Educación Los sindicatos de docentes sofiten la manifestación del vienres n’Uviéu by asturnet 8 de mayu, 2008 Los síndicatos de la enseñanza d’Asturies, SUATEA, FETE-UXT y la Federación d’Enseñanza de CCOO, anunciaron nun comunicáu el so sofitu a la manisfestación d’esti vienres n’Uvieu (Estación del Norte a les 19:00 hores), convocada pola Xunta Pola Defensa de la Llingua Asturiana pa pidir el reconocimientu de la oficialidá del asturianu nel prósimu estatu d’autonomía. Los sindicatos docentes quieren aprovechar la ocasión pa denunciar les carencies na escolarización de la llingua asturiana. Otramanera y al empar del espíritu de la manifestación, los sindicatos de la docencia asturiana piden la incorporación de l’asignatura de Llingua y la Cultura Asturiana nel currículu d’Infantil, tres que la Conseyería la suprimiera del curriculu; que s’eliminen les ratio mínimes en tolos niveles pa la constitución de grupos de Llingua Asturiana y Gallego Asturiano. y la creación de la Especialidá de Llingua Asturiana y Gallego-Asturiano pa la carrera docente. 8 de mayu, 2008 0 FacebookTwitterPinterestEmail
Educación Vicente Gotor promete trabayu y una collaboración lleal col Principáu by asturnet 8 de mayu, 2008 Vicente Gotor promete nun aforrar esfuercios p’algamar que la Universidá ocupe’l llugar que-y correspuende. El nuevi rector tomó posesión del cargu oficialmente nun actu nel que participaron el rector saliente Juan Vázquez y el Presidente del Principáu d’Asturies, Vicente Álvarez Areces, ente otres personalidaes academiques, polítiques y sociales de la rexón. “Sirvir a la universidá y non pa sirvime de la universidá”, con estes pallabres Gotor quisó dexar afitada la so intención de trabayar pola institución. Gotor anunció que piensa mantener una collaboración lleal col Gobiernu d’Asturies. Amás volvió a mostrar la so intención, anunciada yá nel so programa, d’implantar nueves titulaciones pal cursu 2009-2010. El nuevu xestor remató la so intervención faciendo alcordanza del día nel que ñacío y del día nel qu’aprobó la oposición a profesor universitariu, curiosamente dos ochos de mayu de 1947 y 1981 respectivamente. 8 de mayu, 2008 0 FacebookTwitterPinterestEmail
Educación Vicente Gotor promete nueves titulaciones na presentación del so equipu de trabayu by asturnet 6 de mayu, 2008 Vicente Gotor anunció la so intención d’implantar n’Asturies nueves títulaciones como Periodismo, Arquitectura, Agroalimentación, Traducción o Educación Física. El sucesor de Juan Vázquez al frente de la Universidá d’Uvieu desplico durante la la presentación del so equipu de Vicerectores nel paraninfu de la Universidá, les reformes que piensa llevar al cabu nesta etapa qu’entama agora. Gotor anticipó que la intención ye que los nuevos grados tean disponibles na mayor parte nel cursu 2009-2010. Dedicándo-y una especial importancia a la formación n’otres llingues, primando l’estudiu del ingles como segundu idioma, Gotor destacó la importancia d’esta nueva etapa de gobiernu p’adaptar la Universidá a les esixencies del espaciu educativu europeu. Nesti sen, el rector anunció que va remocicar delles carreres como les de Filoloxía que se vienen impertiendo nel Cámpus del Milán. L’equipu de trabayu del nuevu xestor ta formáu por tres muyeres y siete homes y va cuntar con asesores esternos non remuneraos como’l catedráticu de Química Orgánica Jose Manuel Concellón. El nuevu grupu ta formáu por Mari Paz Suárez Rendueles, (vicerrectora d’Ordenación Academica y Nueves Titulaciones), Julio Antonio González García (Profesoráu Departamentos y Centros), Santiago García Granda (Investigación), Susana López Ares (Estudiantes y Emplegu), Jose Antonio Cecchini Estrada (Estensión Universitaria, Cultura y Deporte), Ana María Fernández García (Internacionalización y Cooperación al Desarrollu), Víctor Guillermo García García (Informática y Comunicaciones), Jose Carlos Rico Fernández (Infraestructures, Campus y Sostenibilidá). Santiago Alvarez García va ocupar el cargu de secretariu xeneral. 6 de mayu, 2008 0 FacebookTwitterPinterestEmail
Fiestes Uviéu cellebró esti fin de selmana la tradicional Feria de l’Ascensión by asturnet 3 de mayu, 2008 Uvieu cellebró esti sábadu la segunda de les tres xornaes que componen la popular Feria de l’Ascensión. El certame, qu’homenaxea al campu ovetense, tuvo llugar na plataforma superior de la estación de Renfe y nes places de Porlier y de la Catedral, que’acueyen el Mercáu Astur. Amás, el Teatru Filarmónica vivió’l vienres les actuaciones de Verdasc, Blima y Chiquitrinos y el sábadu la participación de Dulcamara, Tuenda y Corquieu. Nes carpes asitiaes na esplanada de la Renfe tuvieron llugar les tradicionales esposiciones de quesos y otros productos gastronómicos de la rexón asino como dellos puestos d’artesanía tradicional. Esti recintu ta abiertu al públicu durante tol fin de selmana, de 10:00 a 21:00 de la nueche. A les 11:30 d’esti sábadu va tener lllugar ellí mesmo una muestra de folclore nel que van participar gaiteros, cantantes de tonada y grupos de baille. El domingo a ser el runu pal día grande de la feria col repartu del bollu preñáu y la botella de vinu pa los abonaos a la Sociedá Ovetense de Festeyos. Amás durante sábadu y domingu los restaurantes del la ciudá van ufiertar el menú típicu de l’Ascensión consitente en menestra, carne gobernada y tarta de quesu con cerezes. 3 de mayu, 2008 0 FacebookTwitterPinterestEmail
Educación Fina la Selmana Cultural d’Hestoria y Xeografía con una conferencia de Vicente Gotor by asturnet 29 d'abril, 2008 Esti miercoles fina la XVI Selmana Cultural de la Facultá d’Hestoria y Xeografía con una xornada na que’l platu central ye la conferencia de Vicente Gotor, una de les primeres intervenciones del nuevo rector nel cargu, titulada “La Universidá d’Uvieu ente los próximos 400 años”. L’actu va tener llugar nel Salón d’actos de la Universidña a les 12:l00 hores. Tres la conferencia del Rector, l’artista asturianu Anxel Nava espón una de les sos instalaciones nel espaciu al aire llibre del cámpus d’humanidaes a les 13:00 hores. 29 d'abril, 2008 0 FacebookTwitterPinterestEmail
Educación El Conceyu Universitariu pol Asturianu ve na victoria de Gotor la victoria de la llingua asturiana na Universidá dUviéu by asturnet 25 d'abril, 2008 El Conceyu Universitariu pol Asturianu (CUPA) unvió un comunicáu nel que quixo celebrar publicamente la victoria de Vicente Gotor nes elecciones a Rector de la Universidá dUviéu. Una victoria que pal CUPA ye un síntoma del cambiu de mentalidá na comunidá universitaria asturiana, que según los responsables de la organización apuesta por un modelu dinstitución que mire pAsturies y que tenga a la llingua asturiana como lelementu de gran importancia que ye. Dendel CUPA creen que nesta contundente victoria de Vicente Gotor tuvo muncho que ver lapoyu del electoráu asturianista quimpulsamos dende la nuesa organización y que supunxo un reblagu nel númberu de votos en munches de les facultaes y aprovechen pagradecer lapoyu de les persones que vieron comol CUPA que Vicente Gotor yeral candidatu más afayadizu pa la normalización del asturianu dientro de la nuesa Universidá. El CUPA diz tamién na nota de prensa unviada ayeri na que queríen anunciar que collaborarán pa que nesta nueva etapa, el Rectoráu faiga les polítiques afayadices pa esa normalización. La organización quixo tamién denunciar delles práctiques llevaes a cabu a lo llargo de la xornada previa y na mesma xornada de votaciones, que pa la organización fueron más propios dotros tiempos pasaos, pa nós un indicador de la so escasa cultura democrática de dellos miembros de la comunidá universitaria. El CUPA quixo darréu, recordar y afitar quel CUPA ye una organización independiente de cualesquier partíu políticu, sindicatu, grupu de presión, etc. que nun rinde cuentes a nadie, sacante los sos miembros y que respeta la independencia de toles demás organizaciones. Polo que la organización esixe la mesma actitú al restu de les organizaciones. Pela so parte, Vicente Gotor Vicente Gotor, prometió ayeri na so primer intervención dempués de la victoria “facer cambios fonderos na universidá”, siendo “la victoria d´un movimientu de cambiu na Universidá. Ye´l mio compromisu: el mio programa ye un contratu pa cola sociedá asturiana”. Comunicáu onde’l CUPA pidÃa’l votu pa Gotor 25 d'abril, 2008 0 FacebookTwitterPinterestEmail
Educación Vicente Gotor yel Rector númberu 191 de la Universidá dUviéu col 6325% de los votos totales by asturnet 24 d'abril, 2008 “Quiero universitarios llibres, capaces de xenerar nueves idees y d’ufrir alternatives a la sociedá asturiana”. Vicente Gotor, nuevo rector de la de la Universidá d’Uvieu tres ganar la segunda vuelta de les eleiciones zarraba con estes palabres la so intervención tres la xornada de votaciones. Gotor algamó 4.521 votos, lo que suponen el 63,25% de los apoyos. Paz Andres, pela so parte algamó 2.647 votos, el 36,75% del total ponderáu. El catedráticu de Quimica agradeció a la comunidá universitaria’l buen comportamientu nestes eleiciones y tuve palabres especiales pal so equipu de trabayu de trabayu durante los últimos años, pa los profesores y pal alumnáu. 28.000 miembros d’esta comunidá universitaria, ente Doctores, profesores non doctores, alumnos y personal d’alministración y servicios, taben llamaos a votar nestos comicios. No que cinca a los resultaos por estayes, nel casu de los Doctores, Gotor consiguió 684 apoyos, el 62’93 de los votos frente a los 403, el 37’07% algamos por Paz Andres. Los profesores y el personal d’investigación apoyaron con un 67’17% de los votos a Gotor (444 votos) y con 217 votos, el 32’83 a la candidata Andres Sáenz. Nel casu de los alumnos Gotor Santamaría consiguió 2.883 votos, el 62’82% y Andres el 37’18%, con un total de 1.706 votos. El personal d’alministración y servicios apoyó tamien mayoritariamente a Gotor, con 510 votos y el 61’37%, frente a los 321 qu’apoyaron a la otra candidata, el 38’63%. 24 d'abril, 2008 0 FacebookTwitterPinterestEmail
Educación Paz Andrés promete una oposición crítica pero leal by asturnet 24 d'abril, 2008 “Caminar pelos espacios abiertos del tiempu hasta’l centru de la ocasión oportuna”. Paz Andres resumió nesta cita del escritor Baltasar Gracián les sos intenciones, tres estes eleiciones y pal periodu de mandatu que va entamar el nuevo Rector Vicente Gotor, ayeri nel patiu central de la Universidá. La catedrática de Derechu prometió durante esti actu, una oposición crítica pero leal y anticipó que esta va tar basada na búsqueda d’alcuerdos y el debate. “Nunca vamos recurrir a la descalificación”. Paz Andres valoró positivamente los resultaos algamaos nestes elecciones y reconoció que la esperiencia electoral sirvio-y pa conocer meyor la Universidá. La candidata tamien tuvo palabres de felicitación pal socesor de Juan Vázquez y quiso agradecer a la comunidá universitaria y a tolos miembros de la mesme que depositaren la so confianza na so candidatura. La catedrática destacó que’l mandatu de Gotor llega nun momentu crucial pa la institución acadámica asturiana col oxetivu d’algamar una adaptación esitosa al espaciu educativu europeu como meta. Nesta nueva estaya, Andres prometió defender los planteaminentos del so programa, pa devolver la confianza depositada nel so proyectu, y recordo-y a Vicente Gotor que tien la obligación, como Rector, de poner en práutica les sos idees. 24 d'abril, 2008 0 FacebookTwitterPinterestEmail
Educación SUATEA recuerda que ye obligatorio ufiertar l’asignatura de Llingua Asturiana y Gallego-Asturiano by asturnet 24 d'abril, 2008 El sindicatu de trabayadores de la enseñanza d’Asturies recordó la obigatoriedá d’ufiertar l’asignatura de Llingua Asturiana y Gallego-Asturiano nos centros educativos de la rexón pa la prósima epoca de matriculación. SUATEA pidió a los responsables d’educación nun comunicáu que, a diferencia d’ocasiones anteriores, respeten la Llei d’Usu no que cinca a esta materia. El sindicatu tamiñen denunció la situación de desigualdá que sufren los escolinos qu’escueyen estudiar esta asignatura por mor de la creación de ratios na formación de los grupos de llingua asturiana. Otramanera tamien criticaron la situación del colectivu de mayestros de llingua asturiana por mor de la non oficialidá de la mesma. SUATEA considera que l’ l’asturianu y el gallego – asturianu namái van dexar de ser una materia de segunda cuando la llingua asturiana algama’l rangu llegal que yá tienen el restu de llingües del estáu. 24 d'abril, 2008 0 FacebookTwitterPinterestEmail
Educación La comunidá universitaria escueye güei ente Paz Andrés y Vicente Gotor by asturnet 23 d'abril, 2008 Los dos candidatos ganadores na primer vuelta de les eleiciones al Rectoráu de la Universidá d’Uvieu, Paz Andres y Vicente Gotor, concurren esti miercoles a una nueva xornada de votación na que puen participar los 28.000 miembros de la comunidá universitaria. Na primer ronda, Gotor algamó 3643 votos, un 49’29%, colos que tuvo cerca de la mayoría absoluta y Andres, 1713 votos con un porcentaxe del 22’56%. Les urnes van permanecer abiertes de 10.00 a las 19.00 hores. Va haber meses electorales nos Cámpus d’Uvieu, 22; de Xixón, 6 y de Mieres, 1 y el centru de recuentu de los datos va tar nel Edificiu Históricu de la Universidá n’Uvieu. L’indice de participación na primer vuelta foi del 28,44 por cientu, con casi la totalidá de los profesores doctores acudiendo a les urnes (91,79), un altu porcentaxe de participación nel restu del personal docente (63,56) ya’l personal d’alministración (88,79) y una baxa implicación de los estudiantes (21,21). Paz Andres va votar a les 13.00 hores na Sala de Grados de la Facultá d’Económiques demientres que Vicente Gotor va facelo a les 11.30 hores na mesa 8 del Edificiu Santiago Gascón. El Rector saliente, Juan Vázquez tien previsto exercer el so derechu al votu a les 12:30 hores na Sala de Grados de la Facultá d’Económiques 23 d'abril, 2008 0 FacebookTwitterPinterestEmail