Música DRD continúa la so xira de conciertos per España by asturnet 21 de payares, 2005 El tríu de música folk aturiana DRD, formáu por Diego Pangua, Ruben Bada y Dolfu Fernández, continúa la so tanda de conciertos per toa España presentando’l so discu ‘Namái’ nuna xira organizada pol Institutu Asturianu de la Juventud (INJUVE). El 23 de payares, DRD va participar nel “Festival Ahora!”, na Sala Carabel de Palencia nun conciertu programáu pol INJUVE y previstu pa les once la nueche. Los díes 25 y 26 de payares van tocar n’Olivenza (Badajoz) y na Sala Ítaca de Murcia. Mentes que’l día 30 d’esti mes, a les ocho la tarde van actuar dientro del programa Música del sieglu XX, organizáu por Cajastur nel so Centru Cultural na C/ San Francisco, 5 d’Uvieu. DRD presentaba hai un mes el so primer trabayu ‘Namái’, editáu por Fonoastur y grabáu en Los Campos (Corvera) en febreru de 2005, participando na grabación como collaboradores Jarlath Henderson, cola gaita irlandesa, y Sergio Rodríguez col baxu. 21 de payares, 2005 0 FacebookTwitterPinterestEmail
Música Melendi presenta en Madrid el so discu ‘Que el cielo espere sentao’ by asturnet 21 de payares, 2005 Ramón Melendi, Premiu Ondas 2005 a la Meyor canción, presenta en rueda de prensa’l prósimu martes 22 de payares a la una la tarde, el rellanzamientu del so discu”Que el cielo espere sentao” con un DVD en directu más tres canciones nueves incluyendo’l so exitu”El Nano”, dedicáu a Fernando Alonso. Melendi, amás va recibir cuatro discos de platinu pol so anterior discu, “Sin noticias de Holanda”, y dos discos de platinu pol segundu álbum, “Que el cielo espere sentao”. Los soníos de les gaites y la degustación de productos típicos asturianos van amenizar la rueda de prensa con Melendi, organizada poles discográfiques Carlito Records y El Diablo/ Gran Via Musical. 21 de payares, 2005 0 FacebookTwitterPinterestEmail
Música Stoned Atmosphere presenten el so videoclip ‘Patria sin sol’ by asturnet 17 de payares, 2005 El grupu Stoned Atmosphere va presentar esti xueves nel Forum de Fnac el videoclip del so tema ‘Patria sin sol’ con una sesión de showcase. El clip ta dirixíu por Gonzaga H.G. Antuña y rodóse en diverses localizaciones de la Cuenca’l Nalón pa ilustrar un tema que radiografía con claridá meridiana la Asturies post-industrial. La presentación va ser a les 20.15 cola presencia en directu del grupu. Procedentes de Samartín del Rei Aurelio, en plenu centru la cuenca minera, Stoned Atmosphere preséntase como un grupu que va más allá del rap, rozando la electrónica y tocando de pleno múltiples estilos musicales. Ceeris, productor musical, aborda la música dende un puntu de vista orixinal a la vez qu’alternativu, diseñando unes bases instrumentales mui elaboraes qu’esperimenten col drum’n’bass y el triphop, pasando pol stoned y el punk. Les lletres d’Arma X son esperiencies intimistes y aventures autobiográfiques hasta agora inédites nel nuestru país. El duu de Blimea presenten agora’l clip de “Patria sin sol”, acasu el tema que meyor los define y fáenlo embaxo la mirada inquieta y tresgresora del realizador Gonzaga H.G. Antuña. 17 de payares, 2005 0 FacebookTwitterPinterestEmail
Música Escomienza en Siero’l I Ciclu de Cine Social y Solidariu by asturnet 15 de payares, 2005 El prósimu sábadu 19 de payares escomienza en Siero un ciclu de películes comprometíes cola realidá social y hestórica del nuestru tiempu. A lo llargo de les prósimes selmanes van proyectase títulos como ‘María llena eres de gracia’, ‘Diarios de motocicleta’, ‘Radio Favela’ y ‘Les tortugues tamién sueñen’. El Llar d’Andecha de El Berrón organiza el I Ciclu de Cine Social y Solidariu qu’escomienza’l prósimu 19 de payares cola proyección de la coproducción USA-Colombia ‘María llena eres de gracia'(2004) de Joshua Martson. El siguiente títulu en proyectase va ser ‘Diarios de motocicleta'(2003) de Walter Salles el sábadu 26 de payares. Los otros dos filmes del ciclu: ‘Radio Favela’ (Brasil,2002) d’Helvecio Ratton y ‘Les tortugues tamién sueñen'(Irán, 2004)de Bahman Ghobadi van poder vese los díes 7 y 10 d’avientu nel mesmu sitiu del restu les proyecciones: el Llar d’Andecha de El Berrón y a partir de les 22.00 hores. 15 de payares, 2005 0 FacebookTwitterPinterestEmail
Música IX Certame Pop rock Villa de Mieres by asturnet 14 de payares, 2005 Mieres va celebrar la IX Edición del Certame Nacional de Pop-Rock, Villa de Mieres, un festival de música mozu qu’a lo llargo de les últimes ediciones tien consolidáose nel panorama musical asturianu y español. Esti certame, que l’añu pasáu fixerese nes fiestes de San Xuan, va celebrase’l prósimu mes d’avientu nuna carpa especial d’actividaes nel Parque Xovellanos. Na pasada edición presentárense a concursu unes sesenta maquetes, venti más que l’añu anterior, llegaes a Mieres dende cuasi toles partes d’España. Coles meyores bandes, elixíes por un xuráu espertu, prepárase un cartel del festival final nel que s’inclúin los grupos que finalmente actúen en directu na carpa del Parque Xovellanos. Les bases completes pa participar nel IX Certame ‘Villa de Mieres’ puen atopase nel siguiente enllaz: Bases 14 de payares, 2005 0 FacebookTwitterPinterestEmail
Música Nacen los premios AMA pa distinguir a los artistes musicales asturianos del añu by asturnet 10 de payares, 2005 L’asociación Canal Asturias presentó esti miércoles 9 n’Uviéu una iniciativa pa crear los Premios Anuariu de la Música d’Asturies (AMA)col oxetivu de distinguir a los artistes del añu de la nuestra comunidá. Melendi, El Sueño de Morfeo y Manolo Díaz van recibir los primeros galardones d’unos premios que van distribuíse por categoríes musicales. Los AMA van reconocer cada añu a les figures y grupos más destacaos del pop, el rock, el folk, el jazz, el hip-hop o la canción d’autor coincidiendo cola publicación d’un anuariu resumen de les actividaes musicales. El cantante Melendi y El Sueño de Morfeo van recibir los primeros galardones pol so ésitu comercial fuera d’Asturies y el productor Manolo Díaz por toa una vida dedicada a la música y a la industria discográfica. 10 de payares, 2005 0 FacebookTwitterPinterestEmail
Música El cantaupop Nistal actúa esti viernes en Xixón by asturnet 10 de payares, 2005 El cantante Nistal actúa esti viernes en Xixón na fiesta de cambiu de nome del bar antiguamente nomáu Cool y agora bautizáu como XIZ. El músicu asturianu va presentar en directu y nun conciertu acústicu los temes del so discu “10 motivos para viajar de noche”. La fiesta d’estrenu del nuevu bar XIZ va cuntar cola presencia d’escepción de Nistal, un de los talentos más emponderaos del panorama musical independiente y que pertenez a una xeneración de cantantes, qu’ensin adscribise a la tradición de los cantautores españoles tenten trazar el so propiu camín con temes propios nos que’l testu cuenta tanto como lo que canta. El conciertu de Nistal va ser nel Bar Xiz (c/San Bernardo, 3) de les 20.30 pa en delantre. 10 de payares, 2005 0 FacebookTwitterPinterestEmail
Música La Universidá d’Uviéu y la SGAE entamen un ciclu de promoción de nuevos talentos musicales by asturnet 9 de payares, 2005 La Fundación Autor de la SGAE y la Universidá d’Uviéu quieren promocionar a nuevos talentos musicales con un ciclu de conciertos que va entamase a lo llargo d’estos meses nel Campus del Milán. Los cantautores Pablo Moro y Alberto García inauguren la serie d’actuaciones esti miércoles 9 a les 19.30 hores nel Campus uvieín. Embaxo’l títulu “Concierto autor” la Universidá y la SGAE quieren fomentar a valores emerxentes del folk, el pop-rock y la canción d’autor y van facelo llevando les sos propuestes al mesmu espaciu d’alcuentru del alumnáu universitariu. Después de Moro y Garcia van pasar pel escenariu del Milán el grupu DRD el prósimu 17 de payares, Maurizios el 24 y The Punishers el 1 de xineru. 9 de payares, 2005 0 FacebookTwitterPinterestEmail
Música Manel Camp y la Orquesta del Conservatoriu abren el Festival de Jazz de Xixón by asturnet 8 de payares, 2005 El Teatru Xovellanos acueye esta nueche la primera de les sesiones del Festival de Jazz de Xixón. El pianista catalán Manel Camp acompañáu de la Orquesta del Conservatoriu playu van abrir cinco díes dedicaos a la música más característica del sieglu pasáu. El prósimu xueves 10 va ser Jack de Johnette l’encargáu del subir al escenariu del coliséu xixonés nuna nueva sesión del festival y el viernes 11 la Joshua Redman Band va garrar el relevu nes actuaciones. The Maria Schneider Jazz Orquestra van poner el remate a estes cinco xornaes musicales el sábadu 12 y Viktoria Tolstoy pondrá’l pieslle el domingu 13. 8 de payares, 2005 0 FacebookTwitterPinterestEmail
Música La cantante Belén Arjona presenta el so discu “Infinito” en Fnac by asturnet 8 de payares, 2005 La cantante Belén Arjona presenta los temes del so discu “Infinito” esti miércoles 9 nel Forum Fnac de Parque Principado. La roquera va interpretar en directu pieces del so segundu trabayu producíu por Alejo Stivell y que supunxo la so consolidación como una de les voces más novedoses del panorama musical español. “Infinito”, el nuevu discu d’Arjona cuenta trece canciones, grabaes embaxo la producción del ex Tequila Alejo Stivel (M-Clan, Joaquín Sabina, Tercera República), nes que l’amor, el desamor, el sexu, la política y el valor de los sentimientos son los ingredientes básicos ya imprescindibles. Un trabayu musical que la cantante va presentar a les 19.30 en Fnac de Siero. 8 de payares, 2005 0 FacebookTwitterPinterestEmail