacebookTwitterPinterestEmail
Educación Paz Andrés esíxe-y a Vicente Gotor que nun prive a la comunidá d’un debate públicu by asturnet 17 d'abril, 2008 Paz Andres pidio-y esta mañana en rueda de prensa a Vicente Gotor, l’otru candidatu al Rectoráu de la Universidá, la cellebración d’un debate públicu, nun local de la Universidá y que cunte cola presencia de los medios de comunicación. La candidata llamentó, una vegada más, que nun se cellebrara alderique dalgún durante la primer vuelta y reconoció que la so propuesta al respectu foi refugada por Gotor, col argumentu de que yera dalgo que nun reclamaba la comunidá universitaria a estes altures de les eleiciones. “Esti ye’l momentu de subsanar esta ausencia d’alderique. Yo siento que la comunidá universitaria reclama la cellebración de debates”, declaró Andres al tiempu que recordó qu’ella aceptó toles ufiertes de debate que-y propunxeron dende los distintos medios de comunicación de la rexón, al contrariu que Vicente Gotor que manifestó claramente la so negativa a esti tipu d’iniciatives. Según Paz Andres la non cellebración de debates quíta-y tresparencia a la campaña y rebaxa’l nivel democráticu de la mesma. “Ta robándose-y a la comunidá universitaria y a la sociedá asturiana un elementu de valoración importante”. Otramanera, la catedrática de Derechu anunció la so intención de nun retirase de la campaña como se dixo enantes de la cellebración de la rueda de prensa. Nesti sen, Paz Andres recordó que la normativa ellectoral esixe mayoría absoluta na primer vuelta pa ganar les eleiciones, estremu que nunse dio nesta ocasión, y por eso hai que dir a la segunda vuelta respetando la normativa vixente. “Tolos demás sumen más que la mayoría qu’haya algamao cualquier candidatu. La segunda vuelta colócanos nun nuevu escenariu onde la comunidá universitaria va tener que pronunciase ente dos persones”, sorayó Paz Andres al tiempu que manifestó’l so optimismu nesti nuevu tiempu de reflexón. 17 d'abril, 2008 0 FacebookTwitterPinterestEmail
Educación Rectores y ex rectores d’Asturies y Llión cellebren n’Uviéu el día de la Universidá de Llión by asturnet 16 d'abril, 2008 L’Aula Magna de la Universidá d’Uvieu acueye esti miercoles les cellebraciones el día de la Universidá de Llión. Nel alctu central, que va entamar a les 13:00 hores, van intervenir los rectores de les instituciones asturiana y llionesa, Juan Vázquez y Ángel Penas; l’ex Rector de la Universidá d’Uvieu, Teodoro López Cuesta; l’ ex-Rector de la Universidad de Llón, Miguel Cordero del Campillo; y Cesar Álvarez, ex Secretariu Xeneral del Colexu Universitariu de Llión. Otramenera, pela tarde, el profesor de la universidá llionesa Salvador Gutierrez va tar dando una conferencia sobre publicidad y propaganda titulada “Hacer hacer (la función del lenguaje en la publicidad y en la propaganda)” 16 d'abril, 2008 0 FacebookTwitterPinterestEmail
Educación Entamen nel Antiguu Institutu Xovellanos de Xixón les primeres Xornaes Llingua y Educación by asturnet 4 d'abril, 2008 Güei entamen en Xixón les actividaes destes xornaes a les 16:30 hores, cuando va falase de Los drechos llingüísticos nel marcu européu y nel Estáu español. Nesta mesa van participar Leopoldo Tolivar (catedráticu de Derechu Alministrativu), José Manuel Pérez (profesor de Derechu Alministrativu), Eva Pons (profesora de Derechu Constitucional, Cataluña) y José Manuel Urroz (maestru dEuskera, Navarra). La segunda mesa redonda, a les seis y media la tarde, va tratar Los axentes sociales y la defensa de los derechos llingüísticos. Van participar Xosé Miguel Suárez (miembru de Xeira), Xuán Xosé Mariño (director de programación de Radio Sele), Lluismi Orviz (miembru de la Xunta pola Defensa de la Llingua Asturiana) y Beatriz R. Viado (directora del selmanariu Les Noticies). La xornada del sábadu va tar ocupada pela mañana por tres meses redondes, mientres que pela tarde va ser el momentu pa les esperiencies práctiques. A les 9:30 va tratasel tema Política Llingüística y educación nuna mesa onde van tar Urbano Rodríguez (director del C. P. Jacinto Benavente), José Luis del Río (abogáu, representante del Aconceyamiento de Xuristes pol Asturianu), Emilio Imsua (profesor de Llingua y Lliteratura Gallega) y Juliá-Vicent Rey (responsable de Política Llingüística, Valencia). A les 10:45, na mesa sobre «La formación del profesoráu nAsturies» van tar Xosé Antón González Riaño (vicedecanu de la Facultá de Pedagoxía y miembru de lAcademia de la Llingua Asturiana), Ana Isabel Álvarez (subdirectora de la Escuela de Maxisteriu) y Carlos Lomas (responsable de sociollingüística del CPR de Xixón). La sesión de la mañana va acabar cola mesa redonda La formación del profesoráu nos sistemes educativos con llingua vernácula oficial con Emilio Insua, Eva Pons, Juliá-Vicente Rey y José Manuel Urroz. La tarde del sábadu va abrise a les cuatro la tarde pa falar de les esperiencies educatives en Primaria, cola participación de Xuan Nel Rodríguez (C. P. Fozaneldi), Ánxel Álvarez (maestru xubiláu), Aitor Etxarte (Ikastola Hegoalde) y Angélica Fernández (CRA Occidente). A les 18:30 hores va tratase de les esperiencies en Secundaria. Los encargaos van ser M.ª Xosé Rodríguez (Oficina de la Llingua de Xixón), Bertu Cobreros (IES de Xixón), Lluis Gabriel Antuña, M.ª Rodríguez (IES Sotrondio) y Luisa Vayes (C. P. El Parque), y Luis Miguel Álvarez (Federación de Xuegos y Deportes Tradicionales). 4 d'abril, 2008 0 FacebookTwitterPinterestEmail
Educación Los candidatos al Rectoráu van participar nuna mesa redonda sobre universidá y cooperación internacional by asturnet 3 d'abril, 2008 Col entamu de la carrera pa suceder a Juan Vázquez al frente de la Universidá d’Uvieu, lo candidatos van participar nuna mesa redonda sobre cooperación internacional,l esti xueves 3 d’Abril nel Salón de Actos de la Facultá de Ciencies de la Educación. Nel alderique, que tien prevista la hora d’entamu pa les 19:00 hores y va ser el platu central d’esta segunda xornada, van participar los cuatro aspirantes a Rector: Paz Andres, Antonio Cueto, Santos González y Vicente Gotor. Les xornaes tan organizaes pol grupu d’estudiantes Pachakuti de la Universidá d’Uvieu, la Coordinadora d’ONG del Principáu ya’l Conseyu de la Mocedá d’Asturies, en collaboración cola propia Universidá. Durante los dos días van analizase dellos aspeutos tocantes a les polítiques de cooperación, los problemes de desigualdá Norte-Sur, o el trabayu de les ONGD en rellación coles instituciones universitaries. 3 d'abril, 2008 0 FacebookTwitterPinterestEmail
Educación Paz Andrés va presentar oficialmente la so campaña na Facultá de Derechu by asturnet 1 d'abril, 2008 Esti martes 1 d’abril va entamar, col lema “Ganar el futuru de nueso” la campaña electoral de Paz Andres al Rectoráu de la Universidá d’Uvieu. La candidata va entamar oficialmente los actos de campaña nun actu nel Aula Magna de la Facultá de Derechu d’Uvieu. Andres tamien va visitar, nesta primer xornada nel camín al rectoráu, los centros de Filoloxía española, a les 10:00 hores; de Filoloxía Anglogermánica y Francesa, a les 11:00 y Departamento de Ingeniería Electrica del Cámpus de Viesques (Xixón). Andres anunció, dende’l día nel que presentó la so candidatura, unes intenciones clares de trabayar p’afitar el compromisu de la Universidá cola llingua y la cultura asturiana. Ente les sos promeses pal futuru tan les de iguar un plan de normalización, les de collaborar activamente cola Academia de la Llingua y la de fomentar los estudios n’asturianu.Una de les sos últimes iniciatives ye la d’ufrir na so web, el programa electoral que va desplicar a la comunidá universitaria nes prósimes feches en llingua asturiana. 1 d'abril, 2008 0 FacebookTwitterPinterestEmail
Educación Vicente Gotor comprométese a trabayar pola normalización del asturianu na Universidá by asturnet 1 d'abril, 2008 “Voy mantener lo que firme haz cuatro años”. El candidatu a Rector Vicente Gotor quiso dexar afitao durante l’actu d’entamu de la so campaña, que va cumplir colo que firmara nel so día cola Xunta Pola Defensa de la Llingua, pero d’aquel decálogu nun apaez un res nel so programa electoral. Nesti compromisu, Gotor prometió trabayar por la normalización de l’asturianu na máxima institución academica d’Asturies con una serie de compromisos como la creación d’un serviviu de normalización llingüísticu, establecer el billingüismu en tolo que cinca a la imaxen corporativa de la Universidá o la defensa de la llicenciatura de Filoloxía Asturiana y la titulación de Filoloxía Asturiana en Maxisteriu. Vicente Gotor entamó de manera oficial la so campaña con un actu nel Aula Magna del Edificiu Hestóricu de la Universidá n’Uvieu. Nesti actu, qu’escomenzó a les doce la mañana, el candidati desplico, por espaciu d’una hora los principales argumentos colos que opta al cargu. Gotor punxo especial atenció en destacar que los grandes oxetivos de la so candidatura van ser el algamar una Universidá integrada dafechu nel espaciu europeu, el fomentu de la investigación, la creación de nueves titulaciones, l’apuesta pola implantación d’un serviciu xurídicu eficaz y fomantar la collaboración y l’entendimientu colPrincipáu d’Asturies. 1 d'abril, 2008 0 FacebookTwitterPinterestEmail
Educación Paz Andrés presentó una campaña que recueye’l so compromisu pa cola llingua asturiana by asturnet 1 d'abril, 2008 Paz Andres entamó oficialmente la so campaña electoral, faciendo una apueste claru por fomentar el papel europeu ya internacional que la Universidá d’Uvieu tien que xugar, al so xuiciu, nel futuru. Según la candidata a Rector una de les meyores maneres de dexar afitao el calter global de la Universidá va ser la creación de titulaciones conxuntes. La única candidata, de los cuatro nel camín al Rectoráu, presentó ante una amplia representación de la comunidá universitaria les sos propuestes programátiques, nun primer actu de campaña que contó cola Facultá de Derechu d’Uvieu como escenariu. Nel programa de gobiernu col qu’Andres opta al cargu tien especial importancia la promoción del asturianu y de la cultura de nueso, ente otres iniciatives, amosando la so sensibilidá no que cinca al tema llingüísticu cola publicación del programa en formatu asturianu y castellanu. Paz Andres ya adelantare, dende l’anuncia de la so intención de presentase a estes eleciones, que diba trabayar por la normalización del asturianu na vida academica, al travies d’alcuardos cola Academia de la Llingua y otres instituciones, la potenciación de los estudios de Lingua Asturiana y la creación d’un plan de normalización. 1 d'abril, 2008 0 FacebookTwitterPinterestEmail
Educación Santos González propón convertir el serviciu de publicaciones en serviciu de normalización by asturnet 31 de marzu, 2008 El candidatu a Rector de la Universidá d’Uvieu anunció na presentación del so programa electoral, esta mañana nel Edificiu Hestóricu n’Uvieu, la intención de convertir el serviciu de publicaciones nuna ferramienta que promueva la cultura asturiana na Universidá. Estes intenciones queden afitaes por escritu, nel programa de Santos gonzález. “Va procedese a la so implantación nel desarrollu de la vida universitaria y, xunto cola Academia de la Llingua y la Facultá de Filoloxía, van ponese en marcha cuantes actividaes contribuyan a la normalización llingüíistica como precedente y impulsu al so desarrollu nel Nuevu Estatutu del Principáu d’Asturies”. La intención del candidatu ye qu’esti serviciu de normalizaciones cudie de que la llingua asturiana, y los sos falantes, nun sufra nenguna clas de tratu discriminatoriu na Universidá. Esto va valer tanto pa cuestiones rellacionaes cola propia espresión como pa tolo que cinca a la información universitaria y los trámites burocráticos. González fai l’apueste nel programa porque l’asturianu sía oxetu d’estudiu y d’eseñanza na Universidá. Otramanera, tamien anunció que’l portal web de la Universida va contar con una versión en llingua asturiana. 31 de marzu, 2008 0 FacebookTwitterPinterestEmail