Música El rock de Burning visita la 43 edición de la Feria Muestres de Vegadeo by asturnet 7 de xunu, 2006 El prósimu sábadu día 10 de xunu a les once la nueche, el Polideportivu antiguu de Vegadeo va acoyer un conciertu de la mítica banda madrilana de rock ‘Burning’, qu’hai malapenes unos meses qu’editaron el so últimu discu que, col títulu ‘Dulces dieciseis’, percuerría los sos meyores temes en versión acústica. La entrada al conciertu de Burning sedrá llibre. El conciertu de la mítica banda Burning ta programáu coincidiendo cola Feria de Muestres de Vegadeo que dende esta tarde abre les puertes a la que ye la so 43 edición, na que van participar más de doscientos expositores d’España y Portugal. 7 de xunu, 2006 0 FacebookTwitterPinterestEmail
Música La música asturiana suena solidaria en Malawi by asturnet 1 de xunu, 2006 Los grupos asturianos DRD, Tuenda, La Bandina y les pandereteres Dulcamara van actuar esti sábadu, día 3 de xunu, a partir de les ocho la tarde, nel Auditoriu Príncipe Felipe d’Uvieu nun conciertu solidariu que, col títulu de ‘Malawi suename’, va recaudar fondos pa llevantar una escuela de música na rezón de Zhezi, en Malawi. La entrada a esti conciertu tien un preciu de 5 euros, existiendo una fila cero en Caxastur onde se pueden ingresar donativos, nel númberu de cuenta 2038 1095 716000438204, especificando que son pa ‘Malawi suename’. 1 de xunu, 2006 0 FacebookTwitterPinterestEmail
Música Anabel Santiago, una voz con identidá propia en Madrid by asturnet 31 de mayu, 2006 La cantante Anabel Santiago va participar el prósimu día 5 de xunu a les ocho y media la tarde, na Sala Galileo Galilei de Madrid, nel conciertu ‘Voces con Identidad’, nel que tamien van actuar el cantante valencianu Miquel Gil, y Ricardo de Castro, de Contradanza, grupu renovador del romanceru andaluz. Miquel Gil tien ganaos abondos premios en Catalunya y Valencia, representando a España nel últimu WOMEX, mentes que Contradanza fain una música de raigañu y d’autor más allá del flamenco, que busca la renovación del romanceru tradicional andaluz. Anabel Santiago, estrella d’esti conciertu llamáu ‘Voces con Identidad’, ye presentada en Madrid como la gran esperanza musical d’Asturies. 31 de mayu, 2006 0 FacebookTwitterPinterestEmail
Música El Crossroad Festival trai al míticu Bo Diddley by asturnet 30 de mayu, 2006 Kike Louie, director del Crossroad Festival, presentó ayeri la cuarta edición d’esti certame musical, qu’esti añu va tener llugar nel Mercáu Nacional de Ganáu de La Pola Siero. Ún únicu día de conciertos, el 22 de xunetu, que va cuntar con cuatro bandes d’excepción como son Bo Diddley, The Fabulous Thunderbirds, Marcia Ball y Los Enemigos. Bo Diddley, pioneru del rock and roll al qu’abondes bandes-y rinden tributu nos sos conciertos, versionándolu; The Fabulous Thunderbirds, formación qu’encabeza’l blues ellectricu y el rock and roll de Texas; Marcia Ball, una pianista considerada la dama del rythm and blues; y Los Enemigos, que van celebrar el venti aniversariu del so primer discu, cuatro años depues de la so desaparición, son los grupos que van actuar na cuarta edición del Crossroad Festival, qu’esti añu va tener llugar el 22 de xunetu en La Pola Siero. 30 de mayu, 2006 0 FacebookTwitterPinterestEmail
Música El Café Trisquel de Xixón celebra’l so XXIII aniversariu con un conciertu de Toli Morilla by asturnet 29 de mayu, 2006 El míticu Cafe Trisquel de Xixón, abiertu dende 1983, celebra’l so XXIII aniversariu con un conciertu la nueche d’esti xueves del cantautor Toli Morilla. Esti poeta, compositor y cantante, que tien sío llamáu’l Bob Dylan asturianu, va llevar a les nueve y media la nueche’l so conciertu ‘Nueche d’insomniu’, que yá presentare nel Cafe Trisquel el pasáu mes de payares. ‘Nueche d’insomniu’, l’últimu trabayu espublizáu por Toli Morilla, supunxu un autenticu exitu de crítica y públicu. Grabáu en directu con sólo dos micrófonos, ye un puntu d’intersección ente la música acústica de raíz americana (con influencies de Jeff Buckley, Ani Difranco o Neil Young) y una cuidada selección de testos de poetes asturianos. 29 de mayu, 2006 0 FacebookTwitterPinterestEmail
Música Aviador Dro pieslla esta nueche’l ciclu Pop la Cara by asturnet 25 de mayu, 2006 La formación de tecnopop Aviador Dro va ser la encarga de pesllar esta nueche, na sala Albeniz de Xixón, el ciclu de conciertos Pop la Cara nel que yá tocaron Humbert Humbert y Tartik y la fábrica de colores. Esta veterana agrupación, qu’esti añu celebren los 30 años enriba los escenarios, va empezar a tocar a les diez de la nueche un conciertu nel que van presentar n’Asturies el so últimu trabayu, ‘Confía en tus máquinas’. Aviador Dro son yá lleenda viva del pop, dende que s’axuntaren nel añu 1976 pa facer un punk científicu, basáu nel technopop, siguiendo les enseñances de Kraftwerk, Buzzcocks y Asimov. 25 de mayu, 2006 0 FacebookTwitterPinterestEmail
Música Avilés enseña a los neños los instrumentos tradicionales asturianos by asturnet 24 de mayu, 2006 Aviles organiza unos talleres d’instrumenos musicales tradicionales asturianos dientro de les Xuntes d’escolinos 2006 que se van facer nes escueles públiques de la comarca. Maria Luisa Luque, de l’Agrupación Cultural Escontra’l Raigañu, va ser la encargada de dirixir estos talleres que van durar hasta’l prósimu 22 de xunu. L’oxetivu d’esta actividá ye la d’allegar los instrumentos tradicionales asturianos a los escolinos. Pa ello, va facese una descripción de la forma, usu y interpretación de tolos instrumentos usaos popularmente n’Asturies a lo llargo de los años siguiendo la clasificación fecha polos investigadores musicales Sachs y Hornsbostel: membranófobos (pandereta, pandeiru, panderu cuadráu, tambor y bombu), idiófonos (castañueles, pitos, carraques, etc), aerófonos (flauta travesera, flauta de corteza, gaita de fuelle, curdión), cordáfonos (violín, rabel, zanfona), y otros (cuyares de madera , morteru, etc). Los grupos de neños que van dir a estes demostraciones nun pasarán de 35 pa facilitar les clases. 24 de mayu, 2006 0 FacebookTwitterPinterestEmail
Música Malawi Suéname, un conciertu solidariu del folk asturianu by asturnet 24 de mayu, 2006 L’Auditoriu Príncipe Felipe va celebrar el prósimu sábadu día 3 de xunu, ente les ocho y les diez de la nueche, un conciertu solidariu que lleva por nome Malawi Suename, Asturies 06. Un espectáculu nel que participen dalgunos de los grupos más representativos de la música folk asturiana, como son Dulcamara, DRD, Tuenda y La Bandina. El preciu de la entrada a esti festival solidariu va ser de 5 euros. 24 de mayu, 2006 0 FacebookTwitterPinterestEmail
Música Los Músicos pola Oficialidá dan un pasu alantre na reivindicación llingüística by asturnet 23 de mayu, 2006 El colectivu de Músicos pola Oficialidá, en collaboración cola Xunta pola Defensa de la Llingua Asturiana, ta acabante d’editar per sugundu añu consecutivu un cantar n’apoyu de la reivindicación de la oficialidá de la llingua asturiana. El single, tituláu ‘Oficialidá, un pasu alantre’, ta editáu cola participación de la discográfica Discos L’Aguañaz. El doble CD compilatoriu ‘L’Asturianu Vive, la Llucha Sigue’ nel 2001 y el single ‘¡Fala!’ del 2005, son los precedentes d’esti nuevu ‘Oficialidá, un Pasu Alantre’, que foi grabáu en Tutú Estudios polos músicos Sergio Rodríguez, Xurde Fernández, Delfo, Dani, Navarro y Xune Elipe. La canción puede consiguise nel chigre La Casa Posafuelles de la Xunta pola Defensa de la Llingua o contactando nel correu info@exunta.org. 23 de mayu, 2006 0 FacebookTwitterPinterestEmail
Música Los arxentinos Fardaxu actúen nel Auditoriu de Belgrano by asturnet 23 de mayu, 2006 El grupu astur-arxentín Fardaxu va actuar el prósimu día de xunu nel marcu del Festival Celta del Auditoriu de Belgrano, nel que va ser el so segundu conciertu a lo llargo d’esti añu 2006. Nos escenarios, acompañarán a Fardaxu un coru y una orquesta de cuerda formada por dieciocho músicos (violes, violines y chelos), amás de dellos baillarines y una banda de gaites. Anguaño Fardaxu ta terminando d’axustar el repertoriu del que va ser el so tercer discu y los spots promocionales del grupu que se repartirán per EEUU. 23 de mayu, 2006 0 FacebookTwitterPinterestEmail