Lliteratura Arranca en Xixón la edición 25 de la Selmana Negra by asturnet 4 de xunetu, 2012 Como cada mes de xunetu dende va yá 25 años, vuelve la Selmana Negra a Xixón cargada d’actividaes culturales y d’ociu, baxol lema Ser cultos pa ser llibres, ser llibres pa ser cultos. Dende’l día 6 hasta’l 15 de xunetu les actividaes celebránse nos vieyos terrenos de la Naval Xixón, centrada nesta ocasión na hestoria y con delles actividaes que van tener al asturianu como protagonista, una mesa sobre la novela negra nasturianu y la proyección de películes doblaes al asturianu, amás de les actuacioes dAlfredo González o Felpeyu. La hestoria va ser unu de les exes d’esta convocatoria, que va venir de la mano del historiador Rubén Vega y los escritores Armando López Salinas y Jorge Martínez Reverte; y va falase del esiliu de el escritores nel más ampliu sentíu (políticu, económicu y artíscticu) con ceadores de la talla de Raúl Argemí o Marcelo Luján. El programa empieza cola salida del Tren Negru, de la estación de Chamartín de Madrid a les 8:10 am, llegando a Xixón xusto media hora dempués de l’apertura del espaciu, que va ser a les 17:00 hores. Ellí va tar abierta la feria del llibru, les esposiciones Ricard Castells: 10 años dempués, Asociación Española de Criminoloxía, Siria, revolución ensangrecida y Apuntes a la cuestión social n’España, amás del espaciu datracciones, terraces, música y mercadín interétnicu. Anguaño recupérase’l Videocine, ciclu de cine documental na Selmana Negra. Los títulos escoyíos percuerren un ampliu espectru de temes y enfoques: Programa Ciclu de cine documental: D’equí y dallá. Va haber asina mesmu, numberoses charres, conferencies y presentaciones de llibros con personalidaes de primera como Ana María Matute, y los conciertos de Darksun (grupu xixonés de power metal sinfónico), Alfredo González, Felpeyu, Dr. Explosion, Flying Padres y en conciertu coca cola cola actuación de The Pinker Tones, el conciertu Mahou con Niños Mutantes, zarrando esti apartáu de música colos xixoneses Pantano, grupu que nos averará a los soníos del blues con pincelaes de rock sureñu. Porgrama completu dactividaes de la SN 4 de xunetu, 2012 0 FacebookTwitterPinterestEmail
Conceyos Samartín del Rei Aurelio usa lasturianu nes Rebaxes by asturnet 3 de xunetu, 2012 La Oficina de Normalización Llingüística de Samartín del Rei Aurelio en collaboración cola asociación d’Empresarios y Comerciantes de Samartín del Rei Aurelio ECOSAM entama’l repartu de la cartelería pa la campaña de REBAXES d’esti branu. Los comerciantes que nun pertenezan a esta asociación pueden solicitar estos materiales ensin nengún costu nel teléfonu 985656110 o al traviés del corréu lletrónicu llingua@smra.org 3 de xunetu, 2012 0 FacebookTwitterPinterestEmail
Lliteratura Héctor Pérez Iglesias ganal Concursu de Cuentos pola Oficialidá by asturnet 3 de xunetu, 2012 Héctor Pérez Iglesias (Llanera, 1978) yel ganador del Concursu de Cuentos pola Oficialidá del Asturianu, que convocal Conceyu Bimenes y questi añu llegó a la so decimoquinta edición. El primer premiu, dotáu con 700 euros, foi pa la so obra Puertes abiertes. El segundu premiu, dotáu con 450 euros, foi pal cuentu Les faroles pinten della lluz na cai, de Rubén Suárez Sánchez (Siero, 1983), más conocíu como Rubén dAreñes, y Quique Faes Díaz (Xixón, 1975), autor habitual na nómina de premiaos desti certame, algamól tercer premiu, al que se-y apurren 300 euros, con Eme de maldá. El xuráu tuvo compuestu nesta edición polos escritores Xulio Vixil Castañón, Pablo Rodríguez Medina y Nacho Fonseca Alonso, amás de pol Alcalde Bimenes, Alejandro Canteli Rozada, y el técnicu responsable de la Estaya de Cultura, Daniel Cueli Canto, que ficieren les funciones de Presidente y Secretariu respeutivamente. La entrega premios fadráse nel trescursu duna Xornada Lliteraria quhai entamada na Casa Cultura de Santuyano pal próximu vienres, 6 de xunetu, de magar les 1930 hores. Na mesma, amás dentregase los trés premios del certame, lleerásel cuentu ganador na voz del so autor y presentarásel llibru Poemes del últimu salvaxe, de Daniel García Granda (La Pola Siero, 1972), poemariu ambientáu nel pueblu de Viñái (Bimenes), onde lautor tien los sos raigaños. La xornada lliteraria cuntará tamién con unacompañamientu musical, a cargu de Sergio y Lolo Catalán Nava, quinterpretarán dellos temes del so repertoriu de música tradicional asturiana, y dalguna sorpresuca más. 3 de xunetu, 2012 0 FacebookTwitterPinterestEmail
Lliteratura Miliol del Nido presental llibru pa neños Mieu by asturnet 2 de xunetu, 2012 El miércoles 4 de xunetu a les 20 hores la Editorial Pintar Pintar va presentar nel Club de Prensa de La Nueva España, Uviéu, l’álbum ilustráu “Mieu” de Milio del Nido (testu) y Alberto Sastre (ilustraciones). Nel actu va intervenir Milio del Nido (escritor), Fernando Lorenzo Arias (poeta) y Javier González (médicu). La editorial va tar representada por Ángela Sánchez. Quiciabes seyan los mieos una de les coses que más marquen les velees de los críos perante la neñez; y cada unu tien los mieos que tien, hai de toles clases: al mar, a les altures, a la soledá, a la escuridá Delles veces pasen los años y, anque yá nun yes un neñu, el mieu sigue ehí, a la gueta, esperándote detrás duna puerta pesllada o a la revuelta dun camín ente los árboles, y tienes quenfrentate a él pa poder siguir palantre, y ye nesi momentu, cuando vas enfrentate, cuando te dal respigu, y esi respigu, esi, igual ye la cosa más prestosa de tol asuntu. Solo pol respigu merez la pena pasar el mieu. Nesti álbum ilustráu dos hermanos, xunto cola so madre, treslládense a una casona antigua y misteriosa al pie de un faru, nel quel padre va empezar a trabayar. Too paecía muui aburrío pero ¡ZAS! unos ruios y figures estrañes nel faru faen pasar momentos espeluznantes a los protagonistes. Más información sobre’l llibru 2 de xunetu, 2012 0 FacebookTwitterPinterestEmail
Lliteratura Sigue abiertu’l plazu pa presentase al Fernán-Coronas de poesía by asturnet 2 de xunetu, 2012 Un añu más, la Sociedá Popular La Regalina abrel plazu pa presentar obres al so premiu de poesía, dedicáu a la figura del Padre Galo (1884-1939), clásicu de la lliteratura asturiana. El tiempu pa presentar orixinales final 12 de xunetu. Al concursu pueden presentase poemarios en llingua asturiana, con un mínimu de 275 versos. Los trabayos han mandase a la Sociedá, que ta asitiada nel Casinu de Cadavéu, na cai Curión e/n (Valdés). El premiu ye 1.300 euros y la posibilidá de publicar el poemariu . El premiu pue quedar ermu, conociéndosel resultáu del xuráu, el 7 dagostu, aniversariu del ñacimientu del Padre Galo. Los trabayos entregaránse por quintuplicáu nos llocales sociales de la Sociedá Popular La Regalina, o unviaránse per corréu. Dirán ensin firma, con un lema o nomatu. Nun sobre zarráu dirán les señes del autor col mesmu lema o nomatu que tengal poemariu. El Xuráu dará a conocer el ganador nun actu públicu en Cadavéu, el día 7 dagostu, aniversariu del nacimientu del Padre Galo. Los trabayos non premiaos podrán recoyese nos llocales de la Sociedá Popular La Regalina dientro los 30 díes posteriores al fallu. Nos últimos años ganaron autores como Héctor Pérez Iglesias, Rubén dAreñes, Carmen Guardado, Berto García o L.luis Fernández, ente otros. 2 de xunetu, 2012 0 FacebookTwitterPinterestEmail
Lliteratura Beatriz Rato asoleya un llibru con anécdotes xudiciales by asturnet 28 de xunu, 2012 La Editorial La Cruz de Grau asoleya un llibru dedicáu a les anécdotes xudiciales que vivió nel so trabayu nos xulgaos de Xixón la escritora Beatriz Rato. La presentación va tener llugar el xueves 5 de xunetu a les ocho la tarde na llibrería “La Buena Letra”, na cai Casimiro Velasco, 12, de Xixón. Rato ñació en Xixón y ye llicenciada en Filoloxía Española, y tres dellos años como profesora, trabaya dende va tiempu como oficial del Ministeriu de Xusticia. Tien dellos llibros nel mercáu, ente ellos dalgunos nasturianu como “El cultivu del maíz nel conceyu de Xixón”, o “Recetes llambiones”. 28 de xunu, 2012 0 FacebookTwitterPinterestEmail
Lliteratura Bimenes entama una xornada llitearia pa entregar los premios de la Oficialidá by asturnet 26 de xunu, 2012 La Estaya de Cultura del Conceyu Bimenes entama una Xornada Lliteraria pal prósimu vienres 6 de xunetu. La mesma consistirá na entrega premios del XV Concursu de Cuentos pola Oficialidá del Asturianu, na llectura del cuentu ganador na voz del so autor o autora y na presentación del llibru Poemes del últimu salvaxe, de Daniel García Granda (La Pola Siero, 1972), poemariu ambientáu nel pueblu de Viñái (Bimenes), onde lautor tien los sos raigaños. La Xornada Lliteraria tendrá llugar na Casa Cultura de Santuyano, de magar les 1930 hores. Dotra miente, el fallu del concursu cuentos fadráse públicu el prósimu martes, 3 de xunetu, en cuantes finen los discutinios de los miembros del xuráu, formáu nesta edición polos escritores Xulio Vixil Castañón, Pablo Rodríguez Medina y Nacho Fonseca Alonso. 26 de xunu, 2012 0 FacebookTwitterPinterestEmail
Lliteratura La Forca convoca una edición más del so concursu de rellatos de terror by asturnet 26 de xunu, 2012 Lasociación l.leniza, La Forca, ta acabante anunciar la tercer edición del so concursu lliterariu H.P. Lovecraft. Como notres ocasiones va haber dos modalidad d’edá, Modalidá Xuvenil, na que van poder participar mozos asturianos o residentes nAsturies con una edá ente 16 y 24 años, dambos inclusive; y una Modalidá Senior, na que pueden participar concursantes asturianos o residentes de magar los 25 años. El concursu céntrase nos rellatos curtios, de cuatro a diez fueyes centraos nel terror o suspense. Caún de los trabayos tendrá de dir robláu con nomatu, a ello añedirá un sobre, zarráu, nel esteror ha figurar el nomatu y la edá del participante y nel interior los datos del autor: nome, apellíos, dirección y númberu de teléfonu. Los testos han entregase na siguiente dirección postal: CONCURSU LLITERARIU H.P. LOVECRAFT. C/Robledo 26 1uA 33630 La Pola, L.lena, con trés copies de cada rellatu y hasta’l día 15 d’ochobre del 2012. El 9 de payares del 2011 nel salón dactos de la Casa Cultura de La Pola, L.lena, a les 19:30 hores, nuna ceremonia, el xuráu va proclamar al vencedor/a del concursu al términu de la charra cultural que l’asociación programe pa esi día. El Xuráu va tar formáu por 3 miembros El ganador de cada modalidá va llograr un premiu de 100 euros. El Xuráu va poder declarar desiertu’l premiu si en dalguna de les 2 modalidaes nun se llega al mínimu de 3 obres evaluables. 26 de xunu, 2012 0 FacebookTwitterPinterestEmail
Lliteratura Celoriu abre una biblioteca de llibros asturianos by asturnet 25 de xunu, 2012 La Dirección Xeneral de Política Llingüística, lAcademia de la Llingua Asturiana y el RIDEA donaron un total d81 libros y 30 revistes a La H.oguera, asociación vecinar de Celoriu, en Llanes. Los llibros puede consultase y llevase nempréstamu y tán a disposición na casa de Santiago Fernández, nel barriu de Romano. 25 de xunu, 2012 0 FacebookTwitterPinterestEmail
Lliteratura LHorru del Carbayedo convoca la sesta edición del so concursu de rellatos by asturnet 25 de xunu, 2012 Con motivu de les Fiestes de San Roque del Carbayedo, a facer nAvilés del 17 al 20 dagostu del 2012, y col aquel danimar a la creación lliteraria en llingua asturiana, lAsociación de Vecinos El Hórreo del Carbayedo, en collaboración cola Estaya de Normalización Llingüística del Conceyu dAvilés, dependiende del Serviciu de Promoción Cultural de la Conceyalía de Cultura, entamal sestu concursu de micro-rellatos nasturianu LHorru del Carbayedo. Nel concursu pueden participar cualesquier escritor en llingua asturiana, como muncho con trés rellatos, que nun pueden pasar de les 500 pallabres. La temática ye llibre. El plazu pa presentalos piésllase a les 14 hores del día 1 dagostu. La presentación namás pue facese per corréu lletrónicu, unviando los rellatos en formatu word a: avvelhorreo@yahoo.es. Los trabayos dirán encabezaos per un títulu y firmaos namás con un nomatu. Nel corréu lletrónicu axuntaráse un archivu aparte, que la organización (A. VV. El Hórreo) guardará en secretu, ensin quel xuráu pueda conocelu enantes del fallu, colos datos siguientes: nome, teléfonu, señes, DNI, y títulu/os presentáu/os al concursu. Daránse dos premios: primeru, de 400 euros y troféu; segundu, de 200 euros y placa. Los dos premios nun pueden recayer nel mesmu autor/a. 25 de xunu, 2012 0 FacebookTwitterPinterestEmail